كنت في عز الثبات لين شفتك وانهزمت - الفصل 43 - بقلم ريناد | روايتك

البــــــــــــــــــــ الثالث والاربعين ــــــــارت حنين:.قالي راح تندمين وشكله بينقلب كل شي، جوري:.لا تكونين ظالمه وش ذنب ولدك؟؟، قامت حنين ووقفت قدام الشباك واخذت نفس عميق وهي تفكر باللي ممكن يصير . . . ببيت ابو نواف جلست قدّامه وبترجي:.يبه خلي نواف يرجع حنين والله اشتقنا لها، شوق:.وعجل بزواج تركي وجوري، عهود:.اي والله كلامهم صح وانا ما حبيت مي ذي احسها كذابه وتتبلى على تركي، ابو نواف:.هذا اللي مجلسكم قدامي!، ديما ببراءه:.والله بنصير عايله فخمه اذا رجعت حنين شوق:.ايه يبه وتركي لا تخليه يطلق جوري، نزل تركي ووراه نواف قام الكل وابو نواف تكلم بأمر:.باقي هنا ؟؟امش رجع زوجتك!، رفع نواف راسه:.تكلمني؟، ابو نواف:.لا اكلم الجدار اللي جنبك !!، نواف:.ماتبي ترجع شسوي لها!!، ابو نواف:.وكلمتها فوق كلمتك؟، ديما ابتسمت وهمست بخبث:.حنين طلعت تمشيك على كيفها ، شوق:.ياحرام طلعت حنين صاحبة الكلمه، نواف وهو فاهم عليهم:.تسوون كذا عشان ارجعها!!، ابو نواف:.ايه وخل الصنم اللي جنبك يراضي زوجته والله عمايله تسود الوجه، . . بالطريق كان تركي ملتزم الصمت نواف طالع فيه وحب يغير من جو الصمت:.انت ليش متضايق ؟، تركي:.مسوي كانك ما تعرف ليش؟، نواف:.طيب هي خلاص عرفت وبعدين حبل الكذب قصير مفروض تقول لها من اول، تركي:.يا نواف انا كنت بقول لها بس مي خربت كل شي الحين جوري مستحيل تسامحني، نواف:.اهم شي لا تطلقها وتعرف ناصر مايبي بنات بنته يعني تقدر تاخذ جوري وتقنعها، تركي:.وهذا اللي بصير بجبرها على الزواج حتى تتعود علي وتنسى كل اللي صار لها، نواف:.صحيح انك غلطت بس تقدر تصلح اغلاطك، . . ببيت ناصر كانت قاعده تاكل فواكه جلس ناصر على الكنبه وعيونه عليها:.وش تكلمتي فيه انتي ونواف؟، حنين كانت تاكل وما فكرت ترفع راسها وتجاوب ناصر بقلة صبر:.بنتك هذي بتذبحني ادري انها تبي اموت، قاطعته حنين بقهر:.مابي امي تزعل ومو انا اللي افرح بموت غيري صحيح انك ما تستاهل احترمك بس هذا ، قاطعها وهو يقوم:.لسانك صار هالطول شوفي يا حنين بترجعين لبيتك براضك والا غصباً عنك، حنين:.ماني راجعه وش بتسوي يعني؟؟، كان بيروح لها بس ام حنين وقفت بينهم:.يبه حنين تعبانه هالفتره اعذرها على كلامها، ناصر:.انتي بقلعتك بس بيت جوري لا تخربينه، حنين:.لو مره كون رجال وخلك سند لنا لو مره!!، دق الباب وناصر طلع وحنين جلست وانفاسها تتسارع غمضت عيونها تحاول تهدي من النار اللي اشتعلت بصدرها قربت ام حنين ومسحت على راسها:.لا تضايقين نفسك هذا جدك ما يتغير، . . بالمجلس كانوا جالسين تكلم تركي بهدوء:.جيت ابي اعلمك اننا بنقرب موعد الزواج اذا ما عندك مانع، ابتسم ناصر:.اكيد ولو تبي خذها بدون زواج، تركي:.لا بنسوي عرس بعد اسبوع وأخذها، ناصر:.تم، نواف:.اذا ما عليك امر يا تركي ممكن تطلع عشان ابي حنين تجيني هنا، وقف تركي:.اجل بلغ جوري ورد لي خبر، ناصر:.ماعندها اعتراض، طلع تركي ونواف ناظر بناصر:.ممكن تنادي حنين، وقف ناصر:.طيب، . رجع ناصر والابتسامه مرسومه على وجهه:.قومي رجلك يبيك بالمجلس ، وقفت وبستغراب:.وش يبي!! تكلمنا امس، ناصر:.لا تكثرين حكي وقومي روحي له، حنين:.يمه مابي اروح له فهمي ابوك، ناصر:.وش تبين من امك؟ وزوجك موجود قومي روحي له قبل اعصب، ام حنين:.شوفيه يا بنتي هذا زوجك، قامت حنين وهي معصبه ومشت للمجلس ودخلت بكل قوه وناظرت فيه:.وش تبي؟، وقف نواف وابتسم بسخريه:.هذا كلامك معي؟، حنين:.لانك ماعندك كلام جاي بس عشان ، قاطعها:.جيت اخذك البسي عبايتك عشان نمشي، حنين:.ومن قالك ابي اروح!، نواف:.انا قلت لنفسي يلا قومي، حنين:.ليش ما تفهم!، قرب منها بس رجعت بخطواتها لورا وصارت ترجف تنهد بهدوء:.حنين لا تخلين صبري ينفذ، حنين وللمره المليون تضعف قدّامه نزلت راسها وصارت تبكي كانت تبكي مو منه من جدها من حياتها اللي مافيها سند لها رفعت راسها ومسحت دموعها:.طيب بمشي معك، كان يناظر بخشمها الاحمر:.ليش تبكين؟، ابتسمت بنكسار:.ما بكيت، كانت بتمشي بس نواف مد يده ومسكها وسحبها نحوه:.وهذي الدموع وش تسمينها؟، نزلت دموعها بقهر وكانت تناظر فيه رجف قلبه من دموعها اللي كانت تنزل وواضح انها من جرح كبير غمض عيونه وحنين تكلمت برجفه:.ا ا اتركني، فتح عيونه وقرب خده منها غمضت عيونها وكل جسمها يرجف مسح دموعها بخده وتكلم بصوت كله حنيه:.اقسى على الكل الا انتي ولو جبرتك على شي تراه لمصلحتك .. يتبع...... ـــــــــــــــــــــــــــــــــــــــــــــــــــــــــــ