الفصل 2
الجزء 2:
ﻔﻴﺴﻪ ﻗﺎﻟﺖ ﻟﻠﺰﻳﻨﻪ : ﺍﻭﻝ ﻣﺮﻩ ﺍﻋﺮﻑ ﺍﻧﻮ ﺣﺎﺝ ﺍﻟﺘﻮﻡ ﻛﺎﻥ ﻣﻌﺮﺱ ﻓﻮﻕ ﺍﻣﻚ،ﻟﻜﻦ ﺯﻣﺎﻥ ﻭﻛﺘﻨﺎ ﺍﻟﺴﺎﻓﺮﻧﺎ ﺍﻟﺒﻨﺪﺭ ﺍﻧﺎﻭﺣﺎﺝ ﺍﺑﺮﺍﻫﻴﻢ، ﺍﺑﻮﻛﻢ ﺍﻟﺘﻮﻡ ﺩﺍ ﺳﺎﻗﻨﺎ ﻣﻌﺎﻫﻮ ﺑﻴﺖ ﺻﺎﺣﺒﻮ ﻭﻛﺎﻧﺖ ﻋﻨﺪﻫﻢ ﺑﻨﻴﻪ ﺳﻤﺤﻪ ﺍﺳﻤﻬﺎ ﻛﻮﺛﺮ ﺗﻌﺎﻳﻦ ﻟﻲ ﺍﺑﻮﻙ ﺩﺍ ﺳﺎﺍﺍﻛﺖ ﺍﺣﺘﻤﺎﻝ ﺗﻜﻮﻥ ﺩﻱ ﻣﺮﺗﻮﺍ ﺍﻡ ﻣﺼﻄﻔﻰ ﺍﻟﻘﺎﻟﻮﻫﻮ ﺩﺍ ..
ﺍﻟﺰﻳﻨﻪ ﻓﺮﺣﺖ ﻭﻗﺎﻟﺖ ﻟﻴﻬﺎ : ﺍﺩﻳﻨﻲ ﺍﻟﻌﻨﻮﺍﻥ ﺍﺣﺘﻤﺎﻝ ﺗﻜﻮﻥ ﺩﻱ ﻫﻲ
ﻧﻔﻴﺴﻪ ﻗﺎﻟﺖ ﻟﻴﻬﺎ : ﻳﺎﺑﺘﻲ ﺍﻟﺰﻣﻦ ﻃﺎﻝ ﻭﺍﻟﺒﻴﻮﺕ ﻓﻲ ﺍﻟﻤﺪﻳﻨﻪ ﺍﺗﻐﻴﺮﺕ ﻭﺑﻘﺖ ﻛﻠﻬﺎ ﻋﻤﺎﺭﺍﺕ ﻟﻜﻦ ﺍﻧﺎ ﺑﻮﺻﻔﻮﺍ ﻟﻴﻚ ﻭﺍﻥ ﺷﺎﺀ ﺍﻟﻠﻪ ﺗﻠﻘﻴﻬﻮ .
ﺣﺎﺟﻪ ﻧﻔﻴﺴﻪ ﻛﻠﻤﺖ ﺍﻟﺰﻳﻨﻪ ﺑﺎﻟﺤﻲ ﺍﻟﻤﺸﺖ ﻟﻴﻬﻮ ﺯﻣﺎﻥ ﻭﺍﻟﺰﻳﻨﻪ ﻃﻮﺍﻟﻲ ﻣﺸﺖ ﻟﻲ ﻣﺤﻤﺪ ﺍﺧﻮﻫﺎ ﻭﺭﺗﻮ ﻟﻴﻬﻮ ﻭﻣﺤﻤﺪ ﻗﺎﻝ ﻟﻴﻬﺎ ﺍﻧﺎ ﺑﻜﺮﻩ ﻣﺴﺎﻓﺮ ﻭﺍﻥ ﺷﺎﺀ ﺍﻟﻠﻪ ﺑﺴﻮﻕ ﺳﺎﻣﻲ ﻭﺩ ﺧﺎﻟﺘﻲ ﻭﻧﻤﺸﻲ ﻧﻔﺘﺶ ﻟﻲ ﻣﺼﻄﻔﻰ ﺍﺧﻮﻧﺎ .
