كنت في عز الثبات لين شفتك وانهزمت - الفصل 99 - بقلم ريناد | روايتك

البــــــــــــــــــــ التاسع والتسعين ـــــارت توترت شوق وناظرت في ديما وام نواف تكلمت بهدوء:.فيه واحد تقدم لديما اسمه عبدالرحمن وهي رفضت عقد حواجبه:.يعني عبدالرحمن تقدم لها مرتين!! ام نواف:.ما اذكر الا مره طلبها من ابوك وقف نواف وناظر في ديما:.تعالي معي للمكتب ابيك .. هزت راسها بالموافقه وهي متوتره . . بمكان اخر وتحديداً بلندن وصلت مي بعد عناء السفر وقفت قدام احد البيوت وجرت معها شنطتها وكانت تمشي وهي تفكر كيف راح تكون حياتها الجديده وهل راح تنسى تنهدت وفجاه صدمت بجسم شخص ضخم وتأوهت بالم:.وجع مشعل ناظرها بهدوء:.انتي اللي تمشين ومنزله راسك مي انصدمت انه عربي وناظرت فيه وتوسعت عيونها وهي تكلم نفسها:.هذا نفسه اللي التقيته بس وش يسوي هنا معقوله يلحقني !!! صرخت عليه بحده:.انت قاعد تراقبني صح؟؟ مشعل بصدمه:.انا!! مي:.ايه انت وش تبي مني ! ابتسم مشعل بسخريه:.يا اختي وش تحسبيني فاضي حتى اطاردك!! مي:.ايه والدليل انك لاحقني من هناك لهنا! صار يضحك:.وين شفتك اساسا؟ مي:.وتنكر بعد صدق انك ما تربيت!! سحب مشعل شنطته وتوجه لشقه قريبه من مي انصدمت يوم فتح الباب وسكره وهو مو معطي اي اهتمام لها شتمته الف مره وسحبت شنطتها لشقتها القربية من مشعل . . . بمكتب ابو نواف جلس على الكنبه واشر لها تجلس جنبه وديما جلست وهي متوتره:.ليش تبي نتكلم هنا؟ نواف بنفس الهدوء المعتاد:.لاني ابي اعرف سبب رفضك لعبدالرحمن ومتى هو تقدم لك؟؟ ديما:.من فتره وانا رفضت لاني ما كنت جاهزه نواف:.هذا سبب رفضك؟ ديما هزت راسها ونواف تكلم:.طيب هو رجع طلبك مني وانا عارف عبدالرحمن رجال وما عليه اي كلام ديما بتوتر:.مادري اللي تشوفه ابتسم بهدوء:.الولد تقدم لك مرتين يا ديما يعني شاريك ويبيك ديما:.انت تعرفه اكثر مني اذا تشوفه كفو انا موافقه ابتسم نواف:.زي ما قلت لك رجال ونعم فيه ابتسمت بإحراج ونواف اخذ جواله واتصل بعبدالرحمن . . . بغرفه تركي كانت جالسه قدام التسريحه وهي ترفع شعرها وفجاه فزت وهي تحس فيه وراها:.يمه انت تركي بضحكه:.ليش خفتي ! جوري:.خوفتني جاي كذا قرب خطواته منها:.كنت افكر بشي جوري:.وش اللي تفكر فيه؟ تركي:.كنت افكر ليش ما نجيب طفل حلو يشبهك ونربيه سوا جوري انصدمت وما ردت وتركي كمل كلامه:.اشوف ان الوقت مناسب انتي وش رايك؟ جوري بخوف:.مابي!! عقد حواجبه بصدمه:.وليش ما تبين! جوري:.لسا بدري تركي:.بس انا ما اشوف انه بدري؟ جوري:.انا باقي صغيره على اني اتحمل تربية الاطفال واكون ام لسا الوقت بدري يا تركي ما رد عليها وسحب نفسه من الغرفه وجوري تنهدت بتعب وهي تفكر بالموضوع . . . بالمطبخ دخلت ديما ومسكت يد شوق:.ليش تفضحينا يا غبيه زين تفشلت بسببك قدام نواف شوق:.وش اسوي تكلمت بالغلط ديما:.ما تعرفين تمكسين لسانك !! شوق:.وش قالك نواف؟ ديما ابتسمت بخجل:.قالي ارجع افكر لان عبدالرحمن رجع تقدم لي شوق بصراخ :.تقدددددم لك مره ثانيه !!! ديما بهمس:.قصري صوتك.. شوق:.والله انه رجال مافي نسخه منه؟ ديما:.لا مافي زوجي نادر شوق:.حبيبتي استعجلتي ما صار زوجك ديما:.بس بيصير قطع عليهم دخول عهود:.تعالوا لصاله عمتكم رجعت هي وجنى تعالوا اجلسوا معنا راحوا معها وديما جلست جنب حنين واستغربت نظرات حنين لجنى وهمست:.وش فيك كليتي البنت؟؟ حنين بنفس الهمس:.يا ترى باقي تتلصق بنواف ! ديما:.وشو؟؟ حنين انتبهت على نفسها:.لا يا قلبي ولا شي ديما ابتسمت وطالعت بنواف اللي قرب من حنين وهمس:.قومي معي لازم ترتاحين حنين بإحراج:.ما اقدر امشي خلاص بجلس هنا نواف:.انا بشيلك يلا حنين بصدمه:.هاه! نواف قرب وشالها وهي شهقت والكل ناظروا فيهم همست حنين بإحراج:.ياربي منك! . . بلندن وتحديداً بشقة مي كانت تسوي لها قهوه سمعت اصوات غريبه وحاولت تطنش بس لاحظت ان الصوت بدا يزيد تملكها الخوف وركضت تتاكد من الباب وقفت وتأكدت منه وكان مقفل لاحظت ان الصوت كان من داخل البيت رجف قلبها ولفت بسرعه وسمعت الاصوات وكانت تطلع من المخزن رجعت بخطواتها لورا وصرخت بخوف يوم سمعت الشي اللي طاح ولفت وفتحت الباب وطلعت لبرا وهي تبكي وتتلفت حولينها لعل وتشوف احد يساعدها بس كان الشارع فاضي تماما من السيارات ناظرت بالبيوت القريبة منها ولاحظت باب احد ألبيوت كان مفتوح ركضت ومن خوفها دخلت للبيت وهي تبكي وتنادي وتحاول تتنفس رفعت راسها على صوته وانصدمت:.انت!! مشعل توسعت عيونه وبلع ريقه وهو يشوف كيف شكلها بالبجامه :.انتي!! ركضت مي عنده وهي تبكي وترجف:.فيه ف ف فيه احد عندي بالشقه ارجوك ساعدني! مشعل بصدمه:.كيف! مي:.الله يخليك اعتبرني وحده من خواتك مشعل شتت أنظاره عنها:.خلاص اجلسي هنا بروح اشوف لا تتحركين من مكانك مشى ومي جلست على اقرب كنبه وكل مافيها يرجف .. 🎀📚 @storykaligi 🎀📚🖋