الفصل 5
الجزء 5:
ﻣﺼﻄﻔﻰ ﻋﺠﺒﻮﺍ ﺍﻟﻔﺮﻳﻖ ﻭﺑﻘﻰ ﻻﻓﻲ ﻓﻴﻬﻮ ﻋﻠﻲ ﻛﻴﻔﻮ ﻳﻤﺸﻲ ﺍﻟﺤﻮﺍﺷﺎﺕ ﻭﻳﺼﻮﺭ ﻓﻲ ﺍﻟﺒﻨﺎﺕ ﺍﻟﺒﻤﺸﻮﺍ ﻳﺠﻴﺒﻮ ﺍﻟﻤﻮﻳﻪ ﻣﻦ ﺍﻟﺒﺤﺮ ﻭﻧﺎﺱ ﺍﻟﻔﺮﻳﻖ ﺍﺗﻀﺎﻳﻘﻮﺍ ﻣﻨﻮ ﻭﻛﻠﻤﻮ ﻟﻴﻬﻮ ﺍﺧﻮﺍﻧﻮﺍ ﻭﻗﺎﻟﻮﺍ ﻟﻴﻬﻢ : ﻟﻮ ﻣﺎ ﻋﺎﻣﻠﻴﻦ ﺣﺴﺎﺑﻜﻢ ﺍﻧﺘﻮ ﻭﺍﺣﺘﺮﻣﻨﺎﻛﻢ ﻛﻨﺎ ﺍﺗﺼﺮﻓﻨﺎ ﻣﻌﺎﻫﻮ ﺗﺼﺮﻑ ﺗﺎﻧﻲ ... ﻭﻧﺎﺱ ﺳﻌﺪ ﻭﺳﺎﺗﻲ ﻣﺸﻮﺍ ﻟﻲ ﻣﺼﻄﻔﻰ ﻭﺣﺬﺭﻭﻫﻮ ﻭﻗﺎﻟﻮﺍ ﻟﻴﻬﻮ : ﻻﺯﻡ ﺗﻔﻬﻢ ﺍﻧﻮ ﺣﻴﺎﺓ ﺍﻟﺮﻳﻒ ﻏﻴﺮ ﺍﻟﺤﻴﺎﺓ ﻓﻲ ﺍﻟﻤﺪﻳﻨﻪ ﻭﺑﺮﻩ ﺍﻟﺒﻠﺪ ..
ﻣﺼﻄﻔﻰ ﺳﻤﻊ ﻛﻼﻣﻬﻢ ﻭﺑﻘﻰ ﻗﺎﻋﺪ ﻓﻲ ﺍﻟﺒﻴﺖ ﻭﻣﺎﺑﻄﻠﻊ ﻛﺘﻴﺮ،ﻭﺍﻟﺰﻳﻨﻪ ﻃﺒﻌﺎ ﻣﻌﻈﻢ ﻭﻗﺘﻬﺎ ﺑﺘﻜﻮﻥ ﻗﺎﻋﺪﻩ ﻓﻲ ﺍﻟﺒﻴﺖ ﺷﻌﺮﺕ ﺑﻲ ﺍﺣﺴﺎﺱ ﻏﺮﻳﺐ ﻣﻦ ﻣﺼﻄﻔﻰ ﻓﻲ ﻧﻈﺮﺗﻮ ﻭﻛﻼﻣﻮﺍ ﻟﻴﻬﺎ ﻭﺗﺼﺮﻓﺎﺗﻮﺍ ﻛﻠﻬﺎ ﻣﺎﺗﺼﺮﻓﺎﺕ ﺍﺥ ﻣﻊ ﺍﺧﺖ ﻭﻣﺎﻗﺎﺩﺭﻩ ﺗﺘﻌﺎﻣﻞ ﻣﻌﺎﻫﻮ ﺯﻱ ﺗﻌﺎﻣﻠﻬﺎ ﻣﻊ ﺍﺧﻮﺍﻧﻬﺎ ﺍﻟﺒﺎﻗﻴﻦ ،ﻓﻲ ﺍﻟﺒﺪﺍﻳﻪ ﻗﺎﻟﺖ ﺍﺣﺘﻤﺎﻝ ﻋﺸﺎﻥ ﻣﺎ ﺍﺗﺮﺑﻴﻨﺎ ﻣﻊ ﺑﻌﺾ ﻭﺗﺮﺑﻴﺘﻮ ﺑﺘﺨﺘﻠﻒ ﻋﻦ ﺗﺮﺑﻴﺘﻨﺎ،ﺑﺲ ﻣﻬﻤﺎ ﻳﻜﻮﻥ ﻻﺯﻡ ﺗﻜﻮﻥ ﻧﻈﺮﺗﻮ ﻟﻴﻬﺎ ﺯﻱ ﺍﻻﺧﺖ ..
