كنت في عز الثبات لين شفتك وانهزمت - الفصل 92 - بقلم ريناد | روايتك

البــــــــــــــــــــ الثاني والتسعين ـــــارت بدالرحمن:.اجل نتقابل بكرة يلا ما ازعجك اكثر نواف:.فمان الله وسكر جواله وحطه جنبه ورفع راسه وانصدم فيها تطالع فيه:.ليش واقفه عندك تعالي؟ قربت منه وجلست جنبه:.مين هذا نواف:.لا تخافين مو جنى حنين:.وش دخلها الحين نواف وهو يناظر فيها:.مدري بس شكل بعض الناس يغارون حنين وقفت وبحده:.ايه اغار والا ما يحق لي؟؟ نسيت انك زوجي وما ارضى احد يشاركني فيك وقف والابتسامه مرسومه على وجهه:.فديت اللي يغارون حنين:.بعد عني ادري متقصد تبي اغار نواف مسك بيدها:.كل شي ولا زعلك يا بنت ابوك ناظرت فيه بغرور بعدها ابتسمت بنتصار . . . ببيت ابو نواف وتحديداً بغرفه ام خالد كانت تقرا قران وجنى جالسه قدامها على جوالها بعد فتره انتهت ام خالد وسكرت القران وناظرت في جنى اللي كان واضح انها بعالم ثاني:.يا بنتي تعالي نامي اكيد تعبانه جنى:.ابي ارجع عند ابوي!! وقفت ام خالد بخوف:.وش اللي سمعته! جنى:.ايه مو مرتاحه هنا ابي ارجع عنده ام خالد بغصه:.وانا يمه تخلين امك يا جنى؟ جنى:.زي ما امي خلتني وانا صغيره ام خالد بحده:.تعلمي كيف تكلمين امك يا بنت!! جنى دمعت عيونها بقهر:.كل اللي سويته كان عشان نواف والا انا مابي اشوفك ولا اقعد معك لمعت عيونها بحزن:.ليش يمه ليش جنى:.لاني ببساطه تعودت على غيابك ام خالد:.ابوك اللي آخذكم مني هو اللي حرمني منكم جنى بصراخ:.لا مو ابوي ليش ماخذه ابوي عذر!!! كنتي تقدرين يمه كنتي تقدرين بس اخترتي راحتك ام خالد بتعب ودموعها تجري على خدها:.والله حاولت آخذكم بس انا قوتي ولاشي قدام ابوك جنى ابتسمت ومسحت دموعها:.رجعتوني عشان تقهروني نواف تزوج وكل اللي احبهم خلوني ام خالد:.يا بنتي والله غلط تفكيرك انا ما خليتك ابوك أجبرني .. جنى بصراخ:.لا مو غلط تدرين كيف كبرت تحملت اشياء فوق طاقتي كنت احتاجك جنبي كنت انام كل ليله مكسوره كنت احتاج حضنك يلمني ويعطيني الامان بس ماكنت الاقي جنبي الا الخدم حطت يدها على قلبها وهي تحاول تتنفس ام خالد بخوف:.جنى يمه جنى بعدت عنها:.كبرت وتربيت اني اسوي اشياء غلط محد يحاسبني عليها مسحت دموعها وركضت لشنطتها وطلعت الدخان منها ورمته قدام امها:.كنت ادخن ومحد يعاقبني ولا احد يمنعني كبرت على اشياء غلط الحين جايه تقولين بنتي اي بنت تتكلمين عنها البنت اللي تركتيها تكبر مع خدم وتتعلم اشياء غلط!! توسعت عيون ام خالد وانحنت واخذت الدخان:.جنى!! وجنى انهارت على الارض وهي تحاول تتنفس والكلام تجمع عليها ومو عارفه تطلع الكلام اللي بقلبها:.تدرين يمه كنت كل ليله اكتب عشان اذا شفتك اسالك ليش تركتيني ليش وش ذنبي ان ابوي كذا وش ذنبي اكبر ويقولون عني الناس مو متربيه انتي رحتي ونواف راح محد كان معي تحملت ثقل الحياه مو حرام كل هالحزن يسكن بقلب طفله زيي؟؟ قربت منها ام خالد وكانت يدها ترجف:.جنى طلعي كل اللي بقلبك يا بنتي معقوله كاتمه كل هذا؟؟ هزت راسها بالنفي:.لا تقربين مني تاخرتي حيل يا يمه حيل مع الاسف شوفتك كسرتني الف مره ياليتني ما شفتك يالتني ما حاسبتك بالنهايه محد راح يتالم غير قلبي سكتت وهي تحس ان قوتها كلها تبخرت عضت على شفايفها تحاول تتماسك وتوقف بس شوفة أمها هدمت كل شي انفتح الباب ودخلوا وانصدموا بجنى اللي كانت منزله راسها وتبكي وام خالد اللي كانت منهاره ديما بصدمه:.عمتي . . . يوم جديد ببيت نواف قامت وهي تحس بوجع ببطنها ناظرت حولينها وماكان نواف موجود شدت على نفسها حتى وقفت ومشت متوجه للحمام"يكرم القارئ" كانت تشوف كل شي مشوش غمضت عيونها بقسوه وتمسكت بالباب قبل تطيح تسارعت انفاسها وهي تحس بالالم يزيد صرخت بالم وطاحت على الارض وهي تمسك بطنها وتمتم:.ن ن نواف لا مابي اولد اليوم مابي اولد هنا لا لا نزلت دموعها وناظرت حولينها ومدت يدها وهي تحاول توصل للباب عشان توقف .. كانت كل محاولتها تفشل اخذت نفس وحاولت بكل اللي تقدر عليه عشان ما تبكي:.ياربي ساعدني شدت على نفسها وزحفت محاوله الوصول لجوالها ونجحت وفعلاً آخذت جوالها ويدينها ترجف واتصلت فيه بس ماكان يرد نزلت دموعها وهسمت بترجي:.رد يا نواف رد!! 🎀📚 @storykaligi 🎀📚