كنت في عز الثبات لين شفتك وانهزمت - الفصل 87 - بقلم ريناد | روايتك

البــــــــــــــــــــ السابع والثمانين ـــــــارت نزلت راسها وهي تمسح دموعها:.ويوم اكلمك ما تسمع لي لهدرجه اللي باللابتوب اهم مني؟؟ ابتسم وجوري انقهرت وبكت:.لا تضحك انا إتكلم جد!! تركي بحنيه:.تبكين بس عشان كذا ؟ جوري:.انا ما احب احد يتجاهلني تركي رفع وجهها وأجبرها تناظر فيه:.مافيه شي اهم منك بس هالشغل كان لازم أخلصه عشان افضى لك وانا اسف مسحت دموعها:.عادي تركي وهو يمسح خشم جوري:.شوفي خشمك كيف صار احمر يا طفله ضربت يده ووقفت:.انا مو طفله تركي وهو يوقف:.اجل هالحركات وش تسمينها جوري:.بعد عني مابي اعديك تركي وهو يحوطها من خصرها ويسحبها ناحيته:.كل شي منك حلو . . ببيت ابو نواف كانوا جالسين وكل وحده على جوالها ديما وهي تنزل جوالها:.حنين قالت لي انها راح تكلم نواف وتقنعه يجيب عيال عمتي شوق بصدمه:.قصدك جنى بنت عمتي!! ديما:.يا عمري حنين هي ما تعرف عن شي شوق:.طيب ما تدرين ممكن تغيرت ديما:.مستحيل تتغير اعرفها شوق:.الله يعين وقطع عليهم دخول ام خالد:.وين أمكم ديما:.هلا عمتي امي فوق.. ام خالد:.شخبارها حنين وعسى ما فيها شي؟ ديما:.بخير وتسلم عليك ام خالد ابتسمت . . . جلست قدّامه وبحركه طفوليه عقدت حواجبها:.لايكون نسيت نواف انت وعدتني نواف ابتسم بهدوء:.ما نسيت والحين بكلمه حنين:.لا لا احسن روح قابله وتفاهموا بالجوال ما يصلح نواف:.ابعرف ليش مصره علي هالشي حنين:.المسكينه تبي عيالها وانا ما اقدر نواف:.كم لها ما شافتهم من زمان حنين:.اول هذا الكلام يوم ما كنت موجوده الحين ما برضى الا وانا اشوفهم حولينها نواف:.يلا اجل بطلع اشوفه حنين:.واذا وافق جيبهم معك عشان نسوي لها مفاجاه ابتسم على حركاتها وطلع وحنين دعت من كل قلبها يصير اللي تبيه وتفرح ام خالد . . عند تركي وجوري كانت تقلب بجوالها وهي تراقب الوقت تنهدت وهي تفكر اذا تصحيه او لا وبعد ثواني دخلت للغرفه وهي تشغل النور وتتكلم بهدوء:.تركي قوم طفشت لحالي خلينا نطلع فتح عيونه وناظر فيها:.اساسا ماكنت نايم جوري بستغراب:.ليش؟ تركي:.مدري حاولت انام ما قدرت جوري:.طيب قوم نطلع شوي قام وتوجه للحمام وجوري راحت تجهز له ملابسه .. . . كان جالس وكل فتره ياخذ رشفه من القهوه وينتظر زوج عمته ناظر ساعته بتملل وبعد ثواني رفع راسه على صوت طليق عمته:.السلام عليكم وقف نواف وكالعاده تكلم بهدوء:.وعليكم السلام تفضل اجلس مشاري ابتسم وناظر فيه ببرود:.بس حنا ما بيننا كلام!! نواف:.يا مشاري اجلس الموضوع يخص عيالك جلس وكان يناظر في نواف ونظراته يحتويها كره عظيم نواف:.انت تعرف ليش اتصلت عليك مشاري وهو فاهم كل شي:.لا ما اعرف نواف:.اتصلت فيك عشان عمتي صار يضحك لدرجه الكل صار يناظر فيهم بستغراب مشاري وهو يضحك:.وانا اقول ليش متصل يعني عمتك هي ورا كل هذا نواف وهو يرص على اسنانه:.لو سمحت احترم نفسك مشاري:.اذل هي طالبه تشوف عيالها قولها تنساهم افضل لها نواف:.باخذهم هالمره حتى لو بالقوه مشاري:.وياترى بيروحون معك؟؟ نواف:.هي امهم مهما كان مشاري:.امهم اللي خلتهم وراحت نواف:.شكلك نسيت كيف كنت تعاملها مشاري بسخريه:.خلها تتحمل نتيجه اغلاطها نواف:.انا قلت اللي عندي باخذ جنى وخالد حتى لو بالقوه مشاري:.اولاً خالد مسافر برا وجنى مستحيل ترضى تشوف امها نواف:.وجنى ما بترفض طلب انا اطلبه . . . بالمانيا كانوا طالعين وجوري ماسكه بيد تركي والبرودة كانت شديده تكلمت برجفه:.خلينا ندخل نشرب شي حار تركي:.بردانه جوري هزت راسها وتركي سحبها وهو يحضنها:.ليش ما لبستي زين جوري:.لبست بس البرد هنا ما يمزح تركي ابتسم وسحبها على اقرب كوفي .. . . بعد إقناع طويل وتهديد من نواف وافق مشاري واخذه على بيتهم نزل وتوجه للبيت ودخل مع مشاري اللي كان واضح انه معصب نواف بهدوء:.ما بدخل خليها تجمع أغراضها وتجي مشاري بحده:.اسبوع واحد بس سامع؟؟ نواف:.انتظرها برا قولها لا تتاخر وطلع ومشاري شتمه بداخله وراح لجنى اما نواف طلع برا وكان ينتظرها وبعد فتره طلعت جنى وهي تركض وارتمت بحضنه:.نننووووواااففففف رغم انه ما حب حركاتها الا انه بادلها الحضن جني وهي تبتسم وتبعد عنه:.ليش ما كنت تزورني نسيتني حتى انت؟؟ نواف:.لا ما نسيتك بس تعرفين ابوك جنى:.هذا مو عذر نواف:.اول اركبي بعدين نتكلم مشت معه جنى وهي تبتسم بفرح ونواف تكلم بحده:.باقي تحسبين نفسك صغيره وين حجابك؟ جنى:.اوووف نواف ترا عمري ١٩ لسا صغيره نواف:.لا مو صغيره ابوك ما علمك انه عيب جنى:.خلاص خلاص خلينا نمشي بعدين هاوشني حرك وهو مو عاجبه طريقه لبسها ولا حتى تفكيرها . يتبع......... ـــــــــــــــــــــــــــــــــــــــــــــــــــــــــــ