ﺑﻘﺖ ﺗﺘﺠﻨﺒﻮﺍ ﻭﻣﺎﺗﺘﺴﺎﻳﺮ ﻣﻌﺎﻫﻮ ﻓﻲ ﺍﻟﻜﻼﻡ ﻭﻣﺮﺍﺕ ﺗﻄﻠﻊ ﺗﻘﻀﻲ ﻭﻗﺘﻬﺎ ﻣﻊ ﺟﺎﺭﺗﻬﺎ ﺍﻟﺘﻮﻣﻪ ﺍﻟﺪﺍﻳﻪ ﻭﻣﺮﺍﺕ ﺑﺘﻤﺸﻲ ﻟﻲ ﻧﺎﺱ ﺻﺎﺣﺒﺘﻬﺎ .
ﻭﻓﻲ ﻳﻮﻡ ﻣﺸﺖ ﻭﺩﺕ ﺍﻟﻔﻄﻮﺭ ﻟﻲ ﺍﺧﻮﺍﻧﻬﺎ ﻓﻲ ﺍﻟﺤﻮﺍﺷﻪ ﻭﺟﺎﺕ ﻟﻘﺖ ﻣﺼﻄﻔﻰ ﺻﺤﻰ ﻣﻦ ﺍﻟﻨﻮﻡ ﻭﻃﻠﻊ ﻋﺼﻴﺮ ﻣﻦ ﺷﻨﻄﺘﻮ ﺩﺍﻳﺮ ﻳﺸﺮﺑﻮﺍ
ﻗﺎﻟﺖ ﻟﻴﻬﻮ ﺍﺳﻮﻱ ﻟﻴﻚ ﺷﺎﻱ؟
ﻋﺎﻳﻦ ﻟﻴﻬﺎ ﺑﻨﻈﺮﻩ ﺣﺎﺩﻩ ﻭﻗﺎﻝ ﻟﻴﻬﺎ ﻻﻻ ﺑﺲ ﺟﻴﺒﻲ ﻛﺒﺎﻳﺘﻴﻦ ﻭﺗﻌﺎﻟﻲ ،ﻣﺸﺖ ﺟﺎﺑﺘﻬﻢ ﻭﺟﺎﺕ ﺗﺎﻧﻲ ﻗﺎﻝ ﻟﻴﻬﺎ ﻣﻌﻠﻴﺶ ﺣﺘﻌﺒﻚ ﺍﻣﺸﻲ ﺟﻴﺒﻲ ﻟﻲ ﻣﻠﻌﻘﻪ ﻣﺸﺖ ﺟﺎﺑﺘﻬﺎ ﻭﺟﺎﺕ ﻟﻘﺘﻮ ﻛﺐ ﺍﻟﻌﺼﻴﺮ ﻓﻲ ﺍﻟﻜﺒﺎﻳﺘﻴﻦ ﺍﺩﺗﻮ ﺍﻟﻤﻠﻌﻘﻪ ﺣﺮﻙ ﺍﻟﻜﺒﺎﻳﺘﻴﻦ ﻭﺍﺩﻫﺎ ﻛﺒﺎﻳﻪ ﻭﺷﺎﻝ ﻛﺒﺎﻳﻪ ﻗﺎﻝ ﻟﻴﻬﺎ ﺍﺷﺮﺑﻲ ﺍﻟﻌﺼﻴﺮ ﺩﺍ ﺍﻧﺎ ﺟﺎﻳﺒﻮ ﻣﻦ ﺑﺮﻩ ﺍﻟﺒﻠﺪ ﺍﻛﻴﺪ ﺣﻴﻌﺠﺒﻚ .
ﺍﻟﺰﻳﻨﻪ ﺷﺮﺑﺖ ﺷﻮﻳﻪ ﻣﻦ ﺍﻟﻌﺼﻴﺮ ﻭﻏﺎﺑﺖ ﻋﻦ ﺍﻟﻮﻋﻲ ﻭﻣﺎﻛﺎﻧﺖ ﻋﺎﺭﻓﻪ ﻧﻮﺍﻳﺎ ﻣﺼﻄﻔﻰ ﺗﺠﺎﻫﺎ ،ﻛﺎﻥ ﺧﺎﺗﻲ ﻟﻴﻬﺎ ﻓﻴﻬﻮ ﻣﺨﺪﺭ .
