يوم وضح لحظه بعاده والله اني له شفوق - الفصل 4 | روايتك

🌸🍃🌸🍃🌸 🍃🌸🍃🌸 🌸🍃🌸 🍃🌸 🌸 4 ... 📚 😍 📃 📖 روايـــــــــــــة ✍🏼 { يوم وضح لحظة ابعاده والله اني له شفوق } 📖🖌 @storykaligi 🌸🍃 قامت الممرضه من كرسيها بتهديها لأن كانت تتكلم وهي أشبه بالمجنونه صرخت تهاني بـأااالم صرخه هزت المستشفى والناس اللي حولها : بنتتتتتتتتتتتتيييييي فزوا الممرضات اللي كانوا يراقبون الموقف بصمت من بعيد يهدونها بعد ماشافوا انهيارها و طيحتها على الارض اللي هزت قلوبهم و هي تنادي باسم بنتها " جــوري " اللي كانت متفقه هي و ماجد عليه ، الكل كانوا يحاولون يهدونها لحد ماجابت وحده من الممرضات إبره نومتها – في قريه بعيده ، دخل ماجد وهو شـايل بنته في حضنه أبتسم براحه وهو يشوف الشخص و بداخله : واخيراً مابغى يقتنع بالأمر الواقع تكلم ماجد بنبره حاده و ملامحه الحاده بانت على تقاسيم وجهه حط البنت على الصوفا و لف جسمه للشخص اللي وراءه يناظره بقهر و الود وده يذبحه و يفك نفسه من المصيبه اللي جابها له وسط صدمته بكون في ابـاء نفس ماجد و أمثاله ! ناس محرومه من الضنا و هو يرفس نعمة ربي و لا هو راضـي يعترف في الطفله ، قلبه مصنوع من ايش؟ ، تنهد بضيق وهو يشوفه متوجه له : البنت امانه عندك، و كل شهر مصروفها بيمشي يعني لا تشيل هم المصاريف حتى بيتكم ياليت ب أقرب فرصه تشيلون أغراضكم لاني شريت بيت يصلح ان بنتي تعيش وتتربى فيه ،وصل كلامي لزوجتك بعد اربع أيام و برسل سواقي لكم وقف بوسط الصاله وهو يتفحص المكان بنظراته و ثواني وأردف باشمئزاز : ماله داعي تأخذون شيء من الإثاث لاني مجهز البيت مايحتاج تأخذون هالقرف معاكم رفع حاجبه الرجل بدهشه من تناقضات ماجد و غروره وكبرياءه :مادامك مو راضي ان بنتك تعيش هنا ، ليش ماتربي بنتك بنفسك؟ ليش ماتخلي اللي جابتها تربيها؟ و الا بس كلام أبتسم ماجد بسخريه و طلع من البيت بسرعه و هو يحاول يتناسى اللي سواه و بضميره اللي أنبه . . الـيوم الثـاني : فتحت عيونها و هي تحس بألم فضيع في جميع أنحاء جسمها و بالذات رحمها من وصل على طول توجه لها بعد مادقو عليه المستشفى و قالو له الـلي صار معاها سمع صوتها وهي تهمهم ، اقترب منها بخطوات حذره  أبتسم وهو يشوف أنها صحت ، ناظرته تهاني ثم ناظرت المكان باستنكار و هي تحاول تتذكر اللي صار ،جلس جمبها و مسك يدها حست بنغزه في قلبها وهي تتذكر احداث امس ووفاة بنتها كانت بتصيح بس حط ماجد يده على فمها  يكتم صوتها : اذكري ربك قولي لا اله الا الله ،مايصير تسوين في عمرك كذا بكت بصوت مكتوم و هي مقهوره من بروده وابتسامته اللي استفزتـها وحرقت قلبها ابعد يده عن فمها لما شافها هدأت ارتخت ملامحه بندم و حزن وهو يشوف دموعها وبكاها المكتوم مسحت دموعها بعنف و ناظرته بنظرات حارقه و حاقده بنفـس الوقت اردفت بنبره حاده :شفيك مو محزن مستانس إنك افتكيت من ضناك افتكيت مني وانك ترتبط فيني؟ حصل لك مناك ماتت بنتنا ماتت وانت تتبوسم! الله لا يوفقك احرقت قلبي ،وضربت قلبها وهي تبكي بقووه : طلبت منك اشوفها امنيتي كانت شوفتهاا وش بيضرك لو جبتها لي، وش بيضرك؟ تعرف إني تحملت كل تصرفاتك الاخيره عشان هالبنت و راحت من بين ايديني وانا ماشفتها ماشميت ريحتهااا ارتفع صوتها وبدأت تضرب كل شي قدامها وهي تشتمه بأقذر الألفاظ ، وهي ميته حسرهه دق ماجد على الممرضات ودخلو على طول وعطوها مهدىء، طلع للمحكمة ع طول عشان يجهـز اوراق طلاق تهاني . . بعد أربع اسـابيع : كانت تهاني عايشه مع خالها لحد ماجاء اصغر عمانها وأخذها معه يعيشون برا لكون العيشه عند عمانها ماتنطاق ولا كان احد متقبل وجودها غير عمها صقر ماتأثرت بورقة طلاقها كثر ماأثر عليها وفاة بنتها .. . . بعد ٢٢ سـنه . لــــنــــدن , طلعـت من جامعتهـا بعجله وهي تـشوف إتصالات مربيتهـا اللـي من صـار عمرها ٨ سنوات وهي معاهـا بهالمديـنه و الغربه و رغم هالشـيء ماتركتها و لا لحظه صارت بمثابة الام بالنسبه لها ، امهـا اللي انحرمـت منها وهي عايـشه ! تنهدت تنهيدة تعبَ و هـي تشوف سيارة السواق سرعان مامشت بخطوات سريعه و ركبت السـياره ساره وهـي تكلم السواق باللغه الانقليزيه كونها عاشت طفولتها و مراهقتها وشبابها بـ لندن ف اكتسبت لغتهم : ‏ Serene is waiting for me " اسرع سيرين بانتظاري , لقد تأخرت كثيراً " حرك السائق سـيارته بهدوء وهو يستـمع لـ ساره . . وقفت سيارة السـواق قدام مبنى متـواضع ، نزلـت ساره و دخلت داخل المبنى متوجه لشقتها الـلي أشتراها ابـوها لها ، دخلت وهي تـدعي بداخلها أن ربي يفكها من لسان سيرين تخصرت سيرين و بعصبيه : شايفـه الساعه كم صـارت؟ سيرين من أصول سعوديه كانت تشتغل مربيه لين مـاأخذها ابو ساره لـ بنته ، و مع الوقـت تعودت سيرين على ساره وتعلقت فيـها ومعتبرتها بنتها اللي ماجابتـها عضت ساره شفتها بربكه : والله إنشغلت مع الدكتور و راح الوقت وانـا مو حاسه بنفـسي ! 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