كنت في عز الثبات لين شفتك وانهزمت - الفصل 61 - بقلم ريناد | روايتك

البــــــــــــــــــــ الواحد والستين ـــــــارت عند اماني كانت تشرب قهوتها والفلوس قدامها فزت بخوف من اللي وقف قدامها:.ليش تهربين مني! اماني تراجعت لورا بخوف:.انتهى كل شي ليش بلاقي تلاحقني ابتسم وناظر فيها بخبث:.بس لسا احتاجك بشي اماني:.بس انا انهيت كل شغلي وخليتهم يفترقون تامل جسمها وهمس بمكر:.سلطان ارسل لك رساله وهي انك بتكملين معنا لنهايه اماني:.بس حرام انا ما كملت كلامها لانه مسك فكها بكل قوته:.لا تنسين وين كنتي ووين صرتي سلطان اللي رفعك من فقرك اماني:.تكفى اتركني عورتني تركها بقرف . . . بالليل وتحديداً ببيت ناصر كان الوقت متاخر والكل نايم ماعدا حنين اللي كانت واقفه قدام الشباك ودمعتها بعينها وهي تتذكر خيانه اماني وليش سوت كذا هي عمرها ما آذت احد ليش اماني خانتها وغدرت فيها لمحت شي يتحرك بين الأشجار عقدت حواجبها بخوف دق قلبها بخوف وانصدمت باللي تشوفه كانت ديما تناظر بالبيت ورفعت راسها وشافت حنين اشرت لها بيدها حنين كانت مستغربه من ديما بس نزلت لها وفتحت الباب بهدوء وطلعت وقفت قدام ديما وانصدمت يوم حضنتها:.عارفه ان فيه شي صاير بينكم بلعت حنين ريقها بصعوبه:.ديما! بعدت عنها ديما:.بتقولين لي كل شي الحين فاهمه؟ حنين:.ديما ما شفتي الساعه كم؟ كيف طلعتي.. ديما:.ما يهم الوقت دام السالفه فيها اسمك حنين:.اهلك يدرون انك جيتي لهنا . ديما:.لا تساليني اي شي انا لازم اسالك وش فيه نواف؟ حنين بخوف:.وش فيه نواف ؟ ديما:.انا قاعده اسالك وش صاير بينكم اختفيتوا وما صرنا نشوفكم زي الناس !! حنين بغصه:.خلي اخوك يقولك بنفسه ديما:.حنين نواف مو راضي يقول اي كلمه !! حنين:.اجل انا ماعندي اي شي اقوله ارجعي لبيتكم مسكت ديما بيد حنين ولاحظت بطنها:.انتي حامل!!! حنين:.ديما الله يخليك روحي وافهمي من اخوك كل شي ديما:.بكيفك ادخلي انا بجلس هنا حنين:.مو وقت عنادك ديما حنا بليل ديما:.انا قلت اللي عندي تنهدت حنين وناظرت في ديما لثواني وبعدها تكلمت بصوت يرجف:.انا وأخوك انفصلنا وانتهى كل شي وهذا كل شي لو سمحتي ديما ارجعي الوقت متاخر ديما بصدمه:.كيف انفصلتوا!! حنين:.طلقني ورجعت لاهلي ديما:.وبطنك!! انتي واضحه انك حامل ما يصير!! حنين:.روحي اسالي اخوك انا تعبت وانا اجاوب ديما:.وش اللي صار ماكنتوا كذا حنين:.ديما انا تعبانه ومالي خلق اتكلم اخوك بيشرح لك كل شي وعطت ظهرها ديما ومشت تحاول تهرب من الاحزان اللي تلحقها وتذكرها بنواف . . ببيت ابو نواف كان بغرفته منسدح ومو نايم دخلت امه وبهدوء:.نواف يمه تبغا تاكل شي؟ نواف:.مابي شي يمه ابي بس ارتاح دخل ابوه وبشك:.وين زوجتك ؟ نواف:.يبه تعبان ممكن تخلوني ارتاح ! ام نواف:.وضعك مو عاجبني قول وين حرمتك نواف:.يعني جيت لهنا تحققون معي!! ابو نواف:.جاوب على السؤال وبعدها بنخليك ترتاح نواف:.غصب هو قلت لكم ابي انام راسي بينفجر ام نواف:.خلاص بنطلع يمه وانت ارتاح وانسحبوا تماماً من المكان وبَقى نواف لحاله منظرها المكسور وانينها المرتفع وترجيها له ابداً ما راحت من باله غمض عيونه يحاول ينام بس شكلها المكسور كان ينعرض قدام عيونه دفن وجهه بالمخده وهو يترجى النوم يجيه عشان يهرب من اي شي يتعلق بحنين .. . . بالصباح وتحديداً بغرفه نواف قام على صوت الصراخ وسحب نفسه ونزل لتحت وقبل يوصل لهم قربت له ديما اللي كات تبكي وتصارخ:.ولدك المحترم الحنون طلق زوجته وهي حامل لهدرجه انت عندك قلب؟؟ ترمي زوجتك كذا سبب واحد يخليك تسوي كل هذا يا نواف سب واحد!!!! نواف يحاول يتمالك اعصابه:.مين قالك ؟؟ ديما بالم:.انت مو اخوي والله انت مو نواف اللي نعرف تخليت عن زوجتك حرمتنا من شوفتها لشهور اخرتها تطلقها وتجينا كذا ولا كانك مسوي شي!! الكل انصدم ومحد قدر يتكلم وكانوا يناظرون بنواف نواف:.ديما احترمي نفسك ولا تتدخلين بمواضيع الكبار ديما:.اي مواضيع تتكلم عنها انت دمرت حياه انسانه ودمرت طفلك معها انت بدون قلب والله قاطعها بصراخ:.قلت لك اسكتي ما تفهمين انتي!!! ديما:.ما بسكت انت لازم تتحاسب ابوي شوف ولدك شوف تربيتك شوف ولدك الكبير وش سوا رفع نواف يده بيعطيها كف بس ابوه مسك يده وبهدوء:.انا باقي عايش مامت عشان ترفع يدك عليها اذا اندفن على راسي هذاك الوقت سوي اللي تبي نواف صار يرجف من العصبيه وعروق جبينه واضح وام نواف قربت منهم:.ياولدي هدي نفسك وفهمنا كل شي اختك وش قاعده تقول كلامها صح والا لا تكلم يمه! نواف:.احتراما لها ما بذكر اي شي وايه حنا انفصلنا .. يتبع........ ـــــــــــــــــــــــــــــــــــــــــــــــــــــــــــ