كنت في عز الثبات لين شفتك وانهزمت - الفصل 75 - بقلم ريناد | روايتك

البــــــــــــــــــــ الخامس والسبعين ـــــــارت وصلهم وحنين نزلت بشكل سريع كان الغضب باين عليها دخلت للقصر وشالت اللثمه والعبايه شافت امها متوجه لها وحاولت تكون طبيعيه:.يمه وين اختك؟ حنين ابتسمت:.دخلوها للغرفه اللي هناك ام حنين:.طيب انتبهي تطيحين يمه ابتسمت لامها وبمجرد ما راحت اختفت ابتسامتها وحل مكانها الغضب مين يحسب نفسه عشان يجبرها يعتقد انه لسا له حق فيها هو خسرها من زمان حاولت تشيله من راسها وتفرح اليوم عرس اختها توجهت للغرفه وشافتهم يساعدونها عشان تلبس الفستان الابيض ابتسمت بحب وهي تتامل جوري:.ماشاءالله قريتي على نفسك؟؟ ديما بقهر:.حنين انتي ما سمعتي وش تقول؟ حنين هزت راسها بالنفي وديما كملت:.تقول ما بتطلع قدام الناس بهالشكل !! جوري بخوف:.خايفه والله خايفه قربت منهم حنين وجلست قدامها:.ليش خايفه يا روحي؟ جوري بغصه:.ابوي مو معنا ولا في اخ يوقف قاطعتها:.نسيتي جدي؟ جوري:.كل بنت تتمنى يكون ابوها معها بيوم فرحها دمعت عيونها وهمست:.ابوي معنا وحطت يدها على قلب جوري وكملت:.هو موجود هنا لا تخافين ولا حتى تزعلين اليوم يومك يا حبيبتي حضنتها وهي تبكي وحنين رغم الاحزان اللي تتجمع عليها اكتفت بابتسامته:.لا تخربين مكياجك تكفين شوق:.خلاص جوري والله بزعل منك بتخربين كل شي ديما:.شوق انتي اجلسي مع جوري وانتي حنين تعالي معي نشوف التجهيزات وقفت معها وطلعوا . . . بقسم الرجال كان تركي جالس جنب ابوه ونواف قرب من نواف وهو يهمس:.وش سويت اليوم نواف وهو يحرك جواله بيده:.ما سويت شي ليش؟ تركي:.تضحك على مين انا اعرفك نواف:.طيب اسكت لا يسمعك ابوي تركي:.ياخي لازم تزعجها بيوم زي كذا نواف:.هي لازم تعرف ان مالها احد غيري تركي:.البنت طلبت من ابوي ما تشوفك وانت اليوم توصلهم بنفسك!! نواف بواقعية:.يا تركي هي زوجتي بالنهايه مهما كانت الخلافات انا ابو اللي ببطنها وهي زوجتي تركي بهدوء:.حاول تصبر عليها يا نواف نواف:.صبرت بما فيه الكفايه تركي يعرف انه ما بيسوي الا براسه التزم الصمت ونواف حاول يشغل نفسه بجواله . . . سلمت على الحضور وأشرفت على كل شي لفت انتباها حريم متجمعين وكانت نظراتهم مركزه عليها طنشتهم وجلست على اقرب طاوله لها وكانت تسمع كلامهم وابتسمت وهي تسمع انها محور الحديث وانها زوجه الولد الأكبر حست بالغيره وهم يوصفون كيف يتجرؤون يتغزلون فيه قدامها وكأنها ولاشي غمضت عيونه وحطت يدها على بطنها وهي تحس بالم همست بحب:.تعبت حبيبي تعبتك معي تحمل يا ماما اليوم زواج خالتك ولازم اتعب سامحني حبيبي مرت من جنبها وحده كبيره بالعمر وسلمت عليها حنين ابتسمت لها بإحراج:.معليش يا خاله بس ما عرفتك ابتسمت ام خالد:.انا عمة زوجك يمه حنين باهتمام:.تفضلي اعذريني والله ام خالد:.ماعليه يا بنتي بس وين زوجك نساني يوم تزوج ولا حتى صار يسال عني ارتبكت وحاولت تكون طبيعيه:.بخير ارتاحي جلست ام خالد وهي تتامل بطنها:.باي شهر حنين:.بالثامن ام خالد:.الله يعينك يا بنتي ويسهل عليك ارتاحت حنين لها وجلست معها فتره وكل كلامها محصور بنواف وحنين كانت تجاوب بتوتر . . . رمت الجوال وهي تحط يدها على وجهها:.ياربي شوق بخوف:.وش فيك!! جوري:.اخوك بيموتني انا خايفه وهو كل همه الفستان شوق وهي تكتم ضحكتها:.عادي تعودي اخواني قليلين حيا جوري:.بطني يا شوق احس قلبي يدق بقوه شوق:.اقري اذكارك وارتاحي كل شي بيكون عادي لا تخوفين نفسك صارت تتنفس بهدوء وتحاول تنسى الخوف اللي سيطر عليها . #يتـــــــــــــــــــــــــــبع.... ـــــــــــــــــــــــــــــــــــــــــــــــــــــــــــ