كنت في عز الثبات لين شفتك وانهزمت - الفصل 37 - بقلم ريناد | روايتك

البــــــــــــــــــــ السابع والثلاثين ـــــــــارت فتحت عيونها بتعب كانت بروده الغرفه عاليه قامت وهي تحس بالتعب ناظرت الساعه وانصدمت كانت ٩ استغربت من نفسها انها نامت لهالوقت تذكرت نواف وتغيرت ملامحها للحزن:.بسببك نمت وانا ابكي صرت مو مهمه بحياتك حتى ما ادري وين رحت لهدرجه مو طايقني، حاولت تطرد كل هالافكار ونزلت لتحت استغربت الهدوء ودخلت للمطبخ أخذت لها كاسه عصير وطلعت لصاله جلست وشربت من العصير كانت تحس بغثيان حطت الكاسه وركضت للحمام واستفرغت كل شي غسلت وجهها وهي تحس بحراره وجهها رجعت جلست وهي ماسكه بطنها عهود بستغراب:.تبين اساعدك؟، حنين رفعت راسها وناظرت فيها ببرود عهود:.لايكون حامل ؟؟. ناظرت بعهود بصدمه وهي خايفه يكون هالشي صدق وتكلمت بسرعه:.لا!!. عهود:.ليش خايفه عادي انتي متزوجه وهالشي طبيعي!، ما ردت على عهود وهي تفكر اذا كانت حامل كيف بيعيش ولدها بيعاني مثلها وقفت بسرعه وهي تحس بالبرد طلعت لغرفته وارتمت على السرير سحبت مخده نواف وضمتها:.تغيرت علي اذا كنت حامل فعلاً وش راح يصير بترجع علاقتنا مثل اول او بتتدهور ليش تسافر ليش!!، دفنت وجهها بمخدته واستنشقت ريحه عطره . . . بعد ما خلصوا وقفت بسرعه:.تاخرنا كم الساعه؟، تركي:.لا تستعجلين الحين بنمشي، جوري مشت معه وكانت عيونها تتمرد وتناظر فيه ركبت جنبه بالسياره وما نطقت بشي كانت تتامل السيارات والطريق وبعد مدة همست:.مشكور كان يوم حلو، تركي بنبره حب:.اهم شي انبسطتي؟، جوري:.ايه ، تركي:.وهذا اللي ابيه، . . وقف قدام بيتهم ونزلت وتركي كان يتاملها وقفت ورجعت لفت بسرعه:.ممكن تنتظر شوي؟، تركي:.ايه عادي، دخلت تركض ودخلت لغرفتها سحبت ثوبه ورجعت طلعت وقفت قدّامه وهي تتنفس بقوه:. هذا ثوبك اللي نسيته هنا، ابتسم تركي ونزل من السياره:.ليش تغسلينه عادي كنتي أرميه، جوري بعفويه:.لا ماحبيت أرميه غسلته وخليته عندي قلت اذا شفتك عطيتك زين اني تذكرت، سحبها لحضنه:.الله لا يحرمني ، دق قلبها بقوه ورجف كل جسمها من قربه . . . يوم جديد كانوا الكل متجمعين بالحديقه ابو نواف:.ما كلمك نواف يابوك؟، حنين:.لا، ابو نواف:.ماهي من عوايده وين سافر؟، حنين:.ماقال لي، ابو نواف:.غريبه، مي بسخريه:.شكلك ما تعرف ان علاقتهم مو زينه!!، ابو نواف:.وش هالكلام اللي اسمعه يا حنين؟، حنين ناظرت بمي بحده وتكلمت بهدوء:.مافي شي مي تبالغ شوي، مي وهي تحاول تقهرها:.وش ابالغ وهو حتى ماقالك وين رايح؟؟، قامت وصدت عنهم وهي متاكده لو جلست اكثر بتنفجر على مي دخلت للبيت وهي كارهه كل شي سمعت التلفون يرن استغربت والتفت حولينها ماكان فيه احد تقدمت حنين ورفعت السماعه وتجمدت بمكانها وهي تسمع صوته:.الو؟، كتمت كل شي بداخلها وسكتت نواف وهو متاكد انها هي من صوت انفاسها:.حنين؟، نزلت دموعها وصارت ترجف وما ردت عليه نواف:.ليش ساكته تكلمي جالسه تبكين؟، طلعت منها شقه وبصراخ:.اكرهك انت ماعندك رحمه اكرهك نواف اكرهك، وصارت تبكي واعتلت صوت شهقاتها بلع ريقه واوجعه قلبه عليها:.لا تبكين ممكن؟، مسحت دموعها وبغضب:.ماابكي عليك انا ابكي على كل شي بحياتي ابكي على حظي الردي ابكي على دموعي اللي تنزل بسببك ابكي لنفسي، نواف:.مابي أخبي عليك انا سافرت عشان اتزوج، اشتعلت نار بقلبها من كلمته تماسكت وهي تحس بدوخه وكلمته تتردد باذنها .. نواف:.وينك ليش سكتي؟، شدت على قضبه يدها وبغصه:.مبروك، نواف:.ليش قاعده تبكين الحين؟، حطت يدها على فمها تمنع شهقاتها كرهت نفسها لانها صارت ضعيفه قدّامه وهمست ببحه:.دموع الفرح لاني بتخلص منك، ابتسم:.ليش تكابرين؟، مسحت دموعها اللي احرقت خدها:.ما أكابر هذي الحقيقه انا كرهتك ومابي اعيش معاك، نواف تنهد:.يعني افهم انك فرحانه اني بتزوج؟، حطت يدها على قلبها وتكلمت ببرود عكس الإعصار اللي بقلبها:.ايه وبعد فرحتي اكبر من فرحتك اتمنى لك حياه سعيده بس ممكن طلب بلغ امك كفايه الصدمات اللي بحياتها، سكرت وهي ترجف وتبكي حطت يدها على قلبها وارتفع انينها:.ليش توجعني ليش هو تخلى عني هو اختار غيري هو ما يستاهل هالوجع يالله ارحمني ليش هالالم ليش، وبكت حتى حست بخدودها احترقت من دموعها الحاره حست بغثيان وقامت وهي تجر نفسها للحمام "يكرم القارى" . . . بمكان ثاني وتحديداً بالشرقيه كان يناظر جواله اطلق تنهيده وابتسم وهو يتذكر كلامها وانفاسها طلع من ثوبه الدخان واشعلها:.سامحيني بس غصب عني هالقسوه لازم يتغير طباعك سامحيني يا حنين، نفث الدخان وهو يتذكر اول يوم شافها تذكر الم ظهره وابتسم غمض عيونه وشكلها يتكون قدّامه شعرها القصير وشكلها اللي كان مبهذل كانت بالنسبه له مغريه وحركت كل شي بقلبه زادت ابتسامته وهو يتذكر رجفتها وخوفها يوم يقرب منها همس بحب:.احبك ، يتبع...... ـــــــــــــــــــــــــــــــــــــــــــــــــــــــــــ