كنت في عز الثبات لين شفتك وانهزمت - الفصل 41 - بقلم ريناد | روايتك

البــــــــــــــــــــ الواحد والاربعين ــــــــارت رجعوا بيتهم مع السواق كانت حنين تشوف الدنيا تدور بس تحملت كل شي وهي تشوف انهيار جوري دخلوا للبيت وفزت امهم وطاحت الكاسه اللي كانت بيدها:.يمه جوري وش فيكم !!، قربت جوري وارتمت بحضن امها وارتفع انينها وهمست بصوت اوجع قلوبهم:.ابي ابوي يمه أبيه يحميني احتاج ابوي الله يخليك ابي ابوي يمه أبيه يوقف معي ابيه يرد كرامتي ، حنين نزلت دموعها وصارت تبكي وقربت ولمتها امها وهي تبكي معهم ومو فاهمه اي شي جوري بغصه:.شفته معها بالغرفه لهدرجه تركي طلع حقير ماعنده قلب كيف قوى قلبه يسوي فيني كذا ا ا اءءء انا ما عمري اذيت احد ليش صار معي كذا ليش، حنين وكل قوتها تبخرت:.جوري لا تسوين بنفسك كذا صدقيني تركي ما يستاهل دمعه من عيونك، ام حنين:.يمه فهموني وش صار تركي وش فيه؟؟، حنين بكره:.يمه اللي خطف جوري هذاك اليوم هو تركي، شهقت ام حنين:.وش تقولين ؟؟، حنين:.هو السبب بكل دمعه نزلت منا، ام حنين:.بس قلتوا انه سلطان اللي خطفها!، بعدت جوري وهي تبكي بالم:.صح سلطان رجع أخذني بس اللي خطفني كان تركي صحيح انه ما سوا لي شي وما آذاني بس هو السبب ، ام حنين مسكت راسها:.يارب لطفك، حنين صارت تشوف كل شي يدور وقفت وتمسكت بالكنبه لكن توازنها اختل وطاحت مغمى عليها فزت ام حنين وهي تبكي:.يمه حنين يمه افتحي عيونك ركضت جوري تنادي جدها . . . ببيت ابو نواف كان الكل مصدوم وتركي بغرفته ماطلع وام نواف آخذت مي لغرفتها جلست ديما بصدمه:.قولي لي ان كل اللي صار كذب وأنهم مع بعض تكفين شوق، شوق:.حتى انا مثلك بس انا خفت من كلام حنين يعني هي مستعده تتخلى عن نواف، ديما:.ونواف لما همس لها وهو يبتسم وش تتوقعين قال لها ياربي ليش حياتنا كلها مشاكل، جاهم صوته الهادي:.ليش قاعدين هنا؟، فزت ديما وبفرحه:.اكيد جبت معك حنين؟، نواف بهدوء:.هي طلعت من البيت بارادتها لا تنتظرون مني ارجعها ، ديما دمعت عيونها:.بس نواف حنين زوجتك!، نواف ناظر فيهم ببرود وطلع لغرفة تركي دق الباب وبهدوء:.ممكن تفتح ابي نتفاهم!!، تركي:.ماعندي اي كلام اشرح لك فيه روح، . . بالمستشفى فتحت عيونها بصعوبه ناظرت بأمها الجالسه قربها:.يمه، فزت ام حنين:.عيون امك يا حبيبتي، حنين:.وش فيني وين انا؟؟، ام حنين مسكت يدينها بفرحه:.مبروك يا روحي بتصيرين ام انتي حامل، توسعت عيون حنين:.حامل!، ام حنين:.لازم تبلغين زوجك يمه ، دمعت عيونها وهزت راسها بالرفض:.هذا ولدي انا وانا بعتني فيه لحالي مابي اي احد حتى نواف ما احتاجه اخوه احرق قلب اختي اخوه كان بيدمر حياة اختي يمه هم خربوا حياتنا مابي نواف يعرف اني حامل ابداً، ام حنين بالم:.لا تقسين نواف ماله ذنب ، ابتسمت حنين وهمست بغصه:.وقف مع اخوه وما همه ان طلعت او بقيت تحداني اني راح اندم بس انا اللي بخليه يندم، ام حنين:.لا تحطين ولدك بينكم لا تعذبين هالطفل اللي مابعد جا للحياه، نزلت دموع حنين وحطت يدها على قلبها تخفف من وجع قلبها . . . ابو نواف:.روح رجع زوجتك خلك رجال!!، رمى نواف المعلقه اللي كانت بيده وبصراخ:.هي طلعت من هالباب هي اختارت هالشي ليش ارجعها هي ترجع ولو ما بغت احسن، عهود:.ما بي اتدخل بس هي زوجتك مين لها غيرك وانا شاكه ان حنين حامل، ناظر فيها نواف بستغراب:.كيف؟، عهود:.من يوم سافرت وهي تعبانه وبس تستفرغ يمكن تكون حامل لان كل أعراض الحمل شفتها بحنين، صد عنهم وهو يحس راسه بينفجر من التفكير شغل سيارته وحرك لبيت ناصر . . . ناصر وهو يتنفس بقوه:.انتم بتجننوني ليش بتتطلقين انتي؟؟ ولايكون انتي زيها؟، حنين:.انت ما تعرف جوري وش صار معها ومستحيل تبقى على ذمة هالحقير، ناصر:.وانتي وش جابك لهنا ارجعي بيت زوجك انتي اللي عبيتي راس اختك ، حنين:.انا قاعده عند امي مو عندك وجوري مستحيل تبقى مع واحد مثل تركي، كانت جوري تراقبهم ودموعها تتجمع بعيونها ام حنين:.يبه خلاص حنين تعبانه ومالها حيل تتكلم، قطع عليهم الباب اللي دق قام ناصر وبعد فتره رجع وناظر بحنين:.اطلعي لزوجك برا يبيك!، ام حنين بترجي:.عشاني يمه شوفي وش يبي، تنهدت حنين ووقفت بتعب سحبت طرحتها ولفتها على راسها وطلعت كان واقف ومعطيها ظهره حنين بهدوء:.وش بقى ما قلته؟، لف نواف وناظر فيها بدون ينطق باي شي حنين:.اذا عندك شي ياليت تقوله بسرعه لاني، قاطعها وهو يقرب منها:.لانك؟، حنين:.لاني تعبانه وبرتاح، ابتسم بهدوء وحاول يتملك أعصابه وتكلم بهدوء :.زين تذكرتي الحين تحطين شي على راسك، حنين انقهرت من ابتسامته:.وش قصدك؟، نواف:.قصدي انك يوم وقفتي قدام تركي نسيتي انك تحطين على راسك شي يسترك والحين تذكرتي؟، حنين بقهر:.هذا اللي جاي عشانه؟، يتبع...... ـــــــــــــــــــــــــــــــــــــــــــــــــــــــــــ