كنت في عز الثبات لين شفتك وانهزمت - الفصل 96 - بقلم ريناد | روايتك

البــــــــــــــــــــ السادس والتسعين ـــــارت طلع الدكتور والابتسامه مرسومه على وجهه تقدم نحوه نواف اللي كان خايف:.هاه يا دكتور طمني؟ الدكتور ببتسامه:.المدام بخير والطفل بخير مبروك جاكم ولد ابتسم وكلام الدكتور يتردد باذنه وبعدها تكلم:.اقدر ادخل عندها ؟ الدكتور:.انتظرها تصحى بعدها تقدر تشوفها جلس نواف وهو يحمد ربه ويتخيل شكل طفله الاول بين يدينه ابتسم بفرحه قربت منه مي وهي مبتسمه:.سمعت كلام الدكتور الحين الف مبروك يتربى بعزكم كنت ابي اشوف حنين بس طيارتي بعد شوي ابيك توصل لها رسالتي بالحرف الواحد ابيك تعلمها اني اسفه واني اشكرها وسامحوني كلكم وقف نواف:.وين بتروحين ؟؟ مي ابتسمت بنكسار:.الديره تذكرني باشياء مابي أتذكرها وبسافرر ادرس برا نواف بهدوء:.مشكوره واي شي تحتاجينه انا موجود مي والابتسامه ما تفارق وجهها:.ما تقصر وبعدها مشت غمضت عيونها بقسوه لأجل ما تبكي بتمشي وتترك كل شي بتنسى كل شي وتبدا من جديد . . . وصلوا تركي وجوري على بيت ناصر وجوري نزلت وهي تركض وقفت قدام الباب ودقته وكل مشاعر الشوق واضحه عليها فتحت لها امها وجوري ارتمت بحضنها وهي تهمس:.اشتقت لك يمه ابتسمت ام حنين بفرح:.يا بعد قلبي يا جوري بعدت عن حضن امها:.وين جدي والله مشتاقه للكل ام حنين:.ادخلي يمه جدك داخل دخلت جوري وانصدمت بناصر اللي كان على الكرسي المتحرك ويدينه ترجف رفع عيونه وشافها وابتسم بلهفه:.ج ج جوري يابوك تعالي ركضت عنده وجلست قدامه:.يا عمري ليش حالتك صارت كذا وش صار يا جدي؟ ناصر مد يده اللي كانت ترجف ومسح على راسها وهو يبتسم:.جدك كبر بالعمر يا بنتي ابتسمت جوري ودمعت عيونها واخذت كفه وباسته:.الله يطول بعمرك يالغالي ناصر:.وينه زوجك يا بنتي كانت جوري بتتكلم بس قطع عليهم دخول ام حنين وتركي اللي نزل جواله والابتسامه مرسومه على وجهه:.جينا وجاكم الخير نواف توه متصل وحنين جابت ولد فزت جوري:.متى وليش ما قلت لي من الاول تركي:.تو نواف اتصل يلا نروح لهم ناصر:.خذوني اشوف حبيبه جدها وحفيدي ام حنين دمعت عيونها وقربت من ابوها:.الحين بنروح يا عيوني . . . كانت تسمع همسه فتحت عيونها وناظرت بنواف ونواف مسك يدها:.الف الحمدلله على سلامتك يا روحي حنين ابتسمت بتعب وهمست:.وش جبت؟ نواف وهو يمسح على راسها:.ولد حنين ابتسمت وتجمعت الدموع بعيونها:.بخير صح؟ نواف ابتسم بحب:.قوي طالع لامه ويشبهك حيل غمضت عيونها ونزلت دموعها ونواف قرب وطبع قُبله على جبينها وهالمره اطال فيها وبعد عنها وهو يهمس باذنها:.غيرتي حياة نواف وقدرتي تهزمين كل كبرياء فيني وتملكتي كل نقطه بقلبي احبك يا اجمل من عرف قلبي بردد هالكلمه طول عمري انتي نعمه من الله احبك يا ام عمر ضحكت ومدت يدها ومسكت وجهه:.تبي نسميه عمر هز راسه وقرب منها وحنين غمضت له باستسلام بس قطع عليهم الباب اللي انفتح ودخلت منه ديما وشوق وهم يصارخون ويوم شافوا نواف قريب من حنين شهقوا:.اسفين ماكنا ندري ابتسم نواف بقهر وابعد عن حنين:.دايم وقتكم غلط ديما ابتسمت بنتصار:.الا زين ننقذ هالمسكينه منك ابتسم نواف وناظر في حنين وديما وشوق قربوا منها:.الحمدلله على سلامتك اخيراً صرنا عمات شوق:.انا بكون العمه الحنونه ديما:.وش معنى حنونه يعني انا قاسيه ؟؟ ضحكت حنين وصار نواف يضحك معها وناظروا بالباب اللي دخلت منه ام حنين ومعها ناصر اللي كان على الكرسي المتحرك رجف قلب حنين بخوف:.جدي! سلمت ام حنين وقربت ناصر من حنين مد يده المرتجفه ومسك يدها:.الحمدلله على سلامتك ط ط طمنيني عليك حنين ناظرت في جدها وماكانت مستوعبه ان هذا ناصر اللي كان قوي والكل يهابه:.انا بخير انت اللي طمني عليك ليش صار حالك كذا يا جدي؟ ناصر ابتسم:.جدك كبر بالعمر وصار ضعيف ام حنين:.وينه الولد نبي نشوفه نواف:.الحين اروح اخليهم يجيبونه ..