كنت في عز الثبات لين شفتك وانهزمت - الفصل 65 - بقلم ريناد | روايتك

البــــــــــــــــــــ الخامس والستين ـــــــارت رجع للبيت بس ما كلمه ابوه وقاله يجي وكان بانتظاره امه:.وينك طولت نواف:.وش فيه ابوي! ام نواف:.تعال معي فوق مشى مع امه وهو مو فاهم شي وأول ما دخل كان ابوه جالس بمكتبه وأول ما انتبه عليه أشر له يجي يجلس قدّامه جلس نواف:.وش عندك يبه ابو نواف:.انت كبير وفاهم زين وتعرف زين كيف انا ما أتراجع عن كلامي وحنين زوجتك وانا جبتك هنا عشان اقولك اني باخذ حنين عندي هنا وبتسكن هنا قام نواف وبغضب:.يبه!! انت ليش مو راضي تفهم ابو نواف:.اجلس وانتبه ترفع صوتك جلس نواف وبملل:.يبه شوف حنين انا وهي انتهت علاقتنا ليش بترجعها ابو نواف:.انا مستحيل ارضى يكبر حفيدي بعيد عنا اذا انت مجنون حنا لا والبنت بترجع برضاك والا بدونه نواف:.انتم مو فاهمين شي ام نواف بهدوء:.نواف ياولدي اسمع لابوك انا اعرف حنين زين البنت ماهي زي ما تظن ابو نواف:.وانت يا اسود الوجه مفروض ما تعامل زوجتك بهالطريقه لكن الشره ماهي عليك نواف:.انا ما برجع احد ابو نواف::بترجعها غصب اذا مو برضاك وهذا اخر كلام وبعد ما ترجع مابي اشوف وجهك بهالبيت نواف:.يعني وش قصدك!!! ابو نواف:.بتجيبها وقلعتك عندك بيت المهم مااشوفك هنا ولازم ترجعها قبل زواج اخوك وزواجه بعد اسبوع يلا قوم روح حل مشكلتك قام نواف وهو معصب ومتضايق من ابوه اللي مو راضي يفهم . . . دخلت جوري بهدوء وشافت حنين نايمه ابتسمت بهدوء وكانت بتروح تنام بس وصلتها رساله منه:.لازم اشوفك انا برا جوري طالعت بجنين وارسلت لتركي:.اختي تعبانه ونايمه ما اقدر تركي وصلتها رساله منه:.تبين اجيك انا يعني؟ جوري:.تركي لا تكون عنيد اختي تعبانه ارسل لها بإصرار:.ما بطول كلها كم كلمه تعالي سحبت نفسها من الغرفه بكل هدوء وهي تعرف عناد تركي وانه مستحيل يقتنع طلعت بهدوء وأول ما قربت من سيارته حست بيده حوطت خصرها شهقت بخوف:.تركي وجع!! حضنها ودفن وجهه بشعرها وهو يروي شوقه ولهفته لها:.معقوله ما تشتاقين لي جوري بهمس:.بعد خنقتني تركي:.لا تلوميني مشتاق لك . . وصل عبدالرحمن لبيت نواف ودخل وكان نواف جالس على الكنب وواضح انه يفكر جلس قدّامه عبدالرحمن:.عسى ما شر وش فيك بعد؟ نواف:.ابوي يا عبدالرحمن اجبرني ارجعها عبدالرحمن:.اساسا غلط تطلقها وهي حامل انت قاعد تهدم حياتك بيدك نواف:.اللي صار معي مو قليل وش تسوي اذا عرفت ان زوجتك تخونك!! عبدالرحمن:.يا نواف الكل واقف ضدك وش تسمي هالشي ؟ نواف:.هم ما يعرفون حقيقتها عبدالرحمن:.اي حقيقه الناس اذا عرفت انك طلقتها وهي حامل وش بتقول عنك!!! نواف:.ابوي يبيني ارجعها قبل زواج تركي عبدالرحمن:.بتخرب على اخوك ترا الناس تحب تتكلم نواف:.انا تعبت يا دحوم ابوي يبيني ارجعها واخليها عندهم حتى تولد وبعد قال ما بتشوفها بعمرك عبدالرحمن:.طيب كذا زين ودامك ما تبيها افضل تكون بعيد عنها وحتى طلاقك لها الحين باطل تنهد والأفكار تلعب فيه . . . جوري بعتب:.اللي سواه اخوك مو قليل تركي:.نواف مجنون ماهو صاحي والله جوري:.اختي مو راضيه تقول شي وساكته بس انا مو مصدقه انه تبرا من ولده اللي ما بعد جا للحياه تركي:.محد يعرف وش صار معهم جوري:.كنت خايفه اللي صار يفرقنا تركي:.لو فرقونا كان جيت وخطفتك جوري:.طبعا هذا اختصاصك الخطف ابتسم وهو يلعب بيدها وبعد فتره تكلم:.شوفي جوري ابوي قال الزواج بيكون بعد اسبوع جهزي نفسك جوري::بس مو كانه بدري! تركي:.لا اساسا نواف بيرجع حنين قبل زواجنا جوري بصدمه:.كيف! تركي:.هذا كلام ابوي انه حنين بترجع لنواف قبل زواجنا . يتبع......... ـــــــــــــــــــــــــــــــــــــــــــــــــــــــــــ