الفصل 7
الجزء 7:
ﺳﺎﻣﻲ ﺷﻌﺮ ﺑﺎﻹﺣﺒﺎﻁ ﻭﺍﻟﻔﺮﺣﻪ ﺍﻟﻜﺎﻧﺖ ﻣﺎﻟﻴﻪ ﻋﻴﻮﻧﻮ،ﺩﺧﻠﻬﺎ ﺣﺰﻥ ﻋﻤﻴﻖ ﻭﺑﻘﻰ ﻳﻔﻜﺮ ﺍﻧﻮ ﻳﻠﻐﻲ ﻋﺮﺳﻮ ﻣﻦ ﺍﻟﺰﻳﻨﻪ ﻻﻧﻮ ﻣﺎﺑﺮﺿﻰ ﻟﻲ ﻧﻔﺴﻮ ﻳﻌﺮﺱ ﻭﺍﺣﺪﻩ ﻟﻤﺴﻬﺎ ﺯﻭﻝ ﻣﻦ ﻗﺒﻠﻮ ﻭﻛﻤﺎﻥ ﺣﺎﻣﻞ ...
ﺑﺲ ﺭﺟﻊ ﻭﻗﺎﻝ : ﺍﻟﺰﻳﻨﻪ ﺑﺮﻳﺌﻪ ﻭﺍﻟﺤﺼﻞ ﻟﻴﻬﺎ ﺩﺍ ﺟﺮﻳﻤﻪ ﻭﺍﻟﻤﺠﺮﻡ ﺍﺧﻮﻫﺎ ﺍﻧﺎ ﻛﻴﻒ ﺍﺗﺨﻠﻰ ﻋﻨﻬﺎ ﻭﻫﻲ ﻭﺛﻘﺖ ﻓﻴﻨﻲ ﻭﻛﻠﻤﺘﻨﻲ ﺑﻬﻤﻬﺎ ﻣﻦ ﺩﻭﻥ ﺍﻟﻨﺎﺱ ﻛﻠﻬﻢ !
ﺳﺎﻣﻲ ﺍﻓﻜﺎﺭﻭ ﻛﻠﻬﺎ ﺍﺗﺸﺘﺖ ﻭﻣﺎﻋﺎﺭﻑ ﻳﺘﺼﺮﻑ ﻛﻴﻒ ﻭﻋﺎﻳﻦ ﻟﻠﻨﺎﺱ ﻟﻘﺎﻫﻢ ﻣﺒﺴﻮﻃﻴﻦ ﺑﻌﺮﺳﻬﻢ ﻫﻮ ﻭﺍﻟﺰﻳﻨﻪ ﻭﻗﺎﻝ ﻣﻌﻘﻮﻟﻪ ﺍﺗﺮﺍﺟﻊ ﺑﻌﺪ ﺍﻟﻔﺮﺣﻪ ﺍﻟﻔﻲ ﻋﻴﻮﻥ ﺍﻟﻨﺎﺱ ﺩﻱ؟
ﻭﺍﻗﻮﻝ ﻟﻴﻬﻢ ﺷﻨﻮ؟
ﺍﻧﺎ ﺧﻠﻴﺖ ﺍﺧﺘﻜﻢ ﻋﺸﺎﻥ ﺍﺧﻮﻛﻢ ﺍﻏﺘﺼﺒﻬﺎ؟ﻣﺴﺘﺤﻴﻴﻞ ﺍﺧﺬﻝ ﺍﻟﺰﻳﻨﻪ ﻭﺍﻋﻤﻞ ﻟﻴﻬﺎ ﺑﺼﻤﺔ ﻋﺎﺭ ﻗﺪﺍﻡ ﺍﻟﻨﺎﺱ
ﺑﺲ ﻭﻳﻦ ﺣﻘﻲ ﺍﻧﺎ ﻭﺍﻧﺎ ﺫﻧﺒﻲ ﺷﻨﻮ؟
ﺳﺎﻣﻲ ﺩﺧﻞ ﻓﻲ ﺗﻔﻜﻴﺮ ﻋﻤﻴﻖ ﻣﻊ ﻧﻔﺴﻮ ﻭﺑﻘﻰ ﻗﺎﻋﺪ ﻣﻊ ﺍﻟﻨﺎﺱ ﺟﺘﻪ ﻣﻦ ﻏﻴﺮ ﺭﻭﺡ ،ﻟﺤﺪﻱ ﻣﺎﺟﺎﻫﻮ ﺍﺣﻤﺪ ﻭﻗﺎﻝ ﻟﻴﻬﻮ : ﻳﺎﻋﺮﻳﺲ ﺍﻟﻤﺎﺫﻭﻥ ﺩﺍ ﺟﺎ ﻣﺎﻟﻚ ﻗﺎﻋﺪ ﻣﻬﻤﻮﻡ ﻣﻦ ﻫﺴﻲ ،ﺍﻟﻌﺮﺱ ﺍﺻﻠﻮ ﻭﺭﻃﻪ ﻭﻫﻢ !!
