قبل الورق وانتي في بالي قصيده وبعد الورق ضيعت أنا كل الاشعار - الفصل 3 | روايتك

🍁🍃🍁🍃🍁 🍃🍁🍃🍁 🍁🍃🍁 🍃🍁 🍁 3 .. 📚 😍 📃 📖 روايـــــــــــــة ✍🏼 {  قبل الورق وانتي في بالي قصيدة وبعد الورق ضيعت أنا كل الأشعار } 📖🖌 @storykaligi 🍁🍃 في بيت ابو رعد .. رمى سلمان الخداديه على رزان اللي فزعت بخوف أنه رعد تنفست بارتياح وهي تحس بدقات قلبها السريعه و بنظره حاده لسلمان : كم مره أقولك ما احب هالحركات توقف قلبي أحسب أنه رعد على طول ضحكوا بشماته على هيأتها ام رعد بتذمر : لا تلومينه يبي يسولف معك وانتي على هالزفت اللي بيدك ، ياليت رعد يشوفك بهالشكل عشان يكسر راسك و يكسر جوالك فوقك سلمان بطرف عينه سأل : يعني افهم من كلامك انك ماتخافين مني ؟ ابتسمت رزان بارتباك : لا انت غير بكل شي تقارن نفسك برعد اللي مسبب للعالم خفقان بالقلب فتح أيدينـه و بأبتسامه عريضه : تعالي أخمك ضحكت رزان اللي سرعان ما سبقتها هديل لاحضانه حاول يبعدها سلمان : أنا قلت رزان وش له الغيره يا بنت هديل شدت عليه اكثر و رفضت : احبك و اغار عليك شتبي بالشينه انا اضمك بدالها يابعد روحيي كانت بتتكلم رزان بس التزمت صمتها وهي تشوف دخول رعد سلمان همس لهديل ان رعد خلفها انسحبت من حضنه بسرعه ام رعد بابتسامه : حيّ الله ولدي اللي ماينشاف ولا يسأل عني قبل راسها و جلس جنبها بهدوءه : العذر والسموحه يالغاليه ..تعرفين الشغل ياخذ نص وقتي كيف حالك ؟ ام رعد : بخيـر الحمدالله ، اخبارك انت رعد : بخير مثل ماتحبين ، هديـل ! طالعته بخوف و ربكه من نُطقه لاسمها .. هو من غير شي مسبب أرتباك : سم رعد بأمر : اخذي القهوه عن امي ، وصبي سكتت أم رعد رغم أنها ما تحب أسلوب الترهيب اللي يتبعه لانها ماتبي تكسر كلمته عندهم .. صبت لهم هديل القهوه وهي تتحلطم داخلياً عكس رزان اللي كانت سعيده أنه ما ناداها هي تكلم رعد لسلمان وهو يسأله عن اخباره و بعدها قال : كلم بسام بروح أنا و عزام صاحبي نتقنص بكره إذا ودكم تخاوونا بلغوني من الحين سلمان بضجر من أزدحام وقته : عندي مناوبه بكره .. بكلم بسام و أقولك رعد بتساؤل وهو يفكر بأمر ما : اليوم عندك شي ؟ سلمان وهو يلقي بنظره على خواته لثواني و أردف : اي بطلع البنات نتعشا برى من زمان ما طلعنا رزان من فرط الفرحه قالت بحماس : هذا العشم والله ضحك سلمان وابتسمت هديل اللي تبدلت ملامحها و انفكت عقدة حاجبها ، ابتسم رعد اللي لاحظ أرتياح ملامح هديل و بممازحه قال : رزان ماتلاحظين طلعاتك كثرت ، امس طالعه واليوم مايصير لاتاخذها يا سلمـان اليوم ! أتسعت محاجرها بصدمه وهي تطالعه و كذلك هديل اللي استغربت للحظات لحد ما غمز لها رعد و أرتاحت أنه مو جاد تنهدَّت بضيق لانه بكل الحالات جامد ذى نظرات مُهيبه حط سلمان يدينه خلف راسـه وهو شابكهم : ابشـر تكلمت بأنزعاج والعبره تخنقها : وأنا اهون عندك ياسلمان تخليني بهالسهوله ؟ رعد كل شي منه متوقع بس أنت خيـررر حزت في خاطره جملتها وقعها مثل وقع السكين في قلبه تغيرت ملامحه بغضب واضح كان يمازحها بس أنقلب الموضوع حس فيه سلمان اللي تكلم بسرعه ليلطف الجو : أبكي احسن .. يمزح معاك بس مو وجه مزح أنتي رزان بتردد و شك : صدق ؟ اومئ لها رعد بعدم أهتمام .. حسوا كلهم بحجم غلطة رزان و زلة لسانها ما عداها أسترخت في مكانها براحه أستاذن منهم لاجل يكمل عمله .. أم رعد بغضب : ما بوجهك حيا انتي ، كيف تقولين هالكلام لاخوك مافيه أحترام رزان بإنفعال : ماقلت الا الصدق رعد نتوقع منه اي شي وانتي ادرى بهالشي واكثر انسانه عارفه انه اكثر واحد يضايقنا ويكسر بخواطرنا بس اذا صار العكس حنا صرنا ما نحترم ؟ تدرين كم مره نزلت دمعتي بسببه ، لا طبعاً يستاهل اللي يصير له طلعت من عندهم و أعصابها مشدوده بين نار تأنيب الضمير و بين أنه يستحق هو لو يحبهم عرف كيف يكسب قلوبهم طلع بعد ما سمع كلام رزان من الألف إلى الياء حبس أنفاسه بغضب : بعلمك كسرت الخاطر و الضيق اصبري علي .. 🍁📚 @storykaligi 🍁📚🖋 🍃🍁 🍁🍃🍁 🍃🍁🍃🍁 🍁🍃🍁🍃🍁