جيت ما ابيك تحقرني جيت ابيك تعز شاني - الفصل 3 | روايتك

🌻🍃🌻🍃🌻 🍃🌻🍃🌻 🌻🍃🌻 🍃🌻 🌻 3 ... 📚 😍 📜 📖 روايـــــــــــــة { جيت مابيك تحقرني جيت أبيك تعز شاني } 📖🖌 @storykaligi 🌻🍃 صرخ بعصبيه : واقتلش أنتي بعد لو ماتسكتي عمه قلعي بنت المصريه من وجهي لا اذبحها ...وبصرخه أعلى وش حاشرها بينا ....ودي أعرف جسمي كله ارتجف من صرخته ...ومن تهديده لي انا وش سويت له الحين طالعت ..نور وحور اللي بعد هم خايفين أكثر مني....ودي اقرب من أمي ...وأحتمي فيها ...بس أمي واقفه قريب منه ...بسرعة انسحبت للبيت وانا اطالع وراي خايفه فعلاً يقتلني ....هذا ((وحش)) ..وبعدين وش بنت المصريه هذي يفتكر انه يعايرني والله ان لي الشرف ...رفعت يدي وانا ادعي يآرب ((عفاف وأبوها يجلدونك ويوصلونك للمحاكم بعد )) نوفه بعتب وزعل :تحط حيلك في بنتي وقدامي بعد ياسر عض شفته بندم .ليه قال لها كذا وقدام عمته اللي ماتشوف غيرها بهالدنيا .غصب عنه يكره لقافة هالبنت من وهي صغيره ..ودلع عمته لها يستفزه طالع عمته اللي تناظره بعتب : آسف ي عمه وحقش علي.. نوفه بزعل ...أعطته ظهرها ولحقت شادن .. دخلت البيت دورت عليها بالحوش ودخلت الصاله ماحصلتها راحت للغرفة حصلتها تصيح ...قربت منها وضمتها : افا شدون تصيح ...والله ماغير أخذ حقش منه .. بصوت خايف ويرجف :بيذبحني ولد أخوش ورفعت رأسها سمعتي آيش قال بيقتلني بدال الشايب ....ومسكت فيها بخوف نوفه بحزن عليها هي يالله قدرت تطلعها من الخوف اللي عندها اللي مسببينه أهل أبوها الله لا يبارك فيهم ....عقدوها بحياتها همست لها : والله مايقدر لاهو ولا غيره يمس شعره منش وانا موجوده وبعتب مسكت وجهها ومسحت دموعها يمه ليه هالخوف كله هو كان معصب وانتي بعد ماله داعي تقولي كذا شادن طالعتها وعيونها دموع هزت رأسها بقهر: توقعت إني اتكلم بصوت واطي مادريت أن صوتي عالي ...ورجعت تصيح بيقتلني بداله ...والله لا ادعي عليه .. نوفه ضحكت عليها : أدعي له بالصلاح والخير وسامحي يمه شدن بقهر : ان شاءالله ان عفاف ماترجع له وتصير له حسره نوفه بحده : كذا انا علمتش شدن : يستاهل يمه ورجعت تصيح بقوه ...وهي رافعه يدها وتدعي يآرب ان تخليها حسره بقلبه ..وماعاد يشوفها ويجعلها تأخذ اللي أحسن منه واللي يشبعها فلوس ماهو يأخذ..منها .... نوفه : أقول ي شدن وش ذا الدلع اللي بش وهالصياح آلحين والدعاوي يقال قتلش كلن معصب وقال كم كلمه مايقصد بها شيء. . ويالله ارجعي للي كنتي عليه قبل لايفوتش الجو به رذاذ وشكله بينزل مطر قوي .. ويالله نسوي بعد قرص وعليه سمن وعسل اللي تحبيه ويحبه هالجو ... شدن هزت رأسها بخوف :لا لا مستحيل اطلع الحوش ولد أخوش موجود ...يمكن باقي معصب ويرمي رصاص مره ثانيه جهة بيتنا وتحط فيه هالمره تعرفيه مخبول ويسويها والله المفروض خالي مبارك يأخذ منه هالفرد .... نوفه عقدت حواجبها : يالله على هالافكار اللي برأسش .. شدن مسحت دموعها : بجلس بالغرفة الروح غاليه يمه .. نوفه بعدت عنها وطلعت للصاله تكمل الخياطه...وهي حزينه عليها ...وزعلانه من الحاله اللي فيها الله يسامحك ي ياسر فزعتها ...... .. بيت أبو ياسر قالت بحزن وهي تضرب على كتف ولدها : يمه ماعليك لا تزعل نفسك والله ماغير أخذ لك اللي تسوها .. طالع أمه بزعل : يمه وش تقولين مابي غير عفاف وتدرين بغلاها عندي ...وان شاءالله هالمشكله تنحل .. ام ياسر بقهر : وش تبي فيها وهي أختارت أبوها عنك وعيرتك بالفلوس وترادد بكلام سم ولا حشمتك قدامنا .. نور:يمه أكيد بتختار أبوها يعني بتختار ولدش اللي بس ينافخ وشايف حاله ... ياسر وقف وهو معصب وقرب منها بسرعة ...ناوي عليها نور بسرعه قفزت وهي تصرخ.. وتخبت ورا.. أمها بخوف ...ندمت أنها تكلمت .... ام ياسر وهي تبعده عن أخته :ياسر لاتحط حرتك بهالبزر ياسر بعصبيه : أقسم بالله ماتقهرني إلا طول لسانها هي والملقوفه الثانيه اللي مدلعتها عمتي ... ام ياسر :خلك آلحين منهم و فكر أشلون تخلي زوجتك ترجع لك وتقهر الشايب اللي فضحنا والله ماغير ام مفلح شوي وتدق الباب وتجلس تسأل ... ياسر بضيق : يمه يرضى عليش خليني آلحين شوي اهدا وبعدها بقولش وش بيصير ان شاءالله ...وام مفلح صرفيها ولا تقولي لها شيء مابي المشكله تكبر ويسمعون فيها الجيران نور وهي متخبيه ورا أمها : وصوت الرصاص وش نقول لهم لو سألوا ياسر بعصبيه : انكتمي ام ياسر رفعت يدها تحذره : بحاول اصرف الموضوع بس من آلحين روحه معك ماهو برايحه خذ عمتك نوفه تروح معك مثل ماهي خطبت لك آلحين تكمل جميلها الله لا يضرها .. ياسر بضيق وقف ....أبد ماهو وقته هالكلام اللي تقوله أمه ويدري فيها ماتحبها ولا تطيقها أبد... دخل غرفته وهو مقهور أشلون ....قدر يأخذ زوجته من عنده ....((وانتي ي عفاف بعتيني بالرخيص شلون كذا هنت عليش أول مره تطول لسانها بهالطريقه عليه )) 🌻📚 @storykaligi 🌻📚🖋 🍃🌻 🌻🍃🌻 🍃🌻🍃🌻 🌻🍃🌻🍃🌻