جيت ما ابيك تحقرني جيت ابيك تعز شاني - الفصل 5 | روايتك

🌻🍃🌻🍃🌻 🍃🌻🍃🌻 🌻🍃🌻 🍃🌻 🌻 5 ... 📚 😍 📜 📖 روايـــــــــــــة { جيت مابيك تحقرني جيت أبيك تعز شاني } 📖🖌 @storykaligi 🌻🍃 عادل زفر بضيق نفس الحكي يتردد وينعاد كل مره : مصعب كبر عقلك وصفي نيتك وبعدين ماهو أنت خاطب خلاص ي رجآل خلي ابوك يعجل لك بالزواج وانشغل بحياتك وخلي ابوك بحاله وكاد بعد اللي بتأخذها يكون بها خير وتبعدك عن اللي ناوي تضر بها نفسك .. مصعب ابتسم بخبث :انشغل بحياتي واخلي الجوهره تأخذ راحتها هذا المستحيل بعينه بتزوج وبسكنها على قلبها .... عادل بيأس :والله انت حالتك صعبه مصعب رجع حط يده على رأسه وزفر بضيق: سق وانت ساكت بعض مرات اندم اني أخذك معي يقال الحين جايب الحل قال ايش تزوج واستقل بحياتك ....ابعد يده وناظره بعصبيه وبعدين منصور ال*** متى قالك عادل ندم انه قاله منصور اللي خبره ليته ..ماقاله أسمه ...آلحين بيسوي مشكله مع الضعيف .. ، رفعت شعرها وبطفش :اوف أميره ترا حدي طفشت وبعدين يستاهل ولد الجوهره خليه مايعرف يكسر خشمه غير مصعب شايف حاله وهو عاله على عمي .. أميره بضيق من كلام أختها :اقولك ابوي يقول فشله امس بالمجلس والله لو كان غيره كان قام ومسح بخشته الأرض بس مسوي قدر وحشيمه لابوي وعمي ... الشموخ زفرت بضيق : اف اف هذا كله ليه مصعب رمى كم كلمه على دلوع الماما صراحه مكبرين السالفة وهي ماتستاهل . أميره بقهر : صدق لايقين على بعض انتي وها المصعب الشموخ بغرور : اكيد لا يقين على بعض والا شلون بوافق عليه .. أميره ابتسمت بسخريه :الله يستر عليك من هالمصعب لا يرميك بعد تعرفيه ماله أمان ... الشموخ ضحكت بغرور :وش اللي تقوليه يالمجنونه روحي زين شوفي لك شغله غير المحاماة عن ولد الجوهره يقال آلحين بيجي يخطبك ...والله انه ماهو في هواك ولا هو داري عنك متعبه نفسك ومتعبتني معاك على الفاضي .... أميره وجهها حمر من القهر وقفت وهي معصبه من وقاحة أختها ...وطلعت وقفلت الباب بقوه ..... الشموخ بضحكه كلها شماته : باب غرفتي وش ذنبه .. ... ، وصل مكتبه الخاص .. وهو قرفان .. فتح ملف القضيه ورجع سكره ..ماله نفس يشتغل على القضيه ويركز وهو بهالعصبيه .. ..كل مايذكر... كيف امس مصعب.... فشله قدام الرجاجيل ..واليوم بعد يتمسخر عليه ...وده يعرف وش اللي سواه معه .. ومخليه يكرهه بهالطريقه... وليته يكرهه ومخليه في حاله ..الا مايخلي فرصه غير يفشله .. هز رأسه..افضل شيء أطلعه من رأسي ...واشتغل ...فتح الملف وهو يطالع القضيه اللي صعبه بالحيل رن جواله ...رفعه شاف رقم اللي موكله ......بيذكره بموعد الجلسه ...أكيد ...زفر بضيق وفتح الخط ..... ، أول ماوصلوا البر طالع مصعب :الجو حر بالحيل ...الله يسامحك على هالمشوار .. مصعب طالعه بسخريه ورفع يده يأشر له: وقف وقف هنا بس ... عادل عقد حواجبه : تنزل هنا لا لا المكان هنا مو حلو خلنا نقدم شوي وانت مزاجك يبي هدوء وبضحكه خايف شوي وتتهاوش مع اللي موجودين ....مافيني افك بينكم يكفي اللي يصير بالاستراحه كل يوم ...وطالعه بضحكه ي رجآل ليه تدور للمشاكل دواره .. مصعب طنشه و.فتح الدريشه للأخير وقال بصوت تعبان وحزين :كان تحب البر بالحيل ..وبالذات لو جا مطر وماجت هنا تزعل مني وماتتكلم علي لمدة يومين .وتهددني تسحب علي السياره ..طالع عادل بحزن انحرمت من العيشه اللي تتمناها كل مره مع رجلها وجت هذي وأخذت كل شيء ....حس بكتمه والضيق يزيد عليه صرخ بقوه .. عادل وقف بسرعة...بنزل ... عادل وقف السيارة وهو مفزوع...عليه ..لمتى بيجلس كذآ .. مقدر حبه لأمه بس كذا يعذب نفسه ...نزل بعده وجلس قريب منه وقال بصوت هادي : تبي ترتاح تصدق عنها ولا تجلس تفكر في أشياء راحت وتتعب حالك وبعدين أبوك ندمان والله .. مصعب بسخريه طالعه : ندمان وهو مع الجوهره قول مرتاح سكت وهو يسمع صوت الرجآل اللي يصرخ طالع عادل وهو عاقد حواجبه : وش فيه الله يستر بسرعه فز و تقدم منه وهو يركض ...ناحيته ...شاف مجموعه رجاجيل متجمعين بمكان واحد قال بصوت عالي : خير ي جماعه وش فيه لفته الاثنين اللي ماسكين الرجآل الكبير بالسن وهو طايح على الأرض ويبكي بصوت عالي ويطالع البئر المفتوحه .... : ولدي طاح هني تكفى لو عندك خبره تقدر تنقذه والا اتركوني أنزل لولدي ...حياة بعد مابيها .... مصعب بسرعة رجع للسياره وهو يركض ... عادل طالع خويه يركض لجهة السياره أكيد ماقدر يتحمل الموقف أكيد ذكره بأمه يوم ماتت وبالذات مع نحيب الرجآل الكبير قال بسرعه : دقوا على الدفاع المدني بسرعه وانت ي عم وشلون تنزل وكاد إنها غميقه .... صرخ وهو يصيح : قلت لكم حياة بعده مابيها ...فكوني .. عادل بحزن عليه نزل ومسكه وهو يهدي عليه صرخ باللي حوله : ارجعوا دقوا على الدفاع المدني .. : دقينا وآلحين جاي بالطريق يقول قريب ... 🌻📚 @storykaligi 🌻📚🖋 🍃🌻 🌻🍃🌻 🍃🌻🍃🌻 🌻🍃🌻🍃🌻