ﻣﺼﻄﻔﻰ ﻣﺎﺭﺍﻋﻰ ﻟﺮﻭﺍﺑﻂ ﺍﻟﺪﻡ ﻭﺍﻻﺧﻮﻩ ،ﻭﺍﻟﺰﻳﻨﻪ ﻛﺎﻧﺖ ﺑﺎﻟﻨﺴﺒﻪ ﻟﻴﻬﻮ ﻣﺠﺮﺩ ﻓﺮﻳﺴﻪ ﺑﺴﻌﻰ ﻟﺼﻴﺪﻫﺎ ﻭﻗﻌﺎﺩﻭ ﻓﻲ ﺍﻟﻔﺮﻳﻖ ﺩﺍ ﻛﻠﻮ ﻋﺸﺎﻥ ﻳﺴﻠﺐ ﻣﻨﻬﺎ ﺍﻋﺰ ﻣﺎﺗﻤﻠﻚ ﻭﻳﺸﺒﻊ ﺭﻏﺒﺘﻮ ... ﺍﻏﺘﺼﺐ ﺍﺧﺘﻮ ﺍﻟﺰﻳﻨﻪ ﻭﻃﻮﺍﻟﻲ ﺷﺎﻝ ﺷﻨﻄﺘﻮ ﻭﻓﺎﺕ !
ﺍﻟﺰﻳﻨﻪ ﺻﺤﺖ ﻟﻘﺖ ﻻﺣﻮﻝ ﻭﻻﻗﻮﺓ ﻋﻠﻲ ﺣﺎﻟﺘﻬﺎ ،ﺷﻌﺮﺕ ﺑﺎﻟﺪﻧﻴﺎ ﺩﻱ ﻛﻠﻬﺎ ﺍﺗﻘﻔﻠﺖ ﻓﻲ ﻭﺷﻬﺎ ﻭﺍﺗﻤﻨﺖ ﺍﻟﻤﻮﺕ ﻭﻓﻜﺮﺕ ﺍﻧﻬﺎ ﺗﻨﺘﺤﺮ ﺑﺲ ﺗﺎﻧﻲ ﻓﻜﺮﺕ ﻓﻲ ﺍﺧﻮﺍﻧﻬﺎ ﻭﺳﻤﻌﺘﻬﻢ ﻭﻛﻼﻡ ﺍﻟﻨﺎﺱ ﻋﻠﻴﻬﺎ ﻳﻘﻮﻟﻮﺍ ﺍﺧﺘﻬﻢ ﺍﻧﺘﺤﺮﺕ ﻓﻲ ﺷﻨﻮ ﻭﺍﻟﺴﺒﺐ ﺷﻨﻮ؟
ﻗﺮﺭﺕ ﺗﺴﻜﺖ ﺑﺲ ﺗﺎﻧﻲ ﻓﻜﺮﺕ ﻓﻲ ﺳﺎﻣﻲ ﺧﻄﻴﺒﻬﺎ ﺍﻟﺠﺎﻱ ﻳﻌﻤﻞ ﻋﺮﺳﻬﻢ ﺑﻌﺪ ﺷﻬﺮﻳﻦ ﺣﺘﻘﻮﻝ ﻟﻴﻬﻮ ﺷﻨﻮ؟
ﺍﻟﺰﻳﻨﻪ ﺑﻌﺪ ﻣﺎﻛﺎﻧﺖ ﺯﻱ ﺍﻟﻮﺭﺩﻩ ﺍﻟﻤﻨﺪﻳﻪ ﺑﻘﺖ ﺯﻱ ﻭﺭﻗﺔ ﺷﺠﺮﻩ ﺟﺎ ﻋﻠﻴﻬﺎ ﺍﻟﺨﺮﻳﻒ ﻭﺭﻣﺎﻫﺎ ﺍﺭﺿﺂ .. ﻟﻮﻧﻬﺎ ﺑﻘﻰ ﺷﺎﺣﺐ ﻭﻣﻼﻣﺤﻬﺎ ﺍﺗﻐﻴﺮﺕ ﻣﻦ ﻫﻢ ﺍﻟﺘﻔﻜﻴﺮ ﻭﻓﻀﻴﺤﺔ ﺍﺧﻮﻫﺎ ﺍﻟﻜﺎﻧﺖ ﻣﺘﺸﻮﻗﻪ ﻟﻲ ﺷﻮﻓﺘﻮ ﺳﻜﺘﺖ ﻭﻣﺎﻟﻘﺖ ﺯﻭﻝ ﺗﻔﻀﻔﺾ ﻟﻴﻬﻮ ﺍﻭﻳﺴﻤﻌﻬﺎ !