الفصل 3
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 3 ...
📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }
📖🖌 @storykaligi 🌸🍃
تهاني بلهفه و شوق لشوفة بنتها اللي تعلقت فيها من قبل لا تشوفهـا :أبي اشوف بنتي ليش ماجابوها لي؟ المفروض جايبينها لي من أمس ،تكفى ماجد جبها لي الحين قلبي زاغ عليها و أنا ماشفتهااا
إرتبك ماجد لكن حاول مايبين شي قدامها وخصوصاً أنها توها والده و بنفس الوقت حزنان عليها وعلى اللي بيصير فيها و من جهة ثانيـه فرحان انه بينتقم منها لاإستغلالها لحبه لها قرب منها بخطوات اربكتها لانه من فتره طويله ماقرب لها و يشمئز منهـا إذا شافها حوله ، مسك يدها ولا إرادياً رجفت و هي تحس بكهرباء سرت بكل جسمها و قلبها مو متطمن له تحس أن عنده اشياء كثيره هالفتره خافيها !
قال بنبره حانيه : راضيه بقضاء الله و قـدره ؟
بلعت ريقها بتوتر و خوف ان يكون في بنتها شي لكن إيمانها بالله تعالى كان اكبر من هالشي :الحمدالله اللهم لا إعتراض
تكلم ماجد الكلام اللي نقله إياه ابوه بالحرف الواحد متناسي أن اللي قدامه أنثى متعلمه :
الكرموسوم حق النمو عند البنت ناقص و إحتمال مايطلعونها من الحضانه إلا بعد شهر أو شهرين
زمّت تهاني على شفتها المتورده وهي ترجع شعرها لوراء إذنها بحذر وهي تنقي كلامها بإهتمام شديد بعد ماعرفت مراد و خطة ماجد اللي قبضت على قلبها بخوف من الفكره اللي راودتها وإن ممكن ماجد يسويها : بس نقص النمو ما يوضـح عند الطفل إلا بعد ست أشهر ، كيف قدروا يشخصون الكرموسوم عند ،
و شـدت على كلامها :بنـتي
اهتز ماجد من مكانه وهو يفكر برد مقنع لكلامها اللي ماحسب له حساب و لا توقع واحد بالمئه أنها بتنتبه ، تشوشت افكاره و تلخبط بالحكي ماعرف يقول كلمتين على بعضها
تهاني بحده : أكلمك انا كيف قدرو يشخصون الكرموسوم عند بنتي وهي باقي رضيعه ؟ ماصار لها يوم
ماجد بحده اقوى وهو يحاول يسيطر على الموقف بضخامة صوته لاأجل يسكتها : إذا جاء الدكتور يشرح لك ، أحد قايل لك إني دكتور ؟
رفعت حاجبها و بنفخه :
لاني قاعده اسمع كلام مو منطقي يـا ماجد !
ماجد بدأ يعصب من التوتر :لا ترفعين صوتك علي فااهمه
اخذت هواء لصدرها و قالت بصوت هـادي :
مارفعت صوتي عليك ! انا اتناقش معاك ، تصدق كل كلمه تنقال لك بدون لا تسأل فيها وتقول لا ترفعين صوتك علي ؟
كيف شافوا أعراض نقض النمو و ماصار لبنتي يوم؟
إعاقه صح بس نقص نمو ، وضحكت بسخريه إستفزته فـيهـا طلع ماجد من عندها وهو يدعي بداخله انه مايتهور و يخرب خطة ابـوه .
.
في بيت ابو عبدالرحمن :
يراقب العمال اللي يشيلون إثاث البيت بتأمل و داخله يشتبب بقهر طفل ماتجاوز عمره سبع سنوات محد بيأخذ بكلامه بيعطونه كم كلمه يسكتونه على قد عقله ، وبفضول وهو يسأل امه : إذا رحنا بيت جدي مين بيعيش في بيتنا ؟
حطت ام عبدالرحمن إيدها على راسه ومسحت عليه وهي تتكلم بهدوء و عدم مبالاه لصغر سنه : ابوك مات وماراح نقدر نعيش هنا وندفع فواتير الكهرباء و نصرف على البيت ، ببيعه إن شاءالله وبنكسب منه مبلغ زين نقدر نكمل فيه هالسنه في بيت أبوي و هو ماراح يقصر معانا
عبدالرحمن : بس أنا ماابيك تبيعينه ، ابـي بيت ابوي مابي بيت جدي ماراح ننام زين هناك ماما و خالاتي و خوالي موجودين
قالت خوله بعصبيه :
اطلع برا ، انتظرنا في سيارة خالك دقايق ونجي
و سحبته من معصمه و مشت فيه لين وصلته لعند باب الفيلا .
.
.
في الليـل ،المستشفى
طلعت من جناحها وهي مصممه أنها تشوف بنتها اللي من نزلت من رحمها ماشافتها ، توجهت عند الممرضات وهي تسألهم عن حضانة الاطفال و سرعان ماتحركت اقدامها بسرعه للحضانه بعد ما عطوها الوصف ابتسمت براحه وهي تشوف الاطفال من القزازه حقت الحضانـه دخلت عند الممرضات المسؤلات عن الاطفال وهي تسألهم عن بنتها :
لوسمحتي أبي اشوف بنتي جبتها امس الساعه ٢ ونص و للحين محد جابها لي ، شهالادارة الغير مسؤله عندكم ؟
توترت الممرضه مع أستغربها الشديد لهالموضوع و لانها مستجده حسّت بخوف كبير لو أحد عرف وخصوصاً الإداريين وانها ممكن تقدم شكوى : حاضر الحين اجيبها لك ، شسم الوالد ؟
تهاني بتنهيدة حسره و عطتها الاسم الكامل لعائلة ماجد
عضت شفتها السفليه بحزن وربكه بالموقف اللي إنحطت فيه ،
تهاني بتعب وهي تلف يدها حول خصرها : لو سمحتي إستعجلي تعبانه مافيني حيل وابي اشوف بنتي ويرجع هالشي لكم !
الممرضه استجمعت شجاعتها ونطقت بخفوت :
الطفله جوري ماجد معتز ، توفت الساعه ٤ ونص العصر ، الله يعظم أجرك طير من طيور الجنه ان شاءالله
تسارعت أنفاسها حست بنفسها يضيع و ببحة بكي : متأكده بنتـ.ـي مـ.اتت !
هزت راسها الممرضه وهي شفقانه عليها وعلى الموقف اللي انحطت فيه وانجبرت انها تشرح لها كل شي ،عادت نفس السؤال مرّه ثانيه لكن هالمره كانت مستوعبه اللي تقوله وبصوت متقطع: مـ.ت.ـأكـ..ده .
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