الفصل 2
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 2 ...
📚 😍 📜
📖 روايـــــــــــــة
{ جيت مابيك تحقرني جيت أبيك تعز شاني }
📖🖌 @storykaligi 🌻🍃
طالعت ام ياسر وقالت بحسره : والله هالمره ولدش مايبي يحلها بالخير في رأسه شيء ولد مبارك وطالعت
أبو عفاف خذها قبل يطلع وسكتت وهي تشوفه جاي وبيده فرد ....وأبوه يحاول يمسك فيه ..بسرعه تقدمت منه وهي تصرخ : تضيع عمرك عشان شايب مخرف ومقضي .......
ابو عفاف بعصبيه وهو يشوف الفرد بيده : حريمكم يغلطون فيني وانت طالع بالفرد بيدك طالع بنته هذا الرجال اللي تبيه وتفضليه علينا ...
نوفه بعصبيه من خبث هالرجال أبد ماهو وقت أنه يستفزهم ماسكه ياسر بقوه هي وأخوها مبارك ويالله قادرين يمسكونه ...وهو يصرخ ويحاول يفك عمره منهم صرخت : تسهل وفك
بنتك ورجلها من المشاكل ...
عفاف كانت تصيح بعجز وهي تشوف لوين ياسر وصلها قالت له تمهل وارفق .. شوي بروح معه وبرضيه وبرجع لك بس لا
حالف يمشي كلمته .. وحاولت في أبوها بعد ..يروح وهي بتجي يوم يهدا شوي بس بعد ركب رأسه.. وإلا كلمته هي اللي تمشي .. بس يوم شافت المسدس ...موجه لأبوها مارضت صرخت بعصبيه : والله روحي قبله ومادام وصلتها لكذا ي ياسر ورفعت هالمسدس بوجه ابوي أنا اللي بروح معه وانا راضيه بعد ومسكت يد أبوها يالله يبه ...أغراضي يرسلون بها ....ولا مالي حاجه فيها ...حلال على اللي بيأخذها بعدي .وأعطتهم ظهرها ومشت معاه .
ياسر بسرعه فك عمره من عمته وأبوه ... وأطلق الرصاصه
بس يوم أطلق أبوه رفع يده وحطت بالهواء.. ....
عفاف صرخت مفزوعه .وجلست على ركبه وهي مقفله عيونها
ماتبي تفتحها وتشوف أبوها قدامها جثه مقتول من مين زوجها " يبه " يبه ".فيك شيء ....يبه قتلك ....
.
ابو عفاف وهو مفزوع لف وصرخ بعصبيه : قلت لك ما تقدر تسويها يالجبان بوجهي. .. ويوم اقفيت غدرت نزل نفسه ومسك بنته اللي طاحت بالأرض وهي تصرخ مافيني شيء شوفيني ولايقدر يمس شعره مني .. عفاف افتحي عيونش شوفيني مافيني شيء ....عفاف يبه خلاص ....
ياسر بسرعه ركض يمها وهي منهاره دف أبوها عنها : عفاف
لا تخافي مابه شيء صار رصاصه وطارت ..
ام ياسر صرخت بكل صوتها : كنت بتضيع حالك يمه بسبتهم
الله يأخذك جابر جيت بمشاكلك خذ بنتك وفارق ..وخلها تنهار عندكم ولا يسمعون الجيران وتفضحنا ....
نوفه وهي معصبه ومفزوعه بعد ..من اللي صار قربت من ياسر اللي ماسك عفاف وهو يرجف ومنهار طالعت لأم ياسر وهي ودها تضربها : اسكتي لاتزيديها ..والفضحيه ماغيرش بيجيبها لنا ...البنت منهاره حدها من اللي سواه ولدش ..
عفاف دفت ياسر عنها وحاولت توقف وهي منهاره : ابعد عني لا تلمسني يااال***** ترمي على أبوي قدامي والله ماعشت ي
ال*****
ياسر عض شفته بعصبيه : ي بنت احشمي عمرش واسكتي ويالله أنت تقلع وخلنا بحالنا والأرض اللي مغربلنا عليها بعيده عنك وعن شواربك ولدك قله المرجله ماهو كذآ ..
عفاف قربت منه وضربته على صدره : بعد تسبه ..وتقهره ب الأرض قدامي. صدق مابك نخوه قد أبوك وتسوي كذآ معه
مخدوعه بك كنت ..مسكت بيد أبوها.. والله انا اللي استأهل دفعت لك قيمة الأرض وأنت ماتستاهل ...غير اللي ينزل قدرك مايرفعه
ياسر صرخ بقهر :دفعتي لي وبسدد وانتي عارفه هالشيء انتظر استلم الجمعيه وتأخذي حقش ..وقدري ماهو اشكالش ترفعه ..
عفاف :حقي بأخذه منك وأنا ببيت أبوي ... طالعت أبوها امش يبه ...وراحت معه وهي تسمع صراخ ياسر وتهديده ......
نوفه يوم ياسر تحرك بيمسكها مسكت.. فيه بقوه وهي تحلفه : تكفى يمه والله ماغير تزيدها آلحين خلها تروح مع أبوها وتهدا شوي وبترجع لك ماهي أول مره تصير بينكم ..وليتك تتنازل عن هالأرض لأخوها وتفك نفسك من هالمشاكل ...ويوم تحصل المبلغ خذ لك أرض أحسن منها وبفلوسك محدن له كلمه عليك
ياسر مقهور فشلته وعيرته.. بعد بالقرض اللي أعطته ..هي عشان يأخذ هالأرض طيب ماهو قال لها بيسدده من راتبه والا يجي دوره بالجمعية ويعطيها . وعمته آلحين زودتها عليه تقول
له تنازل وشلون يتنازل وهو حفي عشان يأخذها....
قال بعصبيه : أرضي أشلون اتنازل عنها وإذا عشان قيمة الأرض ..ماهو بحاجتها ...متفقين انا وهي .كيف تأخذ حقها .. وكور يده بقهر كله من سلمان ال***** هو اللي محرض هالمخرف وجاي لنا ......
ابو ياسر : الأرض هذي بتجني عليك مصايب وانا أبوك
شادن
كنت مفرزوعه من الرصاصه اللي طارت ...الحمدلله ماحطت في واحد منا ...والله ماتوقعت كذا بتوصل ...توقعتها مشكله مثل كل مره .ونجلس نطقطق عليها أنا ونور ....بس استأهل انا وهاللقافه اللي فيني ياما أمي نوفه حذرتني منها ...قلت لنور وانا ارفع عباتي على رأسي واعدلها ..
"آلحين أخوش بعقله بيقتل أبوها ماهو صاحي صدق""
بس سكت من الصرخه اللي جتني توقعت أتكلم بصوت واطي اتاري صوتي كان واصل له ....
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