كنت في عز الثبات لين شفتك وانهزمت - الفصل 38 - بقلم ريناد | روايتك

البــــــــــــــــــــ الثامن والثلاثين ـــــــــارت رفع راسه لدكتوره اللي جلست قدّامه:.كل التحاليل سلميه والصداع اللي تعاني منه صداع نصفي بعطيك مهديات بحال جاك صداع تقدر تاخذها، ابتسم نواف:.مشكوره، وقام وطلع من المستشفى وشاف عبدالرحمن ينتظره فز بسرعه:.هاه كيف؟، نواف:.لا تخاف انا بخير ولازم ارجع اليوم للبيت، عبدالرحمن:.الحمدلله خليك معنا شوي ما بعد شبعت منك، نواف:.انا شبعت منك وحفظت وجهك خلاص، عبدالرحمن:.تصدق والله خفت تموت، ابتسم نواف:.مجرد تشابه بالأسماء وانا مافيني شي والله يشفيه وينزع السرطان من جسده، عبدالرحمن وهو يطبطب على ظهر نواف:.امين، . . ديما:.تبين اخلي تركي ياخذك للمستشفى ؟، مسحت دموعها:.مابي شي ابي اكون لحالي، ديما:.طيب تكفين لا تبكين والله ما احب اشوفك كذا، حنين مسحت دموعها:.ما ابكي ، ديما قامت وطلعت وحنين نزلت دموعها ومسحت خدها بعنف:.ليش ابكي ليش!! من متى انا ابكي على ناس ما تستاهل خساره فيه هالدموع، ومسحت خدها بعنف غمضت عيونها وحاولت تنام بس حست بشخص جلس على السرير وخمنت أنها ديما:.ديما قلت لك ابي اكون لحالي، ابتسم نواف وهو يتامل وجهها الشاحب واللي مبين عليه التعب:.بس انا مو ديما، رجف كل جسمها وفتحت عيونها بسرعه وما قدرت تتكلم من الصدمه كان قدامها وقريب منها فجاه لقت نفسها تبكي ممكن كانت مشتاقه له او ممكن نار الغيره احرقت قلبها نزلت راسها وبكت بصمت وكررت حركتها وشبكت يدينها اللي كانت ترجف رجف قلبه على شكلها وحلف بداخله انها طفله همس بحنيه:.ما اشتقتي لي؟، ارتفع انينها وكلمته حركت كل شي مدفون بقلبها مد يده ومسك يدها:.قولي لي ليش زعلانه؟، سحبت يدها وبغصه:.وكانك ما تعرف ليش ابكي!!، نواف:.انتي قولي لي عشان اشوف اذا اللي ببالي صح، هزت راسها بالنفي وتكلمت بعتاب:.ليش جيت ليش رجعت ليش؟؟ جاي تحرق قلبي بزواجك لايكون جبتها معك بتسوي نفس حركه ابوك؟؟ طيب بقول لك انا قلبي ضعيف والله ضعيف يا نواف ارفق بقلبي حرام عليك صدقني بموت من قهري وانا اشوفك مع غيري!!، وتسلسلت دموعها اللي كانت تحرق خدودها مسحت دموعها بس رجعت تنزل وكأنها تتحدى حنين نواف بهمس:.لا تبكين خلاص لا تبكين ، غطت وجهها بيدينها وببحه:.روح الله يخليك روح اتركني لحالي انا مابي اشوفك كفايه قسوه، . . دفنت وجهها بالمخده وتذكرت اخر موقف صار لها مع تركي اخذت نفس وعدلت جلستها شافت الوقت وكان الوقت متاخر وصلتها رساله وفتحتها "ممكن تطلعين عند الشباك شوي؟" التفت حولينها وردت عليه"لاتكون تحت ؟" تركي ارسل لها"تاكدي بنفسك" قامت جوري وقربت من الشباك وفتحته وانصدمت كان واقف وبيده ورد احمر ارتجفت من الهوا البارد اللي هفها وتكلمت بهدوء:.مجنون انت واقف تحت بالبرد؟؟، تركي:.طيب تعالي شوي بس، جوري بخوف:.مستحيل اخاف امي تقوم، تركي:.يعني تبين اجي انا؟، دق قلبها بقوه:.ما بتسويها صح؟، تركي بثقه:.ما انصحك لاني بجي اذا ما جيتي، . . ام نواف:.قوموا ناموا وش تسوون هنا ؟، ديما ابتسمت بخبث:.يمه قررت ابي اغني، ام نواف:.ابوك وزوجته نايمين انتي مجنونه؟ شايفه الساعه صارت كم؟، ديما:.والله عاد انا فيني طرب وبغني، شوق وهي تضحك:.ايه ومابغني الا بالصاله، جلست ديما عند الطاوله وصارت تطبل عليها وشوق تغني بصوت عالي انصدمت امهم من حركتهم ووقفوا كلهم على صوته الحاد:.وش قاعد يصير هنا!!، ديما تمثل البراءه:.يبه صحيت والله اسفين نسينا منكم، . . غطت وجهها بيدينها وببحه:.روح الله يخليك روح اتركني لحالي انا مابي اشوفك كفايه قسوه، انصدمت يوم سحبها لحضنه ومسح بكل حنيه على ظهرها نزلت دموعها وحاولت تدفه بس نواف كان ماسكها وتكلم:.كيف تبيني اخلي حياتي كيفانا قسيت عليك لهدف قسيت عليك عشان معاملتك لي تتغير قسيت عليك عشان تعرفين اني انسان واتغير واني لي صبر وينتهي كل كلامي كان من ورا قلبي كيف صدقتي اني كذا؟، سكتت ووقفت دموعها بعدها عنه ومسح دموعها:.انا مكتفي فيك ولا افكر اتزوج انتي حبيبتي وزوجتي وبنتي وام أولادي انتي كل شي بحياتي، حنين وهي لسا مو مستوعبه:.يعني انت ما تزوجت؟، نواف ابتسم على تعابير شكلها:.لا ما تزوجت، انقهرت ودفته عشان يبعد:.لا تضحك علي بكلامك الحلو انت كذاب بس تقول كذا شفقه، رفع حواجبه:.لا تخافين انتي الوحيده اللي ما أشفق عليها، ناظرته بحده وقامت بتروح بس نواف مسك يدها وسحبها:.مابعد شبعت منك وين رايحه!!، حنين:.مابي اقعد معاك بنفس، قاطعها وهو يسحبها ويحضنها بكل قوته اختنقت حنين وحاولت تبعده عنها بس نواف كانت اقوى ودفن وجهه بشعرها وحنين استسلمت وبادلته الحضن وهي مشتاقه حيل لامان احضانه .. يتبع...... ـــــــــــــــــــــــــــــــــــــــــــــــــــــــــــ