ﻗﻮﻡ ﻟﻠﻌﻘﺪ ... ﺳﺎﻣﻲ ﻗﺎﻡ ﻣﺘﺮﺩﺩ ﻭﺗﻢ ﺍﻟﻌﻘﺪ ﻭﺍﻟﻨﺎﺱ ﻓﺮﺣﺖ ﻟﻴﻬﻢ ﻭﺳﺎﻕ ﺍﻟﺰﻳﻨﻪ ﻭﺳﺎﻓﺮﻭ ﺍﻟﻤﺪﻳﻨﻪ ﻭﺍﻟﺰﻳﻨﻪ ﻣﻨﺪﻫﺸﻪ ﻣﻦ ﺗﺼﺮﻑ ﺳﺎﻣﻲ،ﻛﻴﻒ ﻳﺘﺰﻭﺝ ﻟﻴﻬﻮ ﻭﺍﺣﺪﻩ ﺣﺎﻣﻞ ؟
ﻭﺍﻭﻝ ﻣﺎ ﻭﺻﻠﻮ ﻗﺎﻟﺖ ﻟﻴﻬﻮ : ﺳﺎﻣﻲ ﻃﻠﻘﻨﻲ !
ﻋﺎﻳﻦ ﻟﻴﻬﺎ ﺑﺸﻔﻘﻪ ﻭﻻﻧﻮ ﻛﺎﻥ ﻣﺘﺄﻛﺪ ﻣﻦ ﺭﺩﺓ ﻓﻌﻠﻬﺎ ﺩﻱ ﻗﺎﻝ ﻟﻴﻬﺎ : ﻭﺣﺘﻤﺸﻲ ﻭﻳﻦ ﻭﺗﻘﻮﻟﻲ ﺷﻨﻮ ﻻﺧﻮﻧﻚ ﻭﻧﺎﺱ ﺣﻠﺘﻚ ؟
ﺍﻧﺘﻲ ﻳﺎ ﺍﻟﺰﻳﻨﻪ ﺑﺖ ﺧﺎﻟﺘﻲ ﻗﺒﻞ ﻣﺎﺗﻜﻮﻧﻲ ﺯﻭﺟﺘﻲ ﻳﻌﻨﻲ ﺍﻧﺎ ﺳﺘﺮ ﻭﻏﻄﺎﺀ ﻟﻴﻚ ﻭﺍﻟﺒﻤﺴﻚ ﺑﻤﺴﻨﻲ ﻭﻣﺎﺫﻧﺒﻚ ﺍﻧﻚ ﺗﺤﻤﻠﻲ ﺑﺎﻟﻐﻠﻂ ﻣﻦ ﺍﺧﻮﻙ ﺑﺎﻟﻌﻜﺲ ﺍﻟﺬﻧﺐ ﻛﻠﻮ ﻋﻠﻲ ﻣﺼﻄﻔﻰ ﺍﺧﻮﻙ ﺍﻟﺨﻼﻙ ﻭﺛﻘﺘﻲ ﻓﻴﻬﻮ ﻭﻋﺎﻣﻠﺘﻴﻬﻮ ﺯﻱ ﺑﻘﻴﺔ ﺍﺧﻮﺍﻧﻚ،ﻭﻣﺼﻄﻔﻰ ﺩﺍ ﺣﺴﺎﺑﻮ ﻋﻨﺪﻱ ﺣﺸﻴﻞ ﻟﻴﻚ ﺣﻘﻲ ﻭﺣﻘﻚ ﻣﻨﻮ !
