كنت في عز الثبات لين شفتك وانهزمت - الفصل 36 - بقلم ريناد | روايتك

البــــــــــــــــــــ السادس والثلاثين ــــــــارت ديما جلست:.تخيلي يتزوج عليك صدق والله بيحترق قلبك ، حنين:.وش قاعده تخربطين، ديما:.ما شفتي شكله كيف كان معصب!!، قامت بسرعه:.ياربي انا ماكنت اقصد، ركضت لمكتب ابوه ودقت الباب نواف قام:.عن اذنك شوي، وطلع انصدم يوم شافها قدّامه ومثل البرود:.اسفه!، نواف:.مزعجتني عشان تقولين هالكلمه؟، حنين دمعت عيونها:.ماكنت اقصد ادري اني زعلتك بس نواف مسح دموعها وهمس بحده:.صبري له حدود مو كل ما زعلتي مني رحتي تتكلمين فيني عند الكل!، حنين:.نواف انا فعلاً كنت مقهوره سامحني، نواف وهو يمسح دموعها:.نتفاهم بس اخلص، ورجع دخل للمكتب وهي سحبت نفسها وطلعت للغرفه رمت نفسها على السرير وهي تفكر فيه . . وصل تركي ودخله ناصر للمجلس كان كل شي جاهز ابتسم تركي:.اقدر اطلب منك طلب؟، ناصر:.تفضل، تركي:.ابي نطلع انا وجوري نتعشا برا، ناصر بعدم رضى:.والله ما ادري، قاطعه تركي:.لا تخاف عليها هي بالنهايه زوجتي، ناصر:.خلاص بس ترجعون قبل ١٠؟، تركي:.ابشر، رفع رأسه على صوتها الناعم المبحوح:.السلام عليكم، الكل رد السلام وجوري سلمت على تركي سلام عادي وجلست جنب جدها ناصر:.جوري تركي يبيك تطلعين معه وش قلتي؟، جوري ناظرت بتركي ونزلت راسها بسرعه يوم ناظر فيها:.مدري اذا انت موافق انا ماعندي مانع، ناصر:.اجل قومي جهزي نفسك، . . نطت بسرعه وهي تشوفه داخل شبكت يدينها ببعض وهي متوتره وملاحظه تجاهل نواف حنين بربكه:.وين بتروح؟؟، نواف:.بسافر، توسعت عيونها بصدمه:.كيف!!، نواف:.بسافر وانتي اذا تبين اجلسي هنا او بوديك عند اهلك لاني مطول شوي، حنين تألمت من تجاهله:.ليش هالسفره؟؟، نواف:.عندي شغل وضروري اسافر اليوم، دمعت عيونها وضاع منها الحكي ما عرفت وش تقول التزمت الصمت كانت تناظر فيه وهو يمسح وجهه بالمنشفه وبعد ما انتهى رماها على السرير ومشى نحوها:.ما قلتي لي تبين اخذك عند اهلك؟، حنين وهي منزله راسها:.مشكور، ابتسم نواف:.اجل مع السلامه، حست بقلبها يحترق ما فكر يودعها تجمعت الدموع بعيونها وهمست بقهر:.نواف، وقف وطالع فيها:.هلا، حنين وهي تشد على يدها:.فكه، ابتسم وهو يناظر فيها لفتره وبعدها مشى انهارت على الارض وسمحت لدموعها بالنزول حطت يدها على قلبها وهي تحسه ينعصر من الالم ماكانت تبيه يروح بس تجاهله وبروده اجبرها تسوي مثله مسحت دموعها وقامت بسرعه ونزلت من الدرج وصدمت بمي وبصراخ:.وخري عني!، مي طالعت فيها بستغراب:.وجع انتي فتحي عيونك !، حنين وهي ترجف:.وين نواف وينه!، مي ابتسمت:.ودع امه وقال بيروح بيته ياخذ اغراضه ويسافر، بكت حنين بقهر ومي استغربت:.وش فيك انتي؟؟، صدت عنها وطلعت لدرج وهي تبكي . . . بسياره تركي كانوا ملتزمين الصمت وبعد فتره حب تركي يكسر هالصمت:.تبين مطعم معين؟، جوري ابتسمت:.بكيفك اي شي، تركي:.اذا تبين شي قولي، جوري:.لو ابي قلت لك هالمره على ذوقك، ابتسم ومد يده ومسك يدها:.متاكد بتدمنين هالمطعم ارتجفت من مسكته وما قدرت تسحب يدها . . ام نواف:.يمه وين حنين ما نزلت تتغدا؟، شوق:.ماادري دقيت الباب عليها بس ما فتحت، مي:.شكلها بينها شي هي وأخوك، شوق:.انا استغربت من وين طلعت هالسفره، ديما:.من بعد ماجاه هالصديق قال بيسافر، ام نواف:.يمكن بينهم خلافات بسيطه لا تخافون ولدي طايح بغرام حنين وحنين ماهي اقل منه، مي بسخريه:.ما ادري خالتي احس علاقتهم بدات تتدهور ونواف محد يعرفه كثري الله يعين حنين، عهود وقفت وابتسمت:.يوم شفتك حسبتك من بنات عبدالمجيد طلعتي بنت خالتهم، مي فهمت معنى كلامها:.والله هذا بيت خالتي ومن صغري وانا عندها، عهود:.الله يخلي لك خالتي اتمنى عندي خاله كذا، ام نواف:.يمه مي كملي اكلك ما عليك باحد، عهود وهي لسا مبتسمه:.انا ماقصدي اخذ زوجك منك بس انتي كبيره وتعرفين ان الرجال رغباته كثيره، ديما قامت وبحده:.انتي وش تبين الحين؟؟ صار زوجك خلاص بالعافيه عليك لا تحاولين تضايقين امي لانك بتلاقين كثير بوجهك فاهمه؟؟، عهود:.بسم الله عليك اكلتيني وانا ما قلت شي، ام نواف:.ديما بس خلاص!!، جلست ديما وعهود ابتسمت وراحت جلست بالصاله وكانت تراقبهم والكل متجاهلها . يتبع...... ـــــــــــــــــــــــــــــــــــــــــــــــــــــــــــ