الفصل 6
الفصل السادس
عزيز في التاكسي يدور على مكان يروحله !!
عزيز ( أنا غبي كيف اطلع من البيت ؟؟؟ وين اروح الحين ؟ مالت علي يعني ماخذ موقف ؟ ) مافيه
الا صاحبي عادل اجلس عنده كم يوم اعدل اوضاعي فيها
...
الجوهره ونايمه في سرير امها : اقول يمه عزيز وين بيروح ماله مكان ؟
ساره : يا طيب قلبك يا اختي
الجوهره : ليه ؟
ساره بابتسامه : ولا شي صحيح يمه وينب يروح والله اني خايفه عليه
ام تركي وهي تخيط جلابيتها : الله اعلم ، ربي يحفظه ويستر عليه ويهديه ويرجع لعقله
الكل : آمين
........
/
بغرفته الواسعه واقف بثوب النوم ..
........... : ردي ردي
لا اله الا الله اعوذ بالله منك يا ابليس
ردي يا بنت ردي
بعد مده طويله
نوف برعب : لمووووو لمووو هذا ناصر ارد ؟
الماس : نعم ؟ اكيد ردي بياكلك ؟
نوف (قالت اكيد انه درى انها اقنعت سالم وجاي يهزئها على اللي عملته)
نوف وكأن براءه الكون فيها : هلا ناصر
ناصر وكأن احد يقوله روح اقتلها وفك نفسك : اموت على البرود والبراءه انا ،، وش اللي عملتيه ست نوف
نوف ( ياويلي يا ويلي ماقال نويف اكيد عرف) : ها وش عملت ؟
ناصر وهو يرجع شعره لورا بتجننه هالبنت : نوف انا فوقي جني يقول روح لبيت عمك وعلقها من رموشها
نوف وتحط يدها على قلبها : يمه ، ناصر وش هالكلام ، بسجن ابو غريب حنا ؟؟؟
ناصر : يعني تبغينها من الاخر ها
نوف بخوف : أ أكي أكيد
ناصر : سفره لتركيا مافيه وسالم معك
نوف وكأن كل شي انهدم : خير يا ناصر ؟ انا مسافره معه لحالنا ؟؟ اذا شاك فيني والا شاك بأخوك تعال معنا
ناصر : انا ماني فاضي اسافر والا كان سافرت لما طلبتني بتول ، انا لت لك سفره مع سالم مافيه فهمتي ؟
نوف بزعل: ناصر لا تصير كذا عاد ، والله انقهر اموت لو البنات يروحو من دوني (شوي وتبكي)
ناصر : عليك حركات يا نويف ماهي طبيعيه ترفع الضغط انا بنفجر شوي واكلمك
نوف بدلع : طيب لا تزعل
ناصر : قلت لك شوي اكلمك خليني اهدى
نوف : طااااااااايب
/
نوف وتناظر بألماس اللي ناقده عليها
نوف توقف وتجلس توقف وتجلس :الماس ولا كلمه عارفه وش بتقولين
الماس : انتي مجنونه ؟؟؟ خليك انتي عارفين من اول انك خبله ، ، بسألك ناصر مهبول ؟ صار فعقله شي ؟؟
نوف : ليه ، ايش فيه : (
الماس : روحاتك وطلعاتك للمولات وللعزايم والاعراس يتدخل فيها تقولين زوجك او ابوك مشيناها له
يجي هالحين يتدخل بسفرتك ؟؟؟؟ ليه عسى ما شر
نوف : انزين اسكتي انا طالعه احاكي ماما خلي جوالي معك واذا اتصل ناصر ردي عليه وناديني
الماس : فكيني فكيني اخذيه معك
نوف: لا فشله عند امي ، واخاف الاقي خويلد عندها وهو ماشاءالله ما يصدق يمسك علي شي
الماس : بس خالد يدري ان ناصرعنده رقمك ورقمي وش فيها
نوف : بس ناصر بالذات لا ،، ما يطيقه خير شر
/
:
الساعه 11 صبآحآ
البنات في السوق مافيه وقت ،‘ يا دوب يشترو اللي ناقصهم او اللي يعتقدون انه ناقصهم ما تركو شي في السوق ..
نوف نزلت معاهم المول مع انا ناصر لا دق عليها ولا شي .. بس هي في بالها رايحه رايحه تقنعه غصب
الساعه 2 على الغدا
دانه : مممممم والله ماهي شينه تصدقي ؟
نجود بألم : آه يا رجولي توجعني حسبي الله على ابليسك يا بتول مابقى مكان ماراحت له
اللي يسمعها يقول رايحه تقابل مهند ! آآآه
دانه : ها نجيد اقنعيني اروح بالله
نجود : والله انا وش دخلني تبغي تروحي كلمي جدي ، المغرب ماشين وماضنتي بيرضى حجز وانتهى الامر
دانه : هههههههه انا لو قررت اسافر يطلعولي تذكره من تحت الارض خليتيها مشكله الله يهداك ههههه
نجود : بطلع انام كم ساعه ورانا جهاد
دانه : انتي من جدك كل هالاكياس ليومين ؟؟
نجود وكنها تقول صادقه : هاه مدري ؟ يمكن ماخذها كلها جاو
..