ﺍﻧﺘﻲ ﻫﺴﻲ ﺩﺍ ﺑﻴﺘﻚ ﻭﺍﺧﺪﻱ ﺭﺍﺣﺘﻚ ﺯﻱ ﻣﺎﻋﺎﻳﺰﺓ
ﺍﻟﺰﻳﻨﻪ ﺷﻌﺮﺕ ﺑﺮﺍﺣﻪ ﺑﻌﺪ ﻛﻼﻡ ﺳﺎﻣﻲ ﺑﺲ ﻗﺎﻟﺖ ﻟﻴﻬﻮ : ﻃﻴﺐ ﻭﺍﻟﻔﻲ ﺑﻄﻨﻲ ﺩﺍ ﺍﻭﺩﻳﻬﻮ ﻭﻳﻦ ﻭﺍﻟﻨﺎﺱ ﻟﻮ ﺷﺎﻓﻮ ﺑﻄﻨﻲ ﺩﻱ ﻭﺍﻧﺎ ﻟﺴﻪ ﻋﺮﻭﺱ ﻳﻘﻮﻟﻮ ﻋﻠﻲ ﺷﻨﻮ؟
ﻗﺎﻝ ﻟﻴﻬﺎ : ﻣﺎﺗﺸﻴﻠﻲ ﻫﻢ ﺍﻧﺎ ﺍﺻﻼ ﺑﻴﺘﻲ ﺩﺍ ﺑﺮﺍﻱ ﻭﻣﺴﺘﺤﻴﻞ ﺍﺧﻠﻲ ﺯﻭﻝ ﻳﺠﻴﻨﺎ ﻭﻳﺸﻮﻓﻚ ﻗﺒﻞ ﻣﺎﺗﻠﺪﻱ ﺣﺘﻰ ﺍﻣﻲ ﺑﻠﻘﻰ ﻟﻴﻬﺎ ﻋﺬﺭ ﻳﻤﻨﻌﻬﺎ ﻣﻦ ﺷﻮﻓﺘﻚ ..
ﺍﻟﻤﻬﻢ ﻛﻮﻧﻲ ﻣﺮﺗﺎﺣﻪ ﻭﻣﺎﺗﻔﻜﺮﻱ ﻓﻲ ﺷﻲﺀ ﻛﻠﻮ ﺑﺘﺤﻞ ﺑﺈﺫﻥ ﺍﻟﻠﻪ
ﺍﻟﺰﻳﻨﻪ ﻷﻭﻝ ﻣﺮﻩ ﻗﻠﺒﻬﺎ ﺗﺪﺧﻠﻮ ﺍﻟﺴﻌﺎﺩﻩ ﻣﻤﺎ ﺍﺗﻮﻓﻰ ﺍﺑﻮﻫﺎ ﻭﺑﺎﻟﺮﻏﻢ ﻣﻦ ﻣﻮﻗﻔﻬﺎ ﺍﻟﺼﻌﺐ .. ﺍﻧﺰﺍﺡ ﻣﻨﻬﺎ ﻫﻢ ﺗﻘﻴﻴﻴﻞ ﻭﻧﺎﻣﺖ ﻣﺮﺗﺎﺣﻪ ..
ﻣﺎﺻﺤﺖ ﺍﻻ ﺑﺴﺎﻣﻲ ﺑﺼﺤﻴﻬﺎ ﻋﺸﺎﻥ ﺗﺸﺮﺏ ﺍﻟﺸﺎﻱ ،ﻟﻘﺘﻮ ﻻﺑﺲ ﻭﻃﺎﻟﻊ ﻗﺎﻟﺖ ﻟﻴﻬﻮ : ﻣﺎﺷﻲ ﻭﻳﻦ؟
ﻗﺎﻝ ﻟﻴﻬﺎ : ﻣﺎﺷﻲ ﺍﻓﺘﺶ ﻟﻲ ﻣﺼﻄﻔﻰ ﻭﺍﻥ ﺷﺎﺀ ﺍﻟﻠﻪ ﺍﻟﻘﺎﻫﻮ
ﺍﺗﻮﺗﺮﺕ ﻭﺧﺎﻓﺖ ﻭﻗﺎﻟﺖ ﻟﻴﻬﻮ : ﺧﻠﻴﻬﻮ ﻟﻲ ﺍﻟﻠﻪ ﻭﻣﺎﺗﻀﻴﻊ ﻧﻔﺴﻚ ﻋﺸﺎﻥ ﻭﺍﺣﺪ ﻣﺎﺑﺴﻮﺃ
ﻗﺎﻝ ﻟﻴﻬﺎ ﻣﺴﺘﺤﻴﻞ ﻭﻃﻠﻊ ﻭﻛﺎﻥ ﺍﻟﺸﺮ ﺑﺎﻳﻦ ﻋﻠﻲ ﻭﺷﻮ ... ﺧﻼﻫﺎ ﻗﻠﻘﺎﻧﻪ ﻭﺗﺪﻋﻲ ﺍﻥ ﺷﺎﺀ ﺍﻟﻠﻪ ﺳﺎﻣﻲ ﻣﺎﻳﻠﻘﻰ ﻣﺼﻄﻔﻰ