كنت في عز الثبات لين شفتك وانهزمت - الفصل 94 - بقلم ريناد | روايتك

البــــــــــــــــــــ الرابع والتسعين ـــــارت وقف قدام بيته ونزل بشكل مستعجل ولقى الباب مكسور دق قلبه بخوف وركض لداخل وانصدم وتجمد بمكانه وهو يشوف الدم اللي بالارض حس الدنيا تدور قدّامه وقلبه يخفق بقوه ركض للغرفه وبكل انحناء البيت بس ماكان فيه احد بلع ريقه وسحب جواله واتصل في ناصر وبعد فتره جاه رده:.هلا؟ نواف ببحه:.حنين عندكم شي؟؟ ناصر:.لا والله واليوم اتصلت فيني ليش هي مو معك!! نواف:.الظاهر انها عند اهلي وسكر بدون يسمع رد ناصر وقلبه مو متطمن وعيونه مركزه على الدم اللي بالارض . . ببيت ابو نواف كالعاده كانوا متجمعين نزلت بخطوات هاديه واستغربت يوم الكل صار يناظر فيها كملت جنى تمشي وهي مو معطيتهم اي اهتمام بس وقفها صوت عهود:.اطلعي لامك فوق وقبل تروحين لها مري على المطبخ خذي لها كاسه عصير جنى ببرود:.بس انا ما بطلع فوق ام نواف:.الا بتطلعين يلا اشوف جنى انقهرت وما قدرت تسوي شي لان ام نواف سحبتها معها . . . فتحت عيونها وكانت تسمع اصوات الدكاتره حست بالم فضيع ببطنها وماكانت تقدر تميز اي شي حاولت تتاكد هي وين وانصدمت أنها بالمستشفى همست بالم:.ط طفلي لا يموت الدكتور بصراخ:.حال المريضه يزيد سوء خذوها لغرفه العمليات بسرعه بكت بخوف وكانت تتمنى وجود نواف عشان يهديها . . . صار مثل المجنون يتصل بكل احد يعرفه بس كلهم نفس الرد سمع صوت خطوات ولف بسرعه وانصدم باللي قدّامه كانت لابسه عبايتها وجهها مو مغطيه شي والشاش الملفوف حول راسها قربت منه مي:.خايف عليها صح؟ نواف بحده:.وين حنين!! مي ابتسمت بهدوء:.لا تخاف حنين بخير وهي حاليا" بالمستشفى تولد توسعت عيونه بصدمه:.كيف!!! مي:.انا كنت جايه لهنا عشان اعتذر لها ويوم جيت سمعت صوت حنين تبكي صرخت حاولت افتح الباب بس ماكان يفتح ناديت واحد من الشارع وكسر الباب ودخلت وانصدمت فيها طايحه بالارض وقاعده تبكي ساعدتها وحطيتها بالمستشفى نواف بخوف:.وو والدم هذا لمين!! مي لمست راسها وابتسمت بوجع:.هذا لي يوم كنت اساعدها طحت وضرب راسي بالطاوله نواف:.حنين بأي مستشفى ! مي:.تعال معي هي الحين بغرفه العمليات . . كان يزيد سرعته بكل دقيقه تمر وكأنه يحاول يوصل اسرع لاحظت عروق جبينه الواضحة والتوتر الواضح عليه تكلمت مي بهدوء:.لا تخاف عليها نواف:.اتصلت فيني اكثر من مره وانا ما رديت اكيد كانت خايفه الحين عرفت اني مهمل مي قاطعته:.مو ذنبك يا نواف لا تحط اللوم عليك انت لو كنت بتعرف انها بتولد اليوم ماكان تركتها ما رد عليها وتنهد بتعب ومي ابتسمت وتكلمت:.بتصير اب وتزيد مسؤولياتك وبتتغير حياتك للأفضل صدقني ما جيت الا عشان اصلح اغلاطي واتمنى انك تسامحني نواف:.مو وقته هالكلام اهم شي صحه حنين وولدي مي سكتت وبعد فتره وقف قدام المستشفى ونزل وهو يركض وهي نزلت ورغم تعبها حاولت تمشي بس توازنها اختل وكانت بتطيح غمضت عيونها بخوف بس انصدمت يوم حست بيدين تمسكها وتمنعها من الوصول للأرض فتحت عيونها مي بصدمه وتوسعت عيونها وهي تشوف هالرجال اللي مسكها رغم تعبها الا انها ناظرت بملامحه وفهت تماماً الرجال بهدوء:.تقدرين تمشين عشان اتركك؟ ماردت مي وهي بعمرها ما شافت زي هالملامح بثواني قدر يخطف قلبها الرجال بهدوء:.يا بنت الناس تسمعيني؟ انتبهت مي على نفسها وبعدت عنه بسرعه:.م م مشكور الرجال ابتسم بهدوء:.العفو ما سويت الا الواجب ابتسامته قدرت انها تشتت مي وتخليها تتوتر قطع عليهم حديثهم امه اللي كانت تمشي بتعب:. الله يقطع ابليسك يا مشعل تخلي امك تمشي كل هالمسافه وانت تعرف انها تعبانه عطا ظهره لمي ومشى متوجه لامه:.سامحيني يالغاليه بس فيه بنت داخت هنا وساعدتها ام مشعل:.ايه وانا امك هذا الحكي الزين ومشوا وقبل يبعد لف وناظر فيها ومي بادلته النظرات وحست قلبها بيطلع من مكانه وصدت ودخلت للمستشفى وهي تبتسم وتهمس:.اسمه مشعل . . . وقف عند الاستقبال وسال عنها وبعد ما عرف هي وين صار يركض وهو متوجه لغرفه العمليات وقف وهو يشوف الدكتور اللي واقف قدّامه:.لو سمحت زوجتي داخل وبدخل عندها؟ الدكتور:.معليش ما اقدر ادخلك عندها نواف:.انا ابي ادخل عندها وش اللي يمنع ؟ الدكتور:. يا استاذ ما اقدر وخلاص زوجتك بتولد قيصري باقي فقط توقع لنا على إجراء العملية .. 🎀📚 @storykaligi 🎀📚🖋