كنت في عز الثبات لين شفتك وانهزمت - الفصل 105 - بقلم ريناد | روايتك

البــــــــــــــــــــ105 ـــــــــارت 📖🖌 @storykaligi 🎀🍃 نواف غمز لها ولف ينادي الشغاله وعطاها عمر ولف وحوطها من خصرها وقربها منه:.الحين باخذك ترتاحين حنين بلعت ريقها بصعوبه رغم طول الفتره اللي عاشتها معه الا ان قربه منها يوترها:.بس واهلك نواف:.لا اسمع لك نفس وسحبها معه . . . دخلت وهي تحس بدقات قلبها اللي بدات تهدا ابتسمت وهي تتذكر ملامح وجهه وبدون ما تحس صدمت في شوق:.اخخخ طالعي قدامك ديما انتبهت على نفسها وضحكت:.اسفه حبيبتي شوق رفعت حواجبها:.وين كنتي؟ ديما بهدوء:.طلعت شوي ورجعت شوق ضيقت عيونها:.ريحتك عطر رجالي ! توترت ديما وتكلمت بنفي:.لا هذا عطر توني شريته وأول مره احط منه شوق هزت راسها وبعدها تكلمت:.تعالي نحط العشا وام عبدالرحمن كانت تسال عنك ديما تذكرت ام عبدالرحمن وتوترت زياده:.ماقالت وش تبي؟ شوق:.ممكن تبي ترجع تحفظ ملامحك ضحكت ديما على كلام اختها وراحت لهم . . كان جوالها يرن باستمرار ناظرت بالرقم باستغراب وبعدها ردت:.هلا؟ انصدمت بالصوت الرجولي اللي رد عليها:.اهلين جوري عقدت حواجبها:.عفواً مين معي؟ انجذب لبحة صوتها:.لا كنت اخربط بالأرقام وطلع لي رقمك وش رايك نسولف ؟ جوري بحده:.الظاهر انك فاضي حيل وما غير تزعج الناس على العموم انا متزوجه ولو درا زوجي ما بيصير لك خير وسكرت وهي تسب فيه وانصدمت بام نواف:.انتبهي غيرة تركي ماهي بسهله جوري:.ما بقوله اساسا بس كنت أخوف هذا .. ام نواف:.وانا ماني غبيه وملاحظه ان تركي زعلان منك جوري بهدوء:.مواضيع بينا وانحلت خلاص ام نواف:.انتبهي ترا تركي نفس ابوه لا بعدين تجين تبكين وتقولين اخذ علي الثانيه !! جوري:.بس انا ما اشوف تركي نفس عمي ام نواف ابتسمت:.الرجال لهم طبع انتبهي يا جوري ومشت وجوري عقدت حواجبها وفزت اخذت جوالها وأتصلت في تركي وبعد ثواني وصلها صوته:.هلا حبيبتي جوري بلعت ريقها وتكلمت بسرعه:.احبك يا تركي احبك انصدم من كلامها وهمس:.فيك شي؟ جوري:.ادري انك عند الرجال وما تقدر تتكلم بس ترا احبك وحيل بعد بلع ريقه ورد عليها بهدوء:.اذ راحوا ترا بنرجع بيتنا واذا رجعنا هناك تقولين لي هالكلام تمام؟ جوري ما ردت عليه وسكرت وهي تضرب جبينها بغباء:.انا كيف بقوله هالكلام قدام وجهه اذا بالجوال ويالله تكلمت كيف لو قدامي ياربي ساعدني ابتسمت وهي تتذكر نبرة صوته:.اهم شي يعرف اني احبه الله يهدي عمتي كلامها خلاني اشك بتركي . . بلندن كانت الأمطار مستمره بالنزول ومي بشقتها ولافه عليها البطانيه من البرد سحبت كوب القهوه اللي يتصاعد منه البخار اخذت منه رشفه عشان تدفي نفسها وبعد فتره سمعت صوت الاصتطدام القوي فزت وحطت يدها على قلبها وهي متاكده انه من الجيران لان الصوت كان قريب حيل سحبت جاكيتها ولفت الحجاب على شعرها وطلعت رجف قلبها وهي تشوف الزجاج المتناثر على الارض والسياره اللي تحولت لحطام رجعت تناظر بالشاحنة وكان الخراب اللي فيها خفيف حست ان الشخص اللي بهالسياره مستحيل يعيش ركضت عشان تطمن على سائق الشاحنه وكان مغمى عليه رجعت لسياره وتوسعت عيونها بخوف وهي تشوف الشخص اللي يحاول يطلع من هالسياره كان الدم مغطي ملابسه تكلم بتعب:.س س ساعديني ت تكفين كان صوته مو غريب عليها ركضت مي وبدون تردد مدت له يدها وساعدته حتى طلعته ناظرت حولينها لأجل تشوف احد يساعدها بس كان الشارع فاضي غرقها المطر ورجف قلبها من شكل الانسان اللي يصارع الموت نزعت جاكيتها وغطته فيه وتكلمت بصوت باكي:.الحين بتصل بالإسعاف تحمل الله يخليك وتذكرت انه ممكن يكون اجنبي وتكلمت بس مشعل قاطعها بصوت مبحوح:.ا ا انا م مشعل كانت صدمتها الكبرى ارتجفت يدينها وركزت بعيونها على وجهه وتأكدت انه مشعل ما تدري ليش كان قلبها يدق بخوف تكلمت وهي تكتم انينها:.بروح اجيب جوالي بس مشعل منعها ومسك يدها وهمس:.بردان صارت تبكي بخوف وتتمنى لو يمر احد ويساعدها شالت الطرحه اللي على شعرها وحطتها عليه كانت تشوف الدم اللي يملى ملابسه بس ما تعرف وين إصابته:.تحمل شوي لازم نأخذك للمستشفى شد على يدها:.لا تروحين .. نزلت دموعها بخوف وضربات قلبها تزيد ما تعرف وش تسوي خصوصا انها تشوفه يموت قدامها ما تحملت اكثر ووقفت وركضت لداخل شقتها تدور على جوالها اما مشعل طاحت يده وصار يتنفس بصعوبه خصوصا انه نزف كثير .. #يتـــــــــــــــــــــــــــبع.... 🚫 يسعدنا مشاركة الرواية ولكن لا نبيح ولانحلل حذف توقيع القناة 🚫 🎀📚 @storykaligi 🎀📚🖋 🍃🎀 🎀🍃🎀 🍃🎀🍃🎀