ساقت الأقدار خطاي وصرنا حبايب - الفصل 5 | روايتك

❤️📝 روايات وقصص مميزة 📝❤️: 🌼🍃🌼🍃🌼 🍃🌼🍃🌼 🌼🍃🌼 🍃🌼 🌼 5 .. 📚 😍 📃 📖 روايـــــــــــــة ✍🏼 {  ساقت الأقدار خطاي و صرنا حبايب  } 📖🖌 @storykaligi 🌼🍃 أمـاني بـراحة ؛؛ يلا الحمدالله بالحـديد ولا بالعبـيد "واحـتدت نبـرتها "تسـتاهـل أصلا هذي نـهاية التفحيط شـجاع ؛؛ والله ماكنت افـحط ، بس كنت نعسـان وصدمت فيـه بس أشوا رضى أصلح لـه وخلص أمـاني ؛؛ الله يوفقـه ابن حلال شجاع نـاظر للسيارة معدومـة تـقريبا ؛؛ لا والله ، سـيارتـه قطعها غـاليـة تصليح أقل شـي ٧٠٠٠ريـال ويبي لـسيـارتي حول٢٠٠٠ أمـاني شـرقت بقهوتها؛؛ يخرب بيتـك ٩٠ ريـال ما بجيبك ، ٩٠٠٠ منين تجيـبهم ؟ ضحك شجاع بضيقة ؛؛ يعين الله أماني ؛؛ولا أزيدك كذبت على ابـوي قلت نايم عند خويك عشان مشروع تخرج والله ينجلط اذا درى انك سحبـت أوراقـك شجاع ؛؛ يلا انـا بالورشـه ،أكـلمك بـعدين تأففت بقهـر وضـيق عليـه أمانـي وسكرت ، • بـ المستشفى، نـاظرت الممر فـاضي ، وفتحت الغـرفة ودخلت شـافتها مـنسدحة تـناظر السـاحة ، تكتفت وجلست قدامها بـهدوء ؛؛ رتيـل رتيـل ما ردت و عطيـتها ظهرها أمانـي ؛؛ رتيـل انـا أدري انك تسمعيني رتيل ماتحرك فيها سـاكن أماني ؛؛وأدري انك مو مـريضة ولا مجنونـة ،وأدري انك مظلومـة وأبي اسـاعدك عقدت حواجبها رتـيل “أسـاعـدك!!!” آخر واحـد سمعـت هالكلمة منه جابـها هنـا ، ياتـرى هالمرة أي جحيـم راح تـوديهـا هالممرضـة ولـفت لها بهدوء ؛؛ لا أنـا مجنونـة اماني ابتسمـت ؛؛ وفـي مجنـون يـقـول عن نفسـه مجنون ساعديني اساعـدك،  أنـا ادور على وحـدة هنا ، جابـوها بنفس السنة اللي انـتي تعينتي وكـنتي ممرضتـها ماردت رتيـل أماني ؛؛ تكفيـن ، مالي الا انـتي تساعديني وتـعطيني طرف خيـط رتيـل ؛؛ ء انا ما كنت ممرضـة الا لـ مريـضة وحـدة وتلاقينها موجـودة اشـوفها بالساحـة مـرات أماني ؛؛ ما اقصد سـاريـة ، اقصد هاجـر رتيل عقدت حواجبها وسـكتت اماني ؛؛ تـذكري يمكن دخلوها بـ اسم ثانـي ، فيها خال مدري وحمة برقبـتها شوي كبيـرة ، وسمراء رتيـل ؛؛ مثل لوني يعني ؟ اماني ؛؛ لا هي افتـح لون بشـرتها قريـب لـ لـوني او أغمق شوي ، طولها متوسط مدري نحـيفه والا سمينه رتيل سـكتت تفكر وتـقضم أظافـرها بخـوف ، تذكـرت المرأة اللي تدورها لكن ماتعـرف امانـي وش تـبي منها ولـيش تـدورها ،ممكن تضـرها ؟ وهمست ؛؛ وش تبغين منها ؟ كيف تعرفيـنها اماني ؛؛ ابي القاها بس صدقيني ان لقيتها بطلعك من هنا والله واللي خلقنا وخلقك بطلعك لو على دمـي ماردت رتيـل ورجعت عطتها ظهـرها وتكورت على نفسها ؛؛ ما ابغى اطلـع وما اعرف أحـد أنا اماني تـنهدت وخنقتها العبرة ؛؛ تكفين ، ماحـد بيوصلني لـ أمـي غيـرك انصدمت رتيـل ولفت لها بـهدوء اماني ؛؛ تعرفينها ؟ رتيل سكتت لـلحظات طـويلـة وبـلعت ريقها ؛؛ ء ماعرف اذا اسمها الحقيـقي هاجـر مثل ما تـقولين ، أساساً ما كانت تسولف كثيـر بس اذا سالـتها جوعانـه قالت انا لا بس حسن طلع بدون فطور وأكـيد جيعان ، اذا سالتها بردانـة قالت انـا لا بس امينه بردانـة غطيها ، مين حسن وأمينـه ؟ توسعت عيونها أمـاني ومـرّ طيف حسن وأمينـه ببالها وبلعت غصتـها وأخـذت نفس بهدوء ، انفتـح الباب ودخل الدكتور هـاشم واستغرب ان رتيـل جالسة طبـيعي وتسولـف مع أمـاني وبنفس الوقت خـاف، خافت رتيـل والتفتت حول نفسها بسرعـة مثـل الحلـزون وتغطت ، لفت لـه امانـي وهي تحاول تبتـسم بخفة ؛؛ هلا دكتور هـاشم ؛؛ وش تسـوين هنا انتي ؟ اماني بكذب ؛؛ ء كنت ماشية من قدام غرفتها وسمعتها تغني انصدمت ان طلع صوتها ودخلت عندها هاشم ؛؛ روحي شوفي مرضاك وهالمريضـة والغرفـه اخر مره اشـوفك فيها اماني ؛؛ ليه؟ هاشم بحده ؛؛ تخاف من الناس لا تجين عندها اماني ناظرت رتيـل ورجعت نظرها للدكتور ؛؛ بس صار لي دقيقتين معاها ما خافـت وغنت لي هاشم ؛؛ وش غنت ؟ رتـيل من تحت الغطا؛؛ الاغاني حـرام ، ما اغني انا رفع حاجبه وناظر بـ اماني اللي ارتبكت وأشر لها تطلع وطلعت وعـزمت بكل الأحول راح تطلعها حتى لو ما وصلتها لـ هاجر ، • رجعت لها بعد ما تأكدت ان الدكتور هاشـم انتهى دوامه وطلع لـ بيتـه أمـاني ؛؛رتـيل فكرتي ؟ رتيل حركت رأسها بالايجاب ؛؛ توعديني تطلعيني ؟ اماني ؛؛ أوعـدك نفـتح القضـيه من جـديد وأعـين لك أحسن محامي وبتربحين القـضية هالمرة رتـيل حركت رأسها بـ لا وخافت من فكرة تفتح قضيه خسرتها بالمحكمة وخسرت حياتها معاها ؛؛ لا لا ،أبـي اطلع بس أمـاني سـحبت الكـرسي وجـلست قدامـها بـتفكير ؛؛وعـد والله بس انتظري هاليومين لين القى مكـان أو شـقة رتيـل تمسكت بأيديـها بإصرار وكنها طوق النجا الوحيد؛؛ مو مهـم مو مهم طلعيني بـرا السـور وبـأقرب وقت وانا اتصرف امانـي تألمت من مسكتها وشـدت على أيديها ؛؛طيب أهدي ، ماعندك أهل قرايب ممكن يساعدونـك ؟ أو تـروحين عندهم ؟ رتيـل ؛؛ أي أمـاني ؛؛ مين ؟ سكتت رتيل لحظات وحركت رأسها بخيبة ؛؛ ماعندي ، يعني ما بقى عندي أمانـي ::أجل ويـن بتروحين ؟ سكتت من جـديد وهي تفكـر بعد سـنين قضتها هنا أكيـد ما راح تلاقـى أحد من صـديقاتها او معارفها ؛؛ الله ما يقطع حـدا طلعيني وانا اتصـرف امانـي ؛؛ طيب ، اعتبريـه صار بطلعك ، بس مو قـبل تعلميني مين جاب أمـي هاجر هنا تذكـريـن؟ رتيـل ؛؛ مين هاجر ؟ لا ما اعرفها اماني ؛؛ هي أم حسن وامينة ، ويـنها ؟ رتيل ؛؛ اذكر اسمها بسمة الـ*** انصدمت أمـاني مـدخلينها باسم خالتها المتوفيـة ؛؛ وينها طيب ؟ وين نقلوها ؟ رتـيل ؛؛ ما ادري اماني جـمدت ملامحها ؛؛ تستهبلين؟ رتيل ؛؛ لا بس صـدق انـا ما اعرف ويـنها ، لكن أقـدر اعطيك رقم ملفها ، أي سنـة دخلت ومتى خرجـوها ومن هـناك تقدريـن تدخلين الأرشيف وتعرفين بشي طـريقة اماني تـنهدت بخيبة ؛؛ بس قلتي تعرفيـن رتيل ؛؛ كنت أقصد اني أعـرفها أمـاني ؛؛ لا تجننيني تعرفينها والا لا رتيـل ؛؛ أعرفها ولكن ما اعرف مكانها الحين ، حـركت رأسها وقامت للباب رتيل ؛؛ وين رايـحة ؟ أمـاني ؛؛ عندي شغل رتيل ؛؛ بتـرجعين ؟ أمـاني ناظرتها وتنهدت ماقدرت تساعدها بشي ، كل هذا هي تعرفـه ولاهي بحاجتـه وحركت كتوفها ؛؛ مـدري ، بشـوف وطلعت وقفلت الباب وراها أمـاني ، تـنهدت رتيـل ورجعت تكورت على نفسها وتناظر الجدار وتكتب بأصبعها لان ما عندها قلم او ورق ولا حتى طلبت ، ابتسمت بـأمل وثـقة  بـ أماني وهي تتخيل أنها تطلع وتخلص من هالسجن .. 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃🌼