يوم وضح لحظه بعاده والله اني له شفوق - الفصل 1 | روايتك

❤️📝 روايات وقصص مميزة 📝❤️: 🌸🍃🌸🍃🌸 🍃🌸🍃🌸 🌸🍃🌸 🍃🌸 🌸 #الـــمــــلـــــخــــص  ... 📚 😍 📃 📖 روايـــــــــــة { يوم وضح لحظة ابعاده والله إني له شفوق } 📖🖌 @storykaligi 🌷🍃 رواية مميزة وقصتها حلوة .. * تهاني حبت ماجد وعاشت معه أجمل أيام عمرها وعندما ابلغته أنها حامل قرر أن يعلن زواجه ولكن كان هناك من هو له بالمرصاد ليدمر حياتهم سنعرف قصتهم في أحداث الرواية .. * سارة العايشة في لندن المنبوذة من والديها لدرجة أنهم أحضروا لها مربية من سن الثامنة تتعرض في أحد الأيام لحادثة خطف من سيقوم بخطفها؟ ومن سينقذها؟ وما هي قصتها ؟ * خالد يتعرض وهو صغير لحادث مع والديه فيرى وفاتهم ليقوم صديق والده بتربيته ليكتشف عندما يكبر ان له شقيق من أبيه يقوم شقيقه بالبحث عن أسباب تعرض سيارة والده لحادث فيكتشف ان الحادث مدبر ؟ من المدبر ؟ وماذا سيكون مصير شقيق خالد عندما يحاول ان يكشف عن الجاني ؟ * لجين التي كانت متزوجة من صديق شقيقها ولكن لأسباب غير معروفة يقوم بضربها ثم يطلقها فتعيش كالمنبوذة في منزل والدها ماهي قصتها ؟ * سعود رغم حياة الغنى الذي يعيشه لا يكتفي فيقرر مع بتال طليق أخته وعبدالرحمن ان يقوموا بعمل شيء لكي يجنوا من وراءه المال فما هو هذا الشيء ؟ * عبدالرحمن فقد ابوه صغير فقامت والدته ببيع بيتهم والعيش عند اخوانها فلم يشعر لا بالراحة ولا هدوء في ظل تفضيل والدته اخوانها عليه فما الذي ينتظره من أحداث .. * ميس إحدى بطلاتنا ما سبب هروبها من زوجها وليد الذي بحث عنها كثيرا" .. * نجود ما سبب كراهيتها لسارة وتعاملها القاسي معها .. أحداث كثيرة وشخصيات لم يتم ذكرها سنتعرف عليها خلال عرض روايتنا .. تابعونا .. .. 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸 🌸🍃🌸🍃🌸 🍃🌸🍃🌸 🌸🍃🌸 🍃🌸 🌸 # الـشخـصـيـاات ... 📚 😍 📃 📖 روايـــــــــــــة ✍🏼 { يوم وضح لحظة ابعاده والله اني له شفوق } 📖🖌 @storykaligi 🌸🍃 , عائلة ابو سعود ماجد , الاب دلال , الام تهاني , زوجة ماجد زواج مسيار , , سعود : عمره ٣٠ متزوج لجين : عمرها ٢٦ مطلقه نجود : عمرها ١٨ — عائلة ابو ياسر , ابو سعود و ابو ياسر يصيرون عيال عم عبدالله , الاب شيخه , الام –– ياسر : عمره ٢٨ اريام , زوجة سعود : عمرها ٢٥ عندهم طفلين يزن عمره : ٦ سنوات , و غزل : ٤ سنوات –– عائلة ابو عبدالرحمن خوله , ام عبدالرحمن زوجها متوفي من سنين عبدالرحمن , وحيدها : عمره ٢٩ صديق سعود الروح بالروح , عائلة ابو خالد الام و الاب متوفين , خالد , عاش مع ابو سعود و ام سعود : عمره ٢٧ –– عائلة ابو ساره عمر , الاب جواهر , الام اخت ابو سعود ساره : عمرها ٢٢ عايشه في لندن , , يوسف , و ابو سعود ( ماجد ) اخوان : عمره ٢٦ , في الروايه بنتعمق اكثر بالشخصيات .. 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸 🌸🍃🌸🍃🌸 🍃🌸🍃🌸 🌸🍃🌸 🍃🌸 🌸 1 ... 📚 😍 📃 📖 روايـــــــــــــة ✍🏼 { يوم وضح لحظة ابعاده والله اني له شفوق } 📖🖌 @storykaligi 🌸🍃 قبل ثنين وعشرين سـنه . أبتسم ماجد بفرحه و ايدينه على كتوف تهاني : بصير أب و طفل منك انتي وش سويت عشان ربي يجازيني بهالنعم ابتسمت تهاني بحُب و بتردد : ماجد انت تعرف ان زواجنا من البدايه كان غلطه وتهور منا الاثنين ، حطت يدها على بطنها و كملت :و الحين صرنا ثلاثه ! ماجد شد على كتوفها و باس جبينها : جهزي نفسك , يومين بالكثير و بتقدم لك بالعلن أبعدت يدينه اللي على كتوفها و بخوف : و دلال؟ ضحك ماجد بسخريه :ماتقدر تعارض و لو عارضت بعطيها ورقة طلاقها،والحين ابيك تهتمين بنفسك و بالجنين اللي ببطنك وخلي هالموضوع علي تهاني : لكـ، شبك ايدينهم ببعض و بمقاطعه : تثقين فيني؟ اومئت له و كل المشاعر و الافكار السلبيه احتوتها باس شعرها و ضمها لصدره وهو يطمنهاا . . . بيت الجد : في حديقة البيت كانوا متجمعين اهل معتز و أهل ابو ياسر معتز الجد ابو ماجد ، أبتسم ابو ماجد بفخر و هو يشوف سعُود اللي ما تجاوز عمره ٨ سنوات يصب لهم القهوه ابو ماجد نطق بصوته الجهوري : سعود لف عليه سعود : سم ابو ماجد : سم الله عدوك ، روح شوف ابوك جاء اومئ له و طلع بعد ماحط الدله والفناجيل على طاولة المجلس صادف ماجد اللي دخل الفيلا و هو مبتسم سعود : يبه جدي يسأل عنك دخل جواله في جيبه و عقد حاجبينه : ليش صاير شي هنا و انا مدري ؟ هز راسه بلا : عمي عبدالله موجود و اهله معه ماجد : خلاص ، أنت روح العب مع العيال برا اومئ له سعود و طلع . . دخل ماجد سلم عليهم وجلس ،ابو ماجد : وينك من اليوم ؟ أعتدل بجلسته و تفكيره منحصر بتهاني و الزواج : رحت اخلص لي شغله امر بغيت شي ابو ماجد: سلامتك ابو ياسر قام : انا استاذنكم ابو ماجد : ماتعشيت ابوياسر : معزوم عند رجال والله ابو ماجد : على راحتك اجل ، طلع ابو ياسر ناظر ولده و بحده : و انت يا ابوسعود متى ناوي تترك حركات المراهقين ؟ وتتبع سلوم المرجله تجاهل ماجد تماماً كلام ابوه لانه دايم يعيد الأسطوانه نفسها : أنا جيتك علشان موضوع زواجي ابو ماجد: كم مره قلت لك تحرم عليك بنات حواء دام دلال زوجتك ، مااحب أكرر كلامي مرتين ! كان مرتبك انه يواجه ابوه بالحقيقه بس كل مايتذكر كلام تهاني و ضعفها وعدم ثقتها فيه يزيد اصراره : يبه الكلام اللي بقوله لك الحين ما راح يعجبك لكن حقيقه ولازم أنت تتقبلها !! انا متزوج مسيار لي سنه كامله ، قال بسرعه علشان ابوه مايقاطعه : و الحين ارتبطنا بطفل ، يعني إصرارك و كلامك ماراح يغير شي لان الطفل اللي في بطنها من دمي و لحمي ! إنعقد لسان ابو ماجد من الصدمه اكمل ماجد كلامه : واذا تبي طلقت دلال دامك حرمت علي بنات حواء وهي على ذمتي ،و أنت اكثر واحد عارف اني عايش معها مو متهني و ادرى بوقاحتها و مشاكلها ، و اللي زاد الطيب بله وقفتك معها لاتلومني على اللي بسويه ابو ماجد و صدره يرتفع و ينزل من الصدمه ماقدر يتحكم بطريقة تنفسه : البنت ماعمرها قصرت معاك بس انت ماتستاهلها عدل شماغه و قام : فعلاً هي ماتستاهلني ولا انا استاهلها ما ابي اكمل حياتي مع وحده قشره و جاهله مثلها ، اكتفيت منها !! طلع متهرب من ابوه دامه تحت تأثير الصدمه لانه لو كمل معاه بيعطيه كلام يسم قلبه . تنهد ابو ماجد بتنهيده تعب و خوف من تصرفات ولده اللي صارت خارج سيطرته، انقبض قلبه بخوف و شفقه لو سمعت دلال بهالخبر ؟ متأكد انها ماراح تجلس في البيت ثانيه وحده من تسمع بزواجه المسيار ، وولده ماراح يتعب نفسه هو يبي فرقاها خلقه دلال في قلب ابو ماجد غير الناس في كفه وهي في كفه ، يحبها من حبه لاابوها و من زود الحب يوقف في صف دلال ضد ولده حتى لو كانت هي الغلطانه مايحب احد يضايقها و لا يتعرض لها مشيخها فوق الكل و معتبرها وحده من بناته . . اليوم الثاني ، في شركة ابو ماجد دخل ماجد مكتب ابو ماجد : السلام عليكم اخذ نفس و بدون نفس : وعليكم السلام سلم على راسه و جلس قباله :  امر يقولون تبي تشوفني ابو ماجد : تبي تتزوج بالعلن مع قليلة الأصل اللي رضت فيك تتزوجها مسيار ؟ شد على قبضة يده بغيض و قهر من أسلوب ابوه: ايه نعم حط يده ابو ماجد على الطاوله و بنبره جهوريه : قلت لك من قبل و بقولك الحين ماعندي اغلى من دلال و عيالها ،تبي تكمل حياتك و تتزوج مع اللي خاطرك يبيها ؟ : تبي تطلق دلال او تخليها على ذمتك هذا ماعاد صار يهمني مادامك بتأخذ غيرها ، بس اعرف أن بيتِ ماراح يستقبلك و شركتي ما عاد لك مكان فيها وورثي و املاكي بتنكتب باسم جواهر و يوسف وكل مستحقات شغلك هنا بنعطيك اياها جمدتت ملامحه من الصدمه تصنم مكاانه ماكانت له اي ردة فعل عن الموضوع سواء انه يناظر ابوه يبي يتأكد إذا هو جاد بكلامه .. 🌸📚 @storykaligi 🌸📚🖋 🍃🌸 🌸🍃🌸 🍃🌸🍃🌸 🌸🍃🌸🍃🌸