الهنوف والعنود في الغرفه مقفلين شنطتهم من زماااااااااان وكل دقيقه يفتحونها ويدخلو شي
الريم وكن شخصيتها الحقيقيه ظهرت : ابغى اسافر
الهنوف : السفره بس للبنات
العنود : ههههههههههههه ممنوع اصطحاب الرجال اقصد المبزره
الريم : وجعه يا سخيفات يا طايشات يا تافهات
الهنوف : ياحرام قالت كل شي حافظته في المدرسه
العنود : تصدقي فوفه مادري ليه يسمو ابوي ابو البنات وهو عنده (وتضرب على ظهر الريم) هالسبع؟؟؟
الهنوف : ههههههههههههههههههه
الريم تبعد يد العنود : بنات قليلات ادب انا الغلطانه اللي افكر اسافر مع بنات معقدات
الهنوف والعنود : ههههههههههههههه
.
.
الاضاءه معدومه والتكيف بااااارد
يدور جواله اللي يرن بصوت عالي
..... بصوت نعسان : الووو
نوف : ناصر
يفتح عيونه ومن دون ما يناظر بالشاشه ولا يعرف مين المتصل : أهلين نويف
نوف : نويف تقولك تبغى تسافر مع سالم لانه زي اخوها و هي لا يمكن تخون الامانه مهما كانت
ناصر ويحكي بصعوبه : مو مسألة خيانه بس
نوف : الا مسأله خيانه دامك شككت فيني ،‘ والا انا وين وسالم وين
سالم يفتح الغرفه والليت كله فوجه ناصر : صباح الخيـــر نويصر / تحاكي صاحبك علي ؟؟؟
ناصر بصوت خشن : يوووه يا هالعلي هذا انت من وين طالع لي فيه ؟؟؟ اكلم مرسي وش تبغى بعدين سكر الباب ،، عيوني يابن الحلال
سالم بابتسامه خبيثه : طيب سلملي عليه
ناصر كمل حكيه : خلاص يا مرسي اللي تبيه يصير بس انتبه لحالك ترا
البنايه يقولو خرابه مره واحتمال تنهار بأي لحظه
سالم : وش بنايته ؟
نوف : ههههههههههه يعني وشو ناصر ؟؟ ترا ما افهم بسوالف المافيا انا ؟
ناصر وبابتسامه وكأنها خاصه بنوف لما تحاكيه : هههههههه عارف عارف اقصد سو اللي تبغى انا معطيك الضوء الاخضر الحين ارسلك مسج بالطلبات
نوف ولا فاهمه شي : ابشر يا استاز ناصر باااااااي
ناصر :باي
(سالم ومايدري وش الطبخه دام فيها مرسي انا وش دخلني ؟؟؟ )
(حسبي الله على عدوك يا ناصر عجزت ارقد)
اسمعيني سالم مالك دعوه فيه هو بجهه وانتي بجهه وان سمعتك محاكيته ياويلك مني
وانتبهي لحالك وانتبهي لتبوله تراها امانه عندك وطبعا باقي البنات وتركيا ماهيب سهله تخوف ، والله لو اقدر
اسافر معكم سافرت بس المشكله مضغوط مره ،،
انبسطي هناك عشان اذا جيتي تحكيلي ..
