كنت في عز الثبات لين شفتك وانهزمت - الفصل 88 - بقلم ريناد | روايتك

البــــــــــــــــــــ الثامن والثمانين ـــــــارت ببيت ابو نواف نزلت بهدوء وصدمت بام نواف عهود بتعب:.اسفه م قاطعتها ام نواف:.وعمى ان شاء الله ما تشوفين انتي؟؟ عهود:.والله ما شفتك ام نواف:.لا تكذبين انا عارفتك زين عهود:.وشدعوه يا ام نواف قلت لك بالغلط ام نواف:.هالمره بعديها من كيفي مو حباً فيك وراحت وعهود مسكت راسها بالم وهمست:.الله يعين وتوجهت للمطبخ واخذت كاسه مويه وشربتها ولفت على صوت ام خالد:.عهود وش فيك ؟ عهود:.راسي يعورني شوي ام خالد:.روحي ارتاحي مجيد ما بيجي الحين هزت راسها وطلعت لغرفتها . . . وصلوا ونزلت جنى وهي تصارخ:.واووو هذا بيتك؟؟ نواف وهو ينزل شنطتها:.ايه بيتي جنى:.اكيد حلو دامه لك وركضت قدّامه ونواف مشى وراها ورن الجرس جنى وهي تضحك:.وعندك خدامه بعد نواف كان بيتكلم بس سكت وهو يشوف حنين اللي فتحت لهم الباب وهي مبتسمه:.هلا جنى توسعت عيونها وصرخت::خدامتك تجنن ياربي !! حنين عقدت حواجبها بصدمه:.عفوا؟؟ نواف بهدوء :.جنى هذي حنين زوجتي جنى طالعت بحنين بصدمه ولمعت عيونها بحزن:.زوجتك! نواف:.ايه زوجتي سلمي عليها يلا جنى مدت يدها ببرود:.سلام حنين ابتسمت:.هلا حبيبتي تفضلي دخلوا ونواف ملاحظ فرحه جنى اللي اختفت بس كان عاجبه هالشي لازم تعرف انه مو لها جلست على الكنب:.ليش ما عزمتني على عرسك نواف:.ما يحتاج اعيد واقولك انه ابوك جنى ناظرت في حنين:.ابي مويه بارده حنين:.الحين اجيب ارتاحي وراحت حنين وجنى تناظر فيها بغيره وبعدها لفت على نواف:.ماتحملت تنتظرني سنه وحده بس؟ نواف بهدوء:.جنى!!! جنى مدت يدها ومسكت يده:.دايم تصارخ علي انت نسيت الوعد اللي وعدنا بعضنا ؟؟ نواف:.انا ما وعدتك يا جنى خلاص انتي لازم تعرفين اني مو نواف الاول الحين انا متزوج جنى:.بس انت صديقي ما اتحمل وحده تاخذك مني نواف:.كبرنا يا جنى متى تكبرين جنى وهي تشوف حنين اللي كانت واقفه ومصدومه انها ماسكه يد نواف:.اففف خلاص ابي انام سحب يده ووقف:.روحي على هالغرفه وارتاحي وبكرا بنروح لعمتي جنى وهي مو مهتمه لوجود حنين:.اوك نوافي وراحت وهي تضحك حنين وهي تعطيه كاسه المويه وتهمس:.نوافي!! نواف:.قلتي شي؟ حنين:.لا ما قلت شي بس وين اخوها؟ نواف:.خالد مسافر وبس جنى موجوده حنين ابتسمت وهي تحاول انها ما تعطي الموضوع اي اهميه لانه واضح على جنى انها طفله لسا نواف مسك يدها:.فيك شي ليش اليوم ساكته حنين:.لا مافيني شي خليني اقوم اجهز للعشا . . الساعه ١٠:٢٢ تحديداً ببيت ابو نواف دخل وهو يشيل شماغه والتعب واضح عليه سلم على الكل وجلس وكان يناظر في ديما ديما:.يبه فيك شي ليش تناظرني ابو نواف:.توني انتبه انك صرتي كبيره وصارت الناس تتقدم لك اختفت ابتسامتها وتملكها الخوف:.هاه عهود بهدوء:.وش فيك عيونك على البنت ابو نواف:.فيه واحد متقدم لديما ام نواف قامت وبصدمه:.وش سمعت؟؟ شوق:.يمه اجلسي وش فيك وقفتي كذا ام نواف:.مين تقدم لبنتي؟ ابو نواف بهدوء:.بصراحه واحد بالشغل معنا الرجال ما عليه كلام وكلمني كثير واليوم حبيت أفاتح ديما فيه ام نواف:.بس ديما باقي صغيره ماكانت معهم كان تفكيرها في عبدالرحمن وتوها تستوعب انها تحبه ومستحيل تكون لغيره قامت وكانت بتروح بس ابو نواف:.يا بنتي اجلسي باخذ رايك ديما:.مو موافقه ابو نواف:.بس يا بنتي الرجال ما عليه كلام والكل يمدح فيه ديما:.يبه قلت لك مو موافقه ومابي اتزوج الحين شوق بهدوء:.طيب وش اسمه يبه ممكن انا اوافق عليه ام نواف:.يا قليله الحيا ابو نواف:.اسمه عبدالرحمن توسعت عيون ديما ولعنت نفسها مليون مره وطلعت تركض وقامت وراها شوق دخلت للغرفه ولقتها تشد شعرها شوق:.يا مجنونه وش تسوين ديما:.هو انا رفضته رفضته ياربي وش اسوي بنفسي شوق:.اهدي ولا تسوين بنفسك كذا ديما:.كيف تبين اهدى هو قال انتظريني يعني كان قصده انه بيتقدم لي ياربي شوق:.ابوي ما عرف يتكلم انتي ما غلطتي ديما:.انا حماره مفروض اسال وش اسمه شوق:.بيتقدم لك مره ثانيه ان شاء الله ديما:.ليش حظي كذا شوق:.طلعتي تحبينه طيب وش اللي عرفك انه نفس صديق نواف؟؟ ديما:.ومين غيره يالله وش سويت انا شوق:.تبين اقنع امي تفهم ابوي بطريقتها انك تسرعتي تنهدت ديما وهي تفكر . . . رن جواله واخذه ابو نواف ورد:.هلا يا ولدي عبدالرحمن:.اعذرني ازعجتك بس انت ما اتصلت ابو نواف:.والله يا ولدي مادري وش اقولك بس نصيبك مو عندنا عبدالرحمن انصدم والتزم الصمت وهو يفكر ليش ترفضه وش السبب ابو نواف:.ما عليه يا ولدي هذا النصيب والبنت مو موافقه ويعلم الله اني ما كنت ابي غيرك عبدالرحمن بهدوء:.اكلمك بعدين فمان الله .. يتبع...... ـــــــــــــــــــــــــــــــــــــــــــــــــــــــــــ