الفصل 3
🍂 3 🍃
ومن شافت اللي جالس انصصصصصصدمممممممت ومااستوعبت ابد اللي تشوفه لفت لمنصور بسرعه ومنصور ناظر لها وصد عنها ونزل راسه ورجعت صمود تناظر للي جالس تحاول تستوعب ابتسم وهو يناظر لها وقام:شفيك منصور مو ناوي تعرفها ع زوجها منصور نزل راسه صمود بهدوء:صقر عبدالعزيز الـ... ابتسم صقر:اووه طلعتي تتابعين التلفزيون حلو صمود مو مصدقه وتناظر له منصور:صمود صقر بياخذك الحين لفت له صمود وهمست:بس انت قلت لي انه شايب صقر قاطع منصور قبل يتكلم:لو سمحت منصور ببقى معها شوي لحالنا لفت له صمود منصور بهدوء:طيب وطلع وصمود مستغربه جرائته تعرف انه مشهور مذيع وواثق من نفسه حيل صقر بثقه:اجلسي صمود بهدوء اتجهت للكنب وجلست وجلس صقر بمكانه بعيدين عن بعض شوي وصقر جلس يناظرها بجمود وصمود تناظره وتفكر (كيف وشلون وليش انا) بعد دقايق تكلم صقر بحده وبصوته اللي يخلي الواحد يهابه غصب صقر:ليش انصدمتي لما شفتيني صمود عقدت حواجبها من سواله صقر ضحك بخفيف:ماتوقعتني صغير توقعتيني كبير بالسن صح صمود:بس الرساله..وسكتت فجاءه وصقر رفع حاجب:رساله؟ صمود بحده:لا قصدي منصور قال لي ان اللي تزوجته كبير صقر:طيب ليش وافقتي دامك تعرفين انه كبير؟؟ صمود:تحقيق هو وش تبي بالضبط صقر بتحدي:كنتي بتتزوجين ابوي ع فكره ولا جالسه تتغابين انصدمت صمود صقر:كنتي بتخربين بيتنا كنتي بتخلين امي تتطلق من ابوي واخواني يتفرقون صمووود جمممدت وش قاعد يقول هذا صقر بعصبيه : بس وربي ان ماخليتك تندمين ع تخطيطك هذا مااكون صقر العبدالعزيز وقام وصمود جلست تفكر كيف اخرب عليهم طيب والرساله اللي جتها،قبل ٤ ايام صمود تطقطق بجوالها بالصاله صمود: سستي ..... جتها الخدامه تركض: هلا اسفه ماسمعتك صمود:بس عاد جيبي لي لابتوبي فوق الخدامه:اوك وراحت وصمود رجعت تقرا الرساله من رقم اقري ايميلك ي حلوه)جتها الخدامه ونزلت اللاب وقامت صمود وفتحته بهدوء اول ايميل من الشركه جت لثاني ايميل غريب فتحته شافت كلام طويل وجلست تقراه(مااعرفك ولاتعرفيني ، اذا كنتي ناسيه كانت عندكم خدامه اسمها (ماريه) هالخدامه سوت اشياء لي ماسوتها اقرب صديقه ، هالخدامه جابت لي من شعر منصور ملابس منصور وبعض اغراض منصور ، تدرين لو لعبت فيهم وش بيصير اتوقع ينشل؟ اويمرض ومايطول ليموت-هنا جمدت صمود من الرساله- اسمعي انا ماابي منك لافلوس ولا شي ، بعد ايام بيجيك واحد كبير بالسن ، رجل اعمال اللي ابيه تتزوجينه وبعد ماتتزوجينه زوجته بتنقهر مثل ماقهرتني ، دورت بنات كثير بس مثل جمالك ماشفت يعني المطلوب هو انتي ، واذا تبين شي تعالي نفس الرقم للواتس) صمود بصدمه رجعت تقرا الايميل مره وثنين وثلاث
@storykaligi