كنت في عز الثبات لين شفتك وانهزمت - الفصل 52 - بقلم ريناد | روايتك

البــــــــــــــــــــ الثاني والخمسين ـــــــــارت عند نواف كان يشتغل ويشوف الملفات اللي على مكتبه دق الباب بهدوء وانفتح ودخلت رفع راسه وانصدم:.تفضلي؟ اماني ابتسمت وأبعدت الطرحه عن وجهها:.انا اللي كنت عندكم ما عرفتني؟ عقد حواجبه:.امري اماني:.بصراحه انا لاحظت على زوجتك اشياء وخفت منها!! قام نواف:.وش فيها حنين! اماني جلست وكانت تناظر فيه بكل تمعن:.مثلا بالليل تصارخ ويوم جيتكم كانت ماسكه الجوال وتكلم ويوم سالتها صارت تبكي انا ما فهمت وش فيها وقبل شوي وانا راجعه من عند جارتي شفت رجال طالع من بيتك!! توسعت عيونه وانصدم:.رجال!! اماني تكلمت بسرعه:.لا تتسرع وتحكم عليها هي ممكن ما تركها تكمل كلامها وطلع من المكتب وكل تفكيره بحنين . . . ببيت ابو نواف كانت كل وحده على سريرها ابتسمت ديما:.اخيراً سوينا شي ورجعت علاقه جوري وتركي تمام والاحلى بكل ذا ان مي راحت شوق:.بنفتك منها ومن شرها ديما:.الله لا يسامحها مدري شلون امي تحبها !! . . كانت حاطه الكيس قدامها وما عندها القوه انها تشوف اللي بداخله جلست وسحبت كاسه المويه وشربتها دفعه وحده وبعدها رفعت شعرها وما تحملت وسحبت الكيس وفتحته وانصدمت كانت لعبه مشوهه واللي صدمها اكثر انها كانت لطفل حست انه يحاول يوصل لها رساله من هالحركه نزلت دموعها والخوف يتملكها ولا هي عارفه تسوي اي شي ولا حتى تعرف مين هالشخص تذكرت كلامه عن نواف ورجف كل ما فيها فجاه سمعت صوت الباب انفتح فزت بسرعه وحاولت تخبي الكيس وراها بس نواف انتبه لها:.وش اللي ورا ظهرك؟؟ حاولت تكون طبيعيه وتكلمت بهدوء:.شي ما يخصك ليش ما دقيت الباب كنت صاحيه وبفتح لك نواف ونظراته مركزه عليها:.ممكن افهم وش صاير هنا؟؟ ابتسمت وبهدوء:.وش بيصير يعني انت شفيك اليوم؟ نواف:.متاكده انك مو مخبيه عني شي؟ هزت راسها وابتسمت له ونواف ما صدقها وقبل تمر من جنبه مسك يدها وحاول يسحب الكيس بس حنين دفته عنها وبصراخ:.انت ما تفهم قلت لك شي ما يخصك وش فيك اليووووم!!! نواف:.انتي مو طبيعيه بتتكلمين والا؟ حنين:.انت اللي مو طبيعي قلت لك شي ما يخصك نواف:.مين عطاك ؟ حنين:.ممكن تخليني ارتاح ترا تعبانه نواف:.طيب ممكن افهم ليش صوتك واصل عند الجيران عقدت حواجبها وبستغراب:.اي اصوات!! نواف:.جارتك جتني للمستشفى وقالت لي كل شي وانها شافت رجال طالع من بيتي ممكن افهم؟ بان التوتر عليها وتملكها الخوف:.مين هالجاره اللي تعرف المستشفى اللي تشتغل فيه؟؟ تجاهل سؤالها وقرب منها:.ليش خايفه؟ حنين ناظرت فيه وتجمعت الدموع بعيونها:.انت وش تحاول توصل له صرخ عليها:.مين الرجال اللي كااان هنا؟؟؟ خافت من صراخه:.اي رجال تتكلم عنه انت نواف:.حنين لا تلعبين باعصابي للحين ماسك نفسي نزلت دموعها:.تشك فيني! نواف:.حنين قاعد اسالك ياليت تجاوبين أوجعها شكه وما توقعت ابداً انه يشك فيها همست بكل برود:.جدي ومشت من جنبه ونواف تنهد ورمى مفاتيحه على الارض . . آخذت جوالها وتغيرت ملامحها وردت بسرعه:.هلا؟ ابتسم على خوفها وبهدوء:.سويتي اللي قلت لك عليه؟ اماني:.ايه رحت له بالمستشفى وقلت له كل شي :.انتبهي تسوين شي بدون علمي اماني:.ما عليك انا بحاول باللي أقدر عليه اني اخرب عليهم وأخلي حنين زي المجنونه تكلم بحده:.انا ما ابغا تحاولين ابي تخربين بينهم سامعه . . بعد ما اخذت شور نشفت شعرها وجلست على سريرها واخذت جوالها ابتسمت وهي تشوف رساله منه"اطلعي برا ضروري" عقدت حواجبها وارسلت له"وش الشي الضروري؟" كان مستند على سيارته وشاف رسالتها وكتب لها"اذا جيتي بتشوفينه يلا" قامت جوري وطلعت من غرفتها لفت الطرحه على راسها وطالعت حولينها تتاكد ان امها نايمه وجدها كملت تمشي بكل هدوء وصلت للباب وفتحته وطلعت بس وقفها صوته الحاد:.على وين؟؟ تجمدت جوري وغمضت عيونها بخوف ناصر وهو يقرب لها:.ما تتكلمين يا بنت؟؟ جوري بخوف:.اءء كنت بطلع اشم شوية هوا ناصر:.وما لقيتي الا تطلعين هالساعه؟ جوري:.كنت مكتومه وحبيت اطلع ناصر:.الوقت تاخر سكري الباب وروحي نامي نفذت اوامره والحزن باين عليها دخلت لغرفتها وارسلت له"جدي ما رضى اطلع تركي بنفاذ صبر" بس انا زوجك قلتي له بروح عند تركي جوري ارسلت له"تركي تعرف جدي كيف معقد .. يتبع...... ـــــــــــــــــــــــــــــــــــــــــــــــــــــــــــ