كنت في عز الثبات لين شفتك وانهزمت - الفصل 57 - بقلم ريناد | روايتك

البــــــــــــــــــــ السابع والخمسين ـــــــــارت استغربت انه كان مفتوح دخلت وقلبها يدق بقوه خوفاً انه يكون هالشخص بس انصدمت يوم شافت نواف جالس وماسك راسه وعيونه على الارض حنين بخوف:.نواف فيك شي؟ رفع راسه لها وكان لون عيونه احمر من قوة الغضب والقهر اللي عاشه بالساعات اللي راحت وقف واتجه نحوها لاحظ ان عبايتها مفتوحه وشاف الفستان الابيض زادت النار اللي بقلبه وقبل تتكلم ما حست بنفسها الا وهي طايحه على الارض من قوة الكف اللي طبع على خدها ابداً ما بكت كانت بحاله صدمه رفعها وهو ماسك بشعرها تاوهت بالم:.نواف شعري كان يتنفس بقوه وعروق جبينه واضحه:.ويييين كنتي؟؟ حنين بوجع:.اترك شعري وش صار لك انت صرخ فيها بقهر:.جااااوبي وين كنتي ؟؟ حنين:.ادري اني تاخرت بس كنت قبل تكمل كلامها قاطعها وهو يعطيها الكف الثاني وقبل تطيح مسكها وهو يغرز اظافيره بخصرها رغم انها توجعت بس ما بكت كان يحس بالنيران تشب بقلبه بمجرد ما يتذكر كلام الرجال:.تبين ادفنك هنا والا تتكلمين ؟ حنين بعدم استيعاب:.تضربني عشاني تاخرت؟؟ نواف بحده:.انتي شكلك ما تفهمين تبين اصير مجرم وأذبحك وين كنتي؟؟؟ حنين:.كنت بحفله مع اماني ابتسم بسخريه:.والله؟ ماردت عليه وكانت تحاول تتخلص منه كانت تشوف انسان ثاني وكأنها شخصيه جديده لنواف ثبتها وسحبها ضربت بصدره:.اذا كذبتي صدقيني بطلقك وين كنتي للمره الثانيه اسال؟ حنين:.انت ما تفهم قلت لك مع اماني طالع بعيونها وبكل وجهها حس بنفسه مخدوع فيها رفع يده بيضربها بس وقفه صوتها:.انت نسيت اني حامل ناوي تذبح ولدي ابتسم وبقهر:.وتحسبين اني مصدق ان اللي ببطنك ولدي؟؟ توسعت عيونها بصدمه من طريقه كلامه ما قدرت ترمش من قوة الكلام اللي طلع منه:.نواف! قربها منه ومسك فكها بكل قوته:.كل هالشهور مخدوع فيك انا اللي حبيتك وعطيتك كل اللي تبينه من حب وامان تسوين فيني كذا!!! تجمعت الدموع بعيونها ولحد الحين مو مستوعبه شي نواف بقهر:.تخونيني وعندي تمثلين دور البريئه الخايفه ! انا ابي افهم شي واحد ليش رجعتي!! رجعتي تبين الموت تبين ادفنك هنناااا غمضت عيونها وصارت تبكي وتترجاه يسكت:.نواف وش هالكلام انت وش قاعد تقول اي خيانه!! نواف:.تعرفين اهنيك طلعتي متقنه دور التمثيل صح! حنين:.احترم نفسك انت شكلك شارب شي هذا مو كلام واحد صاحي انت قاعد تتهمني بشرفي !! نواف:.زين طلعتي تعرفين كلمه شرف ومعناها أوجعها قلبها من كلمته:.فهمني وش قاعد تخربط انت جنيت ونسيت اني حنين اللي تحبك ! دفها طاحت على الارض وانحنى لمستواها:.لا تلعبين كل شي صار مكشوف والحين جمعي قرفك واطلعي نزلت دموعها وارتفع انينها وتمسكت بيده:.نواف انا حنين اصحى اصحى وش اللي تقوله لي!! سحب يده:.اسمي لا تنطقينه وروحي ارجعي للقرف اللي جيتي منه وقفت وتمسكت فيه للمره الثانيه:.حرام عليك فهمني اي خيانه قاعد تتكلم عنها والله مو فاهمه شي صدقني اموت بدونك نواف اذا هذا مزح انهيه بسرعه حرام عليك انا حامل وتمزح معي كذا! صار يضحك وأبعدها عنه وبسخريه:.انا امزح معك؟؟ والله انتي محترفه بالتمثيل حيل لازم تصيرين ممثله حنين بصراخ:.وقفف كل اللي قاعد يصير ترا مزحك هذا سخيف قرب منها ومسك يدها بكل قوته:.للمره الاخيره جمعي أغراضك وانقلعي من هنا قبل ادفنك واوصخ يدي بدمك الرخيص كلامه جرحها وكسرها بس هالمره اختارت انها تتمسك فيه حست نفسها ضايعه ومو فاهمه اي شي نزلت دموعها:.خلاص كافي كافي صدقني اموت بدونك نواف وهو معطيها ظهره وقلبه يحترق:.روحي حنين:.نواف انا حنين وربي مو فاهمه شي اي خيانه واي تمثيل وش سمعت قولي لا تخليني زي المجنونه لف عليها وبصراخ:.اطلعي من هنا اطللللعي حنين:.مو على كيفك ما بطلع حتى تفهمني كل شي قرب وصار يدفها وهي ترجع لورا استمر يدفها وهي كانت مستسلمه له تماماً ودموعها بعيونها كان قهره يزيد كل ما شاف دموعها اللي اعتبرها تمثيل دفها وهالمره طاحت على الكنب ونواف مسح يده بقرف بس انصدم يوم تمسكت برجوله وهي تبكي:. لا تخلي ولدي يعيش اللي عشته لا تكون بعيد عنه وانت عايش سوي فيني اللي تبي الا انك تخلي ولدنا يضيع ابوس رجولك لا تدمرني رجيتك لا تطلقني تخلت عن كرامتها وذُلت نفسها قدّامه همست بصوت راجف:.تخليت عن كرامتي عشان حبي لك .. يتبع ............ ـــــــــــــــــــــــــــــــــــــــــــــــــــــــــــ