كنت في عز الثبات لين شفتك وانهزمت - الفصل 39 - بقلم ريناد | روايتك

البــــــــــــــــــــ التاسع والثلاثين ـــــــــارت مشت جوري بخطوات هاديه وفتحت الباب وطلعت كان تركي واقف قدامها شهقت وكانت بترجع لورا بس تركي مسكها وهو يضحك:.بايعه راسك انتي؟، لفت وشافت انها كانت بتصك راسها بالباب ابتسمت بإحراج وتركي مسح على شعرها ومسك بيدها وسحبها لسيارته ودخلها وحط الورد بحضنها:.ما قدرت اصبر لصباح وشفت الورد بدا يذبل قلت يمكن اذا لمسته يدينك رجعت له الحياه، جوري كان قلبها يهبط ويصعد وهي تحس بانفاسه الحاره تلفح على وجهها:. م م مشكور!، تركي بهمس:.طالعي فيني ليش منزله راسك، ماعرفت كيف تسوي وهي متاكده انها ما عندها القوه تناظر بوجهه حاولت جوري ورفعت راسها:.هاه، ابتسم غصبا عنه على تعابير وجهها:.بردانه؟، جوري بتوتر:.لا عادي، تركي وعيونه تتامل تفاصيل وجهها:.سبحانه ما اجملك تسارعت انفاسها وهي تحس بيده يمسح على خدها غمضت عيونها وكل جسمها يرجف من قربه توسعت عيون جوري وهي تحس بشفايفه تلامس خدها الناعم شهقت بخوف . . . ابو نواف بغضب:.ماشفتوا الوقت متاخر !، ام نواف ببرود:.خلهم ينبسطون!!، عهود ابتسمت ومسكت بيده:.حبيبي صح كلام ام نواف خليهم يستانسون ، ابو نواف:.بس هالبيت له نظامه، عهود:.عشاني خلاص خليهم يسوون اللي يبون، ابو نواف ابتسم:.عشانك بس، احترق قلب ام نواف وانسحبت من المكان وعهود سحبت معها ابو نواف وطلعوا لجناحهم ديما بقهر:.لهدرجه قلب امي ما يهمه!!، شوق:.ما كنت متوقعه ابوي بهالقسوه، ديما:.تعالي نشوف المسكينه حنين، شوق:.عندها نواف، ابتسمت ديما:.تعالي نزعجهم اجل مشوا لغرفة نواف وفتحوا الباب وشهقوا بصدمه كانت بحضن نواف وقاعد يمسح على شعرها فزت حنين وأبتعدت عنه ونواف تنهد:.فيه شي اسمه خصوصيه!!، ديما بفشله:.اءءءء ماكنا ندري ان الوضع كذا، نواف:.ممكن اعرف وش عندكم؟، شوق:.اشتقنا لك، نواف:.وانا اشتقت لحنين بس، ماقدرت تطالع فيه وابتسمت على خفيف ديما:.اجل نستاذن، وسحبت معها شوق حست حنين بالغثيان وما قدرت تمسك نفسها ركضت للحمام "يكرم القارئ" واستفرغت كل شي ببطنها ركض نواف لها وباهتمام:.تعبانه وما تقولين؟، حنين:.يمكن خذيت برد وارتحت الحين، نواف:.امشي اخذك للمستشفى ؟، حنين باعتراض:.مالي خلق وقلت لك مجرد برد، نواف:.متاكده انه مو حمل؟، قلب وجهها الوان وتكلمت بحده:.لا مو حمل!، نواف:.خلينا نتأكد طيب؟، حنين:.مابي انت ما تفهم قلت لك مو حمل، وطلعت وتوجهت لسرير ارتمت عليه وغمضت عيونها طلع نواف وراها ومآحب يضغط عليها .. . . شهقت بخوف ونزلت من السياره وطاح منها الورد تركي بستغراب:.جوري وش فيك!!، جوري وكل جسمها يرجف:.لازم ارجع اخاف امي، قاطعها:.ليش كل ما اقرب منك تنفرين مني!!، جوري برجفه:.اءءء انا اخاف، تركي:.تخافين مني انا؟؟، دمعت عيونها وسكتت تركي:.بس انا زوجك ليش هالخوف!!، جوري تلخبط كل شي فيها ماعندها القوه انها تقوله اللي عانت منه فضلت السكوت وتركي تنرفز منها ومشى لسيارته:.انا رايح اذا لقيتي نفسك تبين تقولين شي عندك رقمي، شغل سيارته وحرك وترك جوري وراه . يتبع...... ـــــــــــــــــــــــــــــــــــــــــــــــــــــــــــ