كنت في عز الثبات لين شفتك وانهزمت - الفصل 83 - بقلم ريناد | روايتك

البــــــــــــــــــــ الثالث والثمانين ـــــــارت وقفت حنين وهي محرجه وتتمنى تختفي من قدّامهم صبت له ومدت له الفنجان وكانت يدها ترجف اخذ منها الفنجال وتعمد يمسك يدها رفعت عيونها وناظرت فيه فهت تماماً بعيونه ركزت على نظراته اللي كانت تتفحصها نواف اخذ الفنجان وابتسم بنتصار وحنين حست على نفسها وبعدت عنه بسرعه ام خالد وهي ملاحظه حركات نواف:.انا بروح عند ابوك ما قصرتوا استقبلتوني ومابي اثقل عليكم كانت تسمع كلام ام خالد وعيونها تلمع والخوف تملكها يعني بتكون معه لحالها كيف تتركها وتكلمت بسرعه:.ليش بتروحين خليك معنا ابتسمت ام خالد:.لا يا بنتي مابي اثقل على احد وبعد من زمان عن اخوي حنين بغصه:.بس انتي ما ثقلتي علينا ام خالد:.مطوله على ما أسافر وبرجع اشوفكم نواف:.خذي راحتك اجلسي بالمكان اللي عاجبك ام خالد:.الله يسعدك يمه وانتبه لزوجتك نواف:.لا تخافين عليها هي بعيوني شبكت يدينها وهي تكتم نفسها كانت تتمنى تسمع غير كذا كانت تتمنى تبقى معها ام خالد هي عارفه مستحيل يسمح لها ترجع بلعت غصتها وما رفعت راسها خوفاً من انهم يحسون عليها وقفت ام خالد وراحت لغرفتها ونواف كان يناظر فيها انتبه انها تفرك يدها بتوتر ابتسم بداخله عليها مهما كبرت تبقى طفله وزعلها يبين همس بهدوء:.بودي عمتي لاهلي وما برجع لا تخافين ما بجبرك علي ومتى ما احتجتي شي اتصلي فيني وكلي زين وانتبهي لصحتك انصدمت ورفعت راسها تتاكد من صدقه:. متاكد انك ما تكذب عشان ما اروح معكم الحين؟ نواف:.ليش بكذب عليك والله ما برجع حست براحه وصدت عن نظراته اللي كانت تتاملها . . . بالسياره كان سرحان وكل تفكيره متى تتصلح علاقتهم قطع هالهدوء ام خالد:.اذا تحسبني ما فهمت انت غلطان وروحتي غصبا عني ابيك تتقرب منها وتعرف أنها مالها غيرك صحيح ان اللي صار معها كبير بس حنين تحبك نواف بصدمه:.كيف! ام خالد:.لا تخاف ما اشتكت لي بس حزنها واضح وانا جبرتها تقولي انت أوجعتها وجرحت قلبها وجرح مستحيل الايام تجبره صلح غلطتك تنهد بتعب:.وانا وش قاعد اسوي اعتذرت لها الف مره وفهمتها بس هي صارت تكرهني ام خالد:.حنين تكابر والا هي تحبك نواف ابتسم بسخريه:.انتي مو فاهمه شي ام خالد التزمت الصمت ونواف كمل كلامه:.صحيح ان كلامي كان كبير بس انا كنت مقهور ام خالد:.اجبر بقلب هالمسكينه مين لها غيرك وبعد فتره بيصير عندكم طفل نواف:.انا مابي اضايقها هالفتره لانها تعبانه ام خالد:.لا تتركها كذا علمها ان زعلها ماهو عاجبك . . . كان المكان يتملكه الهدوء وقفت وتوجهت للغرفه واخذت بطانيتها ورجعت لصاله انسدحت على الكنبه وغطت نفسها وهي تحس بالبروده تذكرت يوم مسك يدها وباسها نزلت دموعها وابتسمت وهي مشتاقه للامان اللي كانت تحسه بقربه تكابر وتوجع نفسها الف مره ولا تبين ضعفها لاحد.. . . ببيت ابو نواف دخلت ام خالد وسلمت على الكل وجلست جنب جوري اللي كانت تناظر بالباب وكأنها تنتظر احد:.خالتي وين حنين؟ ام خالد:.جلست بالبيت تقول تعبانه جوري بخوف:.ليش تخلونها دامها تعبانه عهود:.نواف بالمجلس والا رجع لها؟ ام خالد:.بالمجلس نواف لا تخافون عليها جوري بحزن:.كنت ابي اسلم عليها قبل أسافر ديما:.اكيد نواف جلسها غصب عنها ام خالد:.لا هي رفضت تجي البنت تعبانه ام نواف:.انتم وش بلاكم تقول لكم تعبانه الحرمه ديما:.اففف كنت ابيها تجي شوق:.عادي نروح لها بكرة . . بمجلس الرجال كان جالس ويفكر فيها تركي بهدوء:.وش وصلت؟ نواف انتبه على نفسه:.ها هلا تركي تركي:.ما تصالحتوا باقي؟ نواف:.وانت وش تشوف تركي:.عطها وقت وهي بترضى ان شاءالله نواف:.وهذا اللي بسويه تركي:.سمعت ان ناصر عصب يوم خذيتها نواف:.هذا لو اشوفه ممكن اذبحه تركي وهو يضحك:.وهو صادق ماخذ البنت بالقوه نواف:.لازم تعرف ان مالها غيري تركي:.مهما كان اللي صار بينكم بعد فتره بيجيكم طفل يغير كل شي نواف:.ويا خوفي تولد وهي لسا زعلانه تركي:.الله يهديها وترجع لك وترجعون احسن من اول . . . كانت تتحرك وكل مره تمسك بطنها فتحت عيونها وهي تحس بالم يزيد نزلت دموعها:.ياربي مستحيل تملكها الخوف وهي تحس بالم الولاده سحبت جوالها وهي تبكي وطلعت رقمه واتصلت فيه وبعد ثواني وصلها صوته المبحوح:.هلا حنين حنين بصراخ:.بولد تعال مابي اولد هنا بطني يوجعني نواف تعال بسرعه توسعت عيونه وفز من مكانه:.بس باقي بدري!! حنين بالم:.تعال وطاح منها الجوال وجلست على الكنب وهي تبكي . . ناظر ساعته وكانت ٩:٢٢ حرك سيارته وهو يدعي تكون بخير ومصدوم لانه بدري على ولادتها كان يحس الطريق طويل رغم انه عكس كذا رجع اخذ جواله واتصل فيها بس كان جوالها مقفل لعن نفسه مليون مره لانه تركها على راحتها . يتبع........ ـــــــــــــــــــــــــــــــــــــــــــــــــــــــــــ