يوم وضح لحظه بعاده والله اني له شفوق - الفصل 5 | روايتك

🌸🍃🌸🍃🌸 🍃🌸🍃🌸 🌸🍃🌸 🍃🌸 🌸 5 ... 📚 😍 📃 📖 روايـــــــــــــة ✍🏼 { يوم وضح لحظة ابعاده والله اني له شفوق } 📖🖌 @storykaligi 🌸🍃 سيرين : هالمره سماح بس إذا تكرر هالشيء مره ثانيه لي كلام ثاني معاك نزلت شنطتها الظهر و قالت بتعب : أنا بنام لا تصحيني لين اقوم من نفسي سيرين : ماراح تتغدين؟ هزت راسها بـ لا وهي تدخل غرفتـها ، فتحت جوالها وإتصلت على امها لحظات و وصلها صوت جواهر ساره : السلام عليكم ام ساره : وعليكم السلام , كيفك؟ ساره ابتسمت بشوق : بخير الحمدلله ، أخبار باباا ام ساره : كلنا بخير سكتت ساره للحظات ثم قالت : متى ناوين تجوني لكم اربع شهور مازرتوني؟ ام ساره : إن شاءالله بنجيك قريب ، يلا ياروحي بقفل ابوك يبي غداءه ساره : اذا فضيتي دقي علي مع السلامه و قفلت , بدلت ملابسها و ناامت . . . في المملكه ، دخـل سعود الفيلا طاحت عينه على اخته لجين قال بحده : هـاذي شتسوي هنا ؟ لفت عليه بسرعه لجين بخوف و سكتت ماعلقت على كلامه ام سعود : جالسين نسولف حياك رفع حاجبه و على ثغره إبتسامة سخريه : يمه بدون لف و دوران انا ماقلت ذي ماأبي اشوفها توطوط في البيت؟ لجين بقوه وهي تستجمع شجاعتها : بيت ابوي مالك كلمه علي و لا لك حق ! قرصتها نجود بخوف وهي تخزها لانها تعرف سعود مجنون ووقح و مايستحي من أحـد : لجين طلعت من المحلق لانها طفشانه سعود ارتفع صوته و بحده قويه : ابوي موصيني عليك ثانياً انا الصراحه ماودي عيالي وزوجتي يشوفونك هنا تعرفين اخاف تلوثينهم لجين ناظرت امها بحده و عيونها متغورقه دموع ام سعود تضايقت من كلامه وأردفت بحده : سعود إذا سمعتك تقول هالكلام مره ثانيه لااختك، لاني امـك ولا انت ولدي فااهم !! قلب عيونه بغيض وقهر مـن لجين و الـلي زاده قهره أكثر ان امه و ابوه بصـفها , تركهم و طلع من المجلس وبقت ام سعود وبناتها , لجين بضيق : يمه بذمتك قد ظلمتي أحـد قد سويتي شـيء ضر شخـص؟ ناظرتها ام سعود باستغراب و صـدمه : لا وش هالكلام ي لجين تنهدت لجين : يمه مو معقوله اللي يصير فينا ، ابـوي وأنشل و سعود وتغير علينا كلنا من تطلقت و انتي جاك السكري ، و المشاكل كاثره علينا أكيد مافيه الا حوبة شخص احد منه كان ظالمه ! الكلام دخل قلب ام سعود مثل السكين قالت بهدوء وهي تحاول تتناسى الماضي اللي رجع لها بثـواني على هئية شريط ذكريات / و ليـش ماتقولين أن هذا اختبار من رب العالمين ، يشوف قوة إيمانا وصبرنا و ابوك كلها شهرين او ثلاثه ويتعافى لان الشلل مؤقت الحمدلله و سعود الله يهديه لجين و نجود / امين , ونعم بالله ام سعود ناظرت لجين : وانتي لاتهتمين لكلامه ، للحين منقهر من طلاقك و تعرفين أن من بعد طلاقك وعلاقته مع بتال خربانه بعد ماكانت قلوبهم على بعض لاتلومينه ! زمت شفتها و العبره خانقتها محد متقبلها من بـعد ماتطلقت لانهم ماشافوا الـلي شافته مـن بتال ! و يـاكرهه هالاسم لا تذكرته تحس بغثيان و حقد كبير لصاحب لهالاسم — في بيت أهـل ام عبدالرحمن » منسدح في المقلط يفكر بسفرته اللي بعد يومين لو تمت السفره على خير و الشي اللي اتفق عليه هو ومجموعه من الاجانب بيكسب فلوس كثيره وبيقدر يطلع من بيت اخواله بعد مايستأجر له شقه انطق الباب ثم انفتح ، دخلت ام عبدالرحمن : زين مانمت قام عبدالرحمن من الفراش المفروش على الارض : أمري بغيتي شـيء؟ ام عبدالرحمن : ابي فلوس عقد عبدالرحمن حاجبينه : يمه قبل يومين معطيك فلوس ام عبدالرحمن جلست على الارض و تربعت : الفلوس أخذها خالك، طلبها مني وعطيته و الفلوس بأخذها اشتري فيها فستان لملكة بنت خالتك جُمانه عبدالرحمن بتفكير : متى الملكه؟ ام عبدالرحمن ابتسمت بداخلها : بعد اسبوعين اخذ يدها بحنو وباسها : من عيوني كم ام عبدالرحمن عندي ابتسمت ام عبدالرحمن بتصنع : الله يخليك لي ، تسلم مـاتقصر . . . الـيوم الثاني ، ببيت ابو ماجد : كانو متجمعين سعود و عبدالرحمن و بتال أبتسم سعود بفرحه وهو ينـزل الجوال : وصلت أول دفعه من الفلوس من اول شخص أخذناه استانس بتال على هالخبر اللي يأكد أن الشغله اللي بيشتغلونها بتكسبهم ملايين في أياام ،عكس عبدالرحمن اللي يحس بتأنيب الضمير بس يتذكر خواله يقسي قلبه ، بفضل الفلوس اللي بيكسبونها بيقدر يطلع له بيت و شقه واللي يهواه قلبه عبدالرحمن تكلم و هو يمرر يده على ذقنه :حلو ، و الرحله بكره إن شاءالله ، رفع نظره لبتال اللي سرح : لا تأخرنا يا بتال اعرف نومك ثقيل و بتنكبنا اومئ له بتال بدون لايفتح فمه بحرف وهو متضايق انه هو و عبدالرحمن بس اللي بيروحون ولو حصل لهم مشكله هناك بيطيح كل شي فوق روسهم و سعود بيطلع مثل الشعره من العجينه ، قال سعود بعد ماحس ان الكلام ماعجب بتال: بتال إذا مو عاجبتك الشغله قول لنا من البدايه .. 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