أسئلك باللي خلق قلبك اكرهني - الفصل 7 - مكتملة | روايتك

الفصل السابع يسعد صباحك .. باجمل حظوظ السعاده ويجعل الفرحه تدوم يسعد صباحك كل يوم ..~ . . } في قصر سامي وفي جلسة رايقة في الحديقة سلمى : كم باقي على رمضان ام دانه : باقي تقريبا اسبوع سلمى : عساه شهر خير علينا وعليكم ام دانه : آمين يارب ام سالم : يمه خلينا ندخل لجوا كن الجو حر ؟؟ سلمى : وين حر وانتي فوقك مظله ؟ ورذاذ الما يرش عليك من كل صوب ام سالم توقف : انا داخله جوا عند نوره أبغى اشوف فيصل ورتوجه زمان عنهم سلمى : ياويلي هالبزارين لا يطلعو لا يجو يخافو عليهم مره ام خالد : لا تلوميهم يمه ماعندهم الا هالاثنينه سلمى : بس مو زين كذا خليهم يطلعو ويلعبو زي كل البزارين ام خالد : والله كيفهم عيالهم وهم حرين فيهم ! ام دانه : متى يجو البنات والله لهم وحشه ! سلمى بزعل : أي والله كانو مالين علينا القصر ناصر + نايف : السلام عليكم الكل : وعليكم السلام حياكم ناصر + نايف : الله يحييكم ناصر (وهو يناظر فالريم اللي حاطه رجولها في حمام السباحه وجالسه لوحدها ) : نايف ناظر ؟ نايف : تنرحم والله ناصر بهمس : وش رايك نطلعها اليوم هي ودانه ؟؟؟ نايف بضيقه : لا انا مشغول اليوم ناصر : ياويلك من الله ،‘ اذا ماتبغى دانه معنا ماهو لازم بس الريم والله حرام نايف : وين ومتى ؟ ناصر : مدري بس نسئلها ونشوف نايف بصوت عالي : ريماااااااااااا (وهو يأشر لها ) تعالي شوي الريم توقف وتلبس شبشبها وتمشي بعربجه : هلا نايف سلمى : يمه دقي على صاحبتك خليها تجي العصر او اطلعي معها،‘ على ما يجون البنات الريم بخيبة امل : وش دعوه اذا جو بيتغير شي !! وجودهم زي عدمهم ناصر : لا يا جده حنا نبغى نطلع الساعه 4 انا ونايف ونبغى ناخذ ريومه معنا الريم بفرحه : جد ناصر ؟ ناصر : أي والله ،‘ (ناصر يسأل ام خالد وكنه مو مهتم مره ) اقول خاله نوفه ما تصلت فيك ؟؟؟ ام خالد مستغربه : ليه فيهم شي ؟ ناصر وكنه يقول انت جبت الكلام لنفسك : لا يا خاله بس اقصد ما حكيتو معهم تطمنتو عليهم ؟ ام خالد : ايه ،‘ لا لا حاكيناهم امس ناصر وهو يبعد نظره عنهم خاف يناظرو بنوفه بعيونه : عساهم يرجعون بالسلامه ترجع لـ "جسمي" بالسلامة.. قل آمين . . والا ترى روحي مــعك يــــــــــالمسافر . . .. نوفه جالسه باللوبي في الفندق تنتظر سالم و الماس ينزلو ........ : مرحبا نوف بابتسامه : اهلين ........ : انا شايفك بس مادري وين ؟ نوف بنفس الابتسامه : ما اعتقد انا تقابلنا قبل كذا الشاب : الا شايفك بالطياره لما جلستي تسحبي في عباية اختك نوف ماسكه ضحكتها بس قالت بجديه: هلا اخوي آمر الشاب : بس حبيت اسلم ،‘ سبحان الله صدفه شفتك في الطياره وكمان حاجزين في نفس الفندق نوف انحرجت كيف يناظرها كذا ويتجرأ يحكي معها : عن اذنك اخوي ينتظرني هناك الشاب : بس هذا مو اخوك نوف بصدمه : نعم !!!!! سالم يطلع من بروده حبتين : نعم يالطيب وش تبي ؟ نوف وهي تناظر في الشاب: يلا سالم اتأخرنا سالم : اطلعي انتي هناك اختك تنتظرك نوف خافت تصير هوشه : طيب سالم تعال انت سالم يوطي صوته : قلت لك اطلعي طلعت نوف لألماس اللي ما عرفت ليه اختها متوتره كذا الشاب واقف ولا مهتم : انا كمان عن اذنك سالم يمسك فيده : لا لحظه ،‘ ما علمتني وش بغيت منها ؟ الشاب : من مين ؟؟ سالم منقهر : لا تستهبل لا اربيك هنا الشاب : احترم نفسك والزم حدودك وشو استهبل واربيك ما تعرف تحكي مع الرجال انت ؟ سالم : هذا اذا كنت رجال ،‘ اسمعني كويس (يناظر فيه بقوه) ابعد عنها لا اقسم بالله لا انسيك حليب امك والله الشاب أبعد يد سالم ولبس نظارته الشمسيه وطلع .. نوف بخوف : سالم خلاص نبغى نرجع الماس : ترجعين ؟؟ لا حبيبتي ليه طلعنا حنا ؟؟ سالم : ليه نرجع ما صر شي ؟؟ (ورافع حاجبه ويناظر فنوف ) انا وعدت الماس تروح تقص شعرها اليوم قبل الطياره نوف : .... سالم : ادخلو السياره يلا ،‘،،‘،‘،‘،‘ ناصر : جده وين امي ؟؟؟ لازم اطلع البيت سلمى وش يطلعك الحين اجلس تغد معنا وش فيك دوم مستعجل غديت زي اخوك سالم !! نايف : اجلس يا ولد ناصر : ما اقدر والله صديقي ينتظرني في القصر لازم اطلع له نايف : مين ؟؟ ناصر : عبدالعزيز نايف : اها ،‘ سلم عليه نتصر : يوصل ان شاءالله سلمى ما تعرف ان اللي رايح له ناصر ولد بنتها منيره ‘ لو تعرف كان سبقته للقصر وحضنته لانه من ريحة بنتها سلمى : بحفظ الله ناصر : خلاص اجل اذا بغت ترجع امي خليها تتصل فيني ،‘ سلآم ،ـ نجود بصدمه : وااااااااااااااااااااااااااااااو الهنوف والعنود : الله ،‘ تغير شكلك مره طلعتي احلى بتول : يخرب بيتك تجنن ليه ما خذتيني معك الله يسامحك الماس وهي تلعب فشعرها اللي قصته قصة فيكتوريا .. : بالله عليكم وش رايكم ؟ نوف وهي طفشت من تركيا ودها تغمض وتفتح وترجع الرياض : اشهدو يا بنات انا حذرتها بس هي اصرت ان شافها خالد بيعصب الماس : ليه يعصب ان شاءالله مقرعه شعري والا قاصته على الصفر ؟؟؟ حلوه هذي كمان !! نجود : ما عليك منها والله يخبل عليك / سامي رجع الساعه 4 العصر الفندق وبلغ البنات يجهزو بسرعه طيارتهم بعد ساعتين يا دوب يلحقو .. جلسو البنات يقنوعو فيه يقعدو يومين زياده .. نوف : جدي الله يخليك اجلس يومين كمان ! سامي وهو مشغول بالاوراق اللي بيده : مافيه مجال ابغى ابلغ اللي بالشركه وش وصلنا له نجود : جدي والله انقره أخيس منطقه في تركيا ، ليلحين ما رحنا أنطاليا والله يمدحو فيها الهنوف : اي جدي كلها شلالات تكفى سامي : حنا اتفقنا من الرياض على يومين بس سالم : حتى انا ابغى ارجع ما عجبتني الديره سامي : جهزو شناطكم واوعدكم ان شاءالله بالعطله الجايه اسفركم نجود بصوت خفيف وهي نعصبه ومكتفه يدينها : خدامات حنا عشان يسفرنااا نوف : اففففف امشي نشيل شنطنا مافي وقت .. ناصر : تعال معي في سيارتي نايف : يلا بس خلني انادي ريمه واجي نايف اول ما كمل خطوتين لقى الريم طالعه تركض العبايه طايره والشيله طايره ولا كأنها باتمان نايف : هههههههههههههههههههههههههههههههههه الريم : ههههههههههههههههه خفت تروحو وتتركوني نايف : الله يقطع عدوك القصر بجنب القصر ليه تخافي ؟ اركبي اركبي ناصر ابتسم لما شافها فرحانه ناصر في السياره ومعلي على صوت راشد الماجد غبت يوم وعذرناك ،، وبولهنا انتظرناك ،، يالله ارجع كفايه ،، بصراحه فقدناك بصراحه فقدناك ناصر : اليوم راح يرجعو البنات اقصد جدي نايف : عساهم يوصلو بالسلامه فاقد خبالهم ناصر :أي والله الريم : ناصر ابغى انزل المول اشتري جينزات ناصر : تعرفي تختاري لوحدك الريم بحيره : نجود تختار لي بس عادي انتم موجودين نايف + ناصر توهقو : هاه .. يصير خير في المول وكأنهم 3 شباب .. الريم تمشي قدامهم تركوها تمشي لوحدها ويجلسو يتمشو ويسولفو برواقه نايف : مثل ما قلت لك يا ناصر والله ما اطيقها مادري ليه ما ابلعها ناصر : يابن الحلال لا تبلاها معك اذا ما تبغاها لا تاخذها ،، صدق هي تصرفاتها ترفع الضغط لكن ما تستاهل تاخذها وتغثها نايف : وش اسوي طيب ؟ احرج عمي وابوي وجدي ناصر : انت ما همك احد انت خايف من جدي نايف بعصبيه مو من عادته : ناصر ؟؟ اخاف ليه ؟؟ ومن ايش ؟؟ ناصر : لانك ماانت زي خالد وقف بوجهم وعمل اللي يبغاه واخذ البنت اللي اختارها ،، والله لو انا ما اتزوج وحده باغضها عشان احد ،، هذي حياه يا نويف (وتذكر نوفه) نايف : الله يعلم اني ما قررت هالقرار خوف والله انه مراعاه لشعور عمي ودانه ناصر :الزواج ماهو محتاج احد يطبطب على الثاني وبالنهايه يتطلقو وتشين العلاقه بين الاخوان فكر عدل لو مره وحده انت فبالك وحده ؟ نايف بتردد : لا ,, اقول ناصر .. وين الريم .؟ ناصر : مادري !! اتصل فيها نايف يلتفت وراه : هذي هي من هو اللي معها ؟ الريم بصوت عالي شوي : اذلف عن وجهي لا وربي اعطيك كف على وجهك يا تافه يا قليل الادب وش شايفني قدامك ؟؟؟؟ الشاب منصدم من البنت اللي قدامه : ........... الريم : قليل حيا يلا انقلع من وجههي ... شايف وجهك انت ؟؟ والله لو منك ما اتعب حالي واغازل احد اذلف الشاب فاتح فمه ؟؟؟؟ وطلع بدون ولا كلمه ناصر + نايف واقفين وفاطسين ضحك : ههههههههههههههههههههههههه ههههههههههههههههههههههههههههههه الريم تلتفت لهم : وش يضحك الحين ناصر : ولا شي بس كنك غسلتي شراعه زياده عن اللزوم ؟؟؟ يووه لو اغازل وتطلع لي وحده زي الريم وتفشلني كذا والله يجيني اكتئاب هههههههههه نايف عيونه تدمع من الضحك : هههههههههههههه حسبي الله على عدوك ،‘ ريمه ليه كذا حبيبتي انتي بنت عيب يعلى صوتك في السوق ههههههههههه / توقيع اليازيه : يارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا يتبع الفصل السابع دانه : ياربي منك يا عبدالله انا ما اشوفك وينك ؟؟؟ عبدالله : حياتي اول ما تدخلي راح تشوفيني دانه : انا قايلتلك ابغى كباين ما تفهم ؟؟ عبدالله بلع الكلمه وسكت : يا حياتي اول كبينه ادخليها انا فيها دانه بارتباك لاحد يشوفها : يلا جايه عبدالله : أهلين والله دنووو كيفك ؟؟ دانه : تمام انت كيفك ؟ عبدالله وهو يناظر بدانه بحب مصطنع: حاليا بأجمل حالاتي دانه : ههههههه طيب لا تناظر فيني زي كذا عبدلله (وع وع ) : آآآآه دانه : اسمالله عليك من الآه وش فيك ؟؟؟ عبدالله وهو يناظر في الطاوله بحزن : يمكن ما اشوفك الايام الجايه !! دانه وتعدل جلستها : عبودي خوفتني علامك يا قلبي ؟ عبدالله : انا يا دانه اعلنت افلاسي و بكره بسلم نفسي للديانه ومنها للسجن دانه حطت يدها على قلبها : ليييييييييه عبدالله وكنه وصل للي يبغاه : انا ما هو قاهرني الا ا نامي وخواتي راح يبقون لوحدهم دانه بتردد : كم المبلغ ؟ عبدالله : ماهو شي بس انا ماعندي سيوله دانه : طيب كم ؟ عبدالله : لا تهتمي ،‘ ان شاءالله اخرج بعد سنه او 3 سنين ونلتقي صدقيني ما حنساك أبدأ لا تخافي دانه وهي تحس انها حبته (يالله حتى وهو بأزمته يفكر في شكلي طحت ومحد سما علي) : طيب قول كم لا تزعلني منك عبدالله وهو يناظر فيها يبغى يطالع ملامحها كيف راح تتغير: مليون ريال دانه بغرور : هههههههههههههه بس ؟؟ والله خوفتني خلاص انا اكلم دادي عبدالله وتحسف انه مازاد المبلغ : وش تكلميه هذا اللي ناقص !! والله اقتلك دانه (ماشاءالله عندك عزة نفس يا عبودي ) : ولا يهمك يا قلبي بعدين تردهم انا لازم اطلع بكره الفلوس عندك عبدالله : لا حبيتي اجلسي ما شبعت منك !! // نايف : ريمه ريمه هذا حلو !! الريم : وع وش ذا ؟ ناصر بثقه : لا لا ذا أحلى من جدك انت ناظري هالشكل اللي عالجينز عالموضه الريم تناظر بناصر : ناصر ؟؟ هذي نقشة بزارين بعدين هذي صارلها 5 سنين !! ناصر يعدل شماغه : اففف اول مره احس تسوق واختيار الحريم صعب نايف وهو يناظر بالمحل : توني اعرف ان الاذواق تختلف اصلا ما كنت الاحظ ملابس خواتي والفرق بينهم !!! الريم : ياربي اول مره افقد نجيد نايف بابتسامه عذبه : ماعليك اليوم ترجع واذا بغيتينا نروح انا وانتي ونجيد نروح نشتري اللي تبغينه ونرجع للبيت الريم : كذا احسن بعد (طلعت من المحل) ناصر وهو فاتح عيونه لنايف : نجود ها ؟ السوق ؟ نايف بضحكه عاليه : والله ما يطوفك شي يا نويصر ههههههههههه ياخي صفي نيتك لو مره ناصر : اصفي نيتي هاه أمش امش ساعه ويوصلون الاهل يلا / بالطياره .. مضيف رايح ومضيف جاي لبسو البنات عباياتهم وشيالهم بهالرحله انبسطو مره كانت ممتعه وكلها مواقف رغم قصر وقتها والبنات يمشو ويشكرو بنوفه اللي لقطت خبر السفر واللي اقنعت سالم يروح معهم نجود بهمس تسولف مع نوف : والله بدونك يا نويف ما رحنا نوف بفخر : احم احم عشان تعرفو اهميتي نجود بخجل : نوفه ! نوف : هلا نجود : اذا وصلنا الرياض ابغى اقولك حاجه مهمه ،، بس ما ابغى حد يعرفها ،، ومابغاك تنصدمي مني ،، ومابيك تزعلي مني لاني خبيت عنك نوف وتلف جسمها لنجود : نجيد !! كل هذا ؟؟ اكيد شي كبير !!! (نوف بفضول)قوليه الحين طيب ! نجود تناظر بسالم اللي نايم بجنبها : لا ما اقدر بعدين بعدين الماس تلتفت لهم : ياليتني عندكم او عند تبوله افففففففف طفشت نوف : وجعه وطي صوتك الناس نايمه ! الماس : نوفه أنا جد خفت ؟ نوف : لما قربنا عند قراقوش (خالد) خفتي ها ؟ الماس : ياربي بدال لا تهديني ؟؟ طيب هذي تبوله طول عمرها شعرها قصير محد يكلمها نوف : اخوانك غير وعيال عمتي غير الماس : والله بيهاوش وبيسكت ! اركب له شعر مستعار يعني ؟؟؟ / : ناصر أخذ له دوش وغير ملابسه بسرعه لبس لبس سبوووور وجزمتة الرياضيه وطلع فسيارته لبيت جده ناصر بالسياره بتفكير: يالله يا نوف والله مصخت السالفه وربي اشتقت لك !! أحس المسافه القصيره اللي دايم صارت طويله مررررره يا ترى انبسطتي ؟؟؟ الله يرجعكم للبيت بالسلامه وربي هاليومين طفش .. كثيـر اللي اذا غـآب او حضـر ما حولهـم ناشد مجرد معرفة ضحك و سوالف طايشه و مزوح و من غبت .. جلست بكل ليلة اقول مع راشـد ..: الآ يا وقت وين اللي على بـآالي يجي و يروح // بيت ابو تركي صار مره كئيب خلاص وصلتهم فكره ان عبدالعزيز لا يمكن يرجع لان مثل ما سمعو من اصدقاه انه دخل بيت السامي !! بالغرفه منيره بفقدان الامل : انا يا مبارك مستغربه كيف ما جانا خبر موت عزيز !! ابو تركي عورت قلبه : افا يا ام تركي اذكري ربك خلاص يا بنت الحلال الولد بخير انا تطمنت عليه منيره : ياليتنا ما كلمناه ولا هواشناه يا ليته ما طلع ياليته ما دخل الجامعه مع عيال خواله (وتحط يديها على راسها وتبكي)ياليت وياليت ابو تركي تركها وطلع لبناته في الحوش الصغير ساره والجوهره يشربو شاي ويتفرجو على المسلسل ساره :هلا يبه حياك الجوهره تضايقت كيف تناظر المسلسل وابوها موجود ! ماهي متعوده ! وتلفزيونها اللي فوق خربان ! الجوهره تناظر فأبوها : شاي يبه ؟؟ مبارك : لا يمال العافية .. ساره تغمز لاختها يعني غيري القناه الجوهره تأشر لها (لا) ابو تركي يناظر في التلفزيون وباله مع عبدالعزيز !! ساره والجوهره رحموه وطلعو لغرفتهم وقررو ينتظرو الاعاده / في قصر الجد سامي القهوه والشاي والعصير والحلويات وانواع الكيك و حاطين كل شغلهم في الحديقه ،، كان القصر كله فرحان من اوله لآخره كل شخص كان ينتظر شخص معين اللي تنتظر بناتها واللي ينتظر ولده واللي تنتظر زوحها واحفادها تأخرو عن موعدهم ساعه كامله دانه تناظر بالساعه : ماما وش هذا ما صارت تأخرو مره !! ناصر : أي والله تأخرو متأكدين قالو بيوصلو الساعه 11 ؟؟؟ نايف وهو ياكل من الحلا : مادري ليه مستعجلين الغايب عذره معه توني حاكيت خالد يقولون في الطريق ان شاءالله !! ام دانه : يمه دانه اذا تعبانه ارجعي البيت ارتاحي واذا وصلو اعطيك خبر دانه وهي تفكر ان وش هالحركات قبل امس شايفينهم : لا يمه يستاهلو اللي ينتظرهم نايف يناظرها بطرف عينه (لا والله يا دوينه رحومه ماشاءالله) سلمى : عظامي توجعني مادري وش بلاني ناصر : اوديك المستشفى جده ؟ سلمى بابتسامه وهي تمسك مكان الالم : لا يمه ما يحتاج الكبر ماله علاج فارس وهو لابس الجينز والبدي الاسود الضيق : لا جده توك شباب .. شكلك اصغر من امي اصلا ام سالم : يا مال اللي ماني بقايله ،، لا يسمعك ابوك يصدق ناصر وهو جالس معهم بس بجسمه (انا اللي احس الوقت يمشي شوي شوي والا الكل ؟؟؟؟) سامي يقاطعهم : السلام عليكم الكل قرب يسلم على الجد سامي عيون ناصر تدور على نوفه !! ناظرها وابتسم وهي كمان كانت تدوره بعيونها ابتسموا وابعدت نوف عيونها عنه ! نايف يناظر بنجود وهي تبتسم وحاظنه امها : والله اشتقت لك يمه كنها سنتين مو بيومين ام دانه : ههههههه حتى انا والله وين خواتك الهنوف وحده على يمين جدتهم سلمى ووحده على شمالها : جده جبنا لك بالطو يجنن عن البرد ان شاءالله يعجبك سلمى : كل شي منكم حلو ناصر يبوس راس جده سامي وعيونه على نوف اللي واقفه خلف جدها ناصر : شلونك جدي ؟ والله لك وحشه سامي : طيب الحمد لله .. انتو كيفكم ؟ الكل : بخير الحمد لله ناصر : يناظر بنوف ويحاول يناظر البنات معها : كيفكم بنات ! نوف : تمام انت كيفك ؟ ناصر : دوم ان شاءالله انبسطتو ؟ نوف : أي الحمد لله ما قصر جدي وسالم ناصر : ؟؟؟ نو ف قالتها عن طيب نيه بس سالم حسها قاصدتها ابتسم وراح يجلس عند الاهل الصاله ممتليه والكل يسولف ما تنسمع الا اصواتهم سامي متوسط الجلسه و بجنبه سلمى و ساره بنته ،، وعلى يمينه عياله ابو دانه و ابو خالد وصهرهم ابو سالم ناصر جالس مع خالد ونوره ونوف ونجود ونايف اللي حطه بجنب دانه و يسمع سوالف الماس وبتول لها والهنوف والعنود جالسين يلعبو مع فيصل وريتاج اولاد خالد الريم جالسه مع فارس بجنب ابو سالم .. بتول بصوت رايق وهادي : الماس ليه ما تبعدي شيلتك عن شعرك ! واجهيهم بالامر الواقع ههههههههه يالخوافه الماس : اسكتي لا اذبحك اصلا عادي بتول : يلا شيليها الماس وبغرور وبحركه الكل استغربها : ماما ماما الكل سكتوجلس يناظر فيها الماس ابعدت الشيله و جلست تلعب فشعرها يمين ويسار وش رايك ؟؟ ابو خالد : ماشاءالله كل شي حلو عليك نوف تقول فقلبها (الله ياخذك الحين تستاهلي احلى احراج قدام الخلق) خالد يقرب جسمه لقدام عشان يناظر الناس ليه سكتو (عقد حواجبه) وبصوت عالي : ألماااااااااس الماس بدون ولا كلمه ناظرت فيه : ..... خالد : وش اللي عاملته بشعرك ؟؟؟ عاجبك ؟؟؟ وش قلنا عن القصير ؟؟ شكلك ما تفهمي من اول مره ؟؟ الماس انحرجت مره .. ما عمره احد احرجها قد كذا ،، هذا ليه اخلاقه كذا ؟؟ حتى قبال الناس اسلوبه ما يتغير ؟؟ سامي : وراك تصايح عليها شعرك والا شعرها ؟؟ نجود بضحكه هاديه : ههههههههه التفت لها ناصر وقالها تسكت لا يجيها طشار من الهوشه نوف تضايقت ما حبت تفكير الماس كيف صاير وش فيها لا انتظرت كم دقيقه ليما يرجعو لبيتهم ؟؟ / انتشرو في القصر .. و قل الازعاج البنات كلهم في الصاله اللي فوق نجود : انا ما ضحكني الا لما احرجه جدي نوف وتناظر باختها ارحمتها : انتي غلطانه يا لمو كيف تفكري كذا و تقفزي من مكانك بهالشكل ماما من الصدمه سكتت الماس بصوت عالي : محد له دخل فيني طيب ؟؟ شعري هذا والا شعره ،، اصلا تعمدت اعمل زي كذا عشان يسكته جدي ،، هو جبان ما ينطق اذا حاكاه جدي اف نوف ترفع حاجبها : عيب حبيبتي لمو هذا اخوك ما يصير تحكي عنه كذا سكرو الموضوع هالحين دانه حاطه رجل على رجل : اقول نوفا كيف السفره مع سالم ؟ نوف ترد عليها بنفس طريقة حكيها : السفره جنان مره ولا مره انبسطت زي كذا مع سالم وجدي والبنات مو سالم لوحده دانه : يمه يمه هههههههه كليتيني وراك تحاكيني بهالطريقه ؟؟؟ نوف بصوت عالي : دانه ترا ماني فايقت لك جايه تعبانه وجالسه هنا احتراما لجدي اسكتي تكفين ناصر : افا افا بنات خالي يتهاوشو والله عيب عليكم يا بنات نوف بعصبيه وتأشر على دانه : هي اللي بدت انا ما حاكيتها دانه : ليه انا وش قلت ؟؟ نوف خافت تعيد حكي دانه وناصر موجود !! نوف : خلاص طيب اسكتي الحين دانه : اشوف لما جا ناصر طال لسانك نوف وتوقف من مكانها : انتي اصلا وحده ما فيك حيا ،‘ انا لساني طول عمره قصير والدليل اني تاركتلك المكان وطالعه اجلسي تهاوشي مع نفسك بالمنظره نوف وهي طالعه بصوت عالي وبعصبيه (مجنونه) دانه : هههههههههههههههههه ناصر يناظر بدانه دانه : فيه شي ناصر !! تبغى مني شي ؟ ناصر : خليك بحالك (وطلع) نجود منحرجه من اختها وش هلااخت هذي ؟؟ شيطان !! الماس : ياربي منك انتي لا تحاكي اختي مره ثانيه بهالطريقه فاهمه ؟؟ دانه : انتي اسكتي لا احلقك عالبوي هههههههه او اكمل زفة خالد الك الماس وتنرفز دانه اللي ما يعرف لها الا لمو : هههههههه اخوي وخايف على شعري احسن من اللي امها وابوها يزفوها على طلعاته اللي كل يوم الله لا يبلانا هههههههههههههههههههه نجود بضيقه : يووووووووووه دانه لمو خلاص عاد ماهي حاله وربي كل ما اجتمعتو تهاوشتو الماس ببرود : والله يا نجيد طول عمرنا نجلس مع بعض بس ما نتهاوش لاحظي من الدخيل بينا اعوذ بالله منه دانه منقهره وصلت للآخر : انا طالعه للبيت نجودتي اذا سأل عني بابا قولي له سلمت على جدها وعملت الواجب ــ جاااااااو حبي الماس تكش عليها اول ما عطتها ظهرها : مالت عليك،، ما اصدق انه الشيء اختك نجيد نجود : خلاص انتي الثانيه لا تطوليها لا احلقك على الصفر هههههههههههههههه لمو : ههههههههههههههههههههه نجود :امشي نطلع لنوف الماس : تراهني ان عندها ناصر في الحديقه نجود : هههههههههه على طاولة الرومانسيه السعوديه الماس : هههههههههه ايه ويشكون لبعض يا حرام يكسرو خاطري مرات نجود : هههههههههههههه ليه الماس : تحسيهم هنود مامعهم سيوله يوفرو سكن الزواج واكلهم عشان كذا ماهم قادرين يتزوجو نجود : هههههههههههه انا اعلمها الماس : لا بالله حفتك // يا مساء النبض .. والقلب النبيـل والاحاسيس الجميلة .. يا الريـاض! عن كثر غيرك .. قنعنا بالقليـل.. منك ، وأروانا وشبّعنا .. وفاض! في عيونك للعُلا .. خيل وصهيـل وفي جبينك للسعد برقٍ .. وناض! كل صبح وكل عصر وكل ليل بلغي قلبك .. تحايـاي العـراض ! ونورت فيك الرياض ! + نوف ماسكه ريتاج ومجلستها على الطاوله وقبالها ناصر وكأنه يناظرها يبغى يعوض هاليومين ناصر : كيفك نوف : شو تشوف ؟ ناصر : مممممم اشوفك بخير وصحه وعافيه بس احسك متضايقه نوف : لا تفكر كلام دانه عصبني انا انسى بسرعه ناصر : عارف والله انك تزعلي بسرعه وترضي بسرعه بس لا تشيلي بخاطرك الواحد اذا انقهر منك يحاول يزعجك بالاشياء اللي تحبيها .. ويحاول ينرفزك ودانه وصلت للي تبغاه ،، نوف بقهر : بس أنـ ناصر بهدوء : خليني اكمل لك ،، كم مره اقولك لا تعطيها اللي تبغاه ؟؟ الكل يعرف منهي دانه ؟؟ اكثر وحده معقده في العايله ،، ما ترتاح لا شافت حد مبسوط وش لك فيها تتعبين نفسيتك عشانها انبسطي لما تزعجك نوف : بحاول ان شاءالله ،‘ رورو لا تزعجيني اجلسي واكلي الشوكولا وانتي ساكته ناصر ويحاول يلعب باعصاب نوفه كالعاده : لا حياتي ،، اذا جونا عيال ان شاءالله ما ابغاك تحاكيهم زي كذا !!! نوف تناظره يعني ما اسمعك : فديتك رتوجه اكلي ابغاك تصيري دبه زي الريم ناصر : على طاري الريم هههههههههه هبلت فينا بالسوق نوف بدلع : انت وين رايح مع الريم ان شاءالله ؟ ناصر يقهرها : والله طلعت معها في السياره وتمشينا بعدين نزلنا المول وتسوقنا واخترت لها جينز يجنن هههههههههههه تقولي من عصر الديناصورات نوف : أي وكمان ؟ ناصر : وحبيتها ؟ نوف : كيف ! ناصر : والله حبيتها نوف : ايه طيب الله يوفقكم حبها من اليوم لبكره ،، يلا رتوجه حبيبتي ناصر : ههههههه اجلسي رتوجه ماعليك من عمتك ترا احيانا تصير هبله ما تعرف اني اشفق على الريم واحبها زي تبوله .. ناصر بصوت عالي ويناظر في السما (وش ذنبي اذا انا مزيووووووووووووووووووون) نوف تناظر فيه يعني ناقده عليه : انا شفقت على نوف ما غرت عليك ،، انتم حد يتحملك وقبل لا يحكي ناصر اتصل فيه رقم غريب رد عليه عرف انه من برنامج حليمه وكأنه قال فقلبه (جيت بوقتك) ابعد الجوال عنه وقال لنوف حليمه داقه نوف بلا مبالاه : اسكت لا وربي ادخل القصر ناصر : هههههههههه وربي ناصر يسحب نوف من يدها ويدخل للقصر .. نوف : نجيد شغلي التي في خليني اشوفه كذاب والا لا ناصر : اوكي اوكي انتظرك يا اخ نوف تناظر بحليمه و الاتصال من واحد اسمه خليل من مصر : افا ناصر تكذب علي بتول تقفز : لا وربي نوفه ناصر كل يوم يرسل لحليمه هههههههههههه نوف زعلت عليه هي محذرته بس هو يحب العناد : آه آيلا خلونا نتابع البرنامج نجود : اجلسو ارتاحو ناصر وهو يجلس بينهم : نوفه نجيد لحد يضحك والله اقتله واذا جاوبت خطأ لاحد يدري نجود : ما عليك الهنوف هنا والله تفضحك وتنزلها في النت هههههه (ناصر يأشر للهنوف ياويلك ) نوف حاطه رجل على رجل وواضح جيزها الستريت اللي كله شك حليمه : الو من معاي ؟؟ ناصر ساكت .. حليمه : الو ناصر ؟؟؟ نوف حست انها صارت جد انقهرت لا شعوريا قربت اذنها من السماعه ،، ناصر نسى حليمه وجلس ثابت في مكانه ارتبك مره نوف حست بنفسها و ابعدت ناصر طلع برا الغرف لانه يسمع صدى مزعج ناصر : الووو حليمه اهلين ناصر شلونك ؟ ناصر : بخير الحمد لله ،، منوره حليمه (نوف تناظر التلفزيون ببلاهه) نجود : هههههههههههههههه يلعن يومك نويصر فشلتنا حليمه : هههههه تسلم والله من وين ناصر اكيد من السعوديه ناصر : عليك نور من الرياض حليمه : ناصر ليش مرتبك ؟؟ هههههه ناصر : ههههههه واحد يشوفك وما يرتبك ؟؟؟ حليمه سكتت بعدين ضحكت ضحكتها المعهوده : هههههههه لا انا ما اتحمل جذي تسلم ،، ان شاءالله تفوز معانا شد حيلك ناصر : حليمه حليمه خافت تعدل سماعتها : هلا ناصر : انا ما اتصلت اشارك بس حبيت اوصل كم بيت لشخص غالي علي ممكن ؟ حليمه : تفضل ناصر بصوته العذاب : شي واحد قبل ما أبدأ .. ما أبي أي شي ثاني يخطر فـ بالك .. وأنا أكشف لك شعور تجهلينه ! إن أنا .. وبكل ما تحمله "أحبك" من معاني كنت،وراح أبقى أحبك .. لين .. مدري وش هو لينه حليمه تصفق : واااااو جد واااو محظوظ هالشخص يا ناصر انت اللي كاتبهم ؟ ناصر : أي نعم ،‘ حليمه : صح لسانك ما تبغى تشارك ؟ ناصر : صح بدنك لا مشكوره ،‘ فمآن الله حليمه : فمان الكريم مشاهدينا اول مره يجيني اتصال مثل هذا ،‘ هههههههه حتى اول مره مارك هو يسكر من نفسه هههههههه على العموم اشكر كل اللي شاركو معاي اليوم ،‘ وبنهاية الحلقة ما اقدر اقول لكم الا انتروني باجر بنفس موعدنا حليمه بولند : ) // اللي في الصاله كلهم منصدمين مره .. وكلهم بصوت واحد : ناصر شاااااااااااااااااااااااعر ؟؟؟؟؟؟؟؟؟ بتول : روحو زين تلاقوه سارقها هههههههههههههه ،‘ انا اخته ما اعرف انه شاعر ؟؟ لا ومهو أي شاعر كمان نجود : هههههههههههه عجبتني فمان الله لما قالها كنه يكلم صاحبه مو برنامج الهنوف : حليمه ما ودها تسكر اول مره ما يقطعو الاتصال او يوقفوه عن الكلام العنود : طيب هو وينه الحين ؟ تو كان هنا نوف فوقها 100 علامة استفهام من كثر ماهي مصدومه بناصر شكت ان ا لشعر ذا مو فيها هي ،‘ ناصر اكيد يحب وحده ثانيه .. نجود : نوفه بالله وش شعورك نوف : بدون اهتمام شعوري بـ وت ؟؟ ولد عمتي اتصل و قال كلام عادي مع المذيعه وش اعمله ؟ اوقف اصفق له ؟ نجود : نوفه عاد بلا هبل تعملي حالك مو مهتمه عارفه انك طايره من جوا الماس : ااااااااااااه يا حظك الزين يا ختي اول مره احسدك على ناصر .. ياويلي لو احد يقول كذا بس وينه ؟ لو يجي بالغلط بس وينه ؟ بتول : هههههههههههه صدمني وربي تلاقيه انحرج وطلع البيت نجود : بالله نوفه ما ودك تسمعينها منه وجها لوجه انا من الصدمه نسيت وش قال !! نوف وقفت واتركتهم : هذي علامها ؟ الماس : اتركيهم هذيلا مجانين الغرام .. ومجانين الغرام يعملو اكثر من كذا بتول وتحط يدها على خدها : اقول لمو ؟ لمو : وت ؟ بتول : وين يبيعو رجال كذا ؟ ابغى اشتري واحد رومانسي .. ؟ لمو : هههههههههه لو اعرف كان جبت لي واحد وجبت لنجيد واحد نجود وهي تضم الماس بقوه : فديتك ما نسيتيني لو سمحتي ابغاه زي مهند بس على شكل سعودي لمو : ههههههههههههه ابعدي عني كيف صارت مهند وسعودي ؟؟؟ نجود بتفكير : والله مدري بس دبريه لي لمو : والله ان لقيت زي كذا ما اجيبه لك ،‘ لأتوحد فيه لحالي نجود : يمه منك تبيعيني عشان رجال لمو بتأكيد : اجل ابيعه عشانك بتول : وطو صوتكم والله بتفضحونا ههههههههههههههههههههه توقيع اليازيه : يارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي يارَبْ لا تدعني أصَاب بِالغرور إذا نَجَحْت وَلا باليأس إذا فْشلت بَل ذكّرني دائِـماً أن الفَشَل هَو التجَارب التي تسْـبِق النّجَاح. اليازيه غير متصل رد مع اقتباس