فضيحه مستوره - الفصل 4 - مكتملة | روايتك

الجزء 4: ﻣﺤﻤﺪ ﻭﺳﺎﻣﻲ ﺣﺴﺐ ﻣﻮﺍﻋﻴﺪﻫﻢ ﺍﺗﻼﻗﻮﺍ ﻋﺸﺎﻥ ﻳﺴﺎﻓﺮﻭ ﺍﻟﺒﻠﺪ ،ﻭﺿﺮﺑﻮﺍ ﻟﻲ ﺣﻴﺎﺓ ﻋﺸﺎﻥ ﻳﺴﺄﻟﻮﻫﺎ ﻣﻦ ﻣﺼﻄﻔﻰ ﻣﺎﺷﻲ ﻣﻌﺎﻫﻢ ﻭﻻ ﻻ؟ ﺳﺆﺍﻟﻬﻢ ﺩﺍ ﻛﺎﻥ ﺍﺩﺍﺀ ﻭﺍﺟﺐ ﺳﺎﻱ ﻟﻜﻦ ﻫﻢ ﺑﻴﻨﻬﻢ ﻭﺑﻴﻦ ﻧﻔﺴﻬﻢ ﻣﺎﺩﺍﻳﺮﻧﻮ ﻳﻤﺸﻲ ﻣﻌﺎﻫﻢ ،ﻭﺍﺗﻔﺎﺟﺌﻮﺍ ﻟﻤﺎ ﺣﻴﺎﺓ ﻗﺎﻟﺖ ﻟﻴﻬﻢ ﺍﻧﺎ ﻭﻣﺼﻄﻔﻰ ﻣﺎﺷﻴﻦ ﻋﻠﻴﻜﻢ ﻋﺸﺎﻥ ﻣﺼﻄﻔﻰ ﻣﺎﺷﻲ ﻣﻌﺎﻛﻢ ... ﻭﻓﻌﻼ ﺟﺎﺑﺘﻮ ﻭﺟﺎﺕ ﻭﻛﺎﻥ ﺑﺎﻳﻦ ﻋﻠﻴﻬﻮ ﺍﻧﻮ ﺟﺎﺑﺘﻮ ﺑﺎﻟﻐﺼﺐ ﻭﻗﺪﺭﺕ ﺍﻗﻨﻌﺘﻮ ﺑﺎﻟﻤﺸﻲ ... ﺷﺎﻳﻞ ﻟﻴﻬﻮ ﻛﻢ ﺷﻨﻄﻪ ﻣﺎﻟﻴﻬﻢ ﺍﻛﻞ ﻣﻌﻠﺒﺎﺕ ﻭﻣﻮﻳﺔ ﺻﺤﻪ ﻭﻋﺼﺎﻳﺮ ﻭﺣﺎﺟﺎﺕ ﻛﺘﻴﺮﻩ ﺯﻱ ﺍﻟﻤﺎﺷﻲ ﻟﻲ ﺭﺣﻠﻪ .. ﻭﻛﻤﺎﻥ ﺷﺎﻳﻞ ﻟﻴﻬﻮ ﻛﺎﻣﻴﺮﺍ ﻭﻻﺑﺲ ﻟﺒﺲ ﻣﺎﻻﻳﻖ ﺑﺎﻟﻤﻜﺎﻥ ﺍﻝ ﻫﻮ ﻣﺎﺷﻲ ﻋﻠﻴﻬﻮ ﺯﻱ ﺍﻟﺴﺎﻳﺢ ... ﻧﺎﺱ ﻣﺤﻤﺪ ﻭﺳﺎﻣﻲ ﻋﺎﻳﻨﻮ ﻟﻴﻬﻮ ﻣﻦ ﻓﻮﻕ ﻟﻲ ﺗﺤﺖ ﻭﺿﺮﺑﻮ ﻛﻒ ﺑﻲ ﻛﻒ ﻭﺳﻜﺘﻮ ... ﺍﺗﺤﺮﻛﻮﺍ ﻣﻦ ﺍﻟﻤﺪﻳﻨﻪ ﻣﺘﺎﺧﺮﻳﻦ ﻭﻭﺻﻠﻮ ﺍﻟﻔﺮﻳﻖ ﺑﺎﻟﻠﻴﻞ ﻟﻘﻮ ﺍﻟﺤﺮﻛﻪ ﻫﺎﺩﻳﻪ ﻭﺍﻟﻨﺎﺱ ﻧﺎﻳﻤﻴﻦ ... ﻣﺼﻄﻔﻰ ﻣﺸﻰ ﻧﺎﻡ ﻭ ﻣﺎ ﺻﺤﻰ ﺍﻻ ﺑﺎﺻﻮﺍﺕ ﺍﻟﺒﻬﺎﻳﻢ ﻗﺎﻡ ﻣﺨﻠﻮﻭﻭﻉ ،ﻟﻘﻰ ﻧﻔﺴﻮ ﺭﺍﻗﺪ ﺑﺮﺍﻫﻮ ﻓﻲ ﺣﻮﺵ ﻛﺒﻴﻴﻴﺮ ﻭﺍﻻﻭﺽ ﺍﻟﻔﻴﻬﻮ ﻣﺘﺒﺎﻋﺪﻩ ﻋﻦ ﺑﻌﻀﻬﺎ ﺍﺳﺘﻐﺮﺏ ﻭﻗﻌﺪ ﻳﺘﻠﻔﺖ ،ﻟﻒ ﺍﻟﺒﻴﺖ ﻛﻠﻮﻭ ﻣﺎ ﻻﻗﻰ ﻭﻻﺍﺍ ﺯﻭﻝ ... ﻧﺎﺱ ﻣﺤﻤﺪ ﻭﺳﺎﻣﻲ ﻣﺸﻮ ﻣﻊ ﺳﻌﺪ ﻭﺳﺎﺗﻲ ﺍﻟﺤﻮﺍﺷﺎﺕ ﻭﺍﻟﺰﻳﻨﻪ ﻟﺤﻘﺘﻬﻢ ﻣﺸﺖ ﺗﻮﺩﻱ ﻟﻴﻬﻢ ﺍﻟﻔﻄﻮﺭ،ﻛﺎﻧﺖ ﻣﺘﺸﻮﻗﻪ ﺗﺸﻮﻑ ﻣﺼﻄﻔﻰ ﺍﺧﻮﻫﺎ ﻭﺗﺴﻠﻢ ﻋﻠﻴﻬﻮ ﻟﻜﻦ ﻟﻘﺘﻮ ﻧﺎﻳﻢ ﻭﻗﺎﻟﺖ ﺑﻌﺪ ﺍﺟﻲ ﺑﻠﻘﺎﻫﻮ ﺻﺤﻰ ﻣﺼﻄﻔﻰ ﻃﻠﻊ ﺑﺮﻩ ﺷﺎﻳﻞ ﺍﻟﻜﺎﻣﻴﺮﺍ ﺣﻘﺘﻮ ﻭﻳﺼﻮﺭ ﻓﻲ ﺍﻟﺒﻴﻮﺕ ﻭﺍﻟﻨﺎﺱ ﻭﺍﻟﺒﻬﺎﻳﻢ ،ﺍﻭﻝ ﻣﺮﻩ ﻓﻲ ﺣﻴﺎﺗﻮ ﻳﺸﻮﻑ ﺍﻟﺮﻳﻒ ﻭﻣﺴﺘﻐﺮﺏ،ﻭﺍﻟﻨﺎﺱ ﺷﺎﻓﻮ ﺷﻜﻠﻮ ﻭﺍﻟﻠﺒﺲ ﺍﻟﻼﺑﺴﻮ ﻭﻫﻴﺄﺗﻮﺍ ﻭﺗﺼﺮﻓﺎﺗﻮﺍ ﺍﺗﻀﺎﻳﻘﻮﺍ ﻣﻨﻮ ﻭﺑﻘﻮﺍ ﻳﻌﻠﻘﻮﺍ ﻓﻴﻬﻮ : ﺩﺍ ﻣﻨﻮ ؟ ﻭﺟﺎﻱ ﻫﻨﺎ ﻟﺸﻨﻮ ﻭﺑﺼﻮﺭ ﻓﻴﻨﺎ ﻟﻴﻪ؟ ﻟﻒ ﺍﻟﻔﺮﻳﻖ ﻛﻠﻮﻭ ﻭﺻﻮﺭﻭ ﻭﺭﺟﻊ ﺍﻟﺒﻴﺖ ، ﺟﺎﺕ ﺍﻟﺰﻳﻨﻪ ﺧﺎﺷﻪ ﺍﺗﻔﺎﺟﺊ ﺑﻴﻬﺎ ﻭﻓﺘﺢ ﺧﺸﻤﻮﺍ ﻭﻗﺎﻝ : ﻣﻌﻘﻮﻟﻪ ﻓﻲ ﺟﻤﺎﻝ ﺯﻱ ﺩﺍ ؟ ﺟﺎﺗﻮ ﺑﻲ ﺑﺸﺎﺷﻪ ﻭﻃﻴﺒﺔ ﺧﺎﻃﺮ ﺣﻀﻨﺘﻮ ﻭﺳﻠﻤﺖ ﻋﻠﻴﻬﻮ ﻭﻗﺎﻟﺖ ﻟﻴﻬﻮ : ﺍﺧﻮﻱ ﺣﻤﺪﻟﻠﻪ ﻋﻠﻲ ﺳﻼﻣﺘﻚ ﻭﺍﻟﻠﻪ ﺑﺮﻛﻪ ﺍﻟﺸﻔﻨﺎﻙ ﻟﻌﻠﻚ ﻃﻴﺐ ؟ ﺍﻧﺪﻫﺶ ﻭﻗﺎﻝ ﻟﻴﻬﺎ : ﺍﻧﺘﻲ ﻣﻨﻮ؟ ﻗﺎﻟﺖ ﻟﻴﻬﻮ : ﺍﻧﺎ ﺍﻟﺰﻳﻨﻪ ﺍﺧﺘﻚ ﻣﺎﺣﺪﺛﻮﻙ ﻋﻨﻲ؟ ﻗﺒﻴﻞ ﺟﻴﺖ ﺍﺳﻠﻢ ﻋﻠﻴﻚ ﻟﻜﻦ ﻟﻘﻴﺘﻚ ﻧﺎﻳﻢ .. ﻗﺎﻝ ﻟﻴﻬﺎ : ﺍﺧﺘﻲ ﺑﺎﻟﺠﻤﺎﻝ ﺩﺍ ؟ ﺍﻟﺰﻳﻨﻪ ﺍﻧﺪﻫﺸﺖ ﻣﻦ ﺭﺩﺓ ﻓﻌﻞ ﻣﺼﻄﻔﻰ ﻭﻧﻈﺮﺗﻮﺍ ﻟﻴﻬﺎ ﺑﺲ ﻗﺎﻟﺖ ﺍﺣﺘﻤﺎﻝ ﻋﺸﺎﻥ ﺍﻭﻝ ﻣﺮﻩ ﻳﺸﻮﻓﻨﻲ ﻭﺷﻮﻳﻪ ﺷﻮﻳﻪ ﺑﻨﺘﻌﻮﺩ ﻋﻠﻲ ﺑﻌﺾ،ﻣﺸﺖ ﻋﻤﻠﺖ ﻟﻴﻬﻮ ﺍﻟﻔﻄﻮﺭ ﻭﺍﻟﺸﺎﻱ ﻭﻧﺎﺩﺕ ﻧﺴﻮﺍﻥ ﺍﻟﺤﻠﻪ ﺟﻮ ﺳﻠﻤﻮ ﻋﻠﻴﻬﻮ ﻭﻫﻮ ﻣﺒﺴﻮﻁ ﻣﻨﻬﺎ ﻭﻳﻌﺎﻳﻦ ﻟﻴﻬﺎ ﺑﻄﺮﻳﻘﻪ ﻫﺴﺘﻴﺮﻳﻪ .. ﺳﺎﻣﻲ ﻛﻠﻢ ﺍﺧﻮﺍﻥ ﺍﻟﺰﻳﻨﻪ ﻭﻭﺍﻓﻘﻮﺍ ﻭﺟﺎﺀ ﻗﻌﺪ ﻣﻊ ﺍﻟﺰﻳﻨﻪ ﻭﻗﺎﻟﺖ ﻟﻴﻬﻮ ﺧﻴﺮ ﻟﻜﻦ ﺍﻟﻌﺮﺱ ﻣﺎﻫﺴﻲ ﺍﺑﻮﻱ ﻟﺴﻪ ﻣﺎﻛﻤﻞ ﺍﻟﺸﻬﺮ ﻣﻦ ﻭﻓﺎﺗﻮ .. ﻗﺎﻝ ﻟﻴﻬﺎ ﻣﺎﻓﻲ ﻣﺸﻜﻠﻪ ﻭﺍﺗﻔﻖ ﻣﻊ ﺍﺧﻮﺍﻧﻬﺎ ﺍﻧﻮ ﻳﺠﻴﻬﻢ ﺑﻌﺪ ﺷﻬﺮﻳﻦ ﻟﻠﻌﺮﺱ ﻣﺤﻤﺪ ﻭﺳﺎﻣﻲ ﺭﺟﻌﻮﺍ ﺍﻟﻤﺪﻳﻨﻪ ﻭﺧﻠﻮ ﻣﺼﻄﻔﻰ ﻓﻲ ﺍﻟﻔﺮﻳﻖ