كنت في عز الثبات لين شفتك وانهزمت - الفصل 76 - بقلم ريناد | روايتك

البــــــــــــــــــــ السادس والسبعين ـــــــارت قربت منهم وهي تسمع نقاشهم الحاد ديما:.بتطلع مع تركي وبيرقصون من بعض ام خالد:.وش بلاكم انتم ما عاد تستحون ما بيدخل تركي وانتهى الكلام عهود بهدوء:.لو سمحتي يا ام خالد حنا متفقين كذا ام خالد:.ماعندنا هالعوايد من وين جبتوها والا هذي عشان درست برا صارت تتعلم حركات الأجانب ديما بقهر:.هذا عرس اخوي يا عمه ياليت ما تنسين!! ام خالد:.وانا عمته وما بيدخل حنين بهدوء:.بس هذي رغبة تركي يا خاله ام خالد:.والله هذول ما يفهمون الكلام مشت وتركتهم انقهرت ديما:.هي وش دخلها اساسا ! عهود:.ما عليك بنخليه يدخل مشت حنين وتركتهم لمحت طفله تركض لبرا مشت وراها وهي تبتسم وتنادي عليها بس لاحظت انها بدات تطلع من القصر استعجلت بمشيتها وهي تحاول توصل للبنت قبل توصل لشارع ماكان فيه شي يغطيها نادت عليها بصوت عالي:.ياماما تعالي وقفي لا تروحين عندك ماكانت الطفله تلتفت حتى ركضت حنين بكل اللي تقدر عليه بس توازنها اختل بسبب الكعب وكانت راح تطيح وقبل توصل للأرض حست انها طاحت فوق جسم ضخم من الخوف ما قدرت تفتح عيونها وانفاسها تتسارع وقلبها يدق بشكل فضيع خوفاً على الطفله واللي ببطنها حط يده فوق ظهرها وهمس:.صار لك شي؟؟ فتحت عيونها بصدمه ورفعت راسها عشان تطالع فيه وانصدمت بقرب وجهه من وجهها كتمت انفاسها والدموع تنزل لخدها ونواف رجع يتكلم:.يعني عادي عندك يموت اللي ببطنك تهتمين لناس اكثر من ولدك! ما فتحت فمها بإي كلمه واحداث الماضي ترجع لها تتذكر كيف طاحت على صدره وكان اول لقاء لهم نواف وهو يطالع فيها ووجهه خالي من اي تعبير:.الطفله رجعت الحين وانتي اللي كنتي بتموتين مو هي وبعد كسرتي ظهري هالمره حاولت تقوم بس نواف مسكها:.الحين بيزفون جوري لتركي يعني بيخلص الزواج بعد ساعتين اللي ابيه تكونين جاهزه لاني باخذك نطقت بحده:.في احلامك ابتسم:.نشوف والحين لو سمحتي قومي عني ساعدت نفسها ووقفت وهي كارهه لكل شي انتبهت انه شال شماغه وقرب منها ما قدرت تتحرك وتجمدت بمكانها وهي تشوفه يحط شماغه عليها ابعد عنها نواف:.ادخلي قبل احد يشوفك جننتها ريحه عطره اللي اشتاقت لها ما تدري ليش كانت تبكي نزلت راسها وهي تبكي بصمت ونواف مشى واخذ الكعب حقها ولف:.هذا باخذه معي ما اتحمل اخسر زوجتي او ولدي بسببه شدت على يدينها وتكلمت بغصه:.ليش تسوي فيني كذا حرام عليك صدقني انا انهلكت مالي اي طاقه اتحمل ما حست بنفسها الا وهي بحضنه سحبها وحضنها بكل قوه يدري ان كلامه ما بيغير اي شي حب يوصل لها مشاعره من خلال حضنه احتواها وهي صار تبكي وسمحت لنفسها هالمره انها تعاتبه:.انا حبيتك انت والله حبيتك ليش تحرق قلبي كذا بسببك ماعدت احس بشي جرحتني بابشع طرق قولي كيف اسامحك كيف طلعت منه تنهيده طويله وتركها تقول كل اللي تبيه . . . من بعيد كانت تراقبهم وتبكي مسحت دموعها وقبل تدخل وقفت بمكانها مصدومه كان يطالع فيها بهدوء ما قدرت تتحرك ولا حتى تتكلم عبدالرحمن بهدوء:.ادخلي والا تبين كل من مر يشوفك؟؟ انقهرت من اوامره وكأنه ولي امرها:.ومين انت ! قرب منها وديما خافت وتراجعت لورا حتى ضرب ظهرها بالجدار حط يدينه قدامها وتكلم بهدوء:.قلت ادخلي والا عاجبك كل من مر شافك تعرفين كل الرجال اللي هنا كانوا يتكلمون عنك يا بنت مجيد بلعت ريقها وهي تلعن نفسها كيف وقفت قدام الباب اللي يدخلون منه الرجال وكيف ما لاحظت عليهم ناظرت فيه:.ابعد عني ولا تنسى حدودك وبعدين انا متغطية مين بيعرفني .. فهى بجمال عيونها وهو يذكر الله عليها عيونها أجبرته يناظر فيها ويتأمل ابداع الخالق دفته عنها وركضت لداخل تنفس بصعوبه وتعوذ من الشيطان ومشى . . دخلت كل وحده فيهم وكل مافي قلبها يرجف مشاعر تنولد وجروح تنجبر مالاحظت على ديما اللي كانت واقفه قدامها وحاطه يدها على قلبها ماكانت تشوف احد حركته الاخيره حركت كل ما فيها جلست على اقرب طاوله وهي تحاول تهدي من نفسها بلعت ريقها بصعوبه وفزت على صوت امها:.حنين يمه يلا حنين بتوتر:.هاه يمه ام حنين:.وش فيه وجهك محمر كذا؟ حنين لمست وجهها وابتسمت بإحراج:.ولا شي يمه ام حنين:.ادخلي عند جوري صار وقت الزفه هزت راسها ومشت وهي تحاول تنسى نواف وتهتم لجوري اللي متاكده انها خايفه .. يتبع...... ـــــــــــــــــــــــــــــــــــــــــــــــــــــــــــ