كنت في عز الثبات لين شفتك وانهزمت - الفصل 100 - بقلم ريناد | روايتك

البــــــــــــــــــــ 100ـــــــــارت حطها على السرير ولاحظ تورد خدودها:.للحين تستحين مني؟ حنين لمست خدودها بعفويه:.لا ما استحي بس محد طلب منك تشيلني قدامهم ابتسم بهدوء:.ابي أخدمك طيب حنين:.بس الكل يناظر فينا نواف:.عادي زوجتي وش فيها حنين:.ليش تركت عمر معهم نواف:.خليه مع امي وانتي ارتاحي حنين:.مرتاحه اخاف يطيح مو مرتاحه نواف:.ما بيطيح انتي نامي وارتاحي حنين:.لا تعاملني زي الطفله خلاص كبرت نواف صار يضحك:.انتي صغيره لو مهما سويتي . . بالصاله كان عمر بحضن عهود وهي تتامل فيه ديما وهي تجلس جنبها:.كل شوي وهو نايم صحيه .. عهود:.كذا الاطفال اغلب يومهم نوم ديما:.اليوم ما ادري ليش احس جوري زعلانه عهود بستغراب:.اساسا وينها؟ ديما:.قبل شوي طلعت هي وشوق برا عهود:.وانتي ليش حسيتي انها زعلانه؟ ديما:.مادري بس شكلها يا تعبانه او بينها شي هي وتركي عهود:.لا ان شاء الله ما فيهم شي .. . . بالحديقه كانوا جوري وشوق يمشون ويتبادلون الكلام وقفت شوق بستغراب:.تعرفين متى يرجع تركي؟ جوري:.لا ما قالي شوق:.غريبه طلع بدون يكلم احد صاير شي بينكم؟ جوري ابتسمت:.وش راح يصير يعني؟ شوق:.ما ادري قلت ممكن جوري:.لا مافي شي وقطع عليهم تركي اللي وقف سيارته ونزل وتوجه نحوهم:.ليش طالعين كذا؟ شوق:.كيف يعني! تركي:.اقصد جوري ليش شعرك برا كذا؟؟ حز بخاطرها وتكلمت بهدوء:.عادي ما فيه احد تركي بحده:.لا مو عادي انتي ببيت اغلب اللي فيه رجال فرضا السواقين اللي هنا شافوك شوق وهي مستغربه تصرف اخوها:.تركي وش فيك السواقين بالجناح الخاص فيهم وبعدين ما احد يجي لهنا تركي وهو يمشي:.تعالي معي جوري انقهرت من تصرفه:.لا ما بجي وقف ولف عليها:.ما سمعت؟ جوري ببرود:.قلت ما بجي شوق تعالي نروح للمسبح قرب منها ومسك بيدها وسحبها وشوق وقفت بمكانها وهي مصدومه من تصرفات تركي . . . كانت جالسه وحاطه يدينها على فخوذها بتوتر سمعت صوت حركته ووقفت بخوف:.وش لقيت؟ مشعل بهدوء:.شكله سفاح بس هرب توسعت عيونها وشهقت:.وشلون!! مشعل:.زين انك هربتي والله مي نزلت دموعها:.ياربي وش آسوي الحين حس بشي تحرك بداخله وهو يشوف دموعها وللمره الاولى اللي يشوف عيونها تلمع بهالطريقه:.امزح كانت قطوه تحوس بالمخزن ناظرت فيه وتكلمت برجفه:.تمزح! مشعل:.ما يحتاج تخافين طلعتها وراحت مسحت دموعها وبحده:.مزحك احتفظ فيه لنفسك ومشت وهي تشد على يدها بقهر ومشعل لحقها:.لو سمحتي بس اسمعيني شوي مي مشت وهي متجاهله تماما كلامه ودخلت لشقتها وسكرت الباب بكل قوتها ومشعل مسح وجهه وهو يهمس:.وشفيها عصبت كذا! . . سحبها ودخلها لغرفتهم وسكر الباب:.ليش هالعناد؟؟ جوري وهي تحسب يدها منه:.انت وش فيك وش سويت لك ليش تعاملني كذا قدام اختك!! تركي:.شوفي يا جوري حركات البزران تتركينها انتي كبيره ولو اشوفك مره ثانيه طالعه بهالشكل لا تلومين الا نفسك .. جوري بصراخ:.كل هذا عشان قلت مابي اطفال !! تركي ببرود:.انقلعي من قدامي جوري وقفت وهي تعانده:.كل هذا عشان قلت مو مستعده احمل طيب انا مابي ليش ما تفهم وضعي تركي:.شكلك ما تفهمين انتي جوري:.لا افهم وابي أناقشك تركي:.امشي قبل أخربها جوري:.لهدرجه زعلان!! طيب انا ما قلت مابي بعدين قلت لك الحين مو مستعده بس هذا ما يعطيك الحق بانك تعاملني كذا مشى وطلع وجوري مشت وراه ومسكت بيده:.لا تطلع وانت زعلان كذا! سحب يده:.اذا جلست اكثر بتصير اشياء انتي ما تبينها مشى وجوري شبكت يدينها ببعض ولمعت عيونها بحزن . . . صباح يوم جديد فتحت عيونها بتعب لانها ما قدرت تنام بالليل ناظرت حولينها وكان الهدوء مسيطر على المكان ابتسمت بحزن:.لازم اتعود على الوحده واحاول اعتمد على نفسي قامت وتوجهت للحمام"يكرم القارئ" وبعدها طلعت ووقفت قدام التسريحه وهي ترتب شعرها وتفكر وش راح تلبس باول يوم دوام لها . . . ببيت ابو نواف كان جالس بالحديقه يشرب من قهوته تقدم منه نواف:.السلام عليكم وين الكل ابو نواف:. وعليكم السلام داخل تعال اجلس تقهوى معي نواف:.بصراحه جت بوقتها لاني ابي اكلمك بموضوع ابو نواف:.عسى ما شر؟ نواف:.والله الموضوع يخص ديما ابو نواف:.وش فيها ديما؟ نواف:.ادري انك راح تستغرب بس عبدالرحمن رجع وطلب ديما مني وهي هالمره ما عندها مشكله ابو نواف:.نفسه اللي تقدم لها اول مره؟ نواف:.ايه يبه وعبدالرحمن رجال ونعم فيه وبصراحه ما بلاقي احسن منه يصون اختي ابو نواف:.وش غير رايها لايكون ضغطت عليها؟ 🎀📚 @storykaligi 🎀📚