الفصل 5
❤️📝 روايات وقصص مميزة 📝❤️:
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 # الـشخـصـيـاات ...
📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }
📖🖌 @storykaligi 🌸🍃
عائلة آل ذياب ....
الجد : ذياب
الجدة : متوفيه
* عائلة مشعل
الأب : مشعل ...
الأم : متوفيه ...
العيال .
الاولاد
•
الجمر : لاعب كرة مشهور ،... ٣٢سنه •
جاهر :٢٧...
•
جابر ....٩ سنوات .
البنات .
بنت وحدة .
جوف : دكتورة ٢٦ سنه .. .
•
*عائلة الابن الثاني للجد ذياب ..
•
الاب : مخلد ...
الأم : عباير :
•
عندهم ولد واحد وبنت وحده.
ولدهم الوحيد : ضامر : ٣٣سنه...
بنتهم الوحيدة : صدود ١٨سنه...
•
*بنات ذياب .
* العمة نجمة : متزوجة اماراتي ساكنة بالامارات ...زوجها متوفي
بنتها الوحيدة : مدى مريضة سكر١٨سنه ...
•
* العمة نادية : متزوجة وعندها بنت وحده بس وماقدرت تنجب غيرها ...
زوجها : نايف ..
بنتها : نوايا ١٨سنه:
•..
عائلة عذبه ...
الاب : عمران ، مؤذن مسجد متوفي.
بنته : عذبه ٢١ سنه • •
شخصيات منفردة ..:
•
جسار : شيف عالمي : ٢٩ سنه ...!
ذياب : سواق باص ٢٧سنه...!
وضاح : ولد عم نوايا المفروض يكون بالجامعه لكنه مهمل دراسته وباخر سنه بالثانوي ٢٢ سنه..!
وافي : نفس وضاح المفروض بالجامعه لكن اكثر من مره يعيد السنه ٢٢سنه ..!
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 5 ...
📚 😍 📃
📖 روايـــــــــــــة ✍🏼
{ يالشعور العذب مدري ياعذابي }
📖🖌 @storykaligi 🌸🍃
دبي _ المطعم الخاص لمسابقة الطهي العربيه ....
•
مدى دقات قلبها تتزايد • ناس من مختلف الجنسيات العربيه ومن مختلف الاعمار ، من كل الجنسين الاناث والذكور ، لوحة عريضه باللون البرتقالي يتوسطها جملة مخططة باللون الاسود " شيف العرب" ....
التوتر سيد المكان ، ساعات قليلة وتبدا تجارب الاداء الخاصه بالطاهيين الهواة ."الطاهيين = الطباخين."
تسندت على ظهر الكرسي والتوتر واصل اقصى مراحله بالنسبه لها ....
غمضت عيونها يمكن تهدى نبضات قلبها باقي نص ساعه ويجي دورها بتجارب الاداء بتقديم طبق ومن هالطبق يحددوا مستواها هل ممكن تدخل المسابقه وتشارك او لا ....
رجعت بذاكرتها لورا مرت ببالها كل الصعوبات اللي واجهتها وكيف كان جدها السبب الاول اللي خلى امها تقتنع بمشاركتها بمسابقة الطبخ ....
•
•
نرجع لورا بالاحداث ...قبل اسبوع تنوع من الاحداث
•
نظرت فيهم وعيونها تتوسطها نظرة امل ولهفه / وش رايكم بالفطاير؟. اعجبتكم ؟.
نظروا فيها وتتوسط اياديهم فطاير من كل النكهات وكان شكلها مغري لاقصى المراحل ناهيك عن الطعم الخاص والنكهة المميزة اللي داخلها ....
ليلى بتصنع للامبالاة / عادي ، فطيرة مثلها مثل اي فطيرة يعني مابها عبالة..عبالة = تعب .
ميثة ببرود مثلج ونظرة الملل مثبتة على الفطيرة اللي تتوسط يدها / وهي الصادقه ليلوه يامدى حي الله فطاير وبعد طعمها مو بذاك الزود بس قاعدين ناكل نجاملك لانك ربيعتنا حتى يالسه اتغصب عليها (جالسة)...
