الفصل 2
🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 2 ....
📚 😍 📜
( ابتليت بحبك جعله يبتليك )
📖🖌 @storykaligi 🌷
طلعت ابتهال بسرعه حست شكلها غلط بدون عبايه
ورجعت بتاخذها بس ضربت بصدر واحد
رفعت راسها وشافت راكان قريب لها حيل
راكان*بعصبيه*: وين؟! ابتهال*بخوف*: بجيب عباتي
راكان مسكها بقوه من ذراعها وسحبها لسياره وركبها وسكر الباب
وركب هو وابتهال خافت منه
وراكان لف للمرتبه ورا وجاب شماغه ورماه عليها
راكان وهو يحرك سيارته : تغطي فيه
تفشلت ابتهال منه ولفت الشماغ ع راسها وتلثمت فيه
راكان*بنرفزه*: وين بيتكم
ابتهال قالت له الحي وراكان عرفه
5 دقايق سكوت
وابتهال بدأت تهدى مع انها ترجف من داخل
تكلم راكان برجوله : بسألك انتي خبله؟!
انصدمت منه ابتهال:نعم؟
راكان:غبيه تطلعين مع هالمحشش؟
ابتهال:محشش؟؟ ريان يحشش؟
راكان ناظرها بااستخفاف : اي محشش ويتعاطى ويدخل ويشرب وكل شي لهدرجه غبيه مالاحظتي
ابتهال من الصدمه رجعت تبكي بحسره
راكان*مستخفها*: وخاطب بعد ؟ وتطلعين معه ؟ وماتبينه يلمسك بعد ؟ قسم غريبه وخبله
ابتهال بعد هالكلام رجعت تبكي اقوى
راكان تنرفز منها وسكت
ابتهال*بهمس*: انا خطيبته
راكان من صدمه ما سمعه مسك بريك بقوه و وقف ع جنب
راكان:ايش ايش ايش ماسمعت؟؟
ابتهال:انا خطيبة ريان
راكان فتح عيونه ع الاخر
وابتهال نزلت راسها تبكي
راكان*بقهر*:حسبي الله عليك ياريان ي كلب
وناظر ابتهال شوي حس انه ظلمها وكسرت خاطره
راكان: انتي ابتهال ال...؟ ابتهال رفعت راسها انصدمت انه عرف اسمها
ابتهال: ايه وش عرفك
راكان*بضيق*: ريان كان يفتخر انك وحده من اللي يعرفهم
ابتهال: يعرف غيري؟؟
راكان*حرك سيارته ويمشي*: واجد وكل يوم يجيب واحده للاستراحه
ابتهال مسكت راسها وخلاص تحس نفسها بتموت من القهر شلون وثقت فيه شلون بعد نص ساعه وصلو بيت ابتهال و وقفو بعيد شوي عشان ماحد يشوفهم وطفى السياره
ابتهال اخذت نفس ونزلت الشماغ ومدته لراكان
راكان من شاف وجهها انجن عليها كانت جميله وناعمه وعيونها بعد البكى طالعه تذبحه سهى فيها
ابتهال ميلت راسها :خذ شماغك
ابتسم راكان وصد عنها بالقوه
راكان: تلثمي فيه وادخلي بيتكم ﻻحد يعرفك
ابتهال:بس ..
راكان:ﻻ بس وﻻ شي اخذي وتغطي وانزلي وانتبهي احد يشوفك
ابتهال ابتسمت بمراره وتكلمت ببحه
ابتهال:مشكور
راكان مارد
وتلثمت فيه ونزلت بسرعه تركض للبيت ودخلت ولفت شافت راكان ورفعت يدها له وسكرت الباب وراكان تنهد ويقول بنفسه نعمه ورفستها ياريان الغبي
** شخصيات ..
راكان (عمره 25) مزاجي كل يوم له بنت يلعب عليها واذا طفش تركها ودور غيرها .. اهله بالجنوب وقليل يروح لهم ﻻنه عايش بالرياض ودرس بالرياض وخويانه بالرياض ومعجبته حريته بالرياض .. ساكن بااستراحه صديقه ريان *اللي عرفنا قصتهم قبل شوي * .
.
ريان (عمره 26) من عائله كبيره مايهمه احد وﻻ يوقف بوجه احد يحب التغير واذا حقد حقد
له خوات واخوان يشوفهم بالاسبوع مره واحيانا مايشوفهمم طبعا مايعرف يحب شغله تمثيل بتمثيل وﻻ متسرع دايم .
.
ابتهال (عمرها 21 ) تدرس جامعه بس تدرس ترم وتأجل ترم ابوها مات وهي ببطن امها
وامها بعد ماولدتها ب 3 شهور تزوجت واحد وراحت معهه ببيته وخلت ابتهال ببيت زوجها الاول وجابت لها خدامات وكل اسبوع تزورها اربع مرات وبعد فتره بدت تقلل زياراتها لين صارت تجيها بالاسبوع مره او ابتهال تروح لها وصارت ابتهال تحس انها وحيده ومالها احد بهالبيت واول ماجاها ريان تعلقت فيه لحد كبير وقامت ماتشوف عيوبه وتبي بس حنانه واسلوبه معها اللي عوضها عن كل شي عندها صديقتها *حنان* وبنات خالتها بعد قريبات لها وتحس انهم خواتها بس مو معها بالبيت وهذا نقص لها ..
📖🖌 @storykaligi 🌷🍃
دخلت ابتهال البيت ووقفت بحديقه بيتهم ماتدري وش اللي صار طلعت من هالبيت كل فرحه الكون بقلبها ورجعت وكل حزن الكون فيها ودها تصرخ تبكي بس حست عيونها نشفت من الدموع نزلت الشماغ من راسها وجلست تناظر فيه .. وبقلبها تقول
مشكور ي ..... اي صح انا ليش ماسئلته عن اسمه .. وانا ويني وين اسئله عن اسمه المهم مشكور ياابن الناس ربي يسعدك .. مشت لداخل البيت ودخلت شافت الخدامه خديجه بالصاله كبيره بالعمر من شافتها قامت لها بسرعه وهي تبكي
خديجه: وين انتا من الصبح وين
ابتهال تعتبرها مثل امها واختها الكبيره وصديقتها بدون شعور ضمتها وبكت وخديجه تبكي بعد
شوي وحست ابتهال انها دايخه ابعدت عنها وطلعت بسرعه لغرفتها وخديجه خلتها بحالها ﻻنها ربتها وتعرفها ماتحب احد يشفق عليها ابتهال من دخلت رمت نفسها ع السرير تبكي .. ونامت والشماغ بين يديها .
🌷📖🖌 @storykaligi 📖🖌🌷
🍃🌷
🌷🍃🌷
🍃🌷🍃🌷
🌷🍃🌷🍃🌷