قبل الورق وانتي في بالي قصيده وبعد الورق ضيعت أنا كل الاشعار - الفصل 4 | روايتك

🍁🍃🍁🍃🍁 🍃🍁🍃🍁 🍁🍃🍁 🍃🍁 🍁 4 .. 📚 😍 📃 📖 روايـــــــــــــة ✍🏼 {  قبل الورق وانتي في بالي قصيدة وبعد الورق ضيعت أنا كل الأشعار } 📖🖌 @storykaligi 🍁🍃 جلست بالحديقه و نبضات قلبها تضرب كما الطبُول كل ماتتذكر كلامها لرعد .. و اللي كان جارح جداً تنهدَّت بكدر وهي تعاتبَ نفسها بلوم : اوف ليه تفتحين فمك من الاساس ؟ طلعت تلفونها من جيبها و اتصلت عليه لكن لا مُجيب أخذت نفس وهي تتصل على استبرق اللي ردت و استجابت لاتصالها : مرحبا استبرق : هلا رزان كيفك رزان: مو بخير قامت استبرق مبتعده عن خواتها : اخوك الكبير من جديد ؟ رزان: اه استبرق قاعده أعاني منه هالفتره ، يجرحنا واذا جرحناه امي و ابوي مايرضون شسوي بحالي ؟ استبرق بفضول : شسالفه قالت لها اللي صار بالتفصيل : احس عفت الطلعه استبرق بتفكير : طيب اعتذري منه ، سهله والصراحه اخوك ذا مايستاهل حتى تفكرين تعتذرين منه رزان بنغص : دقيت عليه بس مارد علي .. اللـه يهديه كملت بتذكر وهي تأكد عليها : لاتنسين الجمعه ، الحين مو بس انا اللي ابيك حتى هديل و امجاد ودها تتعرف عليك لما تكلمنا عنك ضحكت استبرق بغموض و ببحه : شدعوه عشان طريتوني بس شلون لوكنت عندكم ؟ ابتسمت ببراءه ، ماتعرف بنوايا استبرق نهائيـاً • في المساء .. أخذت أذن من مديرة الدار و خرجت مع خواتها للسوبرماركت استبرق برجاء : نتعشى بس و نمشي وين المشكله ؟ قوت بصرامه : لاتحاولين سحبت الاء على جنب و قالت : شوفي انتي الفرصه الاخيره عندي ، والله ماراح تردك اذا قلتي لها بالعكس بتستانس تكفين كلميها والله نفسيتي تعبانه من كل نواحي الحياه الاء بملل : خلاص اسكتي صدع راسي ، بكلمها بعد أنتصاف الوقت و أنتهائهم .. الاء همست لقوت : قوت نبي نتعشى برا اليوم المديره ماراح تقولك شي زمت شفتيها بتفكير لاول مره تطلب منها الاء من وقت طويل عكس استبرق تماماً : طيب أقتربت منهم استبرق : شتقولون قوت : بنتعشاء برا ، تعرفين مطاعم حلوه ؟ ابتسمت بحماس وهي تطلع تلفونها : ايه اعرف .. بس وش غير رايك غريبـه رمقتها الاء وهي تحس بربكه فضيعه من تخيلت نفسها بتختلط مع ناس ما تعرفهم ، رفعت نظرها لاستبرق : نبي مطعم هادي مايجونه ناس كثير حبست قهرها على حالة أختها ومرضها المفاجئ اللي يزداد و كذلك قوت اللي زاد إصرارها انها تدمجها مع العالم الخارجي • عند سلمان وخواتـه : سلمان : عندكم مطعم مُحدد والا اختار لكم ؟ هديل : لا اختار لنا على ذوقك رزان كانت سرحانه برعد اللي قفل تلفونه اضاء جهازها على آثر رسـاله وصلتها و كانت من استبرق " بنات عطوني مطعم حلو قد جربتوه " تحمست على الفكره اللي خطرت على بالها .. لحظات ووقف سلمان عند مطعم قريب من بيتهم أرسلت رزان أسمه لاستبرق بعد 15 دقيقـه : دخلوا المطعم اللي كان راقي جداً و هادئ مسكت الاء يد استبرق و شدت عليها و قلبها ينبض بخوف و رهبه من الناس ما تعودت الا على غرفتهم في الميتم و الظلام اللي يشبه عيونها حالكة السواد غمضت عيونها لثواني تسترخي لكن من حست بيد أستبرق تشد عليها أرتاحت وهي تفتحها ببطئ حاسه بالامان .. التصقت في استبرق اللي لحظات و تذرف الدمع على حالها قوت كانت تراقب وضعها و حركاتها و قلبها يعتصر من الالم تكلمت بهدوء : الطاوله اللي بالزاويه لنا .. امشوا بعد ما جلسوا و طلبوا جتهم رزان اللي شهقت وهي تمثل الصدمه : استبرق رفعت بصرها بأستغراب من الصوت اللي يناديها صغرت عيونها وهي تدقق همست : رزان ! قاموا كلهم يسلمون على بعض .. رجع سلمان لخواته بعد ما كان يطلب لكن تراجع وهو يشوف بالقُرب منهم بنات غريبات ما عنده الا بنت عم وحده و مافي أمل أن تكون هي لانها طويله عكس طولهم المتوسط صد عنهم و أرسل لهديل تجيه ثواني و كانت عنده : هلا سلمان اعذرني نسيتك سلمان وهو يداعب شعره : مين اللي معاكم ؟ هديل : صديقة رزان و خواتها شفناهم بالصدفه سلمان بهدوء و هو يهم بالخروج : طيب اذا خلصتوا دقي علي أنتظركم برا مسكت يده هديل بأعتراض : لا وين بنتعشى معاك تأمل رزان اللي أندمجت بالحديث و بأبتسامه : ما ظنتي والله .. شوفي رزان أندمجت بالسوالف و بعدين عيب تجين معي و السلقه هذيك عندهم ضحكت هديل وهي تقول : تمام أجل سلمان بنبره هاديه : ترى حسابكم علي كله مدفوع .. 🍁📚 @storykaligi 🍁📚🖋 🍃🍁 🍁🍃🍁 🍃🍁🍃🍁 🍁🍃🍁🍃🍁