محبك الشاب الوسيم
ناصر : )
نوف : هههههههههههههههههههههههههههه ناصر يعرف اني اضحك لما يكتب محبك الشاب الوسيم يذكرني
بافلام ابيض واسود وليلحين وهو يكتبها
الماس وهي تعمل تسريحتها : والله محد ابيض واسود الا انتي وياه الناس تطورت صارت ملون وانتو مغبرين ،، مدري ليه ما تتزوجو وتفكو نفسكم ؟
نوف : الله يسمع منك ، بس تونا صغار
الماس تلف وجهها لنوف : بالله نوف لو تزوجين واحد غير ناصر وش بيصير ؟
نوف وكأنه حقيقه مو ضحك : اسمالله علي فال الله ولا فالك ، انا آخذ غير ناصر ؟ والله اموت قبلها ازين لي من
جدك انتي ؟ انا انام واصحى على اسمه ؟ وش ذنب الرجال اللي بآخذه ؟؟ هاه
الماس : بسم الله بسم الله قلنا مثلاااا يمه خوفتيني حسستيني انه جد الرجال واقف عند بابك
نوف : وهذا اللي صار قبل كم يوم تخيلي النذل خالد كان بيزوجني هذا صالح ولد الملياردير يمه منه قهرني !! وابوي فكني منه ما تشوفي ابوي بآخر الايام مهموم ؟؟ من كثر ما يحن فوق راسه خالد
الماس بصدمه : احلفي وليه ما دريت انا
نوف : بشاره هي ؟؟؟ تذكري اليوم اللي صحيتي فيه على صوتنا ؟ كان على هالموضوع !! والمشكله امي
معه ما تقدر ترفض له طلب قهروني يا لمو بس اشوه الموضوع ما طول الله يخليلي بابا
الماس تناظر فوق وكنها تحاول تتذكر : بسم الله ما اذكر
نوف : شفيك لمووو باليوم اللي صورناك فيه انا ونجود
الماس : صورتو ايش ؟
نوف : ههههههههههههههههه ما علمناك ؟؟؟؟؟
الماس :؟؟؟؟
نوف : هههههههههه نمتي على السلم وكنك من اللي في المجاعات يا حرام وصورناك انا ونجيد
نوف تكمل بخوف : وارسلنا الصوره لتبوله
الماس : كيف كيف كيف ؟؟؟ احلفي انه جد ؟
نوف ماسكه ضحكتها لان شكل الحرب قامت : وقفت وقامت من مكانها بهدوء واول ما وصلت الباب احلفت لألماس وهربت
الماس وراها بشعرها الطاير : انا اوريك والله لاصورك وارسلك لناصر يا نذله
نوف : ماتت ضحك وهي مختبيه ورا الطاوله اللي فوقها الابجوره في الصاله : خههههههههههههههههههههههههه والله تعبت وانا اجري ورانا طياره يا هبله
الماس : بخليك هالمره يا نوفه طيبببببب بس والله شغلك عندي
/
/
في المول :
......... : تكفى محمد أبغى احاكي ذيك ام عدسات ملونه
محمد صديق فارس : ما طلبت شي اصلا لو تعرف احنا عيال مين ماراح ترفض تعال بس
محمد : مرحبا يا قمر انا اقول ليه منور المكان طلعتي فيه ؟؟
البنت : ساكته ما ردت
امها بنظره تخوف : اذلف انت وياه لا اعلمكم المكان منور ليه يا قليلين الحيا
فارس مهو متعود على هالحكي ،، دوم مغازله راقي بس مع محمد يتجرأ شوي
فارس: لو سمحتي خاله بلا غلط ،، دام مافيه نصيب ندور على غيرها ،، امش محمد
الام : مشى بطنك انت وياه قل امين ،، حنا الغلطانين الحين ؟؟؟
محمد بصوت هادي : الله يهداك وش ادور على غيرها ؟؟؟ صخله هي ؟؟
الام : اطلعو لا انادي الهيئئه برا
عبدالعزيز : مرحبا ناصر
ناصر :اهلين بالغالي كيفك
عبدالعزيز : طيب الحمد لله انت كيف حالك ؟
ناصر : أبد والله كل شي تمام .. عندك شي الحين
عبدالعزيز ويعمل حاله مشغول : ممممممممم يمكن اطلع التحليه
ناصر : اتركه عنك وتعال بيتنا عازمك على احلى عشا .. ؟
عبدالعزيز : والله مدري وش اقولك ، بس انا بغيتك بموضوع
ناصر : حياك عندي الليله وانت تامر
عبدالعزيز : خلاص تم سلم يالغالي
ناصر: الله يسلمك فمان الله
يتبع الفصل السادس
في الطياره :
سآمي وبجنبة الهنوف والعنود وبتول
وخلفه سالم و نجود ونوف
والماس لوحدها (ومعصبه على الكل ليه يتركوها كذا لوحدها)
..
نجود بهدوء : نوفه متى نطلع من هالعباه مضايقتني
نوف : هههههههه تحملينها سنين مانتي قادره تحمليها كم ساعه ؟؟؟ اثقلي ما تشوفين الشباب اللي هناك والعايله اللي هناك ترا كله سعودين
نجود : لا لا اللي هناك كويتين سمعتهم انا حكيهم كويتي
نوف : دامك عارفه اعقلي واصبري
نجود : اففففففففففف
الهنوف مبسوطه انها جالسه بجنب جدها تبغى تطلع عقد المدرسه 12 سنه فيه : جدو جدو
سامي وهو مندمج يقرا الجريده : هه
الهنوف : ليه شنباتك بيض ؟
سامي ينزل النظاره شوي : وشو ؟؟؟ ماكني سمعت زين
العنود تقفز تآزر توأمها : تقصد ليه ما تصبغهم انت توك شباب
سامي : بتسكتو والا كيف ؟؟
بتول : بس يا بنات عيب عليكم ، اقول جدي ؟
سامي : هلا
بتول : ليه ما تصبغ شنباتك ؟
الهنوف والعنود :هههههههههههههههههههههههههههههه
بتول : ترجع لمكانها : امزح امزح
سامي بصوت يخوف : اسمعني انتن الثلاثه والله لرجعك لمكانك يا بتول بجنب الشايب اللي هناك وانتن يالثنتين ارجعكن عند سالم
الهنوف والعنود : لا لا توبه خلاص
..
