يدري ان اسباب ضعفي نظرته ويدري اني ما اقاوم ضحكته - الفصل 2 | روايتك

🌺🍃🌺🍃🌺 🍃🌺🍃🌺 🌺🍃🌺 🍃🌺 🌺 2 .. 📚 😍 📃 📖 روايـــــــــــــة ✍🏼 { يدري إن أسباب ضعفي نظرته .. يدري إني ما أقاوم ضحكته } 📖🖌 @storykaligi 🌺🍃 صرخت لها وأنا مخنوقه .. منال ما اقدر اعيش بدونك منال خذيني معك منال لا يا منال الله كتب لي روح جديده وحياه سبحانه له الحكمه في هذا حسيت بجسمي أرتخى حسيت بأيد تضرب خدي بشويش ورقه سمعت صوت :منى منى اصحي اصحي فتحت عيوني اول شفت الدكتور قدامي بس ما وضحت ملامحه من دموعي منى(بكيت من الصدمه): يماه لا يماه منال الدكتور (بعصبيه) : عطيني الأبره بسرعه نزلت دمعه من عيني حسيتها نار على خدي راحت توأمتي حياتي راحت الغاليه آخر شيء حسيت فيه يوم الدكتور خدرني نمت ودمعتي على خدي حزن على اختي وزوجها صحيت بعد فتره كانوا أهلي موجودين حولي ابتسمت بصعوبه لهم بس أبتسامه حزن الجد: لا لا الحمدلله على سلامتك (حب راسها) منى: جدي الجد: عيونه وقلبه منى : منال ياجدي ماتت صدق ماتت منال صرت جسد بدون روح ياجدي فقدت الغاليه بكيت و شفت اول مره جدي تدمع عيونه ويمسحهن بشماغه الجد:تعوذي من ابليس وادعي لها دعيت لها بالرحمه والمغفره ويوسع عليها قبرها منى(مسحت دموعي ) :يمه وين طلال الأم: الحين يجيبه ابراهيم منى: كم صار لي ووش حصل الأم:صار لك شهرين وأنتي بغيبوبة الحادث سبب لكي نزيف في المخ سوو لك عمليه بس الحمد لله اللي يحيي الموتى صحيتي من الغيبوبة مع ان البعض استبعد تصحين من الغيبوبة منى:ورجلي شفيها دخل الدكتور قال لي ان الحادث سبب لي خلع بالورك الايسر واني لازم اسوي عمليه بالخارج رفضت لما عرفت أن أهل سلمان قرروا يأخذون طلال مو حب فيه ولكن لورثه الكبير اللي ملكه بعد وفاة أبوه تنازلنا لهم عن ورث طلال مقابل تنازلهم عن حضانة طلال نسيت عمري وعمليتي بحياتي للي سخرتها لتربية طلال صار عمره الحين 6 سنوات وهذي أول سنه له في المدرسة أتذكر بكيت بأول يوم تمنيت أمه وأبوه يشوفون فرحة حياتهم يبدأ عامه الأول بس هذي مشيئة الله ولا اعتراض طلال الكل يحبه وأهلي أول الناس عمامه ما أهتموا له بدليل أنه خلال 5 سنوات ما زاروا أو سألوا عنه إلا يمكن 4 مرات فقط .. ونحاول نعوضه عن فقدان أمه وأبوه طلال يعرف أني مو أمه بس دائم يقول لي ماما أحلى كلمه بالوجود كلمه كانت منال تتمنى تسمعها منه ومن كان صغير كانت تردد قول ماما بس ماقال لها ماما شاء الله أن تقال هذه الكلمة لي وتعوضني عن كل شيء بالدنيا .. @storykaligi تنهدت ووضعت الإطار كما هو دائما بعناية خوف من أن يخدش أو يتحطم واتجهت لتغسل وجهها وتتوضأ وبعد الصلاة كعادتها تفطر مع عائلتها كما تفعل دائما غيرت ملابسها ونزلت مستنده على العكاز خوفا من ان تزل قدمها من السلم فتقع رغم وجود المصعد في المنزل إلا أنها تفضل السلم تقويه لقدمها رفعت نظرها لترى من القادم من باب المنزل الذي فتح منى(صرخت تحذره) : إبراهيم لحظه لحظه انتظر (اذا فات الفوت ما ينفع الصوت ) تششششششششششش( صوت الماي ) منى:هههههههههه من كثر ما ضحكت ما قدرت توقف قعدت على السلم إبراهيم (بعصبيه) :ضحكت من سرك منى: ههههههه شكلك يضحك وأنت غرقان مويه هههههههه إبراهيم :يضحك هاهاها أوريهم حاطين لي سطل مويه فوق الباب هل القرود منى: عيال نجود شاقين الارض وطالعين وأنت الله يهداك ورى ما تنتبه إبراهيم: شفت الباب مفتوح ودخلت منى: ليه جالس بالخارج شكلك مانمت إبراهيم(بحزن): لا مانمت بس مو هذي المشكله الحين ابي هل القرود وينهم منى: طيب روح غير ملابسك غرقت المكان كله مويه إبراهيم: ليه يا شيخه يعني المكان مو غرقان مويه منى: طيب روح قبل تاخذ برد قطع كلامها الجد اللي طالع من غرفته يوم شاف إبراهيم الجد: إبراهيم وش بلاك مغرق مويه إبراهيم : مو بكيفي ياجدي هذولا عيال نجود لا بارك الله فيهم ولا في الساعه اللي جو فيها للرياض الجد(عاقد حاجبيه): ليه وش بلاهم بزران يغرقونك مويه ليه منت رجال بزر إبراهيم : هذولا شياطين ماهم بزران .. الجد : روح روح بدل ملابسك إبراهيم تلفت يمين يسار يمين يسار الجد : علامك تتلفت وش عليه تدور ابرهيم: شياطين نجود الجد: شياطين(الجد يتلفت حول نفسه) وينهم يا وليدي تعوذ من الشيطان الرجيم شفيك تخبلت ما فيه شياطين منى: هههههه جدي اهو يقصد عيال نجود .. التفت الجد للدرج لانه ما تنبه لوجود منى ابتسم لها وابتسمت له .. الجد: هلا والله صباح بخير منى: صبحك الله بالنور والسرور الجد : تعالي وانا جدك نفطر وخلي برهوم يدور عن شياطينه ان لقاهم يلحقنا منى:ههههههه إبراهيم( يهمس بصوت واطي) رجال وش كبري ويقول برهوم الجد: وش تقول ها إبراهيم: سلامتك جدي ابي اصعد اغير ونازل الجد: ايه وانا جدك ورانا اشغال لا تاخرنا راح الجد لغرفة الاكل ومنى تحاول توقف بعكازها وتقوم من الدرج بس ما قدرت إبراهيم: هاتي يدك ياغلا جدك منى: تسلم ياغلا سلمى الله لا يحرمني منك .. 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