كنت في عز الثبات لين شفتك وانهزمت - الفصل 63 - بقلم ريناد | روايتك

البــــــــــــــــــــ الثالث والستين ـــــــارت كان الباب يدق بقوه والجرس يرن قام نواف وفتح الباب وانصدم فيهم دخلت ديما وشوق نواف:.وش جابكم انتم؟ ديما:.امش معنا بترجع حنين نواف:.ديما انتي ما تفهمين !! ديما:.لا ما افهم يلا قوم بدل وتعال ترا ابوي مكلمني نواف:.ابوي!! ديما:.ايه ابوي بنفسه اتصل وقال نجيبك نواف:.انتم ما تفهمون شكلكم ديما:.ايه ما نفهم البس عشان بنروح عند حنين شوق:.اكيد ما ترضى تفشل ابوي !! ديما:.وانت تعرف كل شي عند ابوي الا انك تكسر كلامه نواف ببرود:.روحوا من هنا مو رايق لكم ديما:.يعني تبي تحرج ابوي صح؟؟ نواف:.ابوك اللي اختار يتفشل ديما:.ابوي راح عشانك وعشان ما تدمر حياتك تنهد ودخل لغرفته طلع له ثوب جديد وبدل وطلع وكان واضح انه معصب ابتسمت ديما بنتصار . . . ابو نواف:.انا بس طالبك تقولين لي وش اللي صار بينكم حنين كانت كاتمه عبرتها وماعندها اي كلمه تقولها ابو نواف:.اعتبريني زي ابوك والله يا بنتي ابشري باللي تبين بخليه يسوي كل شي تبينه حنين بوجع:.ابي ارتاح بس هذا اللي اطلبه ابو نواف:.بس الطلاق ماهو لعبه وانتي حامل بيكون بينكم ولد ترضين يعيش ولدك بعيد عن ابوه حنين:.انا يا عمي روحي تعبت ماعاد لي اي رغبه في ولدك القلب عافه ابي ارتاح واعيش حياتي ابو نواف:.بس لازم تفكرين بولدك ما تخافين نواف ياخذه فزت ودموعها تملى عيونها:.يموت ولا يلمس شعره منه هو تبرا منه قبل يجي للحياه هو تبلى علي وظلمني كفايه اللي صار اتركوني اشوف حياتي ابو نواف:.هدي يا بنتي وفكري بولدك ما اعرف ليش نواف قال كذا لكن المشكله سوء تفاهم ابتسمت بنكسار:.قاعد تحاول تبعد الغلط عن ولدك واكون انا الغلطانه اذا على ولدي هو ما يحتاج ابوه بقدر أعوض مكان ولدك قطع عليهم اللي دخل للمجلس بكل قوه التفت وكانت زي الصاعقه حلت عليها شوفته زادت المها وجددت جروحها رمشت بصدمه ونزلت دمعه حاره تسلسلت لخدها وسرعان ما صدت عنه وعطت ظهرها اما نواف ماكان يحسد على موقفه اشتعلت نار الغيره بقلبه وتجددت جروحه:.يبه!! ليش جيت لهنا ابو نواف:.يا قليل الخاتمه ليش داخل كذا !! نواف:.جاي اخذك لانك قاعد تسوي شي من كيفك ابو نواف:.كذا تكلم ابوك يالرخمه؟؟؟ غمض نواف عيونه يحاول يسيطر على نفسه وابو نواف كمل:.والله ان ترجعها من فوق خشمك كان كل جسمها يرجف وتتمنى يدخل جدها وتتخبى بحضنه وما تسمح لنواف يشوف ضعفها وانكسارها انصدمت وتوسعت عيونها يوم مسك يدها:.انتي اللي لاعبه برأس ابوي صح؟ تحسبين اذا سويتي كذا برجعك انتي غلطانه مو انا اللي ينغصب شكلك تبين افضحك هنا قدامهم؟ طلعت منها شهقه وحاولت تسحب يدها:.فكني أوجعتني طالع في ابوه:.شوف يبه رجعه عندي مافي هذي طلعتها من حياتي وانتظر تولد واطلقها وأرمي ورقة الطلاق بوجهها . . بعيداً عن المجلس كانت جالسه جنب شوق وشابكه يدها بتوتر:.اخاف يجي جدك ويهدم كل شي جوري:.بس حنين الحين اكيد زعلانه ديما:.ممكن يتصالحون جوري:.جدي طلع قبل شوي عشان يجيب اغراض اخاف يرجع الحين ديما:.يارب ابوي يقنعهم يارب شوق:.نسيتي شكل اخوك يوم دخل عندهم كان معصب ديما:.سامحونا جوري جينا كذا جوري:.عادي بس انا قلبي مشغول على حنين . . . طالع في ابوه:.شوف يبه رجعه عندي مافي هذي طلعتها من حياتي وانتظر تولد واطلقها وأرمي ورقة الطلاق بوجهها حنين كان قلبها يحترق من كلامه بس هالمره قوتها تبخرت لاول مره تحس ان قوتها تخذلها حاولت ما تبكي بس كلامه كان يجبرها انها تبكي ابو نواف قرب بيبعده عنها بس نواف أشر له:.لازم تسمع كل اللي صار عشان تفهم ليش ما برجعها حنين بالم:.لا نواف لا ابتسم وناظر لها:.ماتبينه يسمع اللي سويتي شوفي انا كنت بستر عليك واتركك بحالك بس الكل قاعد يلومني وهم ما يعرفون وش سويتي هزت راسها بالاعتراض:.اسكت اسكت نواف طالع ابوه:.طول هالفتره كانت تخدعني وتخوني حنين قاطعته:.لااا تجرحني اكثر من كذا كفايه الله يخليك كفايه اسكت اسكت لا تكسرني بهالطريقه نواف:.ليش ما تتحملين احد يسمع سواتك؟ حاولت تفلت منه بس كان اقوى منها:.هي ضحكت علينا كلنا بوجهها البريئ هذا وكانت تسوي علاقات من ورا ظهري وحتى تطلع لشقق مع ماكمل كلامه لانها رفعت يدها وعطته كف بكل قوتها لدرجه طبعت أصابعها على وجهه . يتبع..... ـــــــــــــــــــــــــــــــــــــــــــــــــــــــــــ