كنت في عز الثبات لين شفتك وانهزمت - الفصل 106 - بقلم ريناد | روايتك

البــــــــــــــــــ106ـــــــــارت اما مشعل طاحت يده وصار يتنفس بصعوبه خصوصا انه نزف كثير .. رجعت وهي تمسح دموعها:.تحمل شوي الحين بنروح للمستشفى لاحظت انه يغمض عيونه بانزعاج من قطرات المطر اللي تنزل على وجهه قربت وهي تمنع قطرات المطر انها تزعجه اكثر لاحظت انه يناظر فيها وانتبهت ما اهتمت ووقفت وهي تمنع المطر ينزل عليه وبعد فتره وصلت سيارات الإسعاف والشرطه ومي ابتسمت بفرح ومسحت وجهها بتعب وابعدت عنهم عشان يأخذونه كانت تحط يدها على قلبها وكأنها بهالطريقه راح تهدي من نبضاته وراحت معهم وهي تدعي يكون بخير . . . كانت كل فتره تبتسم وتذكر كلامه رفعت راسها وفزت بسرعه وهي تشوف ام عبدالرحمن:.الله يكثر خيركم القعده معكم ما ينمل منها ام نواف ابتسمت:.بالعافيه وما سوينا الا الواجب ام عبدالرحمن ناظرت في ديما:.مع السلامه ديما ردت عليها وهي للحين تحاول تعرف سبب هالنظرات معقوله ما عجبها لبسي!! لفت وهي تشوف نواف نازل ومعه الشناط بيده شهقت بصدمه:.وين ؟ نواف:.بنرجع البيت وش فيه وجهك؟ ديما:.لا بس كانك استعجلت ما شبعنا منكم نواف:.حنا قريب منكم مو طايرين ديما ابتسمت ونواف تكلم بحب:.انتبهي لنفسك ديما ركضت وحضنته:.تدري اني من زمان ما حضنتك؟ نواف ابتسم وبادلها الحضن:.لا تخافين عبدالرحمن بيصير يحضنك بدالي استحت وبعدت عنه وهي ملتزمه الصمت قربت منهم شوق:.بتروح وتركي بعد بيروح ديما:.وش فيكم شكلكم متفقين نواف وهو يضحك:.عاد انا مشتاق لزوجتي ابي اشوفها واتمعن فيها ديما:.كل هذا وباقي ما تمعنت فيها؟ نواف:.الحين ابفهم مشغليني ليش؟ شوق:.تدري ان البيت بيصير فاضي بعدكم نواف:.لا فيه امي وابوي وعهود ديما:.حنا نبي اطفال نواف:.ما عليك كلها فتره وتلعبين مع عيالك تلون وجهها باللون الاحمر وشوق انخطف لونها وتغيرت ملامحها ونواف انتبه عليها:.شوق فيك شي؟ ابتسمت بالقوه وهمست:.لا عن اذنكم بشوف حنين واساعدها اكيد ما تقدر تجهز نفسها .. . . بالسياره كان يسوق بهدوء وامه كل فتره تناظر فيه وما تحملت اكثر وتكلمت:.الحين انت اخترت ديما عشان ايش؟ عبدالرحمن وهو مستغرب من كلام امه:.كيف يعني؟ ام عبدالرحمن:.البنت واضح ماهي تعرف اي شي عن العوايد وواضح انها متفتحه بزياده ! عبدالرحمن ابتسم: طيب يمه واذا يعني؟ ام عبدالرحمن:.اطالع في اختها ما تشبها ابداً اختها سنع وجمال وهي لا عبدالرحمن:.يمه الله يهديك انا ابيها وماني متزوج احد غيرها ام عبدالرحمن:.الصغيره احسن يا ولدي والله خذ بكلامي صدقني اذا تزوجت بهالديما ما بتفرح بحياتك عبدالرحمن زاد سرعته:.يمه خلاص الله يرضى عليك .. . . حطت كل ملابسهم بالشنطه وبعدها توجهت ولبست عبايتها والتفت بخوف على صوته:.جوري؟ تذكرت كلامها الاخير وحست بالإحراج:.هاه تركي وهو يسكر الباب ويتوجه ناحيتها:.خلصتي؟ دق قلبها بربكه وهزت راسها وتركي صار واقف قدامها والابتسامه مرسومه على شفايفه:.امي ما كانت تبي نطلع بس انا ابي نكون لحالنا جوري حاولت تبتسم:.انت تعبان ليش وجهك كذا؟ تركي بهدوء:.مافيني شي تبين نمشي؟ هزت راسها وتركي اخذ الشنط وجوري مشت وراه وهي تحاول تتنفس براحه . . . دخلت شوق ولقت حنين تلبس عبايتها:.ليش رضيتي والله البيت بعدكم بيفضى حنين ابتسمت:.تعالي شوق والله اخوك هو صاحب الفكره شوق دخلت وجلست على السرير:.وجود عمر صلح اشياء كثيره الله يحفظه والله بنشتاق له حنين ضيقت عيونها:.يعني بتشتاقون له هو وانا؟ شوق وهي تضحك:.انتي تعودنا عليك هو فرد جديد حنين ببتسامه:.ما بخليك تشتاقين له كل ما اشتقتي اتصلي فيني وانا بجي شوق:.انتبهي لنفسك ولا تتعبين ترا توك ولاده حنين:.لا تخافين نسيتي اني ماخذه اخوك؟ شوق صارت تضحك:.صحيح نواف يوم احد يمرض منا يعاملنا كاننا اطفال حنين:.صح نسيت عبدالرحمن بيملك على ديما بكره؟ شوق تغيرت ملامحها وحاولت بكل اللي تقدر عليهوعشان تمحي ملامح هالشخص اللي محرم عليهاةحتى تفكر فيه وقفت بسرعه واخذت عمر:.ما يصير نخلي نواف ينتظر اكثر .. . . ببيت ناصر تقدمت وحطت كاسه المويه على الطاوله وهزته بخفيف:.يبه قوم نسيت تاخذ علاجك ما تحرك وام حنين فكرت انه تعبان ورجعت تتكلم:.يا بعد قلبي تعبان يا يبه؟ قوم عشان تاخذ علاجك ما يصير تتركه هزته كم مره بس ما كان يتحرك رجف قلبها بخوف وعلت صوتها:.يبه؟؟ تسمعني يبه قوم يبه!!! لمست بيدها مكان نبضه وحست ان جسمها كله انشل وهزت راسها وهي معترضه على موته ومو مصدقه ان ابوها قد فارق الحياه بكت بحرقه وهي تحضنه رغم انها كبيره وصارت ام لبنتين الا انها كانت تخاف تخسره وخسرته اليوم كم لحظه الوادع موجعه كانت بين حين وحين تشهق وتضمه بكل قوتها وتحاول تحفظ ريحه ابوها . 🌺📚 @storykaligi 🌺