قبل الورق وانتي في بالي قصيده وبعد الورق ضيعت أنا كل الاشعار - الفصل 5 | روايتك

🍁🍃🍁🍃🍁 🍃🍁🍃🍁 🍁🍃🍁 🍃🍁 🍁 5 .. 📚 😍 📃 📖 روايـــــــــــــة ✍🏼 {  قبل الورق وانتي في بالي قصيدة وبعد الورق ضيعت أنا كل الأشعار } 📖🖌 @storykaligi 🍁🍃 بعد ما أنتهوا من الاكل .. قامت الاء و أشرت لاستبرق بعينها لكنها ما أنتبهت و حتى قوت كانوا مندمجين بالسوالف مع هديل ورزان ، أنزعجت من تجاهلهم لها و راحت و كل حزن الكون يقيد عضلتها الصغيره اللي تقع يسار صدرها سألت الجرسون عن مكان دورة المياه أول ما دخلت أستوعبت أنها مشت بدون ما تعطيهم خبر كيـف تطلع الان بدونهم غمضت عيونها للحظات و شجعت نفسها بصوت ضعيف : مثل ماجيت هنا بروح لهم ماراح يصير الا الخير • فقدت استبرق الاء .. طالعت قوت بخوف أتضح على ملامحها : الاء وين راحت ؟ قامت قوت من مقعدها مثل المقروصه وهي تدور عليها : ماادري ماحسيت فيها لما قامت أستنكرت هديل خوفهم : اهدوا هي كبيره مايحتاج كل هالخوف عضت شفتها استبرق بربكه وتوتر فضيع وراحت تدور عنها طلعت من دورة المياه و بدل ما تروح لطاولتهم راحت لطاوله ثانيه ترتيب المطعم كان يضيع بشكل عجيب .. أرتجفت أطرافها و زادت وهي تشوف مجموعه من الشباب يطالعونها تكلم شخص منهم : عيونك حلوه عادي أبوسهم ؟ تجاهلته وهي تتجاوزهم بخطواتٍ سريعه .. لحقها وهو فرحان بخوفها منه و الظاهر أنها ضايعه ما لقت نفسها الا خارج المطعم حبست أنين بكاها وهي تحس انها أبعدت عن خواتها و لا هي بالشخص القريب منهم نزل دريشة سيارته يطالعها بأستغراب وهو يشوف حركات جسدها شهقت بصوت عالي وهي تشوف نفس الشخص أنكمشت على نفسها مرعوبه منه أقترب منها حُسام مفتون برسمة عيونها و هيئة جسدها : خلينا نتفاهم بهدوء عطيني رقمك صراحه أنعجبت فيك و حاب أتعرف عليك اذا صار بينا توافق بتقدمـ.. كان قريب منهم بعد ما نزل من سيارته سحبه من ياقته و خنقه و بنظرات يتطاير منها شرارة الغضب و نبره طغت عليها الحدَّه : أنعجبت فيها أجل ؟ ضرب رأسـه برأس حُسام .. داخ و تخدر من الضربه اللي أرخت جسمه من قوتها حس بالدنيا تظلم من حوله فجأه طلعوا أصدقاء حسام .. اتسعت حدقتيها و هي تشوفهم تحس أنها بتموت من الموقف اللي هي فيه و اللي حصل بسببها همست لسلمان : هناك اخـ.ـوياه التفت سلمان عليهم و عينيه الحادَّه تنذر بالشر ما كان يهمه غير الاء و أن محد يقربها او يمسها بشي ء .. مروءته ما سمحت له بالتغاضي لانها تعتبر أخته كانوا ثلاثه ساعد واحد منهم حسام اللي اغمى عليه من الضرب صديقه الثاني أردف بنبره هجوميه : قد حركتك ؟ رفع يده حسام وهو يقوم بصعوبه : اتـ.ركـ.ـه لف عليه صاحبه بغضب : شلون تبيني اتركه ، وهو مخليك تعض الارض من كثر الضرب اللي جاك منه ! حُسام بصوت حاد ونظرات ماتقل عن ذلك : قلت اتركه ضحك سلمان باستفزاز و لاشعورياً مسك يد الاء ومشى معها لداخل المطعم .. تشوف يده بصدمه واستغراب .. من كانت طفله اذا أنصدمت ما تعطي ردة فعل غير عيونها اللي تتحرك تقابلت معهم أستبرق .. أنصدمت وهي تناظرهم بخوف : الاء ترك يدها سلمان بعد استيعابه للحركه من نظرات استبرق الحاده ضمت الاء استبرق و مشاعر الهلع مسيطره عليها تبللت ملامحها بالدمع المالح استبرق بنظرات شرسه لسلمان : وش سويت لها أنت تكلم ؟ شدت عليها الاء وهي منحرجه من الموقف اللي حطت سلمان فيه.. و مسكت أياديهم هذي كومة مشاعر ثانيه الافكار السوداء مسيطره على تفكيرها .. وضع أختها المريب وهي داخله و كف يدها يحتضن كفه أخرسّهـا لو ما تعرف أختها لشكت بأنه يكون حبيبها سلمان مانطق بحرف أو تبربر أحتراماً لـ الاء صد عنهم وطلع و تفكيره منشغل في حالتها الغريبه ما صرخت أو استنجدت باحد يُنقذها من الايادي و الالسن العابثه متجمدَّه في مكانها و تبكي بصمت حتى ما منعت مسكه ليدها و كأنه شلها بهذي الحركه بُعقدة حاجبيه أردف بخفُوت : ماراح تخلص الليله الا وأنا فاهم حالتها ياربي وين وصلت بالتفكير أكيد خافت و لاهي من النوع اللي اذا حس بصدمه يعجز عن الحركه .. لا تظلمها يا سلمان بظنونك 🍁📚 @storykaligi 🍁📚🖋 🍃🍁 🍁🍃🍁 🍃🍁🍃🍁 🍁🍃🍁🍃🍁