فضيحه مستوره - الفصل 3 - مكتملة | روايتك

الجزء 3: ﺍﻟﻤﺮﻩ ﻭﻗﻔﺖ ﺗﻌﺎﻳﻦ ﻟﻲ ﻣﺤﻤﺪ ﻭﺳﺎﻣﻲ ﺑﺎﺳﺘﻐﺮﺍﺏ ﻭﻗﺎﻟﺖ ﻟﻴﻬﻢ : ﺍﻧﺘﻮ ﻣﻨﻮ ﻭﺑﺘﻌﺮﻓﻮﺍ ﻛﻮﺛﺮ ﻣﻦ ﻭﻳﻦ؟ ﻣﺤﻤﺪ ﻗﺎﻝ ﻟﻴﻬﺎ : ﺍﻧﺎ ﺑﺴﺄﻝ ﻣﻦ ﻭﺍﺣﺪﻩ ﺍﺳﻤﻬﺎ ﻛﻮﺛﺮ ﻛﺎﻥ ﻣﺘﺰﻭﺟﻬﺎ ﻭﺍﺣﺪ ﺍﺳﻤﻮ ﺍﻟﺘﻮﻡ ﺍﻟﻤﺮﻩ ﺍﻧﺪﻫﺸﺖ ﻭﻗﺎﻟﺖ ﻟﻴﻬﻢ : ﻣﻌﻘﻮﻟﻪ ؟ﻭﺍﻧﺖ ﺑﺘﻌﺮﻑ ﺍﻟﺘﻮﻡ ﻣﻦ ﻭﻳﻦ؟ ﻗﺎﻝ ﻟﻴﻬﺎ : ﺍﻟﺘﻮﻡ ﺩﺍ ﺍﺑﻮﻱ ﻭﺍﺗﻮﻓﻰ ﻣﻦ ﺍﺳﺒﻮﻉ ﻭﻗﺒﻞ ﻣﺎﻳﺘﻮﻓﻰ ﻭﺻﺎﻧﺎ ﺍﻧﻨﺎ ﻧﻔﺘﺶ ﻟﻲ ﺍﺧﻮﻧﺎ ﻣﺼﻄﻔﻰ ... ﺍﺑﺘﺴﻤﺖ ﻭﻗﺎﻟﺖ ﻟﻴﻬﻢ ﺍﺗﻔﻀﻠﻮﺍ ... ﻭﺩﺧﻠﺖ ﺟﻮﻩ ﺿﻴﻔﺘﻬﻢ ﻭﻗﺎﻟﺖ ﻟﻴﻬﻢ : ﺍﻧﺎ ﺣﻴﺎﺓ ﺍﻡ ﻛﻮﺛﺮ ﻭﻛﻮﺛﺮ ﺑﻌﺪ ﺍﺗﻄﻠﻘﺖ ﻣﻦ ﺍﺑﻮﻙ ﺳﺎﻗﺖ ﻭﻟﺪﻫﺎ ﻣﺼﻄﻔﻰ ﻭﺳﺎﻓﺮﺕ ﺑﺮﻩ ﺍﻟﺒﻠﺪ ﻭﻫﻨﺎﻙ ﺍﺗﺰﻭﺟﺖ ﺭﺍﺟﻞ ﺗﺎﻧﻲ ﻭﺍﻧﺎ ﻣﺸﻴﺖ ﺟﺒﺖ ﻣﺼﻄﻔﻰ ﻭﺭﺑﻴﺘﻮ ﻫﻨﺎ ﻭﺑﻨﺴﺎﻓﺮ ﻟﻴﻬﺎ ﻛﻞ ﺍﺟﺎﺯﺓ ... ﻣﺤﻤﺪ ﻗﺎﻝ ﻟﻴﻬﺎ : ﻫﺴﻲ ﻣﺼﻄﻔﻰ ﻓﻲ ؟ ﻗﺎﻟﺖ ﻟﻴﻬﻮ : ﺍﻳﻮﺍ ﺍﻟﻨﻨﺎﺩﻱ ﻟﻴﻜﻢ ... ﻣﺤﻤﺪ ﻭﺳﺎﻣﻲ ﺍﺗﻔﺎﺟﺌﻮﺍ ﺑﻨﻔﺲ ﺍﻟﺸﺎﺏ ﺍﻟﻤﺴﺘﻬﺘﺮ ﺑﺘﺎﻉ ﺍﻟﻌﺮﺑﻴﻪ ،ﺟﺎﻫﻢ ﻣﻊ ﺣﻴﺎﺓ ﻭﻫﻮ ﺫﺍﺍﺗﻮ ﺍﺗﻔﺎﺟﺊ ﺑﻴﻬﻢ .. ﺣﻴﺎﺓ ﻗﺎﻟﺖ ﻟﻴﻬﻮ : ﺗﻌﺎﻝ ﻳﺎﻣﺼﻄﻔﻰ ﺳﻠﻢ ﻋﻠﻲ ﺍﻟﺸﺒﺎﺏ ﺩﻳﻞ ﺩﺍ ﻃﺒﻌﺎ ﺍﺧﻮﻙ ﻣﺤﻤﺪ ﻭﺩﺍ ﻭﺩ ﺧﺎﻟﺘﻮ ﺳﺎﻣﻲ .. ﻣﺤﻤﺪ ﻭﺳﺎﻣﻲ ﻣﺎﺯﺍﻟﻮﺍ ﻣﻨﺪﻫﺸﻴﻦ ﺑﻲ ﻣﺼﻄﻔﻰ ﻭﻣﺼﻄﻔﻰ ﺑﺮﺿﻮ ﻣﻨﺪﻫﺶ ﻭﻳﻌﺎﻳﻦ ﻟﻴﻬﻢ ﺣﻴﺎﺓ ﻗﻄﻌﺖ ﺩﻫﺸﺘﻬﻢ ﺩﻱ ﻭﻗﺎﻟﺖ ﻟﻴﻬﻢ : ﺍﻧﺘﻮ ﺑﺘﻌﺮﻓﻮﺍ ﺑﻌﺾ؟؟؟ ﻣﺼﻄﻔﻰ ﺻﺮ ﻭﺷﻮ ﻭﻗﺎﻝ ﻟﻴﻬﺎ : ﺍﻱ ﻗﺎﺑﻠﺘﻬﻢ ﺑﺮﻩ،ﻭﺃﺷﺮ ﺑﻲ ﺍﺻﺒﻌﻮﺍ ﻋﻠﻲ ﻣﺤﻤﺪ ﻭﻗﺎﻝ ﻟﻴﻬﺎ : ﺑﻠﻠﻪ ﺩﺍ ﻃﻠﻊ ﺍﺧﻮﻱ !!! ﺣﻴﺎﺓ ﻗﺎﻟﺖ ﻟﻴﻬﻮ : ﺍﻱ ﺍﺧﻮﻙ ﻭﻓﻴﻬﻮ ﺷﺒﻪ ﺷﺪﻳﺪ ﻣﻦ ﺍﺑﻮﻙ ﻭﻗﺎﻟﺖ ﻟﻴﻬﻮ ﺍﺑﻮﻙ ﻣﺎﺕ ﻳﺎﻣﺼﻄﻔﻰ .. ﻭﻻ ﺍﺗﺄﺛﺮ ﺑﺎﻟﺨﺒﺮ ﺍﺑﺘﺴﻢ ﻭﻗﺎﻝ ﻟﻴﻬﺎ : ﺑﺎﻟﻠﻪ؟ﻃﻴﺐ ﺍﻧﺎ ﺍﻟﻤﻔﺮﻭﺽ ﻫﺴﻲ ﺍﻋﻤﻞ ﺷﻨﻮ ﺍﺑﻜﻲ ﻭﻻ ﺍﻋﻤﻞ ﺷﻨﻮ؟؟ ﻣﺤﻤﺪ ﺍﺗﻐﺎﻅ ﻣﻨﻮ ﻭﻗﺮﺏ ﻳﻘﻮﻡ ﻋﻠﻴﻬﻮ ﻳﻜﻔﺘﻮ ﻟﻜﻦ ﺳﺎﻣﻲ ﻣﺴﻜﻮ .. ﻗﻌﺪ ﻭﻗﺎﻝ ﻟﻴﻬﻮ : ﺍﺑﻮﻱ ﻭﺻﺎﻧﺎ ﺍﻧﻚ ﻻﺯﻡ ﺗﻤﺸﻲ ﺍﻟﺒﻠﺪ ﺗﺘﻌﺮﻑ ﻋﻠﻲ ﺑﻘﻴﺔ ﺍﺧﻮﺍﻧﻚ ﻭﺗﻌﺮﻑ ﺣﻘﻮﻗﻚ ﻗﺎﻝ ﻟﻴﻬﻮ ﺑﺎﺳﺘﻬﺘﺎﺭ ﺣﻘﻮﻕ ﺷﻨﻮ ﻭﺑﻠﺪ ﺷﻨﻮ ﺍﻧﺎ ﻣﺎ ﺩﺍﻳﺮ ﻣﻨﻜﻢ ﺣﺎﺟﻪ ﺧﻠﻮﻧﻲ ﻓﻲ ﺣﺎﻟﻲ .. ﻣﺤﻤﺪ ﻗﺎﻡ ﻋﻠﻲ ﺣﻴﻠﻮ ﻭﻗﺎﻝ ﻟﻴﻬﻮ : ﻭﻻ ﻧﺤﻦ ﺑﻨﻌﺘﺮﻑ ﺑﻴﻚ ﺍﺻﻼ ﻟﻜﻦ ﺑﺲ ﺑﻨﻨﻔﺬ ﻓﻲ ﻭﺻﻴﺔ ﺍﺑﻮﻧﺎ ﻭﺑﻌﺪ ﻛﺪﻩ ﻋﻠﻲ ﻛﻴﻔﻚ ﻭﻗﺎﻝ ﻟﻲ ﺳﺎﻣﻲ ﻳﻼ ... ﺣﻴﺎﺓ ﻟﺤﻘﺘﻬﻢ ﺟﻨﺐ ﺍﻟﺒﺎﺏ ﻭﻗﺎﻟﺖ ﻟﻴﻬﻢ : ﻣﺎﺗﺴﻤﻌﻮﺍ ﻛﻼﻣﻮﺍ ﺩﺍ ﻣﺎﻋﺎﺭﻑ ﻣﺼﻠﺤﺘﻮ ﻭﻋﺎﺵ ﻃﻮﻝ ﻋﻤﺮﻭ ﺑﻌﻴﺪ ﻣﻦ ﺟﻮ ﺍﻟﻌﻼﻗﺎﺕ ﺍﻻﺳﺮﻳﻪ ﻭﺭﻳﻨﻲ ﺍﻧﺖ ﻣﺴﺎﻓﺮ ﻣﺘﻴﻦ ﻭﺍﻧﺎ ﻏﺼﺒﺂ ﻋﻨﻮ ﺑﺨﻠﻲ ﻳﺴﺎﻓﺮ ﻣﻌﺎﻙ .. ﻭﺍﺩﺕ ﻣﺤﻤﺪ ﺭﻗﻢ ﺗﻠﻔﻮﻧﻬﺎ ﻭﻗﺎﻟﺖ ﻟﻴﻬﻮ : ﻭﻛﺖ ﺗﻜﻮﻥ ﻣﺴﺎﻓﺮ ﻛﻠﻤﻨﻲ ﻋﺸﺎﻥ ﺍﺟﻬﺰﻟﻴﻬﻮ ﻳﻤﺸﻲ ﻣﻌﺎﻙ .. ﻣﺤﻤﺪ ﻭﺳﺎﻣﻲ ﻃﻠﻌﻮﺍ ﻣﻨﻬﺎ ﺑﺨﻴﺒﺔ ﺃﻣﻞ ﻻﻧﻮ ﻣﺼﻄﻔﻰ ﻃﻠﻊ ﻣﺎﺑﺴﺘﺎﻫﻞ ... ﺳﺎﻣﻲ ﻛﻠﻢ ﻣﺤﻤﺪ ﺑﻤﻮﺿﻮﻉ ﺍﻟﺰﻳﻨﻪ ﻭﺍﻧﻮ ﻋﺎﻳﺰ ﻳﺘﻘﺪﻡ ﻟﻴﻬﺎ،ﻭﻣﺤﻤﺪ ﻗﺎﻝ ﻟﻴﻬﻮ : ﺍﻧﺎ ﻣﺎﻋﻨﺪﻱ ﻣﺎﻧﻊ ﻟﻜﻦ ﺍﻧﺖ ﻻﺯﻡ ﺗﺴﺎﻓﺮ ﻣﻌﺎﻱ ﻋﺸﺎﻥ ﺗﺎﺧﺪ ﺭﺍﻳﻬﺎ ﻭﺗﻄﻠﺒﻬﺎ ﺭﺳﻤﻲ ﻣﻦ ﺍﺧﻮﺍﻧﻬﺎ ﺍﻟﻜﺒﺎﺭ ... ﻭﻗﺮﺭﻭ ﻳﺴﺎﻓﺮﻭ ﻓﻲ ﺍﻟﻌﻄﻠﻪ ﻭﻛﺎﻧﻮﺍ ﻣﺘﻤﻨﻴﻦ ﺍﻧﻮ ﻣﺼﻄﻔﻰ ﻳﺮﻓﺾ ﺍﻟﺴﻔﺮ ﻣﻌﺎﻫﻢ ..