كنت في عز الثبات لين شفتك وانهزمت - الفصل 47 - بقلم ريناد | روايتك

البــــــــــــــــــــ السابع والاربعين ــــــــارت بالليل الساعه ١:٢٢ كانت تتابع فيلم والظلام منتشر بكل البيت حضنت المخده وهي مندمجة مع الفيلم حست بحركه بالمطبخ طنشت الموضوع وكملت تتابع بس كان الصوت يزيد فزت بخوف يوم سمعت شي طاح بالمطبخ مدت يدها ومسكت جوالها وكل جسمها يرجف همست:.انا متاكده سكرت الباب بعد نواف وهو قال بيتاخر مشت بخطوات خفيفه ومدت يدها بتشغل النور بس ماكان يشتغل وطفى التلفزيون الخوف سيطر عليها وسحبت نفسها للغرفه وقفلت على نفسها وهي تسمع الأصوات تزيد فتحت جوالها وهي ترجف .. . . بالمستشفى كان نايم على مكتبه دخل عبدالرحمن ابتسم بهدوء وجلس بس نواف فز بسرعه:.متى جيت؟ عبدالرحمن:.توي الحين بس شفتك نايم وما حبيت اصحيك فيك شي تعبان ؟ نواف مسح وجهه بتعب:.مدري وش فيني هالايام عبدالرحمن:.وش يالمك؟ نواف أشر على راسه:.الصداع مو راضي يروح عبدالرحمن:.نواف والله ما يصير لازم ترتاح شوف كيف شكلك التعب واضح فيك نواف:.مشاكل يا دحوم أتعبتني عبدالرحمن:.هونها وتهون وانا خوك قوم معي انا حدي جوعان وما كليت شي ابتسم نواف:.روح دور لك على مطاعم انا بجلس هنا عبدالرحمن:.الا وش رايك نروح شقتي واطبخ من اكلي اللي يحبه قلبك يابو مجيد ابتسم نواف:.ما بخليها بخاطرك رد له الابتسامه ونواف اخذ مفاتيحه وطلع ونسى جواله وراه على المكتب وكان صامت . . تاملت النجوم وضحكت بغباء:.عيونه واسعه شوق بتسليك:.ارسميها يلا ديما:.طويل وعريض شوق:.وش بعد ديما:.صوته هيبه واهم شي عوارضه كانت مرتبه بطريقه جذابه شوق:.تلاقين ولد الناس نايم وما درى عنك ديما:.مو راضي يطلع من راسي ياربي ابتسمت شوق:.خلينا منه نبي نجيب جوري لهنا ديما:.مستحيل تجي بعد اللي سواه اخوك شوق:.فكري زين لازم نخليها تجي وتشوف تركي ديما:.تركي من يوم رجع وهو معصب ومسكر على نفسه شوق:.يا حبيبتي هي تحبنا واذا قلنا لها حفله برا بتجي ديما:.وش قصدك !! شوق:.يعني نعزمها على المزرعه ويكون هناك تركي ويلاقون بعضهم ويمكن تطفى النار اللي بينهم ابتسمت ديما ونطت بحماس:.صحيح البيت اللي بالمزرعه محد بيروح له هالفتره وفرصتنا . . كانت تتصل بس مافي فايده ماكان يرد عليها مسكت راسها:.ياربي منه وينه عن جواله جلست على السرير وحاولت تطنش كل شي تسمعه رجعت تتصل على نواف بس نفس الشي ماكان يرد غمضت عيونها:.ياربي احفظني فزت بخوف وضربت رجلها بالكنبه اللي قدامها وهي تسمع الباب يدق كتمت انينها رجع كرر حركته ودق الباب ابتسم بخبث وانحنى وحط ورقه عند الباب ودفها عندها يوم شافت الورقه صارت ترجف وتأكدت ان شخص بالبيت طالعت حولينها ودموعها تغرق وجهها حاولت تقوم ومشت بخطوات خفيفه وصلت عند الورقه ومدت يدها واخذتها كانت تنصدم بكل حرف تشوفه " الايام الجايه بتكون متعبه حاولي تحمين نفسك وطفلك واحرصي انك تخلين نواف جنبك لاني اول ما تسمح لي الفرصه بنتقم "" انهارت على الارض وهي تبكي بخوف حاولت تتنفس وسحبت نفسها حتى وصلت لجوالها اتصلت في نواف بس ماكان في اجابه غطت وجهها بيدينه وهي تبكي وكل تفكيرها انه سلطان رجع . . . بشقة عبدالرحمن قام وتوجه للمطبخ:.دحيم شفت جوالي مالقيته ؟ عبدالرحمن:.يمكن حطيته بالصاله دور عليه نواف وهو يتذكر:.ما اتذكر اني خذيته معي عبدالرحمن:.صارت الساعه ٢ خلنا ناكل بعدها روح عليه نواف وقلبه مو مرتاح:.بس زوجتي بالبيت مو متعود اخليها ابتسم عبدالرحمن:.الله يرزقني واجي اقولك زوجتي تنتظرني ابتسم نواف ورفع حواجبه:.تزوج وفرحنا وش تنتظر ؟ عبدالرحمن:.بس تجي بنت ابوها يصير خير نواف:.اجل اعذرني طولت والله مالي فيه عليك بالعافيه ونام لا تطول عبدالرحمن:.انتبه لطريق ومع السلامه . . . جلسوا قدّامه وديما شبكت يدينها بتوتر شوق وهي تاشر لها بعيونها تركي ناظر فيهم بستغراب:.وش عندكم ؟ ديما ناظرت بشوق:.شوق تبي تقولك شي توسعت عيون شوق:.انا؟؟؟ ديما:.ايه انتي تكلمي وقولي له ناظرت شوق بتركي وشافت التعب بملامحه أوجعها قلبها على حاله:.تركي بصراحه انا وديما نبي نروح للمزرعه وامي مو راضيه نروح مع السواق ولا نواف موجود عشان ياخذنا عشان قاطعها:.يعني تبوني انا أخذكم صح؟ هزت راسها ديما:.حرام تكسر بخاطري تروك تكفى ابتسم بهدوء:.وانا اقدر اكسر بخاطرك؟ ابشروا بس متى تبون اوديكم؟ ديما:.بكرا وترا بس انا وشوق .. يتبع...... ـــــــــــــــــــــــــــــــــــــــــــــــــــــــــــ