سالم يشاخر من اول ماركبو السياره ماهو قادر يتحمل وحط راسه ورقد
نوف بصوت خفيف : انا مدري ليه ناصر يقولي لا تحاكي سالم ،، كيف احاكيه وهو طول الطريق راقد ؟
نجود : ههههههه اي والله ، ، ياختي ازعجني بصوته ودي احطه (ميوت )
نوف : خلينا نزعجه نصحيه والله نتسلى
نجود : هههههههههههه
نوف : وش يضحكك
نجود : عجبتني الحركه عاد سالم ما يعرف التعصيب عليه برود اعصاب مش نورمال
نوف وهي تسحب عقاله بهدوووءه وتترك غترته لوحدها وكأنه مطوع وهو دينه والمطاوعه ما يطيقهم استغفر الله
نجود : هههههههههه تحرك تحرك
نوف : اشششششششش ( وتكمل : سحبت فرده من جزماته وحطتها مع العقال تحت شنطتها)
نجود : هههههههههههههه لا لا حرام والله تحرجيه
نوف : يستاهل ليه يقهر ناصر هههههههه
نجود: يمه منك ،
نوف وتعدل جلستها وترخي راسها على الكرسي : بقى ساعه تقريبا نامي
نجود : عشان اذا صحى يلقانا نايمات هههههههه
نوف بضحكه خبثه : ههههههههههههههه ما شاف شي
/
/
عبدالعزيز وموقف التاكسي بعيد عن قصر ابو سالم منعا للارحاج وعشان ما يشوفه ناصر
يناظر في الحديقه اللي اكبر من بيته( وش ذا العز كله يا نويصر جد ناس عندها بس ما تستاهل انا لو هذا
بيتي ما اطلع منه اعيش واموت فيه )
مشوار ليما وصل للمجلس
ناصر :هلا هلا مرحبا والله
حي الله من جانا
نورت القصر
عزيز ما يعرف وش يناظر الاثاث والا الزل والا الشبابيك والا الترخيم والا اللوحات والا المواعين الفخمه
عزيز : الله يحييك ويبقيك
ناصر: القهوه يا ولد ، كيفك ؟
عزيز : طيب الحمد لله
وبعد السوالف العاديه واخذ وهات تكلم عبدالعزيز وليته ما تكلم
عزيز يعدل جلسته : والله يا ناصر انا جايك بخدمه وياليت ما تردني
ناصر بثقه : آمر اطلب ويجيك لعندك
عزيز : انا يا ناصر ما ودي احسسك اني مستغلك ، ودي ما اصدمك بالحكي اللي راح اقوله
ناصر : تراك خوفتني وش هي سالفه ؟
عزيز : انا ماني بس خويك
ناصر : عارف انت اخوي يا عزيز
عزيز ينزل نظره للارض : لا ما اقصد كذا انا ولد خالتك
ناصر بصدمه باينه على تعابير وجهه : خير ؟؟ كيف جت هذي ؟؟
عزيز : والله هذا الصحيح ،‘ ماكنت حاب اعلمك لكن هذي الحقيقه واذا منت مصدقني انشد جدي سامي او جدتي سلمى وهم يخبروك
ناصر : انا اتوقع كل شي يا عزيز لكن ما عليه الخبر صدمني لانو والله توني اعرف منك ان عندي خاله !!!
عزيز : والله لوما الحاجه ما جيت ـ، انا بيني وبين اهلي مشاكل ومالقيت لي مكان اروح له واول من جا فبالي انت
ناصر : افا عليك يا عزيز انت صاحبي والحين ولد خالتي وحسبة اخوي انت بعيوني ياغالي دقايق بس ويجهزولك احلى غرفة
عزيز : واهلك طيب ؟
ناصر: اهلي هم اهلك يا عزيز بعدين جدي اذا عرف اكيد بيجيبك لقصره
عزيز بحزن : لا بالعكس جدي اذا عرف يا ناصر بيزعل ويعصب طالبك مابغى حد يعرف بهالموضوع ولا احد
ناصر : ممكن اعرف ليه ؟
عزيز : ممممم لان لان لان مابي ازعج احد بمشاكلي وجدي كأن فيه مشكله بينه وبين امي
ناصر وهو يفكر : شكلها مشكله كبيره بعد لان انا ما كنت اعرف ان عندي خاله , معقوله ؟؟؟ من يصدق ؟ طيب وش اسمها عندك اكبر منك ؟؟
عزيز بفرحه داخليه : اسمها منيره ، وعندها تركي الكبير وساره اكبر مني على اسم امك اللي هي خالتي وعندنا الجوهره اصغر مني
ناصر : تركي وش كبره
عزيز : داخل في 31
ناصر : نعم ؟؟؟؟ هي خالتي منيره اكبر من خالي راشد ابو خالد ؟؟؟؟ من جدك انت ؟؟؟
عزيز : اي والله ياخوك ، وانا ماودي اضيق عليك بس الله اعلم بالحال
ناصر : لا تقول هالحكي يا عزيز خلاص انت واحد منا وفينا ولك مني محد يجرحك ولا يحاكيك البيت بيتك خذ
راحتك وبدل الغرفه اللي داخل القصر انا بترك امي تجهز لك الملحق حتى تاخذ راحتك دامك ما تبغاهم يعرفو .. !