ﻣﺤﻤﺪ ﺍﻟﺼﺒﺎﺡ ﺑﺪﺭﻱ ﺳﺎﻓﺮ ﻭﺳﻌﺪ ﻭﺳﺎﻣﻲ ﻧﺰﻟﻮﺍ ﺷﻐﻠﻬﻢ ﻓﻲ ﺍﻟﺤﻮﺍﺷﺎﺕ ﻭﺍﻟﺰﻳﻨﻪ ﻻﻭﻝ ﻣﺮﻩ ﻓﻲ ﺣﻴﺎﺗﻬﺎ ﺗﺸﻌﺮ ﺑﺎﻟﻮﺣﺪﻩ ﺑﺎﻟﺮﻏﻢ ﻣﻦ ﺍﻧﻬﺎ ﻣﺘﻌﻮﺩﻩ ﻋﻠﻴﻬﺎ ﻟﻜﻦ ﺑﻌﺪ ﻣﺎﺕ ﺍﺑﻮﻫﺎ ﺣﺴﺖ ﺑﺤﻴﺎﺗﻬﺎ ﻓﺎﺿﻴﻪ ﻭﻣﺎﻋﻨﺪﻫﺎ ﺯﻭﻝ ﻳﺴﺄﻝ ﺍﻭ ﻳﺸﻔﻖ ﻋﻠﻴﻬﺎﻭﺑﻜﺖ ﺑﻲ ﺣﺮﻗﻪ ﺑﺲ ﻛﺎﻧﺖ ﻣﺘﺸﻮﻗﻪ ﺗﺸﻮﻑ ﻣﺼﻄﻔﻰ ﺍﺧﻮﻫﺎ ...
ﻣﺤﻤﺪ ﺑﻌﺪ ﻭﺻﻞ ﻃﻮﺍﻟﻲ ﻣﺸﻰ ﻟﻲ ﻧﺎﺱ ﺧﺎﻟﺘﻮ ﻭﻛﻠﻢ ﺳﺎﻣﻲ ﺑﻘﺼﺔ ﻣﺼﻄﻔﻰ ﻭﺳﺎﻗﻮ ﻣﻌﺎﻫﻮ ﻭﻣﺸﻮﺍ ﻟﻠﺤﻲ ﺍﻟﻮﺻﻔﺘﻮ ﻟﻴﻬﻢ ﻧﻔﻴﺴﻪ ... ﻟﻘﻮ ﺣﻲ ﺭﺍﻗﻲ ﻛﻠﻮ ﻋﻤﺎﺭﺍﺕ ﻭﻛﻠﻬﺎ ﺑﺘﺸﺒﻪ ﺑﻌﺾ ﻭﺍﻟﺤﺮﻛﻪ ﻫﻨﺎﻙ ﻗﻠﻴﻠﻪ ﻣﺎﻓﻲ ﺯﻭﻝ ﻓﻲ ﺍﻟﺸﺎﺭﻉ ﻋﺸﺎﻥ ﻳﺴﺄﻟﻮﻫﻮ ﻣﻦ ﺑﻴﺖ ﻧﺎﺱ ﻣﺼﻄﻔﻰ ﺍﻭﻛﻮﺛﺮ .. ﻣﺤﻤﺪ ﻭﺳﺎﻣﻲ ﻭﻗﻔﻮﺍ ﻭﺑﻘﻮﺍ ﻳﺘﻠﻔﺘﻮﺍ ﻳﻤﻴﻦ ﻭﺷﻤﺎﻝ ﻭﻳﻌﺎﻳﻨﻮﺍ ﻟﻠﻌﻤﺎﺭﺍﺕ ﻭﻓﺠﺄﺓ ﺟﺎﺕ ﻓﻴﻬﻢ ﻋﺮﺑﻴﻪ ﻣﺎﺷﻪ ﺑﻲ ﺳﺮﻋﻪ ﺷﺪﻳﺪﻩ ﻟﻮ ﻣﺎ ﺯﺣﻮﺍ ﺑﺴﺮﻋﻪ ﻛﺎﻧﺖ ﻣﺸﺖ ﻓﻴﻬﻢ .. ﻧﺰﻝ ﻣﻨﻬﺎ ﺷﺎﺏ ﺑﺎﻳﻦ ﻋﻠﻴﻬﻮ ﻣﻦ ﺷﻜﻠﻮ ﻣﺴﺘﻬﺘﺮ ﻭﻋﺎﺟﺒﺎﻫﻮ ﻧﻔﺴﻮ
ﻧﺰﻝ ﻭﺑﻘﻰ ﻳﺴﺐ ﻭﻳﻠﻌﻦ ﻓﻴﻬﻢ ﻳﺎﺥ ﺍﻧﺘﻮ ﺣﻴﻮﺍﻧﺎﺕ ،ﺭﻛﺰﻭ ﻗﺪﺍﻣﻜﻢ
ﻗﺎﻟﻮﺍ ﻟﻴﻬﻮ : ﺩﻱ ﻣﺎﺳﺮﻋﻪ ﺗﻤﺸﻲ ﺑﻴﻬﺎ ﻫﻨﺎ
ﻗﺎﻝ ﻟﻴﻬﻢ : ﻣﺎﺍﻧﺘﻮ ﺍﻟﺒﺘﻮﺭﻭﻧﻲ ﺍﻟﺴﺮﻋﻪ ﻣﺤﻤﺪ ﻣﺸﻰ ﻋﻠﻴﻬﻮ ﻭﺧﻨﻘﻮ ﻟﻜﻦ ﺳﺎﻣﻲ ﻓﻜﺎﻫﻮ ﻣﻨﻮ ﻭﻗﺎﻝ ﻟﻴﻬﻮ ﺧﻠﻴﻬﻮ
ﺍﻟﺸﺎﺏ ﺭﻛﺐ ﻋﺮﺑﻴﺘﻮ ﻭﺩﻭﺭ ﻭﻣﺎﺯﺍﻝ ﻳﺴﺐ ﻓﻴﻬﻢ ..
ﻣﺤﻤﺪ ﻗﺎﻝ ﻟﻲ ﺳﺎﻣﻲ ﻛﺎﻥ ﺗﺨﻠﻴﻨﻲ ﺃﺃﺩﺑﻮ
ﺳﺎﻣﻲ ﻗﺎﻝ ﻟﻴﻬﻮ ﺩﺍ ﻣﺎﻣﻮﺿﻮﻋﻨﺎ ﻛﺪﻱ ﺧﻠﻴﻨﺎ ﺍﻟﻨﺤﻞ ﻣﺸﻜﻠﺘﻨﺎ ﺍﻟﺠﻴﻨﺎ ﻋﺸﺎﻧﻬﺎ ﺩﻱ ..
ﻟﻘﻮ ﻟﻴﻬﻢ ﺑﻘﺎﻟﻪ ﻭﺳﺄﻟﻮ ﺻﺎﺣﺒﻬﺎ ﻟﻮ ﺑﻌﺮﻑ ﻛﻮﺛﺮ ﺍﻭ ﻣﺼﻄﻔﻰ
ﻗﺎﻝ ﻟﻴﻬﻢ : ﻏﺎﻳﺘﻮ ﺍﻟﺒﻴﺖ ﺍﻟﻘﺪﺍﻣﻮ ﺍﻟﻌﺮﺑﻴﻪ ﺩﻳﻚ ﻓﻴﻬﻮ ﻭﺍﺣﺪ ﺍﺳﻤﻮ ﻣﺼﻄﻔﻰ ﻟﻜﻦ ﺍﻣﻮ ﺍﺳﻤﻬﺎ ﺣﻴﺎﺓ ﻛﺪﻱ ﺍﻣﺸﻮﺍ ﻋﻠﻴﻬﻢ
ﻣﺸﻮﺍ ﻟﻘﻮ ﻧﻔﺲ ﺍﻟﻌﺮﺑﻴﻪ ﺑﺘﺎﻋﺖ ﺍﻟﺸﺎﺏ ﻭﺍﻗﻔﻪ ﻓﻲ ﻧﻔﺲ ﺍﻟﺒﻴﺖ ﺍﻟﻮﺻﻔﻮ ﻟﻴﻬﻢ ﺑﺘﺎﻉ ﺍﻟﺒﻘﺎﻟﻪ
ﻣﺤﻤﺪ ﻗﺎﻝ : ﺍﻥ ﺷﺎﺀ ﺍﻟﻠﻪ ﺍﻟﺒﻴﺖ ﺩﺍ ﻣﺎﻳﻄﻠﻊ ﺑﻴﺖ ﻣﺼﻄﻔﻰ ﺍﺧﻮﻱ ﺍﻭ ﻳﻜﻮﻥ ﻋﻨﺪﻭ ﻋﻼﻗﻪ ﺑﻴﻬﻮ !
ﺿﺮﺑﻮﺍ ﺍﻟﺠﺮﺱ ﺟﺎﺗﻬﻢ ﻣﺮﻩ ﻛﺒﻴﺮﻩ ﻓﻲ ﺍﻟﺴﻦ ﻗﺎﻟﺖ ﻟﻴﻬﻢ : ﻣﺮﺣﺐ
ﻣﺤﻤﺪ ﻗﺎﻝ ﻟﻴﻬﺎ : ﺩﺍ ﺑﻴﺖ ﻛﻮﺛﺮ؟
ﻗﺎﻟﺖ ﻟﻴﻬﻢ ﻛﻮﺛﺮ ﻣﻨﻮ؟