الموت ماهو إنك تكتفن بترابك الموت إن تحب حي ويفارقك - الفصل 2 | روايتك

🍃 🌸🍃🌸 🍃🌸🍃 🌸 2  .. 🍃 * *الكـويت* * قبل عده ساعات في وحده من المدارس الثانويه للبنات.. الصف الحادي عشر... الطالبات مثل عادتهم كل دقيقه تدخل وحده منهم و تسمع التعليق المتكرر من بعض البنات... وحده من الطالبات: يعني حتى انتي انظميتي لقائمه الجبناء ههههههههه ايمان اللي هي وحده من اجرأ البنات في الصف انحرجت لما دخلت الصف و سمعت التعليق: ما قدرت البسه... بابا عصب... و خاف ان الاداره يعاقبوني... رغم التبرير الكل ضحك خصوصا اكثر وحده ما تطيقها ايمان ، هند: هههههه اصلا الموضوع مستحيل.. فما كان في داعي انكم تتظاهرون بالقوه و تتحدون غيركم... ايمان مدت لسانها لها: ما خلص الصف... نـوف ما جت لحد الحين.. هند انفجرت ضحك : ههههه ما لقيتي الا نـوف؟؟؟ تتاملين فيها خـير... ما خلصت هند من كلمتها الا و البنت اللي يتكلمون عنها داخله الصف و حامله شنطتها بهدوء على ظهرها : السلام عليكم.. هند ضحكت و هي تتامل وجه ايمان اللي عصبت و انفجرت بعصبيه: نـوف احنا ما اتفقنا امس نلبس وشاح اسود كاعتراض على مناهجهم المستحيله و امتحاناتهم التعجيزيه ! نـوف ببراءه حركت عيونها لبنات الصف وجاوبت بهدوء: انا اصلا ما وافقت على الموضوع ثانيا ماني الوحيده اللي ما لبست فليش تكلميني بهذا الشكل امون هند بغرور ضحكت : عين العقل يا خطيبه اخوي العزيزه... سمعتي يا الضفدعه ايمان ...! نـوف ابتسمت بخجل وايمان انقهرت من كلمتها و ضربت هند بعلبه اقلامها و كالعاده اضطروا البنات يبعدونهم عن بعض... ابتدى الدرس و كانت حصه الرياضيات الممله هي الاولى ... بعد السلام اللي من غير نفس من اكره معلمه عندهم ابتدت رحله الاهانه: انا حاولت كثر ما اقدر اصلح كل الامتحانات البارح حتى تشوفوها و تتمتعوا بدرجاتكم اللي مثل الزفت خلال الويك اند... و تعرفون مستواكم شلون صاير و تعدلون طريقه دراستكم... اميـره وحده من الطالبات الممتازات في الصف رفعت يدها بخجل: ابله لو سمحتي كل الصف درجاته كانت سيئه؟ المعلمه بنبره غاضبه: لا! درجتك 15 من 20 يا اميــره و بالنسبه لمستواك المفروض تكون اكـثر من جذي.. ايمان وهي تهمس لرزان صديقتها: اذا اميره ماخذه 15 حنا كم ماخذين.. رزان: الله يسترك شكلنا راسبين.... نـوف كانت جنبهم على الجهة الثانيه : مافي داعي للخوف ان شاء الله زينه... المعلمه ضربت الطاوله بيدها حتى يتوقف الهمس: راح اقرا الدرجات علني.... البنات اعترضوا بس المعلمه مثل العاده تجاهلتهم و كملت: اميـره 15، سعاد 8، الهنوف 6، عذبيه 5،................................................ .....................، هند 9 ، ايمان 4..... ايمان وقفت بنص الصف و بدت تصفق: ههههههه الحمد لله ماني صفر.... المعلمه: ايمان ارجعي مكانك والا لعند المديره بتروحين.... ايمان قعدت و بدت تهمس مع المعلمه نفس الكلمات اللي بتقولها بالضبط خصوصا ان الاسم الاخير كان اسم نـوف: وطبعا الوحيده اللي درجتها كانت تشرف معروفها.. مثال الادب و الاخلاق العاليه و الالتزام بالقوانين ... نـوف 20 من 20 ... ايمان بصوت مسموع للكل: بل ... الامتحان كان تعجيزي وفوق هذا ماخذه علامه كامله... المعلمه: ايمان احترمي نفسك ولا بنقصك بالشفوي... ايمان : يعني كلش مو درجتي صفر من البدايه هههههههه نـوف بابتسامه وهي تاخذ ورقتها: ماعليه ابله سامحيها ... امون عزيزه و غاليه مهما قالت وسوت.... ايمان ابتسمت و غمزت لنـوف، الابله بتافف اشرت عليها: تعلمي ... الادب و الاخلاق من نـوف ولو شوي ... الله يعين اهلك عليك... ايمان ضحكت و ضحك الصف معها وهو الشيء اللي قهر ابلتهم و خلها توقفهم علشان يبدون الدرس.... هذا الروتين كان شيء معتاد في مدرستهم و في الصف نفسه... ايمان كانت وحده من اكثر الطالبات المشاغبات و دايما تتشاجر مع البنات و تشاغب، هند كانت ام وجهين ثعلب تنافق و جاسوسه للادراه تبلغهم عن اي شيء يسوونه البنات من وراهم .... نـوف الطالبه المثاليه المتميزه... الاولى على المرحله و مثال الالتزام بالقوانين كلها... بعد كم ساعه .. @storykaligi