كنت في عز الثبات لين شفتك وانهزمت - الفصل 44 - بقلم ريناد | روايتك

البــــــــــــــــــــ الرابع والاربعين ــــــــارت بعد عنها وهو يمسح وجهه ناظرت فيه بنظرات كانت غربيه لنواف ومستحيل يفهمها تراجعت لورا وطلعت تركض لغرفتها دخلت وهي تحاول ما تبكي تشوف فيه حنان ابوها تشوف فيه اشياء ما شافتها بجدها حركته بمسح دموعها زلزلت قلبها وحنيته اللي أجبرتها تبكي مسحت دموعها بسرعه وسحبت عبايتها ولبستها وقفت قدامها جوري:.محد جبرك صح؟، ابتسمت حنين:.محد يجبرني وانتبهي لنفسك ولا تخلين احد يزعلك وحاولي تنسين تركي، ابتسمت جوري:.وانتي انتبهي لنفسك وللي ببطنك، . . ببيت ابو نواف قربت من غرفه مي ودقتها:.يا بنتي افتحي ابفهم ليش مقفله على نفسك؟؟، مي فزت بخوف:.ااا ابي ارتاح تعبانه، ام نواف:.طيب افتحي اشوفك وش فيك؟، مي:.تعب عادي برتاح خالتي، ام نواف:.طيب حاولي تنزلين على العشا، ونزلت لتحت شافت تركي جالس على الكنب ويشرب قهوه ام نواف بستغراب:.وش اللي معدل مزاجك كذا؟، تركي:.جهزي نفسك عرس ولدك صار قريب، ام نواف:.تصالحت انت وجوري؟، تركي:.نقدر نقول لا بس قريب، . . بالطريق كانت ملتزمه الصمت وقف نواف قدام سوبر ماركت:.وش تبين؟، حنين:.مابي شي، نواف:.متاكده، هزت راسها وهو ابتسم ومشى بعد وقت رجع وبيده كيس مليان من الشبسات وعصيرات وخرابيط حنين:.لمين كل هذا؟، نواف:.لك لمين يعني، حنين:.بس انا ماقلت ابي شي، نواف:.عادي انا جبتها وبتاكلين باذن الله، سكتت حنين ونواف حرك وكان مبتسم تمردت عيونها وراقبت ابتسامته حست بقلبها بيطلع من مكانه يوم حست فيه مسك يدها وقربها وباسها كانت بتسحب يدها بس نواف شد عليها:.خليها دام ما بتتكلمين معي بلعب بيدك، صدت عنه وقربه منها يلخبط كل شي فيها بعد فتره وقف قدام بيتهم وناظر فيها:.وصلنا، التفتت طالعت وكان بيتهم مو بيت اهله حست بالراحه انها ماراح تشوف مي ونزلت فتح الباب ودخلوا كانت حنين مشتاقه لكل شي فصخت عبايتها وجلست على الكنبه وهي تتامل زوايا البيت وكل نقطه فيه نواف حط الكيس على الطاوله ومشى للغرفه . . . وصلتها رساله"اسمعي مني لا تخلين احد يتدخل فينا صدقيني راح تخربين كل شي" تجمعت الدموع واتصلت فيه فز تركي وهو مصدوم انها دقت:.لبيه، انفجرت جوري فيه:.وش تبي تقول؟؟ وش بقى ما قلته انت كنت تشوف ان قربك لي يخليني ارجف يخليني ابكي كنت اخاف انت مو فاهم كميه الحزن اللي سببته لي كنت اجبر نفسي وأتحمل قربك عشان انسى كل شي وبالنهاية تكون انت سبب كل ذا كيف قدرت تسويها كيف!! كيف قوى قلبك انت دمرت قلبي وكسرته ارجوك ارحمني ابي الطلاق بس ابي اعيش حياتي بسلام حرام عليك ارحمني انا والله تعبت!، بلع ريقه من كلامها اللي هز قلبه:.اختاري كل شي الا الطلاق الا بعدك ابشري بكل شي الا الطلاق، نزلت دموعها وصارت تبكي بقهر تركي:.اوعدك اصلح كل شي جوري اللي شفتيه مو صح انا احبك كيف أخونك!!، كتمت قهرها:.انت اللي جيت بهذيك الليل عندي بالغرفه ؟؟ وانت اللي ارسلت هذيك الرساله؟، سكت لفتره بعدين تكلم:.ايه انا، اعتلى انينها ورمت الجوال وصارت تبكي نزل جواله وهو مقهور من نفسه وصوت بكاها يتردد باذنه دفنت وجهها جوري وسمحت لدموعها تغسل احزانها فرغت كل دمعه كانت محبوسه بعد فتره انتظمت انفاسها ونامت من تعبها . . رجع وكان لاف المنشفه على خصره رفعت عيونها ورجعت نزلتها وقلبها يهبط ويصعد من التوتر نواف ابتسم:.ماودك تعطيني شي اكله؟، مدت يدها وفتحت الكيس وعطته ابتسم وطلع الشبسات وعطاها واحد وصار ياكل حنين بتوتر:.مو بردان ليش ما بدلت؟؟، نواف بتعب:.تعبان يا حنين، ناظرت فيه بخوف:.وش فيك، نواف:.تعبان من كل شي، فزت وقربت منه حطت يدها على جبينه وكان حار حنين:.حرارتك مرتفعه لحظه بجيب الكمادات، مسك يدها وسحبها طاحت بحضنه توسعت عيونها وصار وجهها الوان وهي تشوف نفسها جالسه بحضنه نواف:.خليك قربي بس، توترت وقربه منها يخلي كل كلمه تضيع ويلخبط شعورها نزلت عيونها حست بقلبها يدق بقوه وحاولت تقوم:.ل ل لازم كمادات، نواف وهو ماسكها:.مابي كمادات، ما عرفت وش تسوي ناظرت بعيونه وما قدرت تنزل عيونها عيونه شي ثاني بالنسبه لها شي يجبرها تتاملها يجبرها تتمرد عليه اكثر واكثر عيونه تربكها نواف ببتسامه:.ليش تناظريني كذا؟، حنين بفهاوه:.عيونك حلوه مره، زادت ابتسامته وصار يضحك تفشلت وسكتت نواف سكت وهو يتامل وجهها:.وش بعد حلو فيني؟، حنين:.الحين بدال ما ترتاح قاعد تشوف وش حلو فيك نواف:.كل تعبي راح يوم جلستي قدامي رجفت يدينها وبهمس:.بديت تهلوس لان حرارتك مرتفعه توسعت عيونها بصدمه من حركته .. يتبع..... ـــــــــــــــــــــــــــــــــــــــــــــــــــــــــــ