داعب مسامعهم فجأة وبدون اي مقدمات صوت المديرة ومعلمة التدبير المنزلي اللي كانوا مصوبين انظارهم الحادة على مدى وميثة وليلى ....
معلمة التدبير المنزلي اشرت على مدى / هذي هي هذي هي يا ابله منيرة مافيه غيرها اكيد هي اللي دمرت المطبخ وعفسته عفاس وهي اللي سوت هالفطاير للبنات مافيه غيرها
المديرة : جدامي عالادارة ،،،انا ماعدّت اروم على فعايلج اللي تشيب الراس وتقصر العُمر ...!
مدى اللي ملامحها تبدلت من اللهفه والنشاط الى الخيبه والضيق اتجهت خلف المديرة بهدوء والكل طرى بباله ان سبب انطفاء وجهها هواش المديرة لها قدام البنات وزعل معلمتها عليها والاكيد انهم راح يخبرون امها بالموضوع وراح تصير سالفه كبيره وغيره وغيره ...
لكن مدى ماكان هذا سبب زعلها وارتسام اثار الخيبه على ملامحها ...
السبب كلام بنات المدرسة مثل "ليلى وميثة" اللي سبّوا اكلها وطبخها رغم ان الفطاير مانزلوها من ايديهم وكانوا يتذوقونها باستمتاع مخفي حاولوا يخفوا اعجابهم بطبخها بشتى الطرق ، لكن مدى مافهمت كذا كل اللي فهمته ان طبخها سيء واكلها مانال اعجاب البنات ....
•
•
بعد ساعة
المدرسة...غرفة المديرة .
نظرت فيها بعتب واضح / بنتج يا أم مدى تعبتني وايد كل يوم جايتني بمصيبة يديدة (جديدة) احرقت المطبخ مال المدرسة ودمرت المطبخ لان حضرتها تطبخ سندويتشات وتوزعها على الطالبات ...انا مو ناقصني عبالة من اولياء الامور باجر يتسممون البنات من اكلها ومحد بياكلها غيري .."عبالة"(تعب)...
أم مدى بهدوء / حقك علينا استاذه منيرة وحق اللي خربتُه بنتي علي ...
المديرة وبدت ملامحها تهدى رغم ان اثار العصبيه واضحه عليها / نبيج تعقلينها وتفهمينها ان هني مدرسة محترمه مانا بمطعم تبربس بالاكل على هواها ، الحين راح اناديها لج وانادي معلمة التدبير اخليها تعترف بخطاها وتعتذر حقها ...
ام مدى قامت بجمود / هاللي تقولينه ماراح يصير انا ما احرج بنتي قدام معلماتها ، انا رايحة البيت الحين وباذن الله خطأ بنتي ماراح يتكرر "قامت واقفه وشدت على شنطتها " عن اذنك....
•
مدى ...
تنهدت بتعب وعينها تراقب المطبخ بعد مانظفت الدمار اللي سببته يدها ....
الغصه متوسطة حنجرتها والعبرة خانقتها مو عارفه الخلل وين ؟.كل ماتطبخ طبخه وتعطيها صديقاتها والناس اللي حولها لجل تاخذ برايهم تكون النتيجه عكس اللي راسمتها ببالها ...
كل اللي حولها يشككونها بمقدرتها على الطبخ ، كل اللي حولها مو مقتنعين بطبخها ولا فيه اي احد يدعمها سواء من غريب او قريب .
اتجهت ناحية المغسلة بنية انها تغسل يدها ، تقوست شفايفها والضيق بان على ملامحها ، تنهدت بتعب كل اللي سوته من الصبح وكل الفطاير اللي تعبت عليها مانالت اعجاب ولا وحدة من صديقاتها ومو لاول مره ...
ماتدري هالمرة الكم اللي تذوقهم طبخها وردة الفعل متشابهه .
عدلت شيال المدرسة اللي ملتهم جسمها الشبه نحيل ، مسحت يدها لاكثر من مرة وطلعت من المطبخ تحت نظرات معلمة التدبير الحادة ..
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