كنت في عز الثبات لين شفتك وانهزمت - الفصل 85 - بقلم ريناد | روايتك

البــــــــــــــــــــ الخامس والثمانين ـــــــارت تركي ببتسامه:.وصلنا وانتي نايمه وما حبيت اصحيك جوري بإحراج:.اسفه تعبتك تركي وهو يقومها:.لا تقولين كذا انا زوجك يلا قومي غسلي وجهك وانا بطلب اكل وبعدها تاخذين العلاج وصح كلمت امك وقلت لها اننا وصلنا ابتسمت جوري بحب وسحبت نفسها للحمام "يكرم القارى" اما تركي راح يطلب اكل . . . يوم جديد وحياه مليانه فرح فتحت عيونها وهي تحس فيه يحتضنها ابتسمت وحاولت تقوم بس نواف كان ماسكها:.نواف لازم اقوم خلاص نواف:.خليني استوعب انك بين يديني حنين:.والله انا معك بس اتركني اقوم تركها وهو يبتسم:.من زمان ما نمت بهالراحه حنين:.مابي اخرب عليك فرحتك لكن عندك دوام وقف وهو يقرب منها:.ومن قالك بخليك؟ بلعت ريقها بهدوء وأبعدت عنه بس نواف حوطها وسحبها نحوه:.ليش تهربين مني دايم حركته وترتها وخلت الكلام يضيع منها:.ااء قرب لها حتى ما صار يفصل بينهم اي شي وصارت انفاسهم تضرب ببعض:.تعرفين انك احسن شي صار بحياتي وانك بتكونين اجمل ام تلون وجهها باللون الاحمر وما قدرت ترفع راسها وتناظر فيه ابتسم على خجلها وهمس:.اسوء شي سويته بحياتي اني زعلت هالعيون رفعت عيونها وناظرت فيه وانصدمت يوم طبع بوسه على عيونها وهو يبتسم رمشت بصدمه وكانت دقات قلبها تتسارع تأملها بحب:.ابعتذر لك عن كل شي حصل مني ابعتذر لاني زعلت هالملامح وكنت سبب انها تذبل من اليوم مابي اشوف هالعيون تبكي لمعت عيونها وكانت تتامل كل حرف يطلع منه قرب لها بس هي بعدت عنه بسرعه وقلبها يدق بقوه:.ب ب بروح ابي الحمام غمز لها وهو يضحك:.مصيرك تجين عندي . . . ببيت ابو نواف بعد ما رتبت شعرها لمحت الفلوس اللي كانت على الطاوله واستغربت:.مين حطها هنا!! ديما وهي ترمي بالمنشفه:.هذي لنواف شوق:.نواف؟ متى جا ديما:.هذي عطاني إياها عبدالرحمن وقال اعطيها لنواف شوق بصدمه:.وشلون!!! ديما:.يا فضيحه اسكتي وخليني افهمك انا امس كنت برا وهو جا وبالصدفة شافني وعطاني شوق:.انتي ملاحظه على نفسك ان كل كلامك صار حول هالعبدالرحمن؟ ديما:.وش اسوي هو عطاني وبعدين هو سافر شوق بسخريه:.حتى يوم تتكلمين عنه تبتسمين ديما بقهر:.خلاص عاد زودتيها ترا ما يهمني شوق:.ننتظر ونشوف . . عند نواف وحنين كانت جالسه وتفكر بام خالد ابتسمت بحزن وهي تتذكر كيف كان شكلها وهي تشكي لها وقفت وتوجهت للغرفه جابت جوالها واتصلت فيه وبعد ثواني جاها صوته:.هلا حنين حنين بهدوء:.متى يخلص دوامك فيه موضوع بتكلم لك عنه نواف وهو يطالع ساعته:.بطول شوي ليش فيك شي؟ حنين:.لا انا بخير وعادي بنتظرك حتى ترجع نواف:.متاكده مافي شي يوجعك حنين:.والله مافي شي انت بس تخلص تعال نواف:.يلا اجل فمان الله سكرت منه وكانت بتجلس بس الجرس رن ووقفت حنين وراحت تفتحت وانصدمت يوم نطوا وحضنوها ديما بلهفه:.وينك يالقاطعه حنين:.بنات خلوني اتنفس حرام عليكم بعدت عنها شوق وهي تضحك:.معليش مشتاقه لك ديما:.ولا حتى تردين على جوالك طمنيني عنك حنين بهدوء:.اول ادخلوا وارتاحوا وبعدها نتكلم ديما:.نواف هنا؟ حنين:.لا بدوامه وبيرجع بعد شوي جلسوا وبدات حنين تحكي لهم كل شي ديما بعدم استيعاب:.تصالحتوا يعني!! شوق فزت:.خلاص رجعتوا لبعض؟؟ ديما:.متى وشلون وكيف حنين بضحكه::اشفيكم انتم اهدوا . . . بالفندق عند جوري وتركي كانت تنتظره والخوف باين عليها ناظرت الساعه وتنهدت:.ياربي وين راح جلست على الكنبه وهي تحرك جوالها بيدها بتوتر وكانت تحس الوقت يمر ببطى رغم انه العكس وقفت واخذت الجاكيت وعدلت حجابها وطلعت كان تحس بقلبها يرجف هي مو متعوده تمشي لحالها طلعت من غرفه الفندق وهي تدور عليه كانت تحس بنظرات الرجال اللي كانت تتفحصها رجعت تتصل فيه بس ماكان يرد طلعت برا الفندق وصارت تمشي وعيونها تدور عليه حست أنها بعدت عن الفندق وتملكها الخوف ولمعت عيونها وفجاه حست بشي دفعها للأرض وطاحت وتوجعت ناظرت بيدها اللي انجرحت ودمعت عيونها وصارت تبكي والناس تناظر فيها انحنى الرجال ليساعدها بس جوري بعدت عنه وحاولت توقف رغم الالم اللي كانت تحس فيه ماكانت فاهمه اي كلمه من اللي يقوله بس حست انه كان يعتذر لها مسحت دموعها وناظرت باللي حولها وانصدمت بتركي اللي كان يناظرها ويبتسم بهدوء ركضت عنده وهي تبكي وارتمت بحضنه وتمسكت فيه بخوف:.ليش رحت ليش بعدها عنه وهو يمسح دموعها:.وانتي ليش طلعتي تكلمت برجفه:.انت طولت وانا خفت تركي انحنى وصار يمسح عن ملابسها التراب:.شفتي وش سويتي جوري بزعل:.كل همك ملابسي طيب ويدي؟ وقف وهو يضحك على ملامح وجهها:.اسف طال عمرك تعورتي ؟ يتبع........... ـــــــــــــــــــــــــــــــــــــــــــــــــــــــــــ