كنت في عز الثبات لين شفتك وانهزمت - الفصل 64 - بقلم ريناد | روايتك

البــــــــــــــــــــ الرابع والستين ـــــــارت رجع ناصر انصدم بسياره نواف اللي كانت واقفه عقد حواجبه بغضب ودخل وانصدم بديما وشوق وجوري اللي ركضوا للمجلس راح وراهم وهو يسمع صوتها يعلى دخلوا وانصدموا كانت حنين ترجف وشكلها يقطع القلب كانت تضرب صدر نواف وتبكي:.انت الخاين انت اللي ظلمتني وقذفتني انت السبب باللي قاعد يصير انت السبب بكل الالم اللي احسه كذبتني رغم اني زوجتك اتهمتني ظلم تدري وش زعلانه عليه زعلانه على قلبي اللي حبك زعلانه لاني مو قادرة اكرهك رغم إهانتك لي كان يناظر فيها بصدمه مصدوم من ردة فعلها بعدت عنه وقربت من ابو نواف:.خذ ولدك وروح من هنا كفايه عذاب صدقني مظلومه احسن من اكون ظالمه .. كانت راح تنهار بس ناصر تقدم بشكل سريع ومسكها:.ماهو انتي اللي تطيحين عندك اللي يرفعك امسحي دموعك وارفعي راسك انتي ماسويتي شي ينزل راسك ارفعيه يا بنتي ناظرت بجدها ونزلت دموعها:.الله لا يحرمني منك ناصر وعيونه مركزه على نواف:.ماهو انت اللي تهين بنتي ببيتها اطلع برا ولا تتجرأ تجي لهنا نواف:.اساسا انا طالع ابو نواف:.ناصر اسمعني ناصر:.ولا كلمه مدخل ولدك لهنا عشان يزيد حزنها وش بلاكم ما تعرفون مين ناصر ؟؟ انا امحي اي احد يفكر يزعل بناتي بكت وتمسكت فيه وكلامه يحسسها بالامان جدها اللي ماكانت تتوقعه بيوم يحن عليهم اليوم يحارب عشانه دفنت وجهها وخبته عن نواف اللي كان يناظر فيها بس ديما سحبته من يده:.نواف هذي حنين وش بلاك انت هذي الانسانه اللي تحبها ناصر بصوته الحاد:.جمع عيالك يامجيد وتوكلوا ابو نواف:.تطردنا نسيت جوري وتركي؟ حنين بعدت عن جدها ومسحت دموعها وبتعب:. لازم تخلي ولدك يستعجل لان اختي انتظرته بما فيه الكفايه ناظرت وعلاقتي ما تاثر على زواج اختي ناصر:.انتهى الحكي اطلعوا ابو نواف بحزن:.سامحيني يا بنتي ما اقصد اللي صار حنين هزت له رآسها والتعب باين عليها كانت تشوف كل شي يدور جلست على الكنب وهي تشد على قبضة يدها وابو نواف جمع عياله وطلعوا قربت منها جوري وجلست عند ركبها:.حنين تعبانه؟ حنين تكابر:.لا حبيبتي ناصر بغضب:.وانتي ليش ما دقيتي علي وقلتي ان نواف هنا؟؟ جوري كانت بتتكلم بس حنين سبقتها:.ماعليه يا جد . . . انصدم تركي من حاله نواف وصراخ ابوه وقرب منهم:.يبه شصاير !! ابو نواف وهو يدف نواف:.سودت وجهي قدّامه خليته يطردني انت وش مصنوع منه وش جنسك ام نواف وقفت بينهم:.يابونواف وش صاير ليش تقول للولد هالكلام نواف:.يمه خليه هو طول عمره كذا ابو نواف:.والله ان ترجعها والله نواف:.ماهو انا اللي تغصبني يبه!! ابو نواف:.بترجعها وانت ما تشوف الدرب نواف:.انتم مالكم علاقه هذي حياتي انا ابو نواف:.حفيدي بيكون قدامي وبترجعها وتحرم عليك شوفتها ساااامع سحب نواف نفسه وطلع من البيت وكان يتنفس بصعوبه .. . . بالسياره كان ينفث الدخان بقهر وكلام ابوه يتردد باذنه مستحيل يرجعها بس هو يعرف عناد ابوه وكيف راح يمشي كلامه تنهد بتعب وانرسم طيفها قدامه لمس خده وتذكر كيف عطته الكف وكيف كان شكلها مكسور اللي لاحظه ان بطنها كان كبير ونحفت بزياده قطع عليه تفكيره جواله اللي دق باسم دحوم وهو حقيقي كان يحتاج هالشي رد بتعب:.انا بالسياره عند ... تعال وحاول تستعجل عبدالرحمن:.ثواني وانا عندك . . . ببيت ابو نواف الكل كان متاثر باللي صار خصوصا ديما وشوق جلست عهود وتكلمت بهدوء:.ما تبون ترتاحون ديما:.كيف بنام حنين كرهت نواف ومستحيل ترجع له ام نواف:.بس اذا اخذنا الطفل بتجي بالغصب ديما بصدمه:.يمه تلوون ذراعها بولدها؟؟ ام نواف:.وهذا الأفضل لهم حتى لو اخوك مو معترف بالولد عهود:.بس لا تنسين انك ام تخيلي حد يلوي ذراعك قاطعتها ام نواف بحده:.كل اللي بسويه عشانهم ديما:.انا ضد هالشي يمه حنين كانت حيل تعبانه ام نواف:.انا مالي شغل ابوك اللي قالي هالكلام شوق:.بس وش قصد ابوي بكلامه يوم قال تحرم عليك شوفتها ام نواف:.لان البنت اذا جت ما بترضى تقعد مع اخوك ديما:.السالفه كل مالها تكبر وتتعقد . . . عبدالرحمن بلع ريقه بصعوبه من الكلام اللي يسمعه من صديقه:.اذا هي فعلا زي ما تقول ليش ما طلبت الطلاق من زمان ليش كملت معك نواف:.كانت عندي عشان تسوي اللي تبي ومحد يدري عنها عبدالرحمن:.نواف انا مو مصدق هذي زوجتك !! نواف:.كانت يا دحوم كانت الحين مافي شي يربطنا عبدالرحمن:.فكر بأمها المسكينه ترا كلام الناس ما يرحم فكر بالولد اللي ببطنها نواف:.وش يثبت انه ولدي!! عبدالرحمن أشر له يسكت:.لا تتكلم عليها قدامي رجاءً تنهد نواف وهو يرفع جواله اللي كان يدق عبدالرحمن:.رد وش فيك نواف:.هذا ابوي وعارف كلامه عبدالرحمن:.يارجال رد شوف وش عنده .. يتبع....... ـــــــــــــــــــــــــــــــــــــــــــــــــــــــــــ