عزيز : الله يرحم والديك ويجزاك خيـر هذا من طيب اصلك يا ناصر
/
/
نجود في الحمام : نوفه نوفه
نوفه : هلا
نجود : عبايتي نشبت في راسي ماهي براضيه تحرك
نوفه : ياويلي على الدفاشه بشويش تطلع
نجود : والله مانيب قادره تكفين ابغى اطلع ،، واسحبيها بسرعه ،، فيه احد برا ؟
نوفه : لا لا بسرعه اطلعي
الناس في الطياره كلهم نايمين نجود واقفه بممر الحمامات وتتلفت يمين وشمال : اسحبي اسحبي
نوف : ههههههههههههه يلعن يومك ليه ضيقه كذا
نجود بعصبيه : اسحبيها بعدين اضحكي
نوف : ههههههههههههه يلا قاعده اسحب
......... : لو سمحتي ممكن شوي ابغى امر (كاتم الضحكه)
نجود طايره عيونها من الصدمه ودخلت الحمام بسرعه بغت تطيح في الارض
نوف ما هي قادره تكتم ضحكتها: هههههههههههههههههههههههههه
الشاب يناظر بنوف : ههههههههههههههه الله يعينكم
نوف اول ماشافته : سكتت وماردت عليه كسرت خاطرها نجيد
*البنات كلهم جينزات مختلفه على تي شيرتات متشابهه بيضآ ضيقه *
نوف : احس اني مفصخه هههههههههههههه
نجود وهم في مطار أنقره : هههههههههه اسكتي انا اشوفكم واحس اني فالبيت
الهنوف : لا والله عاااااادي
العنود : اي والله براد ههههههه
الماس وبتول ماسكين يد بعض : أحس كأنآ اول مره نخلع عبينا
سامي : يآ بنات ما شفتو سالم وينه ؟
نجود ونوف كأنهم شاربات شي : هههههههههههههههه ههههههههههههههههههههه
سامي : خلاص يا بنات عيب حنا فمكان عام
نوف : احم جدي من الطياره ما شفناه
نجود ماسكه ضحكتها : هذا هو جا
نوف تغمز لنجود يعني اسكتي
سالم جايهم وهو فرحان هاي (يناظر بنوف ونجود ويبتسم يبغى يقهرهم) أكيد هم اللي عاملين كذا
سالم : الحمد لله اني ماخذ معي جزمه زياده صارلي موقف مو حلو بالمره في الطياره تخيلو أمشي بجزمه وحده ههههههههههه
نوف : ههههههههههههههههه
نجود بصوت هادي : يا برود اعصابه ،‘
سامي : ماعلينا انا تعبان ،‘ ابغى ارتاح بالفندق
البنات : وحنا كمان
احلى مافي السفره لما يناظرو بسالم وهو يناظر بنت تركيه يفطسو من الضحك على شكله
ههههههههههههههه
الريم جالسه لوحدها في البيت تلعب بلي ستيشن في الصاله
ودخل عليها ابوها حرام كسرت خاطره
ابو دانه : ها ريما ليه ما نمتي ؟؟
الريم تتثاوب : لا يبه تو الناس ؟
ابو دانه : طفشانه صح ؟؟ وين دانه عنك
الريم لا مبالاه : بالعكس اريح من غثا البنات البيت أحلى بلا ازعاجهم ،،
ابو دانه: طيب وين دانه تونسك ؟
الريم: يعني ما تعرف دانه يبه ؟ 24 ساعه راقده على سماعة الجوال
ابو دانه : كيف يعني ؟؟ هي ماهي نايمه
الريم: مدري مدري
ابو دانه وقف وطلع لدانه فوق
دانه حست احد جا : يلا احاكيك بعدين باي
ابو دانه اول ما دخل لقى بنته نايمه او بالاحرى تمثل انها نايمه
: ظلمتك يا دانه / طلع وسكر الباب وراه
/
ساره تناظر في التلفزيون مع عيالها
فارس : يمه وش ذا فيه احط يحط على هالقناه التافهه والله كذابين يمه كيف تناظري فيهم
ساره ام سالم : وانت وش دخلك ؟؟ اكثر مافي القصر التلفزيونات رح شف اللي تبي وخلني اتابع برنامجي
فارس ويلزق بجنب امه : افا يا ام سالم فيه حد يحصل القرب منك ويدور مكان غيره ؟؟؟ خلاص ابغى اتابع معك اهم شي قربك
ساره : فديتك والله ،، يمه ناصر انت مصخن ؟؟ وراك ساكت ماهي عادتك
ناصر بحيره : ماني عارف كيف اقنع ابوي اترك صديقي كم يوم في الملحق !!
ساره : مثل ما قلت لك ،‘ قل له الحقيقه .. قل انه محتاج مكان يلفيه كم يوم !!
ناصر وهو متضايق انه مخبي على امه : ما تعرفي ابوي يمه ؟؟؟ بيعطيني فلوس وبيقول احجز له بأي فندق !! وانا ابغاه هنا
ساره : وانت ليه تبغاه هنا ؟؟ الفندق ازين له ؟؟ فاتحين سبيل حنا
ناصر : عنده ظروف يمه ما يبغى فندق تراه يقدر يستاجر له فندق بس هو يبغى عند احد من اصحابه
ساره بخوووف : لا يكون هارب من السجن !!
ناصر : ههههههههههه وش دعوه يمه انا ربعي خريجين سجون !! لا بس ابغى حل لهالمشكله ابوي الحين
جاي من الشركه لا حول ولا قوة الا باللله
//
سلمى : نوره يمه قربي الرطب عند خالد
نوره : ابشري يا جده
خالد وياخذ تمره : تسلمين يا قلبي
ام خالد : اقول خالد دقيت على خواتك ؟؟ حاكيتهم ؟
خالد : يمه لا تحاتين جدي وسالم معهم
نوره : كلمهم يا خالد حرام عمتي اول مره تتركهم يسافرو لوحدهم بدونها
خالد : ابشري يمه
سلمى : وصلو يعني ؟
نوره : اكيد وصلو الحين تلاقيهم في الفندق
خالد : الووو هلا سالم كيفك
سالم : بخير الله يسلمك ابشرك وصلنا بالسلامه وحنا في الفندق الحين
خالد : الحمد لله على السلامه ،‘ اذا البنات عندك ابغى احاكيهم لو ما عليك امر
سالم : والله يا خالد البنات نايمات بغرفهم جايين تعبانيين
خالد : خلاص اجل انتبه لهم تكفى تراهم ملاقيف ما يجلسون فمكان واحد ما اوصيك
سالم : افا عليك لا تهتم ،‘
//
//
عبدالعزيز جالس طفشان في الملحق يفر بهالقنوات ويحاكي اصحابه وما يدري وش ينتظره
ناصر وهو داخل بابتسامه عريضه: مسا الخير
عزيز : مسا النور ، بشر
ناصر : افا عليك الاهل كلهم يرحبون ويهلون فيك
عزيز : الله يجزاك خيـر :*
ناصر : ولو ياخوي مابينا هالكلام ، انا وصيت الخدم ينزلولك كل وجبه لهنا وانت مرتاح اخاف ياخوي تروح علي نومه
عزيز : بيض الله وجهك
ناصر وهو يوقف من مكانه : ووجهك ابيض ،‘ اتركك ترتاح سلآم
صبآح تركيآ غيـر
وصبآح الطبيعه هناك غيـر
وصبآح في ديرة فيهآ بنآت السآمي أكيد بتكون غيـر
نوف : تفرش اسنانها
نجود : تدور في شنطتها أحلى بدله عشان تلبسها هذا بيت مهند ونور مو أي بيت
الهنوف والعنود : تعبانات وللحين في فرشهم
بتول : تحط ميك أب خفيف وناعم
والماس كالعادة جالسه عند جدها ومطلعه له قرون من كثر اسئلتها
واول مره تخلص اول وحده
الماس تحاكي نوف : والله ماني مصدقه انا تاطى رجلي بيت مهند آه يا قلبي
نوفه : اذكري الله لا يصير فينا شي
الهنوف وهي طالعه وهي تقفز وترفع جينزها ولما شافت جدها وقفت : لا تشفحينا يرحم امك
سامي وهو يوقف يبغى يطلع مع رجاله لشغلهم : والله ماني عارف كيف تدخلو بيوت الناس ما تستحون ؟؟
وين المتعه في ذا ؟؟
سالم وهو واقف على باب غرفته : جدي هذي نور وش عرفك انت ؟؟
سامي : اقول انا طالع وتارك لك البنات امانه سلام
نوف : يلا سالم تكفى يلا والله تأخرنا ترا له وقت معين ان تأخرنا خلاص ماعاد ندخل
سالم يناظر فنوف بلبسها اللي لو حد شافها يغمى عليه : من عنوني
نوف تكلم نجود وهي ماسكه رقبتها بخوف : والله والله لو يعرف ناصر اني لابسه كذا وعند سالم والله ليعلق رقبتي
نجود : محد معلمه امشي بس
//
.
......... : خلاص اجل دامها كذا علمني من ولده ؟
ناصر : يا يبه يا قلبي انت وش له تعرف اسم ابوه وش يهمك فيه ؟؟
ابو سالم : ناصر تراي مدخله هالحين لان بتول ماهي فيه وان رجعت بتول مابغى اشوفه منت خايف على اختك
ناصر : يبه واللي يرحم والديك انا ضامنه مثل ما اظمن نايف والا خالد اذكر الله
ابو سالم : انت تعرفني انا والله ماعندي مانع اخذ اللي تبي من البنك وسكنه بأي فندق بس دامك مصر خله يجلس يومين ويتوكل على الله
ناصر : يصير خير يبه ،،
................... !
/
نوفه : زحمه وش ذا
الهنوف : ابعدي عني وش بلاك لازقه فوجهي ؟
الهنوف : كلنا في الزحمه افففف
نوفه : ماني قادره اتحمل وربي ابغى اطلع عساي م شفت بيت هالغبره
نجود : والله ما اطلع لو اتقطع قدامكم
نوفه : وع ما اتحمل وربي
والناس اللي في الزحمه اغلبهم خليجيين
بتول : حره حررررررره وصلت ..
نجود وتدخل نفسها غصب : اخذيني معك
الماس : واااااااو
نجود : لمو لمو تذكري لما كان واقف هنا ؟؟؟
الهنوف : ياليتني تابعت المسلسل كان اندمجت زيكم ؟؟
العنود : انا برجع وبشوفه ان شاءالله
نجود : لمو لمووووو هنا يخلعو بالطواتهم وجزمهم
شاب سعودي : لو سمحتى ممكن توسعيلي مجال ؟
الماس : خير يا اخ هذا المجال مفتوح البنت ماهي يمك
الشاب وهو يشعل الزقاره : وانتي وش دخلك ؟ انا ما حاكيتك انا حاكيت ام كحلي
نجود ما تعرف ترد : .......
الماس : احترم نفسك واعرف من تحاكي ،‘ قليل ادب حتى هنا لاحقينا اف
الشاب : هيه انتي ابعرف وش مغروره عليه اذا حاكيتك ردي
نجود : خلاص لمو امشي خلاص
.......
سالم : ليه ما دخلتي ؟
نوف بتأفف : ما احب الزحمه
سالم : ماشاءالله عليك ما تهمك هالسخافه
نوف وكأن كلام ناصر مر قدامها : عن اذنك
سالم : هذي وش فيها علي ؟؟ متغيره مره ؟ ماهي نوف الذوق .. !!!
..
...
راحت نوف تتمشى بجنب الفيلا وفجآه رن جوالها ..
ناصر بحب : الووووووو
نوف طايره من الفرحه : أهلين
ناصر : كيفك نويف ؟
نوف : بخير وانت ؟
ناصر : ابد طيب الحمد لله اشتقت لك
نوف : لا تكذب ناصر امس شايفتك ههه
ناصر : والله أكلمك جد
نوف تغير السالفه : طيب وينك ؟
ناصر : جالس افتر بشوارع الرياض وحشتني
نوف وهي تلعب في ميدالية جوالها : لوحدك ؟
ناصر : وش رايك انتي ؟ يعني معقوله اكلمك وفيه جنس مخلوق عندي ؟
نوف : بس أسأل
ناصر :حاكيتي امك ؟
نوف : أي توني مسكره منها
ناصر : وش لابسه طيب ؟
نوف بربكه : ملابسي والله وملابسي
ناصر : وانا قايل انك سارقتهم هههههههه
نوف : لا اقصد تنوره طويله مررررررررررره وبدي كمه طويل طووووووويل مررررررررررره كلنا البنات لابسين زي كذا
ناصر : اها زين زين (وتغير صوته ) كيف سالم معك ؟
نوف : لا كل شي تمام ..
ناصر : حلو ..
نوف : ناصر ناصر انا لازم اسكر البنات جو وسالم مععهم
ناصر : ربي يحفظكم فمان الله
غبت لك يومين و أشقتني الظنون
................................... بين خآن , وبين ملّ , وبين بآع
ليه أفكر ! خوف منك , لآ تخون
................................... و انت خطوآتك طُهر في كل قآع
*ناصر بتفكير : هذا وانتي غبت كم يوم كيف اتحمل اسبوع ، ااااااااف يا شينك يالرياض احس فيه شي ناقص ّّ! *
..
/
سالم : ما طولتو !!
نجود : هاه ؟
سالم : وشو اللي هاه اقول ما طولتو ؟
نجود : ايه لان مسكرين الدور الثاني ! بس تفرجنا على الدور الاول
.................................................. ........................
المغرب الساعه 6 .. !
في بيت ابو تركي
منيره : تعرفي انا من ايش خايفه ؟
الجوهره: وشو يمه ؟
منيره: عزيز ما يهاب احد واللي براسه يعمله ،‘ اخاف يروح لأبوي ويخرب كل شي
الجوهره باهتمام: طيب واذا راح لهم وش بيصير ؟
منيره وكنها تشوف ولدها قدامها يموت : بتصير مصايب !!! والله ليروح ولدي مني
الجوهره : وش دعوه يمه مافي قانون !! وش ذي الحياه !!!
منيره : خليها على ربك الله يستر ..
//
بنات السامي في نصف تركيا (انقره ) ومعهم سالم يفرفرو بهالمولات اللي تنعد عالاصابع
نوف وهي تمسك بيد بتول : سالم انا هنا بدخل هالمحل انا وتبوله
نجود : سالم ماصارت ترا ،، اقولك رجولي توجعني بنجلس بأي كوفي شوي
الماس وهي تمشي بغرور وكأن كل اللي في المول يناظرو فيها
وتبغى تستعرض : قلت لكم ما نبغى هالعجوزه تجي معنا ما امدانا دخلنا الا وتمسك رجولها
نجود وهي تبعد نظرها عن الماس : اللهم طولك يا روح
سالم : يا كثر هواشكم توني انتبه انكم كذا ما تعرفو تجلسو بدون مرادد
نجود : انا رايحه انتو كيفكم
الماس : وانا طالعه مع نوف
سالم راح يرتاح مع نجود والهنوف والعنود ماهو متعود يمشي كل هالمشي
/
بتول تناظر باللي يبيعوتهمس لنوفه : نوفه نوفه بالله عليك ما يشابه احمد عز
نوفه وهي تأشر بيدها على الرجال بوضوح : تقصدي هذا ؟؟؟؟
بتول وهي تقرب منه : يمه نسخته (تناظره وتكمل) والله أحس اخوه يا زينه نوفه
نوفه وكنها لاحظت الشبه صايحت : لموووووووو تعالي شوفي يشابه احـ ....
وقبل ما تكمل حكيها قال البايع : تفدلوا شو بتأمرو بقدر أخدمكن ؟؟
البنات يناظرو فبعض !!!!
نوفه حطت يدها على وجهها
بتول فتحت فمها عالاخر : ياويلي ؟ عربي
البايع : ههههههههه
الماس : تسحبهم امشو الله يفضحكم ،‘ والله ما تستحو تصايحو بالمحل والله لو بالرياض ما ينسمع الا همسكم
نوفه وهي مو مصدقه كيف كان شكلها قباله : والله انحرجت كله منك يالمشفوحه كله منك تبوله
بتول وبعد الصدمه جلست تضحك : هههههههههههههههههههه
خلاص عاد وش فيكم ؟ ما يعرفكم ولا تعرفيونه ليه متفشلات لا
تخجلون تيكت إيزي
نوف تكش عليها وتكمل مشيها
.................................................. .
نجود تناظر بسالم من فوق لتحت وهو يشرب العصير
وتقول فقلبها : اشوفك وين يا مهاجر هههههههه مالت عليك يا
مصخره والله انك خبل طحت من عيني
سالم : وش فيك نجود تناظرين ؟؟ مشبهه ؟؟ ههههه
نجود لايعه كبدها ودها ترجع : لا بس جوعانه
سالم : الحين نتغدا بس انتظري البنات عشان نطلع للفندق طفشت من المشي
نجود فقلبها (سالم ودكم تناظرون فيه وما يحكي ،، كل ما يحكي تتغير صورته فبالنا)
سالم انسان بارد ،‘ يمكن ما يحب يظلم احد لكن مصلحته اهم من
كل شي وحقوقه ما يتنازل عنها .. عنده ايجابيات بس سلبياته اكثر
بكثير ما عنده طموح والدليل درس بالتجاره بس عشان يشتغل
بشركة جده ..
مو زي خالد اللي درس هندسه بعدها كمل سنتين تجاره
ومو زي نايف اللي قرر من الثانويه يدرس هندسه ويحقق اللي يبغاه
ولا هو زي ناصر اللي متفوق بدراسته في الجامعه ودايم ياخذ امتياز مع مرتبة الشرف .. يدرس علوم سياسيه ودوليه
البنات رجعو للفندق وما حسو في نفسهم الا هم لابسين بجايمهم وغاسلين ميك أبهم و مفرشين اسنانهم ونااااااااااااااامو نوم بس مو عميق
يبغو يستغلو كل دقيقه